Во ексклузивно интервју, поранешниот тренер на Барселона, Чави, ги откри досега непознатите детали за трансфер сагата која за малку ќе ја променеше модерната историја на фудбалот. Наместо романтично враќање дома за Лионел Меси, навивачите добија горчливо разочарување, а Чави сега јасно посочува кој ја повлекол кочницата.

Според зборовите на Чави, враќањето на Аргентинецот на Камп Ноу не било само пуста желба или медиумска шпекулација, туку реалност која чекала само потпис. По историскиот успех на Аргентина на Светското првенство во Катар, сите коцки биле подредени за негово враќање во Каталонија.

„Враќањето на Меси беше завршена работа по Светското. Сè беше комплетирано,“ открива Чави. Тактичките планови биле веќе подготвени, соблекувалната со нетрпение го очекувала својот најголем идол, а самиот Меси дал зелено светло за да се врати.

Најголемата пречка во изминатите години беа строгите финансиски правила на Ла Лига. Сепак, изненадувачкиот пресврт во оваа исповед е потврдата дека администрацијата овојпат не била проблемот. Чави потврди дека клубот добил официјално одобрение од лигата за реализација на трансферот.

Финансискиот план бил прифатен и се чинело дека ѕвездите конечно се поредиле во корист на Барселона. Меси сакаше да се врати и лигата беше подготвена да ја прифати својата најголема ѕвезда.

Иако сите надворешни фактори беа поволни, сонот беше срушен од внатре. Чави објаснува дека претседателот Хоан Лапорта донел тешка одлука во последен момент, водејќи се од внатрешната стабилност на клубот.

Лапорта го информирал тренерот дека потпишувањето на Меси би предизвикало „војна за плати“ во соблекувалната. По долготрајните напори за кратење на трошоците и убедувањето на актуелните играчи да ги намалат своите примања, претседателот се плашел дека доаѓањето на Меси, дури и со значително намалена плата, би ја нарушило кревката хиерархија. Со цел да ја заштити долгорочната хармонија во тимот, Лапорта го стопираше трансферот, ставајќи крај на најочекуваното враќање во историјата на спортот.

Уште од првиот свиреж, атмосферата на Сан Сиро беше наелектризирана. Избраниците на Масимилијано Алегри наметнаа висок интензитет и агресивен пресинг, што за малку ќе вродише со плод уште во 3. минута. Лука Модриќ се обиде да ја искористи ретката грешка на голманот Јан Зомер, но неговиот обид заврши за малку покрај голот. Од друга страна, Интер под водство на Кристијан Чиву, тешко го наоѓаше својот ритам во отсуство на клучниот Лаутаро Мартинез. Иако „Нероазурите“ имаа поголем посед на топката, одбраната на Милан, предводена од Страхиња Павловиќ, делуваше непремостливо.

Синџирот беше конечно скршен во 35. минута. Јусуф Фофана, моторот во средниот ред на „Росонерите“, испрати прецизно додавање до Первис Еступињан. Еквадорскиот бек мајсторски го искористи слободниот простор на левата страна и со силен удар ја заби топката под пречката. Овој погодок влезе во историјата, бидејќи Еступињан стана првиот Еквадорец кој постигнал гол во славното градско дерби „Дела Мадонина“.

Во второто полувреме, Интер фрли сè на една карта во очајнички обид да израмни. Федерико Димарко и Хенрих Мхитарјан имаа златни прилики, но Мењан уште еднаш потврди зошто е меѓу светската елита на голмани. Како што одминуваше времето, тензијата на теренот достигна точка на вриење.

И покрај добртие шанси на „Сино-црните“, Милан издржа до крајот, запишувајќи уште една „чиста мрежа“ што уште еднаш ја потврдува нивната дефанзивна доминација сезонава.

Оваа победа има огромно значење. За првпат по сезоната 2010/11, исто така под водство на Алегри, Милан успеа двапати да го совлада Интер во рамките на една првенствена сезона. Дополнително, со овој резултат „Росонерите“ ја продолжија низата од седум натпревари без пораз против најголемиот ривал во сите натпреварувања.

Што е уште поважно, трите бода драстично ја променија сликата на табелата во Серија А. Предноста на Интер е намалена од десет на седум бода, на десет кола до крајот. Иако лидерот и понатаму е фаворит со 67 бодови, Милан со 60 е подготвен да го искористи секој следен кикс. Трката за титулата, за која многумина сметаа дека е веќе решена, сега е повторно целосно отворена.

