Глазгов Ренџерс со 1-0 го победи Сент Мирен во меч од шкотската лига, херој беше нашиот Бојан Миовски кој го постигна единствениот гол.

Миовски во игра влезе во 78. минута и тоа на крајот се покажа како клучно за победата.

Во 91. минута по асистенција од Надери, Миовски со прекрасен лоб удар постигна гол за водство од 1-0 кое значеше и победа за Ренџерс.

Михајло Мудрик во Тотенхем по еден настап во новиот клуб заработи повреда и сега е најавено негово отсуство од околу два месеца.

Украинецот заработи повреда на зглобот на ногата за време на тренинг и ќе мора долго да паузира во наредниот период.

Тоа значи дека Мудрик ќе ги пропушти сите натпревари во пресрет на паузата за настап на репрезентациите, односно нема да биде во комбинација за дуелите со Евертон, Ливерпул и Астон Вила.

Репрезентацијата на Курасао на холанѓанецот Дик Адвокат и му даде нов договор.

Адвокат има полни 79 години но на инсистирање на федерацијата на Курасао, тој и натаму ќе биде нивен кормилар.

Па така, бидејќи договорот секако ќе е повеќегодишен тој ќе биде селектор и во деветтата деценија од животот.

Наскоро оваа селекција ја стартува Конкакаф Лигата на Нации со Костарика, Никарагва и тринидад и Тобаго.

Актуелниот бранител на тронот во Лигата на Шампионите, ПСЖ, имаше импресивен старт на новата сезона.

Французите вчера на домашен терен го совладаа составот на Слован Братислава со убедливи 6-1 . Тоа предизвика задоволство кај тренерот, Луис Енрике.

„Направивме одлична работа, одигравме многу добар натпревар. Атмосферата на „Паркот на принцовите“ во Лигата на шампионите секогаш е неверојатна, но денеска беше посебна“, вели Енрике.

Вториот ден од првото коло, во Лигата на шампионите, започна со убедливите победи на Барселона и Штутгарт, во дуелите со Феенорд односно Викинг.

Барселона лесно се справи со Феенорд, победата ја обезбеди во првото полувреме, кога брилијантни голови постигнаа Рафиња во третата и Адејеми во 22-та минута.

Серијата голови во второто полувреме ја отвори Рафиња во 57-та минута, 20 минути подоцна Јамал го постигна четвртиот гол, Сем Стејн намали во 82-та, а три минути подцна со својот прв гол во дресот на Барселона, Габриел Жесус ги постави конечните 5-1.

Во вториот натпревар, Штутгарт го победи Викинг со 3-1, а апсолутен херој на германскиот претставник беше Ермедин Демировиќ.

Репрезентативецот на Босна и Херцеговина постигна хет-трик за само 12 минути. Тој ја затресе мрежата на норвешкиот шампион во 20-та, 26-тата и 32-та минута, додека единствениот гол за Викинг го постигна Златко Трипиќ во 22-та минута.

Демировиќ стана првиот играч на Штутгарт кој постигна хет-трик во Лигата на шампионите. Во исто време, тој го постигна и првиот хет-трик во новата сезона од елитното натпреварување.

Ливерпул и Спортигн по пресврт славеа против Атлетико Мадрид, односно Галтасарај, европскиот првак го декласира Слован од Братислава, а Арсенал постигна само еден гол во Неапол за три бода против Наполи.

Маркос Љоренте продолжи да го малтретира Ливерпул, но исто како и минатата сезона, Атлетико загуби на „Енфилд“. Љоренте постигна гол во 17-та минута, му додавањето од Алварез. За сега веќе поранешниот шпански репрезентативец, ова беше петтиот гол, во третиот меч против Ливерпул на „Енфилд“. Во кариерата Љоренте има постигнато вкупно осум гола во Лигата на шампионите.

Ливерпул одговори во 40-та минута преку Собослај, а голот за победа го постигна Мекалистер во 50-та минута.

Арсенал доминишраше во Неапол, но иницијативата успеа да ја круниса со гол дури во 75-та минута, кога Едегор го совлада Милинковиќ-Савиќ.

