Незадоволството во Реал Мадрид продолжува да расте. Според информациите на „Марка“, дефанзивецот Давид Алаба е лут поради малата минутажа што ја добива.

Австриецот не разбира зошто речиси и да не е во плановите и веќе ја разјаснил ситуацијата со тренерот Алваро Арбелоа. Според истиот извор, фудбалерот јасно му ставил до знаење дека очекува поголема улога во тимот.

Алаба смета дека е подготвен да помогне и дека заслужува повеќе простор на теренот, но засега останува во втор план. Ваквиот развој на настаните дополнително ја комплицира атмосферата во соблекувалната на мадридскиот гигант.

Останува да се види како ќе реагира стручниот штаб и дали во наредниот период искусниот дефанзивец ќе добие поголема доверба.

Тренерот на фудбалската репрезентација на Англија, Томас Тухел, ќе остане на клупата на националниот тим барем до крајот на Европското првенство во 2028 година.

Тоа е епилогот од новата соработка што Фудбалската асоцијација на Англија ја договори со германскиот стручњак. По совршената квалификациска кампања за Светското првенство, самодовербата е на исклучително високо ниво.

Поранешниот стратег на Челзи, Баерн Минхен и Пари Сен Жермен стави крај на шпекулациите за можен трансфер во Манчестер Јунајтед, Тотенхем или Реал Мадрид со парафирање на договорот. Сите три клуба неодамна ги сменија тренерите, но ќе мора да бараат нов на друга адреса.

„Многу сум среќен и горд. Едвај го чекам Светското првенство, одлична можност да ја направам нацијата горда. Имам огромна поддршка од извршниот директор Марк Булингам, колегите од Федерацијата и навивачите каде и да одам, без двоумење решив да ја продолжам оваа работа од соништата. Европското првенство 2028 ќе биде многу посебен турнир, можност да се натпреварувам со најдобрите на најголемата можна сцена“, рече Тухел.

Англичаните повторно влегуваат во големото натпреварување со епитетот еден од главните фаворити за трофејот.

Во групата Л ќе се натпреваруваат против Хрватска, Гана и Панама, па се очекува релативно лесен пласман во нокаут фазата. Пред четири години во Катар беа елиминирани во четвртфиналето, каде што беа запрени од Франција.

Фудбалерите на Пелистер го совладаа попладнево Работнички на домашен терен во Битола, додека Брера и Македонија ЃП ги поделија бодовите во Струмица, во двата завршни натпревари од 17. коло во Првата македонска фудбалска лига (ПМФЛ).

На дуелот во Струмица, АП Брера дојде во водство со голот на Петровиќ во 20 минута, но до крајот на полувремето Пецов (45+1) донесе израмнување за конечни 1-1.

Пелистер победнички го почна вториот дел од сезоната, совладувајќи го Работнички со 4-1, предводен од тројниот стрелец Булатовиќ (16, 34, 49) и Керим (90+4). Почесниот гол за Работнички го постигна Демири од пенал (36).

Менаџерот на Ливерпул, Арне Слот, за победата над Сандерленд (1:0) во 26-то коло од Премиер лигата вели дека е е една од најважните оваа сезона.

„Многу важна победа. Моравме да дадеме сè од себе по само два дена одмор. А потоа уште еден тежок натпревар на гостински терен. Повторно покажавме колку сме добри со топката. Денес создадовме толку многу шанси. Покажавме карактер во текот на целиот натпревар, поради што си заминуваме од тука со победа од 1-0. Имавме многу добри периоди во второто полувреме и многу можности каде што нашите квалитетни играчи се најдоа на ветувачки позиции. Генерално, тоа беше навистина силен настап во однос на посветеноста“, истакнал Слот.

За најновата повреда која ја заработи Ендо, Слот дополни:

„Не очекуваме позитивен исход. Како што реков, треба да почекаме. Претпоставуваме дека ќе биде надвор од терените подолго време. Ова не е првпат да имаме проблеми со нашите десни бекови. Секогаш го прифаќаме тоа. Треба д

Јапонската Џеј Лига ќе донесе историска промена во натпреварувањето, откако официјално беше потврдено дека во сезоната 2026 нема да има реми во регуларниот дел од натпреварите.

Секој дуел што ќе заврши без победник по 90 минути ќе добие разрешница преку изведување пенали. Тимот што ќе слави од белата точка ќе освои два бода, додека поразениот сепак нема да остане со празни раце и ќе добие еден бод.

