Дефанзивецот на Реал Мадрид, Дин Хујсен, доби зелено светло од лекарите по прегледите направени во Мадрид, откако почувствува мускулен дискомфорт на последниот тренинг на репрезентацијата на Шпанија пред квалификацискиот дуел со Грузија. Шпанскиот стручен штаб веднаш го повлече од списокот како мерка на претпазливост, а дополнителните тестови потврдија дека нема сериозна повреда.

По враќањето во Мадрид, медицинската служба на клубот започна стандардна процедура со физиотерапија за да се ублажи заморот. Хујсен ќе тренира индивидуално уште неколку дена, по што е планирано приклучување кон екипните тренинзи. Доколку сè продолжи според планот, младиот дефанзивец ќе биде подготвен за претстојниот натпревар против Елче на 23 ноември.

Покрај Хујсен, зелено светло добија и Килијан Мбапе и Едуардо Камавинга, кои се вратија од обврските со Франција. Мбапе се соочуваше со воспаление на глуждот, додека Камавинга чувствуваше затегнување во задната ложа, но двајцата се рехабилитирани и подготвени за натпревар.

Карим Бензема, иконичниот француски напаѓач кој моментално игра за саудискиот клуб Ал Итихад, ги возбуди фудбалските кругови со изјавата за неговата иднина. Во интервју, Бензема изрази несигурност во врска со неговиот следен потег, велејќи: „Не знам дали ќе останам во Ал Итихад или ќе заминам… мојот договор истекува во јуни и тоа ќе зависи од многу фактори.”

Оваа изјава на поранешниот победник на Златната топка ја разгоре фантазијата на фудбалските навивачи, создавајќи шпекулации за можен слободен трансфер следното лето, што отвора можности за нови предизвици.

Бензема пристигна во Ал Итихад како слободен агент во 2023 година и од тогаш постигна 46 голови во 75 натпревари, помагајќи му на клубот да ја освои титулата во Саудиската Про Лига и Купот на Кралот во сезоната 2024-25. И покрај оваа успешна кампања, Бензема останува отворен за иднината, изјавувајќи: „Ќе видиме што ќе се случи следната година”.

Една од најголемите шпекулации е можноста за сензационален повраток во Реал Мадрид, клубот во кој Бензема беше дел 14 години, освојувајќи бројни трофеи и станувајќи втор најдобар стрелец во историјата на клубот. Французинот не ја исклучи можноста за враќање, велејќи дека тоа „може да се случи”, посочувајќи на неговата емотивна врска со клубот и позитивните односи со претседателот, Флорентино Перез.

Покрај Реал Мадрид, Бензема откри дека има и понуди од други европски клубови, што го наведува да го донесе својот следен избор базиран на спортската амбиција, но и на личните приоритети. Во исто време, тој ја изрази својата благодарност и љубов кон Ал Итихад, каде што чувствува голема почит од навивачите и членовите на клубот.

Германија ја осигура својата визит карта за Светското првенство во импресивен стил, по убедливата победа од 6-0 над Словачка во клучниот квалификациски меч. Оваа победа го потврди пласманот на Нагелсмановиот тим, кој ќе настапи на своето 21-во Светско првенство.

Во првото полувреме, Флориан Вирц се истакна со две мајсторски асистенции, кои беа основа за головите на Лерој Сане, што им овозможи на Германците да изградат рана и убедлива предност. Сане, пак, со своите прецизни завршници ја потврди својата клучна улога во тимот, уште еднаш покажувајќи ја својата важност во решавачките моменти.

Ник Волтемаде исто така имаше големо влијание на успехот на Германија, постигнувајќи 3 голови во последните 4 квалификациски натпревари, вклучувајќи го и голот во првото полувреме против Словачка. Неговата форма е неверојатна откако се пресели во Њукасл од Штутгарт.

Поранешниот тренер на фудбалерите на Јувентус, Тиаго Мота добил понуди од Спартал Москва, објави доцна синоќа „Калчомеркато“.

Tренерот не одговорил на понудите на рускиот клуб кој исти така се обидел да издејствува ангажман и на поранешниот тренер на Аталанта, Иван Јуриќ.

Московјани бараат трајно решение за тренерското место откако ја прекинаа соработката со Дејан Станковиќ.

Првата ѕвезда на фудбалскиот состав Борнамут, Антоан Семењо, заработил повреда на глуждот на пријателскиот меч со Јапонија и принудно ја напуштил селекцијата на Гана.

Тој веднаш се врати во Англија и ќе го пропушти пријателскиот натпревар против Јужна Кореја. Семењо е најдобар стрелец во англискиот клуб и неговото евентуално отсуство во наредниот период ќе биде голем хендикеп.

