УЕФА го казни Атлетико Мадрид со 30.000 евра и им изрече условна суспензија од еден натпревар на навивачите кои патуваат поради „расистичко и дискриминаторско“ однесување од страна на некои од нивните навивачи за време на нивниот пораз од 4-0 од Арсенал во Лигата на шампионите минатиот месец, објави Ројтерс.

УЕФА, исто така, додаде дополнителни 10.000 евра за предмети фрлени на стадионот „Емирати“. Забраната за гостинските навивачи важи една година и може да се врати доколку навивачите направат уште еден прекршок.

Следниот натпревар на Атлетико во Лигата на шампионите е против ПСВ Ајндховен на 10 декември. Мадридскиот тим е на 12-то место на табелата со девет бода од пет натпревари.

Иран одлучи да го бојкотира извлекувањето на групите за Светското првенство во фудбал во 2026 година откако САД одбија да им издадат визи на неколку членови на нивната делегација, објави во петокот Иранската фудбалска асоцијација.

Извлекувањето на групите за Светското првенство, кое ќе се одржи во САД, Мексико и Канада следното лето, ќе се одржи на 5 декември во Вашингтон.

„Ја информиравме ФИФА дека донесените одлуки не се поврзани со спортот и дека членовите на иранската делегација нема да учествуваат на извлекувањето на Светското првенство“, објави портпаролот на Иранската фудбалска асоцијација на државната телевизија.

Локалните медиуми јавуваат дека претседателот на Иранската фудбалска асоцијација, Мехди Таџ, како и извршниот директор на националниот тим, Мехди Харати, се меѓу службените лица кои не добиле виза. Иранската новинска агенција Тасним објави во октомври дека Американците одбиле визи за вкупно седум ирански службеници.

Иран се наоѓа во вториот шешир пред ждрепката извлекувањето, заедно со Хрватска,
Мароко, Колумбија, Уругвај, Швајцарија, Јапонија, Сенегал, Јужна Кореја, Еквадор, Австрија и Австралија.

Иранците учествувале шест пати на светските првенства и никогаш не ја поминале групната фаза.

Претседателот на Барселона, Џоан Лапорта, остро го критикуваше Реал Мадрид и неговиот претседател Флорентино Перез за време на неговата посета на Андора. Лапорта одговори на неговите остри изјави на последното Генерално собрание на Реал Мадрид.

Флорентино Перез ја обвини Барселона дека во последните 17 години му исплатила 8.000.000 евра на потпретседателот на судиската комисија, Хозе Марија Енрике Негреира. На собранието, кое има 1.563 членови, Перез ги критикуваше Ла Лига, Барселона, УЕФА, судиите… Тој не поштеди никого.

По ова следеше одговорот на Жоан Лапора.

„Немав можност да ги коментирам изјавите од тоа Собрание, но сега кога сум во Андора, имам можност. Мислам дека тие го покажуваат „барселонитисот“ од кој страда Реал. Се чини дека мора да зборуваат за Барса за да оправдаат, не знам зошто. Барса никогаш не купила судии и воопшто судиите никогаш не ја фаворизирале Барса, тие секогаш го фаворизирале Реал“, се оправда Лапорта.

Тој го, како пример дека Реал ја има поддршката од судиите, го наведе последното коло од Ла Лига.

„Без да одам понатаму, минатото коло, Реал постигна два гола, за мене е јасно дека Белингам ја допира топката со рака, а потоа Винисиус му го крши носот на Игнасио и тие два гола не треба да бидат признати и сега Барса би била лидер на Лигата“, нагласи претседателот на Барселона.

Лапорта исто така истакна дека обвинувањата на Реал нема да го оцрнат „златното доба“ во историјата на клубот:

„Тие имаат комплекс и манија да ја бркаат најдобрата фаза во историјата на Барса, не им се допаѓаше што Барса беше водечки тим на планетата од 2004 до 2015 година. А сега бараат изговори што не водат никаде. Ние бевме тим кој играше најдобар фудбал, беше препознаен, луѓето го сакаа и му се восхитуваа на тој тим. Освоивме многу титули, а играта на Барселона беше обожувана насекаде низ светот, затоа немојте да барате изговори“, подвлече лидерот Блауграна.

Претседателот на Барселона е задоволен ако противникот се чувствува така.

„Ако се заразени со „барселонитис“, јас сум среќен, бидејќи ова се обично периодите кога Барса е успешна и победува. Телевизијата на Реал Мадрид се обидува да влијае на судиите секоја недела“.

