Иако минатата сезона беше речиси целосно изгубена за Родри, Манчестер Сити не заборава колку е вреден за тимот и реши да му понуди нов, подобрен договор.

Единствениот освојувач на „Златната топка“ во историјата на клубот имаше тешка повреда и одигра само осум натпревари во сите натпреварувања во претходната сезона. Неговото отсуство се почувствува силно, а „граѓаните“ не успеаја да го одржат истиот ритам без него во средниот ред.

Сепак, Родри целосно се опорави, а Сити сака да го задржи долгорочно. Според информациите, договорот ќе трае до 2029 година, а иако точните бројки не се откриени. Речиси сигурно е дека со новите услови Шпанецот ќе стане втор најплатен фудбалер во тимот, веднаш зад Ерлинг Халанд.

Ова е јасна порака од шампионот на Англија, Родри останува клучен играч во проектот на Гвардиола и клубот не е отворен за продажба. Во последниот период интерес за фудбалерот покажа Реал Мадрид кој сакаше да го доведе за да биде центар на проектот на Чаби Алонсо.

По долги и напорни преговори, Милан и Клуб Бриж конечно ја затворија зделката за трансферот на Ардон Јашари. Младиот швајцарски репрезентативец со македонски корени од ова лето ќе го носи дресот на „росонерите“.

Јашари беше главна мета за средниот ред на Милан, но Белгијците тврдо стоеја на својата цена од 40 милиони евра, додека понудата од Италија се движеше до 38 милиони. Сепак, пресвртот се случил вчера, кога самиот фудбалер јасно им дал до знаење на челниците на Бриж дека сака само во Милан, и покрај интересот од клубови од Премиер лигата. Клучен бил и телефонски разговор помеѓу Џорџо Фурлани и претставник на белгискиот клуб, по што бил постигнат договор.

Милан ќе плати 34 милиони евра, плус уште три во бонуси. Со тоа, Јашари станува еден од најскапите излези во историјата на белгискиот фудбал. Јашари е голем навивач на Милан од детството и ова лето направи сè што може за да го реализира својот сон. Во наредните денови се очекува да пристигне во Милано и да потпише четиригодишен договор.

Фудбалерот е роден во Швајцарија, но има и македонски пасош, бидејќи неговите родители потекнуваат од Куманово.

Тимот на Манчестер Сити на десетина дена пред почетокот на новата сезона е пред вистинско засилување.

Клубот досега донесе шест играчи, но менаџерот на „граѓаните“ Пеп Гвардиола бара засилување пред се за нападот. Џереми Доку и Фил Фоден немаа сезона за паметење.

Според британските медиуми на метата на Гвардиола е Рафаел Леао. Португалскиот репрезентативец сака да го напушти Сан Сиро, една од причините е тоа што Милан не е дел од Лигата на шампионите, а воедно бара и нов предизвик. Тој дресот на Милан го носи од 2019 година и има одиграно 260 натпревари и постиганато 70 голови.

Се споменува сума од 110 милиони евра за трансферот.

Српскиот репрезентативец Лука Јовиќ потпиша договор со АЕК Атина, објави клубот.

Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.

Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.

Одигра 45 натпревари за српската репрезентација и постигна 11 гола.

29-годишниот Аргентинец сака поголема минутажа на натпреварите, па затоа сака да се пресели во Торино.

Главниот тренер на тимот од Торино, Марко Барони, веќе го убедил играчот да оди во неговиот клуб.

Во сезоната 2024/25, Симеоне одигра 33 натпревари, постигнувајќи два гола и две асистенции.

Претходно, синот на главниот тренер на Атлетико, Диего Симеоне, играше за Џенова, Фиорентина, Каљари и Верона.

Барселона и Жил Кунде постигнаа договор за нов долгорочен договор, со кој францускиот дефанзивец ќе остане на „Камп Ноу“ и покрај постојаниот интерес од Манчестер Сити и Пеп Гвардиола.

Според информациите од новинарот Фабрицио Романо, Кунде парафирал нов договор до 2030 година. Документите веќе се одобрени од клубот и адвокатите на играчот, а остануваат само формалностите да се финализираат.

Тековниот договор на 26-годишниот Французин беше важечки до 2027 година, но гласините за можен трансфер во Манчестер Сити добија на интензитет во летото. Англискиот шампион бараше алтернатива за Кајл Вокер и откако се откажа од Тино Ливраменто, го насочи своето внимание кон Кунде. Сепак, Барселона успеа да го убеди да остане и да се обврзе на клубот уште пет сезони.