Тој на 11 натпревари има 6 голови и 3 асистенции. Борнмут в сабота на домашен терено го очекува мечот со Вест Хем во рамките на Премиер лигата.

Тренерот на Ливерпул, Арне Слот, е заинтересиран за ангажман на фудбалерот на Баерн Минхен, Серж Гнабри, наведуваат медиумите во Англија.

30-годишниот крилен напаѓач ја одработува последната сезона во германскиот состав и засега нема најава дека ќе добие понуда да остане кај Баварците.

Гнабри во тековнава сезона одигра девет мечеви во Бундес лигата со ефект од четири голови и три асистенции.

Фудбалскиот клуб Барселона и официјално го потврди враќањето на својот стадион „Камп Ноу“. Тоа ќе биде на 22 ноември на натпреварот од 13. коло од Ла Лига против Атлетик Билабо. Влезниците за дуелот се веќе пуштени во продажба.

Стадионот сега е со ограничен капацитет од 45.401 место, а клубот сè уште ги нема сите потребни лиценци. Со комплетното реновирање стадионот ќе може да прими 105.000 гледачи.

Реновирањето на стадионот почна во јули 2023 година, а Барселона своите натпревари ги играше на „Монжуик“ и на стадионот „Јохан Кројф“.

Во клубот имаат план следниот натпревар од Лигата на шампионите кога се домаќини на 9 декември со Ајнтрахт да играат на „Камп Ноу“.

Во очекување на утрешниот натпревар со нашата фудбалска репрезентација, денеска прв на прес-конференција се појави селекторот на Велшаните, Крег Белами. Тој зборуваше за огромната важност на утрешниот дуел за неговиот тим, особено за обезбедување подобро место во бараж натпреварите во март.

„Што и да кажеме, ова за нас е еден голем натпревар, огромен. Мислам, можам да ве излажам ако сакате и да ви кажам дека не е така, но знаете, ајде, да завршиме втори и да имаме домашен натпревар во плеј-офот, тоа е голем влог. Ако завршиме четврти, натпреварот на гости и тимовите што може да ги добиеме како противници ќе бидат многу поопасни. Научив доста од она што се случуваше на натпреварите со вакви репрезентации како Македониа, и морам да бидам искрен, играјќи дома, и со моето искуство од гледањето на репрезентацијата на Велс низ годините и можноста да се квалификуваме за големи турнири преку плејофот, тоа ќе биде огромна предност за нас. Затоа ќе се обидеме да направиме сè што можеме утре. Се надевам на победа и во март ќе ја имаме и таа предност во плеј-оф полуфиналето“, изјави селекторот на Велс, Крег Белами.

Прес-конференцијата на нашата репрезентација е закажана за 19.15 часот.

Фудбалската репрезентација на Македонија утревечер (20:45 часот) ќе го одигра последниот натпревар од квалификациите за Светското првенство 2026. Со нерешен резултат или победа на гостувањето во Кардиф против Велс, нашиот национален тим ќе го обезбеди второто место во групата, што значи и поповолен ривал во плејофот за пласман на Мундијалот.

Капитенот Енис Барди е убеден дека Македонија има сили да се справи со притисокот и предизвикот што ги очекува, и покрај тоа што атмосферата во Кардиф ќе биде силно наклонета кон домаќините. Тој истакна дека поддршката на навивачите од Македонија ќе биде нивниот најголем мотив.

„Секогаш нагласувам дека треба да уживаме во секој момент, најпрво затоа што имаме чест да ја претставуваме нашата земја, а потоа и затоа што знаеме дека сите луѓе дома се со нас. На трибините можеби ќе имаме малку навивачи, но во душата знаеме дека цела Македонија ќе ни дава сила. Не очекува тежок дуел, но сме подготвени да дадеме вистински одговор“, изјави капитенот Барди.

Фудбалската репрезентација на Македонија утревечер (20:45 часот) го игра последниот натпревар од квалификациите за СП 2026. Доколку успееме да избегнеме пораз на гостувањето во Кардиф против Велс, ќе го обезбедиме второто место во групата и ќе добиеме на хартија полесен противник во плејофот за пласман на Мундијалот.

Селекторот Благоја Милевски е убеден дека тимот има сила да се справи со предизвикот и да ја оствари поставената задача.

„Подготвени сме за ова што следува. Нѐ очекува натпревар што решава многу, но мојата порака до играчите е да го одиграат со уживање. Велс е силна репрезентација со одличен селектор, но двете екипи се практично исти како на првиот меч во Скопје. Имам доверба дека ќе дадеме вистински одговор и дека ќе ги реализираме нашите цели“, истакна селекторот Благоја Милевски на прес – конференцијата пред натпреварот.