Дисциплинската комисија во рамки на Фудбалската федерација на Македонија (ФФМ) на својата седница ги донесе следните одлуки:

– Илјази Седат, претставник на ЗФК Шкендија Арачиново – забрана за вршење функција во траење од три месеци.

– Дамјан Стојковски, ФК Осогово – забрана за настап на еден натпревар.

– Кристијан Чурлинов, ФК Шкендија Арачиново – забрана за настап на еден натпревар.

– Ферди Исмаили, ФК Шкупи 1927 АД – забрана за вршење функција во траење од две години.

– Ајдари Шкелќим, ЗФК Шкендија Арачиново – забрана за вршење функција во траење од три месеци.

– Даниел Карчески, ФК Брегалница – забрана на настап на два натпревари.

– Јасир Беќири, ФК Шкендија Арачиново – забрана на настап два натпревари.

– Исуфи Авдираман, комесар за безбедност на ЗФК Шкендија Арачиново – забрана за вршење функција во траење од една година.

– ЗФК Шкендија Арачиново се санкционира со забрана за присуство на публика на четири првенствени или куп натпревари и парична казна од 4.000 евра, поради слаба организација на натпреварот од 13. коло против ФК Брегалница 2008 АД, при што е констатиран напад на гостински фудбалер и употреба на пиротехника.

Барселона доби позитивни вести пред мечот од Ла Лига против Алавес. Педри се врати во тимот и се очекува да добие минути во второто полувреме. Шпанецот не беше во игра повеќе од еден месец по повредата на задниот бут што ја доби во првото Ел Класико сезонава. Враќањето ќе биде постепено, со околу 15-20 минути против Алавес, со цел да се подготви за клучниот дуел против Атлетико Мадрид во Ла Лига.

Од друга страна, Роналд Араухо ќе го пропушти натпреварот поради тоа што не тренираше по црвениот картон против Челзи во Лигата на шампионите. Тренерот Ханси Флик потврди дека дефанзивецот сè уште се опоравува од емотивниот удар по исклучувањето, што е голем удар за одбраната на Барселона оваа недела.

Барселона се соочува и со подолг период на отсутности. Фермин Лопез е надвор околу две недели поради повреда на мускулот на листот, додека голманот Марк-Андре тер Штеген продолжува да се опоравува од операцијата на грбот, без јасен датум за враќање. Гави останува надвор до почетокот на 2026 година по операцијата на менискусот на коленото.

Томас Франк, менаџерот на Тотенхем, храбро изјави дека Витиња, ѕвездата на Пари Сен-Жермен, е предодреден да стане следниот добитник на Златната топка. Франк го пофали Португалецот по неверојатниот натпревар во Лигата на шампионите, каде Витиња постигна хет-трик и го предводеше ПСЖ до победа од 5-3 над Тотенхем. „Каков играч, неверојатен е!“, изјави Франк, нагласувајќи ја неговата вештина и интелигенција на теренот.

Витиња оваа сезона во Лигата на шампионите импресионира со исклучителната статистика во додавањата. Тој во просек прави 108 додавања по натпревар, најмногу меѓу играчите од петте најсилни европски лиги, а единствен е кој има просек над 100 додавања по натпревар. Во последниот меч против Тотенхем, Витиња не само што постигна хет-трик, туку и доминираше во допири со топката (109), напредни додавања, шутеви (пет) и упаѓање во последната третина (10), потврдувајќи ја неговата креативна и контролна улога во средината на теренот.

Франк го истакна уникатниот стил на игра и фудбалската интелигенција на Витиња, нарекувајќи го „најсовршениот современ централен играч“. Тој посочи дека времето, креативноста и читливоста на играта го издвојуваат и според него го прават потенцијален добитник на Златната топка. И покрај поразот на Тотенхем, Франк ја истакна храброста и агресивноста на својата екипа, но мечот јасно беше бележан од квалитетот на Витиња.

Тони Крос беше одликуван со Крстот за заслуги од Сојузна Република Германија, највисоко цивилно признание на државата. На специјална церемонија што се одржа на Сантијаго Бернабеу, стадионот каде што ја изгради својата блескава кариера. Доделувањето на ова престижно одликување токму на тревникот што му донесе толку многу успеси симболично ја заокружува неговата оставштина како една од најголемите личности на модерниот фудбал.

