Фудбалерот од Уганда, кој е член на Вардар, Фахад Бајо до крајот на сезоната ќе го носи жолто-црниот дрес на Арсими.

„Арсими со задоволство го претставува најновото засилување во офанзивниот дел на тимот, Фахад Бајо, напаѓач со меѓународно искуство и одличен голгетерски инстикт“, се вели во соопштението на гостиварскиот клуб.

Бајо е репрезентативец на Уганда кој има одиграно 25 меча за својата земја и постигнато шест голови.

Во текот на својата кариера, тој играл за клубови како: Пролајн ФК, Билдкон ФК, Вајперс СЦ, ФК Ашдод, Бнеи Сахнин, МФК Вишков.

Јувентус наскоро ќе го продолжи договорот со Кенан Јилдиз. 20-годишниот Турчин е означен како централна фигура на новиот проект на клубот.

Јилдеиз во 2022 година притигна во Јувентус. Италијанскиот клуб успеа да го донесе без обесштетување од Баерн.

Тој, последните 12 месеци, беше мета на многу европски гиганти, со оглед на тоа што игра во Јувентус за 1.500.000 евра по сезона. Сепак прво реши да преговара со клубот и дете страни експресно постигнаа договор.

Според „Тутоспорт“, според новиот договор, Јилдиз ќе заработува 6.000.000 евра по сезона.

Јилдиз, заедно со Дејвид е ја има најголемата плата, пред него ќе биде само Душан Влаховиќ, кој заработува 12.000.000 евра годишно, но тој ќе го напушти клубот на крајот од оваа сезона.

Јилдиз оваа сезона одигра 29 натпревари во сите натпреварувања за Јувентус, постигна девет гола и забележа осум асистенции.

Фудбалерот на Манчестер Јунајтед, Патрик Доргу, ќе биде надвор од терените околу десет недели поради повреда на тетивата, објави новинарката Лори Витвел.

Данскиот репрезентативец се повреди во победата од 3:2 против Арсенал во неделата. Во тој натпревар, тој постигна и спектакуларен гол во второто полувреме.

Иако на почетокот се чинеше дека станува збор само за грч, тестовите ја потврдија повреда.

21-годишникот е во одлична форма во последните недели, постигна пет гола во последните седум првенствени натпревари на Јунајтед.

Доргу беше во почетниот состав и постигна гол во првите два натпревари под привремениот тренер Мајкл Карик, каде што играше на левото крило во системот 4-2-3-1.

Данецот веројатно ќе пропушти осум од преостанатите 15 натпревари во Премиер лигата и се очекува да биде подготвен за полуфиналниот бараж, за пласман на Светското првенство, на 26 март против Македонија.

Астон Вила мораше да реагира, на зимскиот пазар, поради големиот број повреди, па Унаи Емери сега повторно го доби Даглас Луиз.

Бразилецот не доби посебна шанса на позајмица во Нотингем Форест од Јувентус, поради што тој ги напушти „шумарите“, а Јувентус му дозволи да се врати во Астон Вила.

Даглас Луиз на овој начин се враќа во тимот на Емери по 18 месеци и трансферот во Јувентус, каде не се прослави.

Тој се пресели од Вила во Јувентус во летото 2024 година за дури 51.500.000 евра. Претходно го носеше дресот на Вила пет полни години, а интересно е што пристигна во Бирмингем од Манчестер Сити, каде што никогаш не доби вистинска шанса.

Вила сега го донесе на позајмица со опција за откуп во лето, но бројката не е позната.

Ова е големото враќање на капитенот, кој одигра дури 204 натпревари за Астон Вила, со улинок од 22 гола и 25 асистенции.

Луиз е ангажиран бидејќи сезоната заврши за Бубакар Камара, додека Мекгин и Тилеманс ќе бидат надвор од теренот неколку недели.

Рафаел Лузан, претседател на Шпанската фудбалска федерација (RFEF), објави дека финалето на Светското првенство во 2030 година ќе се одржи во Шпанија.

Објавата на Лузан е прва официјална потврда за локацијата на одлучувачкиот натпревар на турнирот, кој ќе се одржи во Шпанија, Португалија и Мароко.

„Шпанија ќе биде домаќин на Светското првенство, а финалето ќе се одржи тука“, изјави Лузан за новинската агенција АП.

Сепак, Лузан не го прецизираше конкретниот град или стадион каде што ќе се одржи натпреварот.

ФИФА сè уште официјално не ја објави распределбата на натпреварите по земја и стадион. Сепак, објавата на Лузан решава едно од главните интригантни прашања околу организацијата на турнирот.

Досега, неодамна реновираниот стадион „Сантијаго Бернабеу“ во Мадрид се сметаше за главен кандидат за домаќин на финалето. Сепак, имаше медиумски извештаи дека ФИФА може да размисли за домаќинство на финалето во Мароко. Кралството се надеваше дека ќе биде домаќин на решавачкиот натпревар на стадионот „Хасан II“, кој моментално е во изградба во Казабланка, а се очекува да стане најголемата фудбалска арена во светот со капацитет од 115.000 гледачи.

Сепак, неодамнешното финале на Африканскиот куп на нации во Мароко, нарушено од организациски проблеми и хаотични услови, можеше негативно да влијае на угледот на земјата како домаќин и да ги намали нејзините шанси за домаќинство на финалето на Светското првенство.

