Тренерот на Интер, Симоне Инзаги им оддаде признание на неговите фудбалери кои синоќа одиграа 1:1 со Милан во градското дерби.

„Момците беа одлични, се справија со сè освен со лоша среќа. Надминавме многу пехови на овој натпревар. Имавме три стативи, три поништени гола, недосуден пенал за прекршок над Маркус Турам. Но и противникот одигра одлично и треба да му се честита. Ние го одигравме нашиот 17-ти натпревар за два месеци и им честитав на момците. Секогаш сакаме да победуваме и не дозволивме да се обесхрабриме од лошата среќа на овој натпревар“, изјави тренерот на Интер.

Голот за Интер го постигна Стефан Де Врај во третата од петте судиски дополнителни минути.

Интер со 51 бод е втор на табелата во Серија А, додека Милан собра 35 бода и се наоѓа на 8. позиција.

Поранешниот фудбалер на Реал Мадрид се приклучува на мексиканскиот клуб Монтереј како слободен агент.

Серхио Рамос ќе заработи 4 милиони евра плус бонуси за тековната сезона, објави новинарот Николо Шира.

Исто така и инсајдерот Фабрицио Романо, лиферува информација дека поранешниот дефанзивец на Реал ден претходно потпишал преддоговор со мексиканскиот клуб на една година.

Последен клуб на 38-годишниот Шпанец беше Севилја, која ја напушти минатото лето. По Реал, Рамос настапуваше и во Пари Сен-Жермен.

Дефанзивецот на Реал Мадрид, Антонио Рудигер ќе отсуствува неколку недели поради повреда. Дефанзивецот почувствува непријатност и побара замена во 15. минута од натпреварот со Еспањол.

Антонио Рудигер го држеше задниот дел од десниот бутен мускул. Тој по оваа повреда на мускулот ќе биде надвор од терените околу 20 дена.

Сезонава дефанзивецот има 22 натпревари во Ла Лига. Неговиот тим загуби на синоќешното гостување кај Еспањол со 0:1 во натпревар од Ла Лига.

Фудбалерот Осман Дембеле го запиша своето име во историјата на Пари Сен Жермен постигнувајќи три гола против Брест, што беше негов втор хет-трик оваа недела.

Извонредната серија на Дембеле започна со неверојатен хет-трик против Штутгарт во Лигата на шампионите во средата. Потоа постигна уште три гола во Лига 1, поставувајќи личен рекорд.

Иако клубот може да се пофали со легендарни напаѓачи како Килијан Мбапе, Единсон Кавани и Златан Ибрахимовиќ, досега никој не успеа да постигне два последователни хет-трика со тимот на ПСЖ.

„Треба да му честитате на тимот и особено на моите соиграчи за асистенциите. Затоа што за првиот гол се што требаше да направам е да ја сместам тпопката во голот. А за третиот додавањето беше исклучително“, изјави Дембеле.

Турскиот фудбалски шампион Галатасарај и официјално го објави потписот на Алваро Мората кој доаѓа на позајмица од Милан.

Напаѓачот од авионот објави видео порака до приврзаниците на гигантот од Истанбул.

Шпанецот требаше да биде во Турција во саботата навечер, но околу 19 часот во Милано временските услови го спречија авионот да полета.

Се очекува Мората да потпише 18-месечна позајмица со опција за откуп. Клаузулата ќе стане задолжителна по исполнување на одредени услови.

Дуелот меѓу Рома и Наполи заврши без победник, 1-1.

Според досега прикажаното најсериозните кандидати за титулата во Серија, Наполи и Интер, гостуваа во 23.коло. Интер одигра 1-1 со градскиот ривал Милан. Бод за Интер спаси Де Фрај во 93. минута.

Наполи во целост го контролираше натпреварот на „Олимпико“. Наполитанците максимално ја искристија чудната постава во која насташи Рома. Клаудио Раниери на клупата ги остави Салемакерс, Паредес, Довбик, Дибала.

Поранешниот играч на Рома, Спинацола, во 29.минута, во стил на напаѓач го лобуваше Свилар и му донесе предност на Наполи.

Во останатиот дел од мечот имаше многу борба, главно на средината на теренот, но без многу шанси.

Најдобрата шанса за израмнување ја имаше Рома во 75. минута, Паредес од слободен удар од речиси 30 метри, ја погоди стативата. Но гостите немаа одговор во 92.минута. Стрелец беше левиот бек на Рома, Анхелињо, кој фати волеј по центаршутот на Салемакерс.

Интересен факт: последен пат Наполи ги добил двата натпревари во Серија А против Рома во сезоната 1920/21 година.

Бизарни триесет секунди го обележаа натпреварот меѓу Херенвен и Фортуна Ситард (2-2) во холандската Ередивизија.

