Аргентинскиот фудбалер Мауро Икарди не може без подеми и падови во приватниот живот.

Откако конечно ја прекина врската со сопругата Ванда, од која реши да се разведе, повторно влезе во романтична врска со актерката Чина Суарез.

Икарди и Суарез веќе имаа афера која за малку ќе го завршеше неговиот брак со Ванда. Потоа некако успеа да го спаси бракот, иако Ванда беше решена да се разведе.

Меѓутоа, сега кога неговиот брак со Ванда дефинитивно се распадна, Икарди повторно најде утеха кај Чина Суарез.

Тој сега ја официјализира својата врска, и ја запозна со децата, што секако ќе ја налути Ванда Нара.

„Велат најдобрите приказни почнуваат кога најмалку ги очекуваш… Кој знае… Тоа се работи на судбината… Таа судбина која секогаш наоѓа начин да зближи двајца луѓе без разлика колку време ќе помине и колку патишта мораат да преминат… Затоа што има средби кои се запишани во ѕвездите, оние што ги гледавме заедно секоја вечер од детството и сонувавме за толку многу работи… Денеска веќе не ми требаат знаци… Знам дека јас сум со тебе каде што треба“, објави Икарди покрај фотографијата на која се гушка со својата нова девојка.

Четири шпански клуба сакаат да го засилат својот тим со напаѓачот на Барселона, Ансу Фати, пишува „Спорт“.

Станува збор за Жирона, Бетис, Валенсија и Севиља. Нивната желба е да го земат играчот на позајмица.

На Каталонците, исто така, не им пречи да се разделат со офанзивниот играч, кој ретко наоѓа место во тимот на Ханси Флик.

Ансу Фати (22) има вкупно 8 натпревари од стартот на сезоната во сите натпреварувања, а на последниот меч за Суперкупот на Шпанија против Атлетик Билбао не беше ниту во групата.

Минатата сезона напаѓачот беше позајмен во Брајтон.

Шокантниот отказ на Шон Дајч во Евертон им донесе на „карамелите“ пласман во следната рунда од ФА Купот синоќа, но тој и понатаму е тема на разговор на Островот.

Последните два порази од Бурнмаут и Нотингем го чинеа отказ стручњакот кој ги запре Арсенал, Сити, Челси и беше одличен на „Гудисон“.

Навивачите беа изненадени од потегот на управата, но утринава веста дека Дејвид Мојс е блиску до враќање на клупата на тимот со кој раководеше со голем успех од 2002 до 2013 година може да објасни се. Во последниве недели, широко распространето е верувањето дека на Евертон му треба тренер кој не е одличен само во одбраната, а Мојс во Вест Хем докажа дека може да го создаде тој дефанзивно-офанзивен баланс.

Според информациите од Англија, Мојс не е единствениот кандидат да дојде на „Гудисон“, но тој е најсилен бидејќи навивачите го обожаваат. Се може да биде готово до вечерва, забележуваат медиумите, бидејќи Евертон не го отпушти Дајч без веќе да најде нов менаџер.

Ако Мојс се согласи да се врати, ќе има сериозна задача да обезбеди опстанок. Досегашната 16-та позиција со 17 бодови по 20. коло (имаат натпревар помалку) само ветува голема неизвесност во Премиер лигата.

Со одлука на Управниот одбор на Брера Струмица за нов кормилар на екипата е именуван Тони Атанасов, а помошник му е Панче Стојанов.

Покрај нив во Стручниот штаб на струмичкиот прволигаш ќе работат и Дарко Коцев како кондиционен тренер и Ѓорги Шопов како тренер на голманите.

Оваа одлука на раководството на Брера доаѓа откако спогодбено ја раскина соработкат со досегашниот тренер Горазд Михаилов.

-Тони Атанасов и Панче Стојанов се добро познати на струмичката јавност. Оставија печат како фудбалери, но и со работата во младинските погони на Академија Пандев, а сега Брера Струмица. Со својот професионален пристап ќе се обидат да извлечат максимум од првиот тим кој есенскиот дел го заврши на осмата позиција, се наведува во соопштението од клубот.

Инаку, струмичкиот прволигаш утре ги започнува подготовките за продолжението на првенството. Како што информираат од Брера Струмица, според планот ќе се работи секојдневно, а планирани се и неколку контролни средби со кои ќе се подигне нивото на екипата за првенствените и куп мечевите напролет.

Португалецот Кристијано Роналдо стана првиот играч во историјата на фудбалот кој постигнал гол во секоја од 24 последователни календарски години.

Напаѓачот на Ал-Наср го постигна својот прв гол во 2025 година против Ал-Окдуд во победата од 3-1.

Погоди од пенал по шести пат оваа сезона, со што дојде до 11 го во првенството на Саудиска Арабија.

