Роберто Фирмино минатото лето изненади многумина откако го напушти Ливерпул и покрај понудите од европските клубови избра да продолжи во Ал Ахли од Саудиска Арабија.

Фирмино имаше одлично деби во кое постигна хет-трик, меѓутоа како што одминува времето, се повеќе е очигледен неговиот пад во дормата. Наводно, Фирмино никако не успеал да се прилагоди на живототот во Саудиска Арабија и тоа се одразило и на неговите настапи на теренот.

Медиумите пренесуваат дека Бразилеот веќе ја известил управата на Ал Ахли за желбата да си замине.

Се шпекулира дека веќе има понуди од МЛС лигата, меѓутоа опција е и враќање во Европа каде што интерес покажале клубови од Турција, Италија и Шпанија.

Големиот црногорски талент Василије Аџиќ го предизвика вниманието на голем број европски клубови, но се чини најбрз и најконкретен со понудата бил Јувентус.

Италијанските медиуми, вклучувајќи го и Џанлука Ди Марцио вечерва потврдија дека „бјанконерите“ постигнале договор со Будуќност за трансферот на 17-годишниот фудбалер и тој наскоро ќе пристигне во Торино.

Аџиќ е креативен играч од средниот ред од кој се очекува да има импресивна кариера, а тоа го докажува и фактот што клубот од Подгорица ќе заработи дури пет милиони евра за тинејџерот и плус одреден процент од идна продажба.

Се очекува Црногорецот да отпатува во Торино за лекарски прегледи и други формалности, но веројатно ќе остане во Будуќност до крајот на сезоната.

Јувентус првично би требало да му даде време да се адаптира настапувајќи за вториот тим кој игра во третата лига, но Аџиќ најавува дека брзо ќе биде во конкуренција и за првиот тим.

Неубедливите и променливи резултати на Милан го доведоа Стефано Пиоли во опасност да биде отпуштен среде сезона, но Фабио Капело смета дека „росонерите“ нема да профитираат од ваква одлука.

Поранешниот тренер на Милан и многу поискусен колега на Пиоли ја коментирал оваа шпекулација и не го советува клубот да направи таков потег.

„Сега нема поента да се менува тренерот, но Пиоли треба да пронајде одредени решенија, не смее да се продолжи на ист начин. Треба да се пронајде проблемот, кој според мене лежи во средниот ред. Би работел на тој сегмент, иако не е лесно со толку повредени играчи. Тимовите кои користат контранапади му создаваат многу проблеми на Милан, а треба да се работи и на нови тактички решенија за одбраната.

Пиоли има проблем поради многуте отсуства, па иако го чека многу работа, негов отказ во моментов нема донесе голем позитивен ефект за екипата“, рекол Капело.

Македонскиот репрезентативец Елиф Елмас се пресели во Лајпциг, откако Наполи ја прифати понудата од 25 милиони евра. Италијанските медиуми пренесуваат дека Наполи веќе нашол замена за „дијамантот“, а станува збор за играчот на Удинезе, Лазар Самарџиќ.

Самарџиќ ова лето беше на чекор од трансфер во Интер, но трансферот пропадна бидејќи агентот побара повисока плата.

Наплитанците веќе почнале преговори со агентот на Самарџиќ и сакаат да го доведат во зимскиот преоден рок како замена за Елмас.

Наполи испратил понуда од 19 милиони евра плус бонуси одо Удинезе, па двете страни се блиску до договор.

Најдобар фудбалер за годинава што изминува е Норвежанецот Ерлинг Халанд, според Меѓународниот Институт за фудбалска историја и статистика (ИФФХС).

Оттаму денес ги соопштија најдобрите за годината што веќе е при крај.

Зад Халанд кој имаше сезона за паметење со Манчестер Сити и кој освои 209 поени во овој избор, второпласиран е Килијан Мбапе со 105 поени.

Третото место му припадна на Аргентинецот Лионел Меси со 85 поени.Следуваат Родри, Белингем, Де Брујне, Кејн, Бернардо Силва, Винисиус и Лаутаро Мартинез.

Според ИФФХС место во Топ 10 нема за Кристијано Роналдо, иако Португалецот ја заврши годинава со 53 постигнати погодоци

Рафаел Варан е спремен да го напушти Манчестер Јунајтед, а на маса има многу понуди.

Варан има богати понуди од Саудиска Арабија, но сака да остане во Европа и да игра врвен фудбал. Последните информации се дека силен интерес за него покажува Баерн Минхен, кој бара засилување во одбраната.

Баерн нема да има проблем да ја плати бараната сума и наскоро ќе почне преговори со агентот.

Македонскиот репрезентативен голман, Дамјан Шишковски, го најави своето заминување од екипата на Докса.

„По 3,5 години време е да се збогуваме. Сакам да му се заблагодарам на претседателот, на сите тренери и на играчите. Ова е неверојатен клуб и град во кој сите ме прифатија и ми помогнаа да пораснам и како играч и како личност. Дојде време за нов предизвик во мојата кариера. Благодарам Докса“, напиша Шишковски.

Останува да почекаме да видиме кој ќе биде новиот клуб на Шишковски оваа зима.

Искусниот турски стратег Фатих Терим има нова работа и по 22 години ќе работи надвор од татковината.

70-годишникот го презеде грчкиот фудбалски великан Панатинаикос. Доаѓа на местото на стратегот Иван Јовановиќ кој доби отказ.

Неговата последна авантура надвор од Турција беше во 2001 година кога кратко го водеше Милан, а оттогаш до денес се менуваше на клупите на Галатасарај и Турција.

Раководството на Јувентус постигнало договор со Жеилсон Бремер за продолжување на соработката, пренесуваат италијанските  медиуми.

26-годишниот Бразилец кој пристигна во Торино пред година и половина се етаблираше во столб на одбраната на „старата дама“. Бремер следната недела ќе стави потпис на нов петгодишен договор и ќе добие значително зголемување на платата.

Бремер има 17 настапи и еден гол за „бјанконерите“ оваа сезона во Серија А, а веќе е миленик на навивачите.

Реал Мадрид покажува сериозен интерес за ѕвездата на Баерн Минхен и германски репрезентативец, Џошуа Кимих, пренесуваат шпанските медиуми.

Перез го сака Кимих да биде наследник на Тони Крос, кој ја игра последната сезона во дресот на „кралевите“. Кимих има договор со Баерн до 2025 година, а следното лето ќе влезе во последната година и нема најави за негово продолжување.

Поради тоа Баерн Минхен е спремен да го продаде на крајот на сезоната и веќе ја одредил цената. „Билд“ пренесува дека за неговата слобода Баварците бараат 75 милиони евра.

Реал Мадрид нема да има проблем да ја плати таа сума, но треба да ја победи конкуренцијата бидејќи за Кимих интерес покажуваат уште Барселона и Манчестер Јунајтед.