Селекторот на аргентинската фудбалска репрезентација, Лионел Скалони, зборуваше за емоциите што ги почувствувал за време на прошталниот натпревар на Лионел Меси ноќеска против Бенин (3:0).

Триесет и деветгодишниот Аргентинец постигна гол и имаше две асистенции.

– Беше многу емотивен и во исто време тажен ден, бидејќи тој повеќе нема да го носи овој дрес. Бескрајно сме му благодарни за сè што ни даде, за начинот на кој го бранеше овој дрес, како никој друг. А за мене, беше сон да го тренирам. Денес, му го кажав тоа пред сите, иако едвај имав сила да го кажам. Мислам дека секој Аргентинец би го рекол истото. Тоа беше сон што можев да го реализирам и во ниту еден момент од мојот живот не можев да замислам дека ќе станам тренер на најдобриот фудбалер во историјата. Тој заслужуваше сè. Дваесет години беше најдобар и сè уште е. Бескрајно сме благодарни за можноста да бидеме покрај него. И затоа делумно плачевме – затоа што толку многу работи ми паднаа на памет. Ќе биде многу, многу тажно да не го видиме повторно, бидејќи ни остава неверојатно наследство. Да се ​​продолжи без него несомнено ќе биде тешко. Тој самиот рече дека она што го доживеавме во последните години не е нормално и дека може да дојдат тешки моменти. Подготвени сме да се справиме со нив. Имаме млади, нови играчи кои ќе ни дадат многу. Ќе бараме нови алатки, нови решенија, се разбира, но тоа чувство повеќе нема да постои. Значи, можноста да уживам во неговата игра беше нешто неверојатно. Сега ќе мора да продолжиме без него, и ќе продолжиме, бидејќи нема друг начин, изјави Скалони за „Оле“.

Со националниот тим, Меси освои злато на Светското првенство во 2022 година и сребро на Мундијалот во 2026 година. Има 208 настапи за Аргентина, 126 гола и 69 асистенции. Дебитираше за репрезентацијата во август 2005 година.

Македонската фудбалска репрезентација се најде на 71.место на ранг-листата на ФИФА објавена денес. Ова е пад од две места за „црвено-жолтите“ во однос на претходното рангирање.

Влошениот пласман се должи на четирите порази кои ги доживеаја македонските фудбалери во Б Лигата на Нации изминатите десетина дена.

Од нашата група Швајцарија е на 12. Место, Шкотска е 43-та, додека Словенија е на 52. место.

Во ТОП 10 светски фудбалски сили се наоѓаат: Шпанија, Аргентина, Франција, Англија, Португалија, Бразил, Мароко, Белгија, Холандија и Мексико.

Следното рангирање Светската фудбалска асоцијација ќе ги изврши на 18 ноември.

Македонија има четири порази од исто толку натпревари во Лигата на Нации, без постигнат гол и со само еден удар во рамката на голот. Вечерва во Луцерн, Македонија на крајот загуби со 3-0 од фаворитот Швајцарија.

Залудно беше добро првото полувреме на избраниците на Гоце Седлоски, дури имаа и добри две шанси, а потоа во финишот се се сруши кога по една грешка Швајцарците дадоа гол.

Очајна е серијата во 2026 година, но и покрај тоа селекторот Седлоски рече дека е борец, и тека ќе продолжи по истиот пат.

„Првото полувреме беше перфектно до голот, а во вториот дел Швајцарија не прости грешки и додје до победата. Честитки за победта, но ние во првиот дел покажавме дека можеме да играме против една такв моќна селекција. Не застанувам тука, се наоѓаме во тешка ситуација, ова се болни порази, но не се откажувам од рботата со репрезентцијата. Оптимист сум, ќе работм, ќе се борм до крај. Ни недостасува тој гол, ќе продолжиме да работиме да дојдеме до него. На овој меч беше офанзивно како никогаш до сега. Создадовме 3-4 шанси во првиот дел, но не успеавме да дадеме гол“, изјави Седлоски.

