Контроверзниот гол на Џуд Белингем против Норвешка во четвртфиналето на Светското првенство и понатаму е една од главните теми во светската фудбалска јавност.

Иако ФИФА соопшти дека топката не го допрела кабелот на камерата поставена над теренот, голем број фудбалски експерти и поранешни судии продолжија да ја оспоруваат одлуката погодокот на Англија да биде признаен.

Помеѓу оние што критикуваат е и поранешниот судија Марк Клатенбург, кој смета дека спорната ситуација морала детално да биде разгледана преку ВАР.

„Доколку топката го допрела кабелот на камерата, играта мораше веднаш да биде прекината, а натпреварот да продолжи со спуштање на топката. Тоа е јасно пропишано во Правилата на играта. Бидејќи голот беше постигнат во истата напаѓачка акција, ВАР имаше право да интервенира и да ја провери целата ситуација“, изјави Клатенбург во својата анализа за „Фокс спортс“.

Според правилата на ИФАБ, секој контакт на топката со надворешен објект над теренот, вклучително и каблите на системот „спајдер-камера“, налага прекин на играта. Токму поради тоа, бројни аналитичари сметаат дека погодокот на Белингем требало да биде поништен доколку навистина дошло до таков контакт.

Диего Форлан е новиот привремен селектор на репрезентацијата на Уругвај. Тој го наследува Марсело Биелса, кој ја напушти функцијата по неуспехот на Мундијалот.

Веста ја потврди Игнасио Алонсо, претседател на Уругвајската фудбалска асоцијација, кој откри дека поранешниот напаѓач ќе остане на чело на тимот до март во 2027 година.

Одлуката за времено назначување на Форлан е поврзана со претстојните избори во локалната федерација.

Бернардо Силва проговори за испаѓањето на Португалија од Светското првенство во САД, Канада и Мексико.

„Разочарувачки Светско првенство и голема тага што заврши толку порано отколку што сите замислувавме.

Отсекогаш било и ќе биде голема гордост да ја претставуваме нашата репрезентација. Ви благодариме на сите Португалци за поддршката што ни ја дадовте“, напиша Силва.

Фудбалската федерација на Сенегал соопшти дека го отпушти селекторот Папа Тиав. Репрезентацијата на Сенегал настапот на Мундијалот го заврши во 1/16 финалето по поразот од Белгија со 2-3, иако имаа предност од 2-0 до самиот крај на натпреварот.

Во образложението е наведено дека одлуката е донесена во интерес на фудбалот на Сенегал.

Тјав беше селектор на Сенегал и во финалето на Африканскиот куп на нациите, кога репрезентацијата на Сенегал го напушти теренот, па се врати и победи. Сепак подоцна Африканската фудбалска асоцијација им ја одзема титулата.

Никола Васиљ ја заврши својата епизода во германскиот фудбал и кариерата ќе ја продолжи во Саудиска Арабија.

Репрезентативниот голман на Босна и Херцеговина постигнал договор со Ал Диријах, нов член на саудиската Про лига, каде што ќе потпише двегодишен договор. Одлуката доаѓа по испаѓањето на Сент Паули од Бундеслигата и разделбата со германскиот клуб.

Триесетгодишниот Васиљ го носеше дресот на Сент Паули од 2021 година, кога пристигна од украинска Зорја, а во тој период се наметна како еден од клучните играчи на тимот.

Во дресот на репрезентацијата на Босна и Херцеговина има 30 настапи, а беше стандарден меѓу стативите и на Светското првенство, каде што настапи на сите четири средби

Челзи стапил во контакт со Реал Мадрид за евентуален трансфер на играчот од средниот ред Едуардо Камавинга , пренесува Ел Национал.

Според извор, тренерот на Челзи, Чаби Алонсо, е заинтересиран да го потпише 23-годишникот. „Трансфермаркт“ го проценува играчот на 50 милиони евра; шпанскиот клуб е подготвен да разгледа понуда од 80 милиони евра. Конечната одлука за трансферот ќе зависи од самиот играч од средниот ред.

Во сезоната 2025/2026, Камавинга одигра 43 натпревари во сите натпреварувања, постигнувајќи два гола и задавајќи една асистенција. Неговиот договор со мадридскиот клуб е до 30 јуни 2029 година.

Феран Торес би можел да биде еден од најзвучните трансфери ова лето, откако шпанските и француските медиуми објавија дека Пари Сен Жермен сериозно работи на негов ангажман.

Се споменува сума од околу 50 милиони евра.

За трансферот известуваат шпанскиот „Мундо Депортиво“ и францускиот „L’Екип“ кои укажуваат дека меѓу клубовите се водат сериозни разговори.

Во меѓувреме, Барселона веќе работи на реконструкција на напаѓачката линија. Каталонскиот клуб го обезбеди трансферот на Ентони Гордон од Њукасл, додека преговорите за Карим Адејеми од Борусија Дортмунд се во завршна фаза.

За првпат во историјата на Светското првенство, четирите репрезентации рангирани на првите четири позиции од страна на Меѓународната федерација на фудбалски асоцијации ( ФИФА ) се пласираа во полуфиналето. Најновотп официјално рангирања е од 11 јуни на самиот старт на ова СП.

Во првото од полуфиналните средби, Франција, која е на чело на табелата, ќе игра против Шпанија, која е на третото место.

Во второто полуфинале, Аргентина, која е на второто место, ќе игра против Англија, која е на четвртото место на ФИФА ранглистата.

Стартот на шпанското првенство е закажано за 15 август, но јасно е дека половина од натпреварите од првото коло ќе бидат одложени и ќе се играат во други термини. Причината е тоа што голем број фудбалери настапуваат на Светското првенство и по завршувањето на Мундијалот имаат право на три неделна пауза пред да се вратат на клупските обврски.

Сигурно ќе бидат одложени натпреварите: Барселона – Атлетик Билбао, Реал Мадрид – Реал Сосиедад, Селта – Осасуна и Атлетико Мадрид – Малага. Во зависност од исходот на дуелот Аргентина – Швајцарија можно е одложување и на дуелот Валенсија – Реал Бетис или Севиља – Рајо Ваљекано.

Можно е во првото коло да бидат одиграни пет натпревари.

По 120 минути борба Англија ја победи Норвешка со 2-1 и се пласираше во полуфиналето на Светското првенство, двата погодоци на Англичаните беа дело на Џуд Белингем.

Во првиот половина час од натпреварот речиси и да не видовме ништо. Резултатот беше отворен во 36. минута кога Шјелдеруп постигна гол за водство на Норвешка од 1-0.

Пред самиот крај на првиот дел, Белингем прифати една топка од Гордон, се избори за позиција и постигна гол за израмнување на 1-1.

По 10 минути игра во вториот дел Норвешка пак се израдува на гол, но погодокот на Хегем беше поништен поради фаул од Халанд во шеснаесетникот.

Немаше друг гол во вториот дел, по 90 минути игра резултатот остана 1-1, мечот отиде во две продолженија од по 15 минути.

Во 93. минута Белингем начека една одбиена топка од норвешкиот голман и ја смести во неговата мрежа за водство на Англија од 1-0.

Брзо потоа беше досуден пенал за Англичаните, но по прегледување на снимката, Турпан го поништи пеналот.

Момците на Тухел успеаа да го одржат водството до последниот судиски свиреж и да се израдуваат на пласман меѓу четирите најдобри на Мундијалот.