Минатата сезона, Кунде одигра 53 натпревари за Барселона во сите натпреварувања и постигна четири гола, вклучувајќи го и прекрасниот гол во финалето на Кралскиот куп против Реал Мадрид.

Првите луѓе на Челзи не ја исклучуваат можноста за продажба на напаѓачот Николас Џексон доколку стигне соодветна понуда, иако Енцо Мареска сè уште го цени играчот.

Многу работи ќе зависат и од самиот Џексон и дали сака да биде главен напаѓач во друг клуб. Челзи претходно го потпиша Лиам Делап на таа позиција , а Жоао Педро ќе се користи почесто како број 9 доколку Чави Симонс се приклучи на тимот. Ова потенцијално би можело да го намали времето на игра на Џексон.

Николас Џексон неодамна им беше понуден на Њукасл , Манчестер Јунајтед и Милан, а првите два клуба одлучија да се фокусираат на Бенџамин Шешко, наместо да започнат преговори во овој момент.

Според изворот, останува реална можност Џексон да го напушти тимот – неколку клубови се заинтересирани за играчот и веројатно ќе му се обратат на Челзи во август.

Минатата сезона, 24-годишниот Сенегалец постигна 10 гола и имаше пет асистенции во 30 натпревари од Премиер лигата.

Арсенал ја пропушти шансата да го продаде дефанзивецот Јакуб Кивиор откако португалскиот гигант Порто се повлече од трката за потпишување на полскиот репрезентативец, но се повлече откако Арсенал постави цена од 30 милиони евра (26 милиони фунти), според „А Бола“. Наместо Кивиор, португалскиот клуб се одлучи да го потпише Јан Беднарек од Саутемптон за многу пониска сума од 6,5 милиони фунти.

Додека менаџерот Микел Артета сака да го задржи Кивиор во својот тим за новата сезона, самиот играч размислува за заминување бидејќи не добива доволно време за играње и нема гаранции дека ќе игра повеќе во иднина. Полјакот претходно беше поврзуван со враќање во Серија А, но засега останува клучен дел од тимот на Лондончани.

25-годишниот дефанзивец, кој може да игра како централен или лев бек, има одиграно 68 натпревари за Арсенал во сите натпреварувања, постигнувајќи три гола.

Сепак, конкуренцијата од редовните играчи Габриел Магаљаес и Вилијам Салиба го држат надвор од игра, што се гледа од неговите 45 настапи.

Хрватот Лука Модриќ денеска и официјално беше претставен како играч на Милан. По 13 години откако му истече договорот со Реал Мадрид хрватскиот репрезентативец ја смени средината и во новата сезона ќе го носи дресот на уште еден великан на европскиот фудбал.

По претставувањето на прес конференцијата Модриќ се појави да ги поздрави навивачите на Милан.

„Минимална цел е пласман во Лигата на шампионите, но Милан сака да освојува трофеи, тоа е мојата цел и треба да биде цел на секого во Маилан. Мораме да имаме цврста и стабилна екипа“.

Лука Модриќ во Милан ќе го носи дресот со број 14.

Барселона може да отвори дисциплинска постапка против капитенот на тимот и да го казни Марк-Андре тер Штеген.

Голманот одбива да даде согласност клубот да испрати извештај за неговата повреда до медицинската комисија на Ла Лига.

Германскиот голман претходно беше подложен на операција на грбот. Каталонскиот клуб сака да ја убеди Ла Лига дека закрепнувањето на голманот ќе трае четири месеци – ова ќе ѝ овозможи на Барселона да го регистрира новодојдениот голман.

Каталонскиот клуб побара од својот правен оддел да отвори дисциплинска постапка и да види дали можат да го казнат Тер Штеген за неговата одлука, која ја сметаат за штетна за клубот и од економска и од спортска гледна точка.

Барселона разбира дека Тер Штеген има право да одбие, но исто така верува дека со потпишувањето на договорот со клубот презел голем број обврски и одговорности.

Деко планираше да разговара за ова прашање со Тер Штеген оваа недела, но откако му кажа на играчот дека сака да разговара, капитенот јасно стави до знаење дека нема намера да потпише медицински извештај за комисијата на Ла Лига.