Репрезентацијата на Англија ја оствари третата последователна победа во Лигата на нациите А, група 3. На Вембли, Англија ја порази Чешка со 3-0

По „седумката“ против Хрватите во Рујевица, избраниците на Томас Тухел остварија уште една победа „со нула“, а сè започна со автогол на Цуфал во 27-та минута.

Потоа Хари Кејн ја продолжи својата серија голови погодувајќи за 2-0 во 40-та минута.

Во 57-та минута, капитенот на Англија го постигна својот втор гол (90-ти за Англија) на својот 125-ти настап за репрезентацијата, израмнувајќи го рекордот на Питер Шилтон.

Англичаните имаат три бода помалку од водечкиот тим во групата, актуелните светски шампиони, Шпанците, кои победија во Хрватска со 2-1.

По натпреварот со Швајцарија нашите фудбалери го анализираа натпреварот пр

Левиот бек, Езџан Алиоски, кој игра во швајцарскиот Лугано го апострофираше доброто прво полувреме.

„Тешко ни е по овој пораз. Покажавме дека имаме квалитет и дека можеме да играме фудбал.

Лесно е да се критикува, но селекторот им даде шанса на сите и мора да научиме каде грешевме. Сигурно е дека овој тим има квалитет, тоа го покажавме во првиот дел.

Можеме да парираме со секого. Резултатот тоа не го покажува, но грешките против ваквите селекции се казнуваат.

Не е лесно потоа да се вратиш, но важно е дека имаме верба и првите 45 минути треба да ни бидат водилка и пак

Не е лесно потоа да се вратиш, но важно е дека имаме верба и првите 45 минути треба да ни бидат водилка и пак ќе се вратиме во победнички ритам“, рече Алиоски.

Неколку клубови од Премиер лигата сакаат Манчестер сити да добие и „ретроактивни казни“ и санкции за иднината поради масовното прекршување на финансиските правила објавија британските медиуми.

Независна комисија го прогласи Манчестер сити за виновен по сите обвиненија поврзани со прекршувања на финансиските регулативи на Премиер лигата во периодот од сезоната 2009/10 до 2017/18.

Манчестер сити поднесе жалба на пресудата.

Сепак, меѓу група раководители на клубови од највисокото ниво постои консензус дека, доколку жалбата на Сити биде одбиена, санкциите треба да се однесуваат на периодот во кој клубот ги прекршувал правилата, но истовремено и да ги ограничат неговите можности во иднина.

Во најмалку четири клубови од Премиер лигата постои и став дека една единствена казна со одземање бодови, која би резултирала со испаѓање во Чемпионшип, би била недоволна со оглед на сериозноста на прекршувањата на Сити.

Постојат различни ставови околу тоа каква точно би била соодветната казна за осумкратниот шампион на Англија, кој беше прогласен за виновен за сите сериозни прекршувања на финансиските правила во остриот заклучок на независната комисија.

Репрезентацијата на Аргентина ноќеска го победи Бенин во пријателски натпревар со 3-0. Натпреварот се одигра на „Естадио Монументал“ во Буенос Аирес и привлече 85.000 гледачи.

Аргентинскиот дефанзивец Николас Отаменди го отвори резултатот во 48-та минута по корнер од напаѓачот Лионел Меси. Играчот од средниот ред Николас Паз постигна гол во 61. минута, исто така на асистенција на Меси. Десет минути подоцна, самиот Меси постигна гол, реализирајќи пенал.

Меси имаше вкупно девет удари кон голот (пет во рамките). Тој доби највисока оценка од кој било играч на натпреварот од „Flashscore“ (8-9).

Овој натпревар беше последен на Меси за националниот тим. Триесет и деветгодишниот фудбалер претходно го објави своето повлекување од репрезентацијата на Аргентина. Со националниот тим, напаѓачот освои злато на Светското првенство во 2022 година и сребро на турнирот во 2026 година.