Германецот зад себе остава импресивна низа трофеи и рекорди. Во дресот на Реал Мадрид одигра повеќе од 450 натпревари, освојувајќи 5 титули во Лигата на шампионите и низа домашни трофеи. На меѓународната сцена беше клучен дел од германската репрезентација која триумфираше на Светското првенство во 2014 година. Неговата прецизност, визија и интелигенција на теренот го поставија меѓу највлијателните играчи на своето време.

Но признанието не е само за фудбал. Во фокусот на церемонијата беше и неговиот хуманитарен ангажман преку Фондацијата „Тони Крос“, која им помага на тешко болни деца и нивните семејства. Крос истакна дека наградата ја доживува како признание за целокупниот негов ангажман, и спортски и општествен.

На настанот присуствуваа поранешни соиграчи, претседателот на Реал Мадрид Флорентино Перез и германскиот претседател, што уште еднаш ја нагласи почитта што Крос ја ужива и во фудбалската и во пошироката заедница. Во своето обраќање тој со гордост и скромност се заблагодари за поддршката низ годините, истакнувајќи дека Бернабеу секогаш ќе биде негов дом.

Федерико Валверде со емотивна објава на Инстаграм изјави дека тимот е „пообединет од кога било“ и дека последните настапи го покажуваат борбениот дух, и покрај бучавата однадвор. Неговиот став доаѓа во моменти кога во медиумите се појавија приказни за затегнати односи, па дури и за застој во преговорите околу новиот договор на Винисиус Жуниор со клубот и тренерот Чаби Алонсо.

Уругваецот истакна колкава чест е да се игра со фудбалери од калибарот на Винисиус Жуниор и Килијан Мбапе, но најголем акцент стави на колективот, кој, како што вели, го прави Реал Мадрид „најдобар тим во светот“. Валверде потенцираше дека токму заедничката посветеност е она што го одржува тимот силен во моменти на притисок.

Валверде призна дека работи напорно за да ја врати најдобрата форма и дека не го крие фактот дека периодот е тежок. Сепак, тој ја истакна безрезервната поддршка од тренерот и стручниот штаб, кои, заедно со соиграчите, му помагаат полесно да ги надмине предизвиците.

Арсенал ја одигрува една од своите најимпресивни кампањи во последните децении. Со 5 победи од 5 натпревари во Лигата на шампионите, лондонскиот клуб собра максимални 15 бодови, постигна 16 гола и прими само еден. Тоа е почеток каков што не сме виделе уште од сезоната 2005/06, кога Топџиите стигнаа до своето единствено финале во ЛШ.

Тимот на Микел Артета демонстрира совршен баланс меѓу дисциплина и креативност. Одбраната функционира речиси беспрекорно, додека нападот е меѓу најпродуктивните во натпреварувањето.

Паралелно со европските успеси, Арсенал е лидер и во Премиер лигата. Тимот покажува зрелост, стабилност и длабочина што во последниве години ретко се гледаше на Емиратите. Победата од 3–1 над Баерн Минхен дополнително го потврди статусот на клуб што оваа сезона се наметнува како вистински кандидат за големи титули.

Предизвикот сега е да се одржи ритамот во елиминациската фаза, каде што притисокот е поголем и секоја грешка може да биде пресудна. Но со квалитетот на тренерскиот штаб и добро скроениот тим кој ги спојува младоста и искуството, навивачите имаат полни причини да веруваат дека Арсенал може да оди уште подалеку отколку во славната сезона во 2005/06.

Капитенот на Ливерпул, Вирџил ван Дајк, јавно се обрати до навивачите во период што го опиша како еден од најтешките за клубот. Во искрената порака тој призна дека тимот се соочува со сериозни проблеми и отворено рече дека „во моментов владее вистински хаос“, нагласувајќи дека недостигот од конзистентност е главната слабост сезонава.

Ван Дајк посочи дека Ливерпул прима премногу голови и премалку добива клучни дуели, но дека вината е колективна и мора да се преземе одговорност на секое ниво. Сепак, истакна дека борбениот дух не е исчезнат и дека тимот „нема да се предаде“, туку ќе работи да ја врати стабилноста и самодовербата.

Во пораката упатена до навивачите, холандскиот дефанзивец побара тие да продолжат со поддршката, подвлекувајќи дека „клубот и публиката сега повеќе од кога било мора да бидат заедно“. Тој верува дека истата таа цврстина што отсекогаш го одликувала Ливерпул ќе му помогне на тимот повторно да се издигне, и покрај неочекуваните порази и притисокот што го носи сезоната.

Пораката на Ван Дајк е повик за обединување, доверба, трпение и заедничка борба во период кога Црвените се решени да ја повратат формата и гордоста.