Од 2002 година кога дебитираше во дресот на Спортинг од Лисабон, Роналдо постигна 917 гола, 782 за клубовите и 135 за репрезентацијата на Португалија.

Давиде Фратези решил да се соочи со тренерот Симоне Инѕаги и да го истакне незадоволството од минутажата која ја добива во Интер, но останал разочаран од односот на тренерот.

Актуелниот шампион во Серија А има голема конкуренција во средниот ред, а италијанскиот репрезентативец добива се помала минутажа, па незадоволството кај Фратези кулминирало и по последните натпревари во Суперкупот, кој заврши на разочарувачки начин за „нероазурите“.

Фратези решил да се соочи со Инѕаги и да му го каже своето мислење, но „Газета дело Спорт“ тврди дека добил дополнителна причина за незадоволство и тоа поради фактот што тренерот воопшто не се обидел да го премисли во обидот да бара друга средина уште во јануари.

Инѕаги бил индиферентен кон скапото засилување од пред две сезони и му ставил на знаење на Фратези дека не е во неговите планови, па сега фудбалерот сериозно размислува околу иднината, а агентите бараат солуции.

Роналд Араухо (25), уругвајски репрезентативец и централен бек на Барселона, наскоро би можел да стане играч на Јувентус. Италијанскиот гигант веќе подолго време преговара со Барселона, а каталонски „Спорт“ вчера објави дека Араухо им кажал на соиграчите дека до крајот на овој месец ќе го напушти клубот.

Араухо ја започна својата кариера во уругвајските клубови Рентистас и Бостон Ривер. Барселона го донесе во 2018 година за пет милиони евра и оттогаш одигра 151 натпревар, постигна осум гола и шест асистенции и освои три трофеи.

Прашање е само колку Барселона ќе може да заработи од овој трансфер. До пред една година, Барселона за Араухо бараше 100 милиони евра, но неговата вредност на пазарот се намали бидејќи долго време не играе поради повреда.

Италијанските медиуми тврдат дека Араухо ќе му се приклучи на Јувентус на позајмица до крајот на сезоната, но и дека Јувентус ќе има клаузула со која ќе може да го откупи неговиот договор од Барселона. Заемот би го чинел Јувентус пет милиони евра, плус четири милиони евра како дела од платата на Араухо.

Доколку челниците на Јувентус решат да го откупат договорот на Араухо, тоа би ги чинело 20 милиони евра, плус пет милиони евра потенцијални бонуси. Договорот на Араухо со Барселона истекува во летото 2026 година, што значително ја намалува неговата вредност кога се во прашање преговорите.

Шпанскиот гигант Атлетико Мадрид не е среќен со тоа што Барселона доби дозвола привремено да ги регистрира Дани Олмо и Пау Виктор, откако во претходниот период имаше проблем пораид финансиите.

Барселона ја бараше правдата на суд и доби дозвола за регистација на фудбалерите, а на ова веднаш реагираше Атлетико кој посочи дека оваа одлука ги прекршува правилата.

„Атлетико сака да изрази голема загриженост поради ситуацијата која се случи во шпанскиот фудбал поради одлуката на судот. Веруваме дека таа го загрозува нашиот систем. Без јазни и еднакви правила за сите, фер натпреварување не е возможно“, соопштија од Атлетико.

Гигантот од Мадрид имаше поддршка од Севилја и Атлетик Билбао во обидот да ја запрат Барселона за регистрацијата на Олмо и Виктор.

Неименуван фудбалер од англиската Премиер лига е обвинет за силување, јавуваат островските медиуми. Од правни причини неговото име не се открива, познато е само дека има 31 година, дека е истакнат интернационалец и има шестцифрена неделна плата. Играчот е под истрага за наводно силување на две жени и сексуално недолично однесување во врска со трета жена.

Прво бил приведен во јули 2022 година, тогаш бил ослободен со кауција и продолжил непречено да игра за својот клуб.

Метрополитен полицијата сега предаде „целосно досие“ со докази за фудбалерот обвинет за силување до Кралското обвинитеслтво.

„Гардијан“ уште во јули 2022 година објави дека клубот бил запознаен со она што се случило есента 2021 година.

„Целосното досие е предадено на Кралската обвинителска служба (КПС) и детективите продолжуваат да работат со обвинителите“, се вели во соопштението.

Манчестер Сити е се поблиску до потписот на узбекистанскиот репрезентативец, Абдукодир Хусанов.

Според одредени наводи, „граѓаните“ доставија официјална понуда за дефанзивецот на Ленс во висина од 50 милиони евра.

Самиот фудбалер не крие дека сака да работи под диригентската палка на Пеп Гвардиола. Хусанов во сезонава има одиграно 16 натпревари.