Деклан Рајс ја отфрли загриженоста околу својата повреда по победата од 2–0 над Брентфорд, уверувајќи дека ќе биде подготвен за саботниот премиерлигашки дуел со Астон Вила. Иако Микел Артета по мечот изјави дека „не можел да продолжи“ поради проблемот, англискиот репрезентативец кратко по натпреварот кажа: „Добро сум, ќе бидам спремен.“ Рајс по заминувањето од теренот се движеше нормално, а дополнителните прегледи се очекува да го потврдат тоа.

Триумфот против Брентфорд беше засенет од уште една повреда: дефанзивецот Кристијан Москера мораше предвреме да излезе по незгодно приземјување, држејќи се за глуждот. Неговиот проблем доаѓа во момент кога Арсенал веќе се соочува со отсуства во одбраната, Вилијам Салиба и Габриел се надвор од составот, што дополнително го стеснува изборот на Артета во период со густ распоред.

Сепак, вложувањата направени летово се покажуваат како пресметлив потег. Новите играчи внесуваат флексибилност и сигурност, а поширокиот состав му овозможува на Арсенал да остане конкурентен и покрај серијата повреди.

Арсенал славеше убедлива победа од 2–0 над Брентфорд на Емиратите, со што ја зголеми предноста на врвот од Премиер лигата на пет поени. Микел Мерино го отвори резултатот уште во 11. минута, крунисувајќи течна акција со прецизен удар со глава по нафрлањето на Бен Вајт. Брентфорд се закани најмногу по прекини, но Давид Раја со блескава одбрана по ударот на Кевин Шаде ја сочува предноста до паузата.

И покрај тоа што игра како импровизиран напаѓач поради повреди во тимот, Мерино повторно беше клучната фигура. Шпанецот не само што постигна втор последователен погодок, туку и маестрално го проигра Букајо Сака за голот во судиското продолжение. Во шест старта како „деветка“, Мерино учествувал во голови на пет натпревари, покривајќи повеќе од 12 километри и влегувајќи во дуели низ целиот терен. Неговата издржливост, игра во воздухот и чувство за простор уште еднаш ја разбија одбраната на Брентфорд и отворија прашања за неговата долгорочна улога кај Микел Артета.

Арсенал со ова ја продолжи неверојатната низа од 18 натпревари без пораз во сите натпреварувања и осум последователни домашни победи во лигата. Сепак, триумфот беше засенет од нови проблеми со повредите. Кристијан Москера се повреди по незгодно приземјување и му се придружи на веќе отсутните Вилијам Салиба и Габриел, што го натера Јуриен Тимбер да се пресели во срцето на одбраната. Дополнително, Деклан Рајс беше повлечен од составот поради проблем со листот, што предизвикува неизвесност пред брзиот дуел со Астон Вила. Артета повторно го критикуваше згуснатиот распоред кој сѐ повеќе го тестира неговиот тим.

Реал Мадрид запиша убедлива победа од 3-0 на гостувањето кај Атлетик Билбао на Сан Мамес, прекинувајќи ја мини-кризата во Ла Лига. Главна фигура беше Килијан Мбапе, стрелец на два гола и асистент во третиот, повторно демонстрирајќи ја својата клучна улога во нападот на „кралскиот“ клуб. Едуардо Камавинга се запиша во листата на стрелците со прецизен удар со глава.

Мбапе го отвори резултатот уште во 7. минута, по совршен долг пас од Трент Александер-Арнолд, а неговиот смирен финиш го совлада голманот Унаи Симон. Атлетик се обидуваше да возврати, но Тибо Куртоа неколку пати одлично интервенираше. До паузата Мадрид ја зголеми предноста: по прецизно нафрлување на Александер-Арнолд, Мбапе со умно проигрување му асистираше на Камавинга за 0-2.

Домашниот тим подобро го отвори второто полувреме, но гостите брзо ја вратија контролата. Мбапе во 59. минута со силен удар од далечина ја запечати победата и го заокружи својот блескав настап. Со овој двоен погодок, Французинот стигна до 16 гола во 15 настапи во лигата, зацврстувајќи ја борбата на Реал за првото место и намалувајќи го заостанувањето зад лидерот Барселона на само еден бод.