Херенвен имаше водство од 2-1 од 82. минута, кога се случи неверојатна ситуација, Фортуна на теренот имаше голман и 11 играчи, поточно 12 играчи, а никој не забележа.

Тренерот на гостинската екипа направи две замени во 88. минута, а еден од играчите кој беше заменет остана на теренот.

Од игра требаше да излезат Рајан Фосо и Хаспер Далхаус. Циркусот настана кога Едуард Михут се приближи до клупата на гостинскиот тим.

Сите мислеа дека е тој ја напушта играта, но тој се врати на теренот, а играта продолжи без Далхаус да го напушти теренот.

Фортуна играше со играч повеќе и така успеа да постигне гол и да дојде до бод.

„Мислам дека тоа што се случи е многу посебно. Фортуна имаше 12 играчи на теренот. Се чини дека тоа е дозволено и возможно. Никогаш не разговарам со судиите и ги оставам да си ја завршат работата, но тие не можат да играат со 12 играчи. Тоа е незамисливо. Го прашав четвртиот судија дали треба да направи нешто. Не можете да играте со 12 фудбалери. Навистина не можам да го разберам тоа. Мислам дека ова е навистина скандалозно”, изјави по натпреварот тренерот на Херенвен, Робин ван Перси.

Во Премиер лигата, во терминот од 15 часот се одиграа два натпревари. Победија гостите со идентични 0-2.

Манчестер јунајтед ја прекина серијата од три победи (две во Лига Европа и една во Премиер лигата) на домашен терен против Кристал Палас. „Црвените ѓаволи“ го забележаа 11.пораз во Премиер лигата.

Победата на Кристал Палас му ја обезбеди Матета со головите во 64. и 89.минута.

Тотенхем во малото градскот дерби победи кај Брентфорд. Ова е прва победа за Тотенхем во Премиер лигата од почетокот на годината.

Авто гол си постигна Јанелт во првиот дел, а точка на мечот стави Сар во 87. минута.

Англискиот фудбалски клуб Астон Вила откако го договори Маркус Рашфорд, сега на позајмица го добива за Марко Асенсио од ПСЖ.

Тимот од „Вила Парк“ остана без Џон Дуран кој направи трансфер во Саудиска Арабија, но затоа го го договори репрезентативецот на Англија кој беше откачен од Рубен Аморим во Јунајтед, а со ПСЖ има договор за позајмица и за Марко Асенсио, некогашниот офанзивец на Реал Мадрид и репрезентативец на Шпанија.

Претседателот на Фудбалската федерација на Македонија (ФФМ), Масар Омерагиќ и техничкиот директор на ФФМ, Ѓорги Христов му посакаа добредојде во “Куќа на фудбалот” на Аљоша Асановиќ, легендарниот фудбалер од бронзената генерација (1998) на Хрватска, денес во улога УЕФА консултант задолжен за развој на млади елитни фудбалери.

Масар Омерагиќ – претседател на ФФМ:

“Посетата на нашиот пријател Аљоша ја нагласува посветеноста на УЕФА за поддршка на развојот на младите фудбалери, зајакнување на односите со нашиот оддел за младински фудбал и доказ за важноста да се инвестира во младите, осигурувајќи дека ги добиваат правите насоки и можностите за напредок. Ова е, исто така, одлична можност да ги инспирираме нашите фудбалери од Академијата на ФФМ и да ги подобриме нашите програми. Поддршката на УЕФА е непроценлива за развој на оваа категорија фудбалери”.

Аљоша Асановиќ – УЕФА консултант за развој на млади елитни фудбалери:

„Гледам нови ветришта во македонската куќа, се надевам на блиска соработка наскоро со сите вас, посебно со Ѓорги Христов, затоа што јас знам дека за развој на фудбалот во Македонија е еден од најдобрите.

Го запознав претседателот, гледам дека е енергичен, сака напредок во фудбалот и тоа е добар знак за македонскиот фудбал да се крене, бидејќи има таленти. Ова е поднебје каде што има таленти, само треба да се најдат вистинските луѓе за тоа. Убеден сум дека тоа е правиот пат за македонскиот фудбал.

Едноставно гледам голема енергија и она што е важно, имате знаење и продолжете понатаму“.

Ѓорги Христов – технички директор на ФФМ:

„Не случајно Асановиќ е одговорно лице на УЕФА и претседателот Чеферин за помош со неговото знаење и искуство како ние да ги оствариме целите кои ги имаме зацртано, а се многу важни во фудбалот.

Јас се чувствувам слободен и нема да се срамам во секој момент да ја побарам помошта од Асановиќ и неговиот тим за се што е поврзано за развој на младите, бидејќи тоа нас ни е клучно. Ќе почнеме од најмладите, од генерацијата 2012. што треба веќе на лето да ја селектираме. Заедно да направиме еден систем кои ќе го следат многу генерации во иднина“.