ПСЖ покажа сила против аусајдерот, Слован. Европскиот првак победи со 6:1, хет-трик постигна Феран Торес, два гола запиша Дембеле, а еден Фабија Руиз.

Управниот одбор на Фудбалската федерација на Македонија донесе одлука Дејан Јакимовски да биде избран за претседател на Судискиот одбор на ФФМ, наследувајќи го досегашниот претседател Божиновски. Емил Божиновски поради лични причини се повлекува од функцијата претседател на Судискиот одбор на Фудбалската федерација на Македонија.

Божиновски, сепак, останува дел од судиското тело во рамки на Федерацијата и продолжува да придонесува со своето долгогодишно искуство во развојот и унапредувањето на судењето во македонскиот фудбал.

Јакимовски има долгогодишно домашно и меѓународно искуство како судија, со повеќе од 500 натпревари во Првата и Втората МФЛ и над 110 меѓународни натпревари како ФИФА судија. Во својата досегашна работа беше член на Судискиот одбор, УЕФА контролор, како и ВАР менаџер и проектен лидер при имплементацијата на ВАР технологијата во македонскиот фудбал.

Управниот одбор на ФФМ го разгледа барањето за поддршка и донација за реконструкција и уредување на помошното фудбалско игралиште со вештачка трева „Ќумурно игралиште“ во Битола. Имајќи ја предвид неговата значајна улога во развојот на младинскиот фудбал и потребата од создавање безбедни и квалитетни услови за тренинг, Управниот одбор на ФФМ го прифати барањето и одобри поддршка за реконструкција на игралиштето, вклучително и замена на вештачката трева и санација на подлогата и неопходната инфраструктура.

Управниот одбор на ФФМ го прифати предлогот на Дисциплинската комисија за измена на таксите за жалба до Второстепената комисија за молби и жалби. Со одлуката, таксата за физички лица се зголемува од 100 на 200 евра, додека за правни лица од 200 на 500 евра, во денарска противвредност.

Управниот одбор на Фудбалската федерација на Македонија донесе одлука Александар Таневски да биде назначен за нов селектор на македонската репрезентација до 21 година.

Таневски доаѓа од работата со младинските селекции на ФФМ и селекцијата до 20 години, одлично ја познава генерацијата фудбалери која треба да биде основа на новиот состав до 21 година. На последните два натпревари од актуелниот квалификациски циклус, новиот селектор ќе има можност да работи со дел од помладите фудбалери и постепено да го гради тимот за следниот квалификациски циклус.

Дејан Јакимовски е биде избран за претседател на Судискиот одбор на ФФМ, наследувајќи го досегашниот претседател Емил Божиновски кој останува дел од судиското тело во рамки на федерацијата.

Лионел Меси се подготвува дополнително да го прошири своето присуство во фудбалот и надвор од теренот, откако постигна начелен договор за преземање на шпанскиот второлигаш ЦД Елденсе. Со предложената зделка, Аргентинецот би ја презел контролата врз клубот, продолжувајќи да го проширува своето портфолио на фудбалски инвестиции во Шпанија.

Договорот е потврден од Елденсе, но трансакцијата сè уште не е официјално завршена. Се очекува Меси да ги купи акциите што моментално се под контрола на колумбиската инвестициска група TH Soluciones Group S.A.S., а зделката допрва треба да помине низ правните процедури, деталната проверка и одобрението од Високиот совет за спорт на Шпанија (CSD).

Шпанските медиуми претходно објавија дека претставниците на Меси преговарале со актуелните сопственици на Елденсе, а разговорите сега резултирале со начелен договор.

Според предложената зделка, Меси би ги презел акциите што ги поседува TH Soluciones Group, која стана мнозински акционер на Елденсе во октомври 2025 година. Шпанскиот весник „AS“ објави дека операцијата ја спроведува лично Меси, а не инвестициска група во која би биле вклучени и други лица.

Градоначалникот на Елда, Рубен Алфаро, исто така потврди дека претставниците на Меси ги информирале локалните власти за договорот. Иако позитивно ја оцени можноста за преземање, Алфаро нагласи дека процесот сè уште не е завршен и дека мора да бидат исполнети сите неопходни формалности пред промената на сопственоста да стане официјална.