Челзи синоќа загуби за првпат по осум натпревари и тоа на гостувањето кај Лидс Ј. Енцо Мареска го призна поразот.

„Тие беа подобри од нас во секој поглед и заслужено победија. Немаме што да извлечеме од овој натпревар за во иднина. Можеме само да се обидеме да разбереме што направивме, а потоа да почнеме одново. Игравме многу добро против Арсенал и Барселона, но тоа не значи дека секогаш ќе играме на ист начин, бидејќи треба да се прилагодиме на ситуацијата и да ги ротираме нашите играчи. Нивото на игра нема секогаш да биде исто. Секако, по натпревари како последните два, очекувате посилна игра, но тоа не е секогаш можно. Ниту еден играч не играше најдобро денес. Се надевам дека беше само лош ден. Ги загубивме сите предизвици“, рече менаџерот на Челзи.

Во пресрет на последната рунда од првиот дел во Младинската Суперлига јасно е дека Брера ќе остане на првата позиција.

Струмичани денеска триумфираа над Арсими со 5-0 и имаат предност од четири бода во однос второ и трето пласираните Работнички и Вардар.

Стрелци на головите за АП Брера беа Бојан Велков, Габриел Талески, Марио Митрев додека Иван Танчев на два пати го совлада противничкиот голман.

Работнички беше убедлив во соочувањето со Тетекс и славеше со 10-1. По три пати прецизни беа Ердин Шабани и Дитмир Хоџа, двоен стрелец е Беркај Шаини додека по еден погодок постигнаа Јован Коцески и Кренар Хоти додека единствениот гол за Тетовци беше дело на Феми Велија.

Вардар ја совлада Струга ТЛ со 3-2. Стрелци на погодоците за “црвено-црните” беа Иво Марковски, Никола Ристевски, а сопствена мрежа ја погоди Елис Жута. На спротивната страна головите ги постигна Јусуф Доко.

Македонија ЃП до трите бода против Охрид Лихнидос стигна со голот на Бесмир Исмани додека Њу Старс славеше со 2-1 во дуелот против градскиот ривал Шкупи.

Шкендија Тетово триумфираше над Брегалница со 6-0, Пелистер го совлада Скопје со 4-1 додека Башкими како гостин забележа победа над Тиквеш со 6-0.

Пелистер пред своите навивачи беше убедлив во мечот со Скопје и славеше со 5-1.

Во пресрет на последното коло Брера има 40 бода, четири повеќе во однос на Работнички и Вардар додека четвртопласираната Македонија ЃП има 31.

Британскиот пејач Роби Вилијамс и американската диско група Вилиџ Пипл ќе настапат на претстојното извлекување на групите за Светското првенство.

Извлекувањето ќе се одржи во центарот „Кенеди“ во Вашингтон во петок во 18 часот, а на него ќе присуствува и претседателот на Соединетите Американски Држави, Доналд Трамп.

Вилиџ Пипл ќе ја изведат својата иконска песна од 1970-тите, „YMCA“, која неодамна стана синоним за предизборните митинзи на американскиот претседател.

Пи-ар службата на Трамп објави дека претстојното Светско првенство во фудбал е национален проект број еден за претседателот и дека тој ќе дејствува така и во неговата организација.

На извлекувањето ќе учествуваат 48 национални тимови, кои ќе бидат поделени во 12 групи.

Германскиот великан, Баерн Минхен, замената за Мануел Ноер, ја најде на „Сан Сиро“. Германските медиуми тврдат дека Баерн е подготвен да му понуди профитабилен договор на Мајк Мењан.

Мануел Ноер, човек кој ја дефинираше улогата на голманот во модерниот фудбал се подготвува за пензија. На сите во Баерн им е јасно дека неговата форма драматично паѓа. Најдобро тоа се виде во дербито против Арсенал, во Лигата на шампионите.