Младата суперѕвезда на Барселона, Ламин Јамал ги поместува границите, засега има подобри бројки од двајцата најдобри фудбалери на сите времиња, Лео Меси и Кристијано Роналдо.

Јамал синоќа ѝ донесе победа на Барселона на гостувањето кај Атлетик Билбао. За него тоа беше јубилеен 50. гол во сениорска конкуренција.

Тој до бројката од 50 голови дојде на 18 години и 237 дена.

Колку за споредба, Меси до 50 голови дојде на 20 години и 315 дена, а Роналдо на 21 година и 297 денови.

Јамал оваа сезона има 19 голови во сите натпреварувања со што го собори личниот рекорд од минатата сезона. Со оглед на тоа што до крајот на сезоната има уште многу натпревари, бројката сигурно ќе биде поголема.

Реал Мадрид одговори на гласините околу евентуалниот трансфер на играчот од средниот ред на Манчестер Сити, Родри. Клубот ја отфрли можноста за потпишување на договорот со освојувачот на „Златната топка“ во 2024 година како дел од своите планови за летниот преоден рок во 2026 година, објави „АС“.

Според еден извор, и покрај активната потрага по засилувања во средниот ред, Родри не е меѓу кандидатите што ги разгледува раководството на Реал Мадрид.

Се очекува шпанскиот играч да се појави на „Сантијаго Бернабеу“ само за натпреварот против нивниот противник во следната рунда од Лигата на шампионите на УЕФА.

Главните причини за откажувањето на трансферот беа стратешка одлука на мадридскиот клуб, како и последиците од сериозната повреда на играчот минатата година. Мадридскиот клуб отсекогаш високо го почитувал лидерот на шпанската репрезентација, но сега се фокусира на млади перспективни играчи.

Договорот на Родри со Манчестер Сити е до 2027 година, а тој ја разгледува понудата на клубот за продолжување на договорот. Оваа сезона, освојувачот на „Златната топка“ одигра 24 натпревари за клубот од Манчестер, постигнувајќи два гола.

Унаи Емери веројатно ќе ја напушти Астон Вила по завршувањето на сезоната. Главната причина е незадоволството од финансирањето на клубот. Шпанецот е незадоволен и од ограничувањата за трансфери, објави „Фудбал Инсајдер“.

И покрај успехот на тимот, Астон Вила се соочуваше со тешкотии во почитувањето на финансиските прописи и во Премиер лигата и во европските натпреварувања во последните години. Во февруари се појавија информации дека клубот повторно ќе биде казнет од УЕФА, и покрај тоа што оствари профит минатата сезона.

Ова е затоа што Астон Вила повторно ги прекрши прописите на УЕФА за трошење пари на екипите, кои ги ограничуваат трошоците на клубовите за плати, трансфери и провизии на агенти на 70 проценти од нивните приходи.

Унаи Емери ја презеде Астон Вила во 2022 година, кога клубот се бореше со испаѓање. Тимот моментално е на четвртото место во Премиер лигата и ќе игра

Фудбалерите на Башкими со доминантна игра и голема пожртвуваност го затворија вториот циклус од Првата македонска фудбалска лига, совладувајќи ја екипата на Македонија Ѓ.П. со 2-0.

Натпреварот започна со силно темпо на домашните. Уште во 7-мата минута, по асистенцијата на Аворнио, Рибеиро се закани со глава, но голманот Јанков беше на место. Само една минута подоцна, гостите се обидоа преку Стојчевски, но неговиот шут заврши над голот.

Најзрелата шанса во првиот дел ја имаше Ор во 32-рата минута. Тој мајсторски се ослободи од Али Адем и силно биеше, но неговиот удар заврши во стативата. Пред самиот крај на полувремето, Арменд Алими и Ор имаа уште две изгледни прилики, но мрежите мируваа најмногу благодарение на интервенциите на гостинскиот чувар на мрежата.

Притисокот на Башкими продолжи и во вториот дел преку Мурати и Алими. Во 70-тата минута видовме вистинска драма на двете страни: прво Јанков го одбрани ударот на Алими, а во контранападот Јашар покажа зошто е меѓу најдобрите, сопирајќи го опасниот обид на Еступиниан.

Клучниот момент дојде во 73-тата минута. По еден продор во шеснаесетникот, Пановски беше непрописно сопрен од Еступиниан, а главниот судија без двоумење покажа на белата точка. Искусниот Аворнио беше ладнокрвен реализатор за водство од 1-0.