Потенцијалното преземање доаѓа во период на тежок старт на сезоната за Елденсе. Клубот од Аликанте моментално настапува во шпанската Сегунда дивизија, официјално позната како LaLiga Hypermotion, откако избори враќање во вториот ранг.

Во моментот кога се појавија информациите за договорот, Елденсе се наоѓаше на 20. место на табелата со само два освоени бода во првите четири првенствени натпревари.

Клубот неодамна се раздели и со тренерот Клаудио Бараган, и покрај неговата улога во враќањето на Елденсе во професионалниот фудбал. По неговото заминување, асистентот Жозеп Ферандо привремено ја презеде екипата.

Потегот за преземање на Елденсе е особено значаен бидејќи следува по купувањето на УЕ Корнеља од страна на Меси претходно оваа година.

Меси го заврши преземањето на каталонскиот клуб на 16 април. Корнеља моментално настапува во Терсера Федерасион, петтиот ранг во шпанскиот фудбал, поради што Елденсе би претставувал значително поголем чекор во неговото влегување во професионалната клубска сопственост.

Двете инвестиции веќе укажуваат на можноста за поширока стратегија, наместо за изолирани деловни потези. Корнеља му овозможува присуство во Каталонија и во средина насочена кон развој на фудбалери во пониските шпански лиги, додека Елденсе би му овозможил директно присуство на повисоко ниво во шпанскиот професионален фудбал.

За Меси би можела да следува уште една сопственичка улога, овојпат во Соединетите Американски Држави.

Според „Reuters“, напаѓачот на Интер Мајами треба да добие удел во клубот од МЛС по завршувањето на неговиот играчки договор.

Овие потези укажуваат дека Меси постепено гради долгорочна улога во фудбалот која би се протегала многу подалеку од неговата играчка кариера.

Купувањето на Елденсе би претставувало најамбициозна клупска инвестиција на Меси досега.

Клубот е основан во 1921 година и е сместен во Елда, во провинцијата Аликанте. Домашните натпревари ги игра на стадионот „Нуево Пепико Амат“, а по долг период минат во пониските и регионалните лиги успеа повторно да се пробие кон повисоките нивоа на шпанскиот фудбал.

Доаѓањето на Меси веднаш би му донело на клубот глобална видливост каква што ретко имаат екипите надвор од најсилната шпанска лига. Покрај комерцијалниот ефект од поврзувањето на институцијата со едно од најголемите имиња во историјата на фудбалот, промената на сопственоста во иднина би можела да влијае и врз трансфер-политиката, развојот на младите фудбалери и долгорочната спортска структура на клубот.

Градоначалникот на Елда веќе посочи дека разговорите со претставниците на Меси опфатиле и можни идни проекти поврзани со младинскиот фудбал и развојот на играчи, иако засега не е објавен конкретен спортски план.

Во моментов најважната разлика е што Меси постигнал начелен договор за купување на клубот, но преземањето сè уште не е официјално завршено.

Елденсе потврди дека остануваат последните правни и договорни процедури, како и задолжителното одобрение од CSD. Засега не е објавен ниту конечен датум за комплетирање на трансакцијата.

Сепак, насоката станува сè појасна. По инвестицијата во Корнеља и сега чекорот кон преземање на професионален второлигаш, Меси се чини дека постепено ги поставува темелите за своето следно поглавје во фудбалот.

Голема загриженост на „Сигнал Идуна Парк“ предизвика Константинос Карецас, кој мораше да го напушти натпреварот меѓу Борусија Дортмунд и Виљареал во Лигата на шампионите поради проблеми со циркулацијата.

19-годишниот грчки репрезентативец во 23. минута сам се спушти на тревникот, без да има контакт со противнички играч. Медицинската екипа веднаш му пружи помош, по што Карецас беше изнесен на носилки и заменет со Етан Нванери.

Борусија Дортмунд соопшти дека Карецас е во стабилна состојба, со оглед на околностите, и дека бил пренесен во болница на дополнителни медицински прегледи.

Навивачите на Дортмунд го испратија младиот фудбалер со аплауз, додека клубот допрва ги очекува резултатите од прегледите.