Прв пик на Баерн за нов голман е 30-годишниот Мењон. Интересот на Баварците е голем бидејќи по завршувањето на сезоната Мењон бесплатно може да го напушти Милан. Поради тоа во Минхен подготвуваат услови што голманот нема да може да ги одбие, барем така тврдат германските медиуми.

Французинот стана член на Милан во 2021 година. Тој пристигна од Лил за нешто повеќе од 16 милиони евра.

За Милан одигра 177 натпревари, на 67 пд нив не прими гол.

Фудбалерите на Реал Мадрид го победија Атлетик во Билбао со 0-3, во 15. коло од Ла Лига.

Централна фигура на натпреварот беше незапирливиот Килијан Мбапе, кој постигна два гола и забележа асистенција, во триумфот што го врати Реал на бод минус од лидерот Барселона.

Килијан Мбапе во само 24 натпревари оваа сезона, за клубот и репрезентацијата, постигна 30 гола и забележа шест асистенции.

Првиот гол беше потврда за класата на Французинот, ја прифати топката некаде на средината од теренот, потоа започна молскавичен продор, сам против сите, се ослободи од еден, а потоа и од друг бек и ја погоди мрежата на Унаи Симон.

Во 42. минута, тој несебично со глава го погоди Кававинга, кој потоа се „поклони“ за 2-0.

Мбапе го заврши натпреварот во Баскија мајсторски во 59. минута со удар од околу дваесет метри во поблискиот агол од голот на Симон, го фати на „спиење“ голманот на Атлетико.

Фудбалерите на Челзи и Ливерпул влегоа во натпреварите од 14. коло од Премиер лигата како фаворити, а на крајот си заминаа дома со наведнати глави.

Ливерпул ремизираше 1-1 дома со најпријатното изненадување оваа сезона, Сандерленд.

Интересно е што ова е прво реми во Премиерлигата за „црвените“. Ливерпул не успеа да ги освои трите бодаа, на четири од последните пет натпревари.

Сандерленд така остана пред Ливерпул на табелата, на шестата позиција со бод повеќе.

По неинтересно прво полувреме и 0-0, првиот гол падна во 67-та минута кога Талби ги доведе гостите во водство.

На крајот Ливерпул успеа да избегне пораз. Во 81. минута погоди Вирц, но Германецот не му се израдува на првиот гол во дресот на „црвените“, бидејќи набргу одлуката беше дека тоа е автогол на Мукиеле, но резултатот остана 1-1.

Челзи, изненадувачки, по брилијантните натпревари против Барселона и Арсенал, доживеа тежок пораз во Лидс. „Сините на „Еланд Роуд“ загубија со 3-1.

Ова беше прваа победа за Лидс по четири последователни порази во Премиер лигата и со неа се извлекоа од зоната за испаѓање, додека „сините“ го претрпеа првиот пораз по четири натпревари и останаа на четвртото место на табелата.

Веќе на полувремето беше јасно каде дека Лидс ќе слави победа. Со головите на Бијол и Танака, Лидс дојде до предност 2-0..

Гостите го намалија резултатот во 50-та минута, преку Педро Нето, но тоа беше се од нив. Калверт-Луин во 72-та минута стави точка на натпреварот.

Манчестер Сити вчера ја совлада екипата на Фулам со 4-5 во натпревар од 14.коло од Премиер лигата, а првиот стрелец на тимот Ерлинг Халанд успеа да постигне гол што беше негов 100-ти во Премиер лигата по 111 одиграни натпревари.

Тој со ова стана рекордер откако го собори рекордот на Алан Ширер, кој претходно 100 гола постигна на 124 натпревари.

– Кога доаѓав во Премиер лигата сакав да постигнам 100 гола за Сити. Но, искрено не очекував да се случи толку брзо. Сега сум горд, бидејќи ова е голема работа. На овој натпревар ќе се сеќавам цел живот, изјави Халанд.

Норвежанецот е најдобар стрелец во Премеир лигата со 15 голови.