Точка на натпреварот и потврда на петтата позиција на табелата стави Ресул Мемети во 83-тата минута. По одличен контранапад и асистенција на Рибеиро, Мемети ја затресе мрежата за конечни 2-0 и огромна радост на трибините во Куманово.

Фудбалерите на Тиквеш го совладаа Пелистер со 1:0 и ја забележаа втората последователна победа во првенството. Кавадарчани освоија нови три бода и повторно беа поуспешни во соочувањето со директен конкурент во трката за опстанок во Првата македонска лига.

Натпреварот беше решен во 38. минута, а стрелец на голот e Мартин Стојанов и тоа по асистенција на новото име во редовите на Тиквеш, Лусијанињо.

Стојанов можеше и претходно да се запише во листата на стрелците, но тој додавањето на Кристијан Стојкоски не го претвори во погодок..

Лусијанињо имаше огромна можност која му ја подготви Стојанов, Бразилецот се обиде со удар од „прва“, но ја погоди гредата на голот на Пелистер.

Во второто полувреме Пелистер се обиде да се врати резултатски во игра, имаше каква таква иницијатива, но не успеа да реализира барем за израмнување.

Шансата на мечот за гостите на имаше Вилдан Керим кој што на асистенција на Здравковиќ имаше „зицер“ ситуација која што напаѓачот не ја реализираше.

Тренерот на Пари Сен-Жермен, Луис Енрике, зборувајќи на телевизискиот канал Око, ја прифати одговорноста за поразот (1:3) од Монако во 25-то коло од француското првенство.

„Денешниот пораз не е вина на целиот тим. Само на тренерот. Мора да се подобриме, почнувајќи од мене“, рече Енрике.

Монако собра 40 бода и се искачи на 5. место на табелата во Лига 1. ПСЖ води со 57 бода.

Фудбалерот на Борусија Дортмунд, Јулијан Брандт, ќе го напушти клубот на крајот од сезоната, кога ќе му истече актуелниот договор.

Спортскиот директор на Борусија, Ларс Рикен, потврди дека договорот на офанзивниот играч од средниот ред нема да биде продолжен и дека 29-годишникот заминува како слободен играч.

Рикен ова го изјави за германски „Скај Спорт“, откако Дортмунд го победи Келн во натпреварот од 24-тото коло од Бундеслигата. Одлуката ја потврди и тренерот на Борусија, Нико Ковач.

„Имавме отворени дискусии, по што се согласивме дека договорот нема да биде продолжен. Тој одигра неколку стотици натпревари за Борусија Дортмунд – речиси 300, за да бидам попрецизен. Мислам дека можеме само да му бидеме благодарни; играше за нас седум години“, рече Рикен.

Брандт пристигна во Дортмунд во летото 2019 година, откако со голем успех го носеше дресот на Баер Леверкузен, шретходно играше за Волфсбург во помладите категории.

Оваа сезона, Брандт одигра 32 натпревари за Борусија, со учинок од 10 гола и три асистенции.

Дортмунд е втор на табелата во Бундеслигата со 55 бода, додека лидерот Баерн има 11 повеќе.

Во саботата навечер, екипата на Манчестер Сити обезбеди место во следната фаза на ФА купот со победата против Њукасл.

За време на натпреварот, Гвардиола доби жолт картон поради „судир“ со четвртиот судија Луис Смит. Сè се случи по прекршокот на Киран Трипиер врз Жереми Доку.

Жолтиот картон беше шести за Гвардиола оваа сезона, а тоа значи дека го очекува казна од две натпревари кои ќе ги следи од трибините.

Следните два натпревари на Манчестер Сити се против Вест Хем во Премиер лигата, а потоа против Арсенал во Карабао купот, се разбира во финалето.

Според БиБиСи, Гвардиола нема да биде суспендиран за финалето на Карабао купот, кое се игра на Вембли.

Тоа е затоа што суспензијата се однесува на лигашките и на натпреварите од ФА купот, но не на финалата на домашните купови и, се разбира, не на европските натпревари.

На прес конференцијата, Гвардиола зборуваше за предстоящата суспензија.

“Ќе ви кажам нешто, имаме сите рекорди во оваа земја, но сите, без оглед на сè. Имаме рекорд за менаџер со најмногу жолти картони, сакам сите рекорди и сега ги имам. Суспензија од две натпревари и одам на одмор наредните две натпревари.