Манчестер Сити ја има една од најголемите кризи во изминатата деценија, па Гвардиола сака значително да го засили тимот во зимскиот преоден рок.

После повредата на Родри, Сити има приоритет да доведе негова замена, а најголемата желба на Гвардиола е Гимараеш од Њукасл.

27-годишниот Бразилец сака да ја промени средината, а Гвардиола верува дека ќе биде идеален за неговот стил на игра.

Тој има договор до 2028 година, а изгледа дека Сити ќе мора да потроши значителна сума доколку сака да го доведе во своите редови, особено среде сезона. Од „Етихад“ се спремни да ја активираат откупната клаузула од 100 милиони евра за услугите на бразилскиот репрезентативец.

Лерој Сане влезе во последната година од договорот со Баерн Минхен, а последните информации говорат дека нема да ја продолжи соработката со Баварците.

Германецот има договор со 2025 година и влезе во последната година од договорот, па Баерн сака што поскоро да стави потпис на нов договор.

„Скај Спорт“ открива дека Сане во овој момент е поблиску до заминување отколку до останување во Минхен.

Меѓутоа, клубовите од Премиер лигата, пред се Арсенал и Манчестер Јунајтед, ја следат ситуацијата и сакаат на лето да го доведат без обештетување.

Кристијано Роналдо не доаѓа во Фенербахче, тоа нема да се случи. Имаме тројца добри напаѓачи и не ни треба уште еден, изјави „специјалниот“ кој во својот состав ги има Един Џеко, Ченк Тосун и Јусеф Ен-Несири.

Португалците Жозе Мурињо и Кристијано Роналдо соработуваа успешно три сезони во Реал Мадрид, а турските медиуми пишуваа за интересот на Мурињо да го доведе Роналдо во Фенербахче. Сепак, ништо нема да излезе од тоа, како што потврди тренерот на турскиот великан.

„Кристијано Роналдо не доаѓа во Фенербахче, тоа нема да се случи. Имаме тројца добри напаѓачи и не ни треба уште еден“, изјави „специјалниот“ кој во составот ги има Един Џеко, Ченк Тосун и Јусеф Ен-Несири.

„Кристијано секогаш ќе биде Кристијано, но јас не сакам да се случи оваа зделка бидејќи сум задоволен со моите напаѓачи.

Мурињо на шега го прокоментира и интересот на Роналдо да дојде во Фенербахче.

„Тој заработува многу пари во Саудиска Арабија и си постави за цел да постигне 1.000 голови. Што може да го мотивира да дојде покрај убавината на Истанбул?“, рече португалскиот тренер и додаде дека не му се допаѓа јануарскиот преоден рок бидејќи на играчите им треба време да се приспособат.

Тимот на Мурињо е на второто место со 32 бода, три помалку од водечкиот Галатасарај.

Манчестер Јунајтед одлучи да се раздели со крилниот напаѓач Антони доколку клубот добие добра понуда за негова продажба, објави експертот за трансфери на „Скај Спортс“, Флоријан Плетенберг.

Новиот менаџер на „црвените ѓаволи“, Рубен Аморим е задоволен од подобрената форма на Антони и би го искористил, но во резервна улога. Токму поради оваа причина клубот ќе ги разгледа пристигнатите понуди, а сумата од евентуалната продажба на бразилскиот крилен напаѓач ќе биде искористена за нови засилувања.

Антони има договор со Манчестер Јунајтед до јуни 2027 година.

Легендарниот Бразилец Марсело кој најдобрите денови од кариерата ги помина во Шпанија би можел да се врати во оваа земја.

Марсело летото 2022 година го напушти Реал Мадрид и потпиша за Олимпијакос, а набрзо потоа се пресели во Флуминенсе од неговата татковина.

Сега шпанските медиуми најавуваат дека би можел да се врати во шпанскиот фудбал и тоа во редовите на Леганес кој испратил понуда.

Синот на Марсело живее во Шпанија и е едел од младинските категории на Реал Мадрид, додека Леганес е клуб од предградието на Мадрид и ваква опција на бразилскиот ас секако му одговара.

Марсело дел од Реал Мадрид беш од 2007 до 2022 година и во тие години освои се што можеше да се освои.

Напаѓачот на Галатасарај, Виктор Осимен сака на лето да се пресели во Јувентус. Тој во моментов е на позајмица во турскиот гигант Галатасарај, а како играч на Наполи. Сепак Осимен се надева дека потоа ќе се пресели во Торино, каде повторно ќе се соедини со спортскиот директор Кристијано Џунтоли, со кого претходно работеше во Неапол, пренесува „Ил Матино“.

Џунтоли беше онок кој го донесе во Наполи од Лил во 2020 година за 75 милиони. евра. Во последно време е јасно дека директорот на Јувентус сака да го однесе Нигериецот во Јуве, а се чини дека и самиот фудбалер е подготвен на таков чекор.

