Претседателот на Наполи, Аурелио Де Лаурентис, е обвинет за лажно сметководство при трансферот на Костас Манолас од Рома во 2019 година и измама во врска со трансферот на Викор Осимен од Лил три години подоцна. Во врска со овој случај судењето во Рим е закажано за 2 декември следната година.

Според порталите блиски до Наполи, државните обвинители Лоренцо Дел Џудиче и Џорџо Орано поднесоа обвинение против првиот човек на Наполи поради финансиските извештаи во периодот од 2019 до 2021 година, а клубот од стадионот „Диего Армандо Марадона“ ја објави најновата вест.

Во официјално соопштение од клубот е изразен шок од судијата на прелиминарното сослушување со кој е обвинет Де Лаурентис, велејќи дека сите извештаи покажуваат дека финансискиот извештај на клубот за трансакциите при трансферот на фудбалрот бил точен.

„Самото обвинителство призна, за време на завршниот збор, дека Наполи не добил никаква корист од спорните трансакции. Клубот мирно го чека судскиот процес, убеден во исправноста на неговиот исход“, се вели во соопштението и се напоменува дека обвинителите од Милано побарале прекин на постапката против Интер за ист ваков случај.

Да ве потсетиме, сè се случува во момент на голема резултатска криза во редовите на италијанскиот шампион, која кулминираше претпоследниот викенд со пораз во Болоња, што наиде на остра реакција од тренерот Антонио Конте.

По ноемвриската репрезентативна пауза, следниот натпревар на Наполи е во сабота против Аталанта.

Легендата на Атлетико Мадрид, Антоан Гризман, полека се ближи кон кајот на кариерата.

Веќе не клучен играч за Атлетико Мадрид и самиот прифати да има поинаква улога во тимот на Чоло Симеоне.

Гризман, од почетокот на сезоната, најчесто влегува од клупата за резерви, нема проблем со одлуката на тренерот, целосно му е посветен на тимот.

„Нова улога? Разбирам дека морам да бидам професионалец, да бидам пример и да им покажам на сите дека можам да играм и дека имам што е потребно, како и да заслужам место во почетниот состав“, изјави Гризман за „АС“.

Се шпекулира дека ќе го напушти клубот по завршувањето на сезоната, иако неговиот договор истекува во јуни 2027 година.

Германската легенда Томас Милер откри дека ќе остане во Ванкувер и следната сезона. Напаѓачот се приклучи на тимот од МЛС лигата летото откако му истече договорот со Баерн.

„Ќе бидам тука и следната година. Со полна пареа напред! Се преселив во нова лига и нова земја, и ако можам да ја освојам титулата за толку кратко време, тоа би ме направило дел од извонредно достигнување на тимот“, изјави Милер за „Кикер“.

Томас Милер има одиграно 10 натпревари за својот нов тим, постигнувајќи 9 гола и 4 асистенции.

Ванкувер ќе се соочат со Лос Анџелес ФК во полуфиналето на Западната конференција на МЛС на 23 ноември.

Дефанзивецот на Јувентус, Даниеле Ругани, ќе биде отсутен од терените во период од три недели поради повреда на солеусот.

Дефанзивецот на Јуве има делумно кинење на мускулот на десната нога, потврдија синоќа од италијанскиот состав.

31-годишниот играч ја здобил повредата за време на тренинг во вторникот.

Во исто време, дефанзивците Хуан Кабал и Лојд Кели се вратија во првиот тим и денеска ќе тренираат со екипата подготвувајќи се за викенд натпреварот.

Македонскиот првак Еурофарм Пелистер загуби на гостувањето кај ПИК Сегед со 35-20 во натпреварот од осмото коло во Лигата на шампионите и останува на седмото место на табелата со 4 бодови.

Тренерот Рубен Гарабаја ги сподели импресиите по мечот во кој блескав настап имаше противничкиот голман Ролан Миклер со дури 19 одбрани.

„Во натпреварот минатата недела нашите голмани имаа дури 50% успешност во одбраните, а такво нешто не успеавме да повториме. Нашата одбрана беше послаба. Не браневме еден на еден ситуации, исто така бевме и слаби во два на два. Не успеавме да го неутрализираме и Лазар Кукиќ, па сметам дека овие беа клучните работи кои ни донесоа успех минатата недела“, рече Гарабаја.

Битолчани се враќаат во нашата земја и од утре почнуваат да го подготвуваат гостувањето кај Пролет.

Столе Димитриевски вчера се врати во Валенсија на клупски обврски по тешкиот пораз кој го претрпе Македонија во Кардиф, но пречекот во шпанскиот град не беше воопшто добар, пред се поради фактот што новинар на „Ел Чирингито“ го следеше македонскиот голман од аеродромот, па се до влегувањето во автомобилот.

Причина за тоа беа експлозивните изјави кои ги даде Димитриевски при гостувањето во подкастот на Стефан Лазаров, па иако Столе вчера не сакаше ништо јавно да каже пред камерите, ова утро имал разговор со тренерот Карлос Корберан, по кој заклучил дека направил голема грешка.

Македонскиот чувар на мрежата лично му се извинил на Корберан и на целиот стручен штаб, а потоа и на сите соиграчи во соблекувалната на Валенсија.

Ова денеска го откри тренерот Корберан на прес-конференцијата во пресрет на утрешното дерби со Леванте, но исто така обелодени дека Димитриевски ќе добие и парична казна поради прекршување на дисциплинскиот кодекс во тимот.