Меси има 208 настапи за националниот тим, 126 гола и 69 асистенции. Дебитираше за тимот во август 2005 година.

Искусниот десен бек и некогашен фудбалер на Реал Мадрид Дани Карвахал не направи трансфер додека траеше трансфер пазарот, но улогата на слободен агент овозможи да биде достапен и после 1-ви септември.

ексклузивата на „Марка“ дека Карвахал ги договорил сите детали за трансфер во Хетафе, потврда за такво нешто пристигна и од претседателот на клубот, кој сега откри дека Дани веќе ги минал медицинските прегледи.

“Дани Карвахал веќе ги мина потребните медицински прегледи и договорот меѓу двете страни е постигнат. Недостасува уште бирократски да ги решиме работите. Потребно е да се договориме со Ла Лига за комплетирање на трансферот и дури тогаш се ќе биде завршено, – откри Анхел Торес.

Фудбалерот на Милан, Алексис Салемакерс, веројатно ќе мора да оди на нова операција на зглобот на ногата.

Белгискиот репрезентативец го имаше истиот проблем и пред две години кога поради скршеницата на медијалниот малеолус мораше да биде опериран.

Тоа значи дека искусниот играч ќе мора да оди на подолг процес на рехабилитација и да пропушти значителен дел од сезоната.

Фудбалската репрезентација на Македонија со уште еден пораз ја заврши октомвриската серија во Лигата на нации. Нашата репрезентација загуби со 3-0 од Швајцарија во Луцерн и остана без бодови по четирите одиграни натпревари во овој циклус.

Резултатот можеби е превисок ако се земе предвид текот на натпреварот, но Швајцарците беа максимално ефикасни во казнувањето на македонските грешки. Ридер, Манзамби и Ндоје погодија за домашниот тим, кој не блескаше, но знаеше како да го искористи секој наш пропуст.

Македонија добро го отвори натпреварот и не изгледаше инфериорно против фаворитот. Првата закана дојде од Швајцарија во десеттата минута, кога Ндоје шутираше од работ на шеснаесетникот, но Димитриевски сигурно одбрани.

Нашиот тим возврати во 20. минута. Андреј Стојчевски се најде во добра позиција и шутираше со глава, но топката заврши над голот на Мвого.
Швајцарија повторно се закани преку Сиеро во 28. минута, но неговиот удар од далечина не ја погоди целта. Две минути подоцна Ридер имаше идеална можност за погодок, но Димитриевски го спречи

Кога Македонија го држеше ритамот и изгледаше дека може да замине на пауза со позитивен резултат, следеше кобната 43. минута.

Алиоски ја врати топката кон Муслиу, но нашата одбрана не реагираше навреме. Ридер го искористи подарокот, ја одзеде топката и со сигурен удар го совлада Димитриевски за 1-0.

Јакин веднаш реагираше на почетокот на второто полувреме и ги внесе Манзамби и Јашари. Со свежината во тимот, Швајцарија доби поголема контрола, а Македонија сè потешко доаѓаше до противничкиот гол.

Во 50. минута Елведи се закани, но Димитриевски одбрани. Пет минути подоцна Јашари имаше можност да го проигра Амдуни, но акцијата пропадна поради лошото додавање.
Седлоски се обиде да промени нешто по еден час игра со влегувањето на Гаштаров и Омерагиќ. Сепак, Македонија не успеа да се врати во натпреварот.

Во 74. минута стигна вториот гол. Манзамби се одлучи на удар од околу 25 метри, а Димитриевски не успеа добро да интервенира. Топката заврши во мрежата за 2-0.

Конечниот резултат беше поставен во 81. минута. Гаштаров направи непотребна грешка пред нашиот шеснаесетник и ја загуби топката, а Ндоје немилосрдно казни за 3-0.

Во Луцерн повторно се покажа дека против вакви противници и најмалите грешки можат да бидат прескапи.