Гнабри има на маса нов договор со Баерн, но со намалена плата
Баерн Минхен сака да го обнови договорот со Серж Гнабри, пишува весникот „Билд“. Актуелниот договор на германскиот интернационалец истекува на лето. Раководството на Баварците сака повторно да го ангажира 30-годишниот играч, но само ако тој се согласи да ја намали платата.
Се вели дека Гнабри нема проблем со ова, бидејќи се чувствува одлично во Минхен и сака да остане во тимот. Гнабри моментално заработува 17-18 милиони евра бруто годишно со бонуси и е подготвен да потпише нов договор со намалена плата за да продолжи да игра за германскиот шампион.
Баерн е во одлични односи со агентот на Гнабри, а се очекува преговорите да бидат завршени во наредните месеци.
Пеколна ситуација за Постекоглу, пораз од Њукасл може да значи крај
Нотингем Форест се соочува со клучна одлука околу иднината на Анж Постекоглу, со исход што се очекува за време на претстојната репрезентативна пауза. Австралиецот беше назначен пред помалку од еден месец, но сè уште нема забележано победа во првите шест натпревари, а последните порази во Премиер Лигата и Лига Европа дополнително го зголемија притисокот.
И покрај слабата серија, раководството на клубот сè уште стои зад Постекоглу, барем засега. Сопственикот Евангелос Маринакис имаше големи очекувања кога го доведе на местото на Нуно Еспирито Санто, надевајќи се на брз напредок и борба за трофеи. Но, слабите настапи, вклучително и разочарувачкиот пораз на домашен терен од Сандерленд и тесниот пораз од Митјиланд во Европа, предизвикаа незадоволство меѓу навивачите. Притисокот расте, а трпението се намалува.
Натпреварот со Њукасл ќе биде клучен. Пораз таму може да доведе до сериозна ревизија на иднината на Постекоглу, особено со оглед на тешките натпревари што следуваат по паузата: против Челси и Борнмут. Историјата на Маринакис со брзи тренерски промени го зголемува ризикот за австралискиот стратег.
Савињо официјално потпиша нов долгорочен договор со Сити
Манчестер Сити ја обезбеди иднината на еден од најталентираните фудбалери во тимот. Савињо потпиша нов договор што ќе го задржи на Етихад до јуни 2031 година. Младиот Бразилец беше силно посакуван од Тотенхем, но Сити без двоумење ги одби сите понуди од лондонскиот клуб.
Договорот вклучува значително зголемување на платата, што го отсликува растечкото влијание на Савињо во тимот и довербата што клубот ја има во неговиот потенцијал. Тренерскиот штаб е импресиониран од неговиот напредок, и го гледаат како клучен дел од долгорочната стратегија на клубот.
Со ваквиот потег, Сити јасно става до знаење дека нема намера да дозволи младите ѕвезди да заминат и дека гради тим за иднината. Савињо е веќе позициониран како важна фигура во нивната потрага по нови трофеи, и во Премиер Лигата и на европската сцена.
Арсенал на чекор до договор со Тимбер
Арсенал ги интензивира преговорите со Јуриен Тимбер, со намера да го обезбеди неговиот долгорочен престој на Емиратите. Холандскиот репрезентативец ужива голема почит од стручниот штаб, кој го смета за речиси комплетен дефанзивец и клучна фигура во одбранбената конструкција на тимот.
Од клубот велат дека Тимбер не е гледан само како решение на краток рок. Неговата интелигенција, тактичка подготвеност и мирнотија при притисок повторно дојдоа до израз откако се врати на терените, што само ја потврди желбата на Арсенал да го направи основа на одбранбениот систем.
24-годишниот може да покрие повеќе позиции во одбраната, а неговите физички квалитети и разбирањето на играта го прават важна алатка во плановите на Микел Артета. Со амбиции и во Премиер Лигата и во Европа, Арсенал сака што побрзо да постигне договор и да го обезбеди Тимбер како дел од својата иднина.
Никола Максимовиќ потпиша за хрватски третолигаш
Поранешниот српски репрезентативец Никола Максимовиќ, кој во еден период на кариерата беше проценет на 18 милиони евра и го носеше дресот на Наполи и Црвена звезда, направи неочекуван потег и потпиша за хрватскиот третолигаш Кустошија.
Максимовиќ има богато искуство зад себе со настапи за Ц. Звезда, Торино, Наполи, Џенова и Спартак Москва, а летово беше слободен играч откако му истече договорот со француски Монпелје. Наместо нов предизвик во елитниот европски фудбал, искусниот дефанзивец одлучи кариерата да ја продолжи во Хрватска.
Тој веќе стави потпис на едногодишен договор со Кустошија и ќе остане таму до крајот на сезоната.
Овој клуб по шест одиграни кола има 11 освоени бодови и во моментов се наоѓа на петтото место на табелата.
Барса ја напушта Суперлигата и му дава доверба на УЕФА
FILE PHOTO: Metal figures of football players are seen in front of the words “European Super League” and the UEFA logo in this illustration taken April 20, 2021. REUTERS/Dado Ruvic/Illustration/File Photo
Реал Мадрид остана сам во проектот наречен Европска Суперлига. Најверниот сојузник на Реал, Барселона, се откажа од проектот.