„За нас целиот фокус во изминативе две недели е утрешниот натпревар со Леванте. Столе се врати вчера и денеска можевме да разговараме со него. Прво тоа го направив поединечно, а потоа и во соблекувалната пред соиграчите. Играчот се извини за своите изјави кои беа погрешни и неточни, бидејќи во Валенсија никој не игра поради одредени точки во договорот. Тој е свесен за ова и им се извини на соиграчите во соблекувалната, но исто така и на другиот персонал од стручниот штаб. Јас ги почитувам моите дисциплински прописи и тој ќе добие соодветна финансиска казна. Со тоа, случајот на Димитриевски го сметам за затворен“, – изјави Корберан, кој додаде дека ова нема негативно да влијеа врз спортските одлуки кои ќе ги носи за Столе.

Раководството на Манчестер Сити наскоро ќе започне разговори со Фил Фоден за нов договор.

Тековниот договор е до 2027 година, но клубот сака да ја обезбеди неговата иднина за уште подолг период.

25-годишниот Фоден повторно е во врвна форма. Оваа сезона одигра 18 натпревари, во кои постигна 7 гола и имаше 4 асистенции.

Менаџерот Пеп Гвардиола и раководството на клубот се исклучително задоволни од неговиот настап. Затоа, „граѓаните“ сакаат да ги обезбедат неговите услуги за подолг период.

Се очекува голманот на Ливерпул, Алисон Бекер, да се врати на целосен тренинг со првиот тим во текот на денот или утре во обид да биде подготвен за гостувањето во сабота кај Нотингем Форест, објави „Стандард Спорт“.

Бразилскиот репрезентативец не играл од 30 септември, кога се повреди за време на поразот од Галатасарај во Лигата на шампионите со 1:0. Тој натпревар беше втор последователен пораз за тимот од „Енфилд“.

Ѓорѓи Мамардашвили беше стартер во негово отсуство. За разлика од Алисон, Џереми Фримпонг сè уште не може да се врати на тренинг. Тој се повреди за време на победата од 5:1 над Ајнтрахт Франкфурт во Лигата на шампионите и нема понатамошни информации за неговата состојба.

Тибо Куртоа откри дека чувствува зголемена тензија во пресрет на Ел Класико и ја истакна улогата на младата ѕвезда на Барселона, Ламин Јамал. Голманот на Реал Мадрид во интервју изјави дека Јамал е талент што ќе остави трага во клубот, но дека неговите последни коментари „малку ја подгреале ситуацијата“. Според Куртоа, адреналинот и притисокот на ваквите дерби-средби често ги носат играчите до изјави за кои подоцна се каат.

Тој додаде дека ваквите искри се составен дел од интензитетот на Ел Класико и дека по четирите порази минатата сезона, Реал Мадрид „повторно имал потреба од тој противнички оган“. Според него, Барселона „никогаш не покажала вистинска почит“ кон Мадрид по тие победи, што дополнително ја зголемило желбата на неговиот тим да одговори на теренот.

И покрај острите зборови, Куртоа подвлече дека меѓусебната почит меѓу играчите останува недопрена. Како пример ги спомена Карвахал и Дин Хујсен, посочувајќи дека доколку утре играле заедно за Шпанија, немало да има никаков проблем. „Ако утре го видам Ламин, ќе го поздравам,“ рече тој, нагласувајќи дека ваквите тензии се деловни и не навлегуваат во личните односи.

Марсело Биелса избори пласман на Светското првенство со Уругвај, но прашање е дали „Ел Локо“ ќе го предводи тимот на Мундијалот во САД, Мексико и Канада.

Уругвај, во пријателски натпревар, доживеа тежок пораз од САД (5:1), поради што медиумите во Уругвај шпекулираат дека тој ќе добие отказ.

Коментаторот и аналитичар Федерико Бујсан, кој со години ги следи и коментира натпреварите на националниот тим, за радио станицата „Дспортес“ изјави дека ситуацијата во тимот е алармантна.

„Односот меѓу тренерот и играчите е „нарушен“. Пораките испратени до тимот едноставно не стигнуваат до главите на играчите. Момците ја пренесоа таа порака до челниците во Федерацијата. Раководството, во принцип, сака тренерот да остане, но тие се многу загрижени за целата ситуација“, рече на Бујсан и изјави:

„Хорхе Џордано (генерален секретар на Федерацијата) верува во тренерот“.

Аргентинецот беше назначен за селектор на Уругвај во мај 2023 година, што е негово трето назначување на клупата на јужноамериканска селекција по Аргентина (1998-2004) и Чиле (2007-2011).

Третото место на Копа Америка минатата година беше прифатено како успех, но во текот на квалификациите за Светското првенство во 2026 година, односот со играчите се вложи.

Уругвај директно, како четврти во лигата од десет национални селекции, се пласира на СП, но игрите и резултатите (7-7-4, 22:12) не беа на очекуваното ниво.

Биелса го доби прекарот „Лудак“ со својот жесток и нетипичен начин на водење на тимот, неговата малку луда посветеност на фудбалот, со што изврши големо влијание врз помладата генерација тренери.

Пеп Гвардиола, во времето додека беше активен играч, патувал од Мексико во Аргентина само за да помине еден ден на ранчот на Биелса разговарајќи за фудбалот и животот со својот домаќин.