Според информациите, Јувентус е подготвен да ја плати клаузулата од 75 мил. евра, што е вклучено во договорот на Осимен. Сепак, според други извори, оваа клаузула важи само за клубови надвор од Италија, додека за тимовите од Серија А е 90 милиони евра.

Јувентус е во потрага по нов напаѓач бидејќи иднината на Душан Влаховиќ е под знак прашање. Доколку Србинот биде продаден на лето, „бјанконерите“ парите од неговата продажба би можеле да ги искористат за да го доведат Осимен.

Бетис ја прекина лошата серија во дуелите со Барселона на домашен терен. По серијата од седум порази на „Бенито Виљамарин“, Бетис освои бод против Барселона (2-2) во 17.коло во Примера. Според играта и бројот на создадени шанси Бетис заслужи да го победи лидерот на табелата.

Бетис во 93.минута го постигна вториот гол преку младиот напаѓач Диао. Бодот апсолутно го заслужија домаќините, кои промашија неколку големи шанси. Две врвни интервенции имаше Ињаки пења. Во третата минута му одбрани во ситуација „еден на еден“ на Ез Абде, а во вториот дел брилијантно реагираше по шутот на Авила.

Покрај тоа Бетис имаше уште две големи шанси, во првиот дел ударот на Ло Селсо заврши крај голот, а во вториот нестварно е што промаши Алтимира, од четири метри топката по неговиот удар заврши крај голот.

Барселона првата добра акција ја круниса во гол, по додавањето од Кунде Левендовски постигна гол. Израмнувањето дојде во 67.минута. Де Јонг, кој три минути претходно влезе во игра го фаулираше играчот на Барселона на позајмица во Бетис, Витор Роке. Поради бурни протести црвен картон доби тренерот на Барселона, Ханси Флик.

Главниот судија не виде ништо, ВАР се огласи, па по прегледувањето на снимката Бетис доби пенал. Најстрогата казна ја реализираше Ло Селсо.

Втората добра акција на „Бенито Виљамарин“ Барселона ја изведе во 83.минута, брилијантно додавање на Јамал за Торес кој погоди за 1-2.

Бетис до крајот повторно притисна и за желбата, борбеноста и добрата иф=гра беа наградени со голот на Диао.

Фудбалерот на Вест Хем, Мајкл Антонио, кој имаше тешка сообраќајна несреќа е во стабилна состојба.

Информацијата за несреќата ја потврди и клубот кој потоа ја објави здравствената состојба на напаѓачот.

„Вест Хем може да потврди дека Мајкл Антонио е во стабилна состојба по сообраќајната несреќа попладнево во областа Есекс. Во овој тежок момент, љубезно бараме од сите да ја почитуваат приватноста на Мајкл и неговото семејство. Клубот нема да дава дополнителни коментари вечерва, но во догледно време ќе објави дополнителни вести“, соопштија од клубот.

Пред официјалните детали кои ги објави клубот, на социјалните мрежи се појавија фотографии од искршеното Ферари кое наводно го возел фудбалерот.

Фудбалерите на Јувентус ремизираа со Болоња (2-2) во натпреварот од 15. коло на Серија А одигран во Торино.

Ова беше прва средба на која Тиаго Мота го предводеше Јувентус против Болоња, со која направи голем успех минатата сезона кога го освои четвртото место и обезбеди пласман во Лигата на шампионите.

Мота нема по добро да го памети првиот меч против поранешниот тим. Се тргна наопаку за Јувентус кога Ндоје ги доведе гостите во предност во 30. минута.

Мота беше нервозен, постојано се расправаше со судијата Маркети и неговите помошници, обвинувајќи ги за еднострано делење на правдата.

Ситуацијата ескалира кога на стартот од вториот дел доби директен црвен картон кога претера со протестите, а само две минути подоцна Побега ја удвои предноста на гостите.

Копмајнерс успеаја да ја намали негативата во 63. минута, но резултатот не се менуваше до судиското надополнување на времето.

Влахпвиќ во 93.минута се проби по десната страна, а потоа на спротивната страна на шеснаесетникот го Мбангула. Младиот фудбалер пласираше во спротивниот агол и ги постави конечните 2-2.

Во последниот натпревар од саботната програма од 16. коло на Ла Лига, Реал на „Монтоливи“ ја победи Џирона со 0-3. Македонскиот репрезентативец Бојан Миовски играше до 58. минута.

Реал повторно се доближи до Барселона и со евентуална победа во одложениот натпревар против Валенсија има можност да се врати на челната позиција.

Џуд Белингем повторно беше на висина на задачата. Англискиот репрезентативец игра одлично во изминатиот месец. Во овој период, одигра пет натпревари во лигата и беше стрелец на секој од нив. Неговиот вкупен учинок е пет гола и три асистенции.

Против Џирона го постигна првиот гол во 36.минута, кога ја искористи паниката на домашните дефанзивци. Потоа Англичанецот му асистираше на Гулер за 0-2 во 55. минута. Конечните 0-3 ги постави Килијан Мбапе во 62. минута на асистенција на Лука Модриќ.

Реал со натпревар помалку има два бода помалку од водечката Барселона.