Како што објави Радио Каталуња, Барселона е задоволна од промените што ги направи УЕФА во новиот формат на Лигата на шампионите, па затоа повеќе не сака да го турка проектот околу новото натпреварување. Мотивот за основање на Суперлигата беше токму од финансиска природа.
Најбогатите европски клубови се обидоа да формираат натпреварување во кое ќе учествуваат и во кое ќе можат да заработат многу повеќе пари отколку што беше случај во натпреварувањата под покровителство на УЕФА.
Флорентино Перез, претседателот на Реал Мадрид, сега е сам во своите напори за лансирање на Суперлигата.
Односите меѓу УЕФА и Барселона се подобрија во последните неколку месеци. Претседателот на УЕФА, Александар Чеферин, го гледаше како гостин на Барселона натпреварот против ПСЖ од ВИП ложата.
Барселона е во финансиска криза неколку години и мора да работи според посебни правила, според кои не смее да троши повеќе отколку што заработува.
Суперлигата е проект кој беше прифатен од најголемите европски клубови во 2021 година, но тие набрзо се повлекоа, главно под притисок на навивачите.
Белгија го објави списокот, Витсел се враќа за Македонија!
Селекторот на белгиската репрезентација, Руди Гарсија, го објави списокот од 26 фудбалери на кои ќе смета за претстојните квалификациски натпревари за Светското првенство, вклучително и за дуелот против Македонија на 10 октомври во Гент.
Како што се очекуваше, на списокот се наоѓаат најголемите ѕвезди на белгискиот фудбал, што е најава за вистински спектакл и огромен предизвик за нашите репрезентативци.
На списокот на Гарсија се наоѓаат имиња кои влеваат страв кај секој противник. Средниот ред ќе го предводи новиот играч на Наполи, Кевин Де Брујне, заедно со Амаду Онана од Астон Вила. Нападот е уште поимпресивен, со супер-брзите крила Жереми Доку (Манчестер Сити) и Леандро Тросар (Арсенал), како и со гол-машината на Јувентус, Лоис Опенда.
Во одбраната, тука се искусните Тибо Куртоа (Реал Мадрид) и Аксел Витсел (Жирона), надополнети со младите ѕвезди како Зено Дебаст (Спортинг Лисабон).
Нагелсман донесе шест новајлии во германскиот национален тим
Селекторот на фудбалската репрезентација на Германија, Јулијан Нагелсман, го објави составот за претстојните квалификации за Светското првенство.
Нагелсман направи шест промени во тимот од 24 играчи за натпреварите што го очекуваат Германија во октомври. Централниот бек Нико Шлотербек повторно е на списокот, додека напаѓачот Никлас Филкруг овој пат не е повикан.
Денес, селекторот на фудбалската репрезентација на Германија, Јулијан Нагелсман, го објави составот за претстојните квалификации за Светското првенство.
Нагелсман направи шест промени во тимот од 24 играчи за натпреварите што го очекуваат Германија во октомври. Централниот бек Нико Шлотербек повторно е на списокот, додека напаѓачот Никлас Филкруг овој пат не е повикан.
Германија ќе настапи без неколку важни играчи поради повреди, како Антонио Рудигер, Каи Хаверц, Џамал Мусијала и голманот Марк-Андре тер Штеген, кои нема да бидат дел од овие средби. И покрај послабиот почеток на сезоната во Ливерпул, средниот играч Флориан Вирц го задржал своето место во тимот.
Голмани: Оливер Бауман (Хофенхајм), Фин Дамен (Аугсбург), Александар Нубел (Штутгарт)
Компанијата Опта, која се занимава со статистика, ги објави своите проекции за Лигата на шампиони. По две одиграни кола, промени се случија во фаворитите за освојување на европската титула.
Пред првиот натпревар, односно по ждрепката, најголеми шанси имаше англискиот шампион Ливерпул со 17,2 проценти. Сега, на првото место е Арсенал, пред Ливерпул и минатогодишниот победник ПСЖ.
Лондонскиот тим никогаш не ја има освоено Лигата на шампиони, а оваа сезона во Европа започна со победи над Олимпијакос и Атлетик Билбао со истиот резултат од 2:0, и има максимален учинок, како и Баерн, Реал, ПСЖ, Интер и Карабах.
Фаворити за освојување на Лигата на шампиони според Опта:
ПСЖ – 13.96 проценти Манчестер Сити – 9.71 проценти
Баерн – 9.50 проценти Барселона – 8.25 проценти
Давид Тошевски ја замина Австрија со Белгија
WOLFSBERG,AUSTRIA,30.OCT.24 – SOCCER – UNIQA OEFB Cup, round of 16, Wolfsberger AC vs SK Austria Klagenfurt. Image shows the rejoicing of David Toshevski (A.Klagenfurt). Keywords: penalty. Photo: GEPA pictures/ Matthias Trinkl
Давид Тошевски за првпат во кариерата ќе игра во белгискиот првенство откако денеска беше потврден неговиот трансфер во Дендер.
Тошевски последниот ангажман го имаше австрискиот Клагенфурт кој го напушти на крајот на изминатата сезона, сега продолжува во најсилната белгиска лига.
Тошевски кој е производ на младинската школа на Работнички во кариерата настапуваше уште за Ростов и Тамбов во Русија, Горник Забржје од Полска, хрватски Шибеник и словенечкиот Михаловце.
Зад себе Тошевски има и еден настаап за македонската репрезентација и тоа во победдата против Лихтенштајн од 0-3 во март.