Барселона, каде што стадионот „Камп Ноу“ е повторно отворен по обемни реновирања, е исто така кандидат за финалето. Конечната одлука на ФИФА за стадионите се очекува подоцна.

Светското првенство во 2030 година ќе биде одбележување на 100-годишнината од турнирот. За да се одбележи овој настан, Монтевидео, Уругвај, Буенос Аирес, Аргентина и Асунсион, Парагвај, исто така ќе бидат домаќини на по еден натпревар.

Фудбалерот на Кристал Палас, Жан-Филип Матета, сака да си замине од клубот до крајот на месецов откако Нотингем Форест упати понуда вредна 35 милиони фунти.

Напаѓачот ги започна сите сезонски мечеви во Премиер лигата и постигна осум гола. Неговиот договор е активен до летото во 2027 година.

28-годишниот напаѓач беше трансферна цел и на Јувентус но, екипата од Торино се откажа од намерата да го ангажира.

„Газета дело Спорт“ објави дека луѓето од Јувентус го насочиле вниманието кон португалскиот фудбалер во редовите на Евертон, Бето, откако дефинитивно пропадна најавениот трансфер на Мароканецот, Јусеф Ен-Несири.

Во текстот се наведува дека италијанскиот клуб влегол во интензивни преговори со колегите од Англија кои бараат најмалку 20 милиони евра за потписот на одличниот напаѓач.

Бето има исксутво од Серија „А“ бидејќи на времето го носеше дресот на Удинезе.

Фудбалерот од средниот ред на Рома, Ману Коне, ќе отсуствува околу еден месец, објави „Скај Спорт Италија“ повикувајќи се на извори од клубот.

Играчот заработи потешка повреда на ногата на викенд-дербито со Милан и мораше принудно да замине во соблекувалната.

Црномурестиот фудбалер во тековнава сезона се појави на 29 натпревари со ефект од два гола и една асистенција.

Рома упати првична вербална понуда за позајмица на белгискиот интернационалец Јаник Фереира Караско од редовите на Ал Шабаб. Иако „Римската Волчица“ е трпелива во преговорите, реализацијата на овој трансфер целосно зависи од зеленото светло на саудискиот клуб.

Спортскиот директор на Рома го означи Караско како приоритет за засилување на левата крилна позиција. Искуството на 33-годишниот фудбалер стекнато во Атлетико Мадрид и белгиската репрезентација се гледа како клучен фактор за тимот. Рома веќе достави прелиминарна понуда за позајмица, а самиот играч наводно е расположен за преселба во италијанската престолнина. Сепак, како што се ближи крајот на јануарскиот преоден рок, Ал Шабаб сè уште не покажува подготвеност за разделба со својата ѕвезда.

Саудискиот клуб во моментов е главната пречка. Раководството се противи на заминување на клучни играчи среде сезона, што е во согласност со пошироката стратегија на тамошните клубови за задржување на звучните имиња по големите инвестиции. И покрај желбата на Караско за враќање во европскиот фудбал и континуираните контакти меѓу агентите и двата клуба, конкретен напредок во преговорите сè уште нема.

Интересот за Белгиецот не е нов, Наполи исто така испрати прашања пред неколку недели, што само ја потврдува неговата висока вредност во Италија. Рома во моментов ја има лидерската позиција во оваа трка, верувајќи дека брзината и вештината на Караско можат да бидат одлучувачки за нивните амбиции. Сепак, доколку Ал Шабаб остане на својот цврст став, римјаните веќе подготвуваат алтернативни решенија на трансфер пазарот.

Во екот на јануарскиот преоден рок, 19-годишниот централен дефанзивец на Рен, Жереми Жаке, стана едно од најбараните имиња на пазарот. За неговиот потпис веќе се борат Челси, Ливерпул и Баерн Минхен. Иако матичниот клуб е решен да го задржи тинејџерот до крајот на сезоната, челниците на Рен се подготвени за преговори доколку некој понуди рекордна сума од 65 до 70 милиони евра за трансфер.

Лондонските „Сини“ го гледаат Жаке како приоритет за засилување на одбраната и веќе постигнаа начелен договор со самиот фудбалер. Сепак, првичните понуди од 40 до 50 милиони евра беа експресно одбиени од страна на францускиот тим. Челси сега се обидува да го „осигура“ играчот веднаш, со план тој да му се приклучи на тимот на Розениор по завршувањето на сезоната. Неговата смиреност и извонредна игра со топка се сметаат за совршен спој во тактичките замисли на новиот менаџер.

Додека Челси преговара, Ливерпул демне од сенка и се подготвува да ја расипе работата на својот ривал. Скаутите од Енфилд се воодушевени од доминацијата на младиот Французин во Лига 1. Иако тој има активен договор до 2029 година, „Редси“ во него гледаат долгорочно решение за одбраната, што само дополнително го засилува ривалството меѓу двата англиски клуба на трансфер пазарот.

Во оваа континентална битка се вклучува и германскиот гигант Баерн Минхен. Баварците го гледаат Жаке како идеална замена доколку Ким Мин-Јае го напушти клубот на лето. Неговите атлетски способности и капацитетот да игра во висока одбранбена линија совршено се вклопуваат во филозофијата на Баерн.

Ставот на Рен е јасен: Нема да брзаат со продажба, туку ќе ја чекаат највисоката можна понуда, најавувајќи возбудлива летна трансфер сага.