Ваквата мерка е изгласана со поддршка од клубовите од елитата, а идејата е да се внесе дополнителна возбуда и поголема динамика во борбата за позициите на табелата. Раководството верува дека новиот систем ќе ја зголеми неизвесноста и интересот кај навивачите.

Сепак, станува збор за привремено решение. Сезоната 2026 ќе има транзициски карактер поради намерата јапонскиот фудбал да премине на европскиот календар. Наместо досегашниот формат пролет есен, во иднина шампионатот ќе се игра по европски пример. За да се реализира оваа промена без проблеми, ќе биде одиграна скратена кампања до летото, по што од есен ќе стартува новиот циклус според изменетиот распоред.

Европската фудбалска асоцијација (УЕФА) објави вечерва дека постигнала договор со Реал Мадрид за прекин на тековната битка околу формирање Суперлига, откако мадридскиот клуб остана единствен поборник за ова натпреварување.

Главниот ривал на Реал Мадрид, Барселона, минатата недела објави дека се откажува од проектот Суперлига, а сега и Кралскиот клуб одлучи да го стори истото.

„По повеќемесечни разговори водени во најдобар интерес на европскиот фудбал, УЕФА, фудбалските клубови и Реал Мадрид објавуваат дека постигнаа договор околу начелата во корист на европскиот клупски фудбал, почитувајќи ги принципите на спортска заслуга, со акцент на долгорочната одржливост на клубовите и подобрување на искуството на навивачите преку користење на технологијата. Овој договор за начелата ќе послужи и за решавање на нивните правни спорови поврзани со Европската Суперлига, откако овие принципи ќе бидат имплементирани и применети“, објави УЕФА на својата официјална веб-страница.

Идејата за формирање на Суперлигата беше наменета да им користи на најбогатите европски клубови, а беше иницирана во 2021 година од Манчестер Сити, Манчестер Јунајтед, Арсенал, Челзи, Ливерпул, Тотенхем, Барселона, Атлетико Мадрид, Реал Мадрид, Интер, Јувентус и Милан.

Повлекувањето на Реал означи дефинитивен крај на Суперлигата уште пред проектот воопшто да започне.

Само неколку дена пред дербито со Јувентус, Дензел Дaмфрис се врати на тренинзите на Интер.

Холандскиот репрезентативец нема настап од 9 ноември, кога заработи повреда на зглобот поради која мораше да биде опериран.

Поради тоа тој ги пропушти последните 13 натпревари на „нероаѕурите“ во Серија А.

Сè уште не е познато дали Киву ќе го вклучи во составот за дуелот со Јувентус, но се чини дека е малку веројатно да започне како стартер.

Претходно оваа недела на тренинзите им се приклучија и Николо Барела и Хакан Чалханоглу.

Турскиот репрезентативец беше надвор од терените од 11 јануари, додека италијанскиот играч за врска паузираше од 28 јануари.

Тотенхем започна преговори за потпишување на германскиот дефанзивец Антонио Рудигер, кој треба да го напушти Реал Мадрид на крајот од тековната сезона. Англискиот клуб размислува да го привлече играчот во претстојниот летен преоден рок.

Тотенхем се надева дека ќе го убеди Рудигер да не потпишува нов договор со Реал Мадрид. Дефанзивецот претходно се согласи на значително намалување на платата за да остане во Реал Мадрид.

Рудигер не брза да донесе конечна одлука за својата иднина, но изрази желба повторно да игра во Англија. Вест Хем и Кристал Палас исто така се во трка за да потпишат со него.

Дефанзивецот има можност да ја продолжи кариерата во Саудиска Арабија, каде што се соочува со значајни финансиски понуди. Тековниот договор на Рудигер со Реал Мадрид истекува ова лето, а неговата вредност се проценува на 12 милиони евра.

Раководството на Нотингем Форест размислува да го отпушти главниот тренер Шон Дајч . Претседателот на клубот, Евангелос Маринакис, е незадоволен од резултатите на тимот оваа сезона и сериозно размислува да го замени 54-годишниот менаџер.

Дајч го презеде тимот во октомври 2025 година, но не успеа да ги подобри нивните резултати. Нотингем Форест моментално е само едно место над зоната за испаѓање. Сфаќајќи дека Дајч не е добар избор, Маринакис реши да се обиде да го привлече менаџерот Марко Силва од Фулам за време на летната пауза.

Договорот на Силва со Фулам истекува ова лето, а Маринакис сака да го ангажира менаџерот како слободен агент. Сепак, Нотингем не е единствениот клуб заинтересиран за Силва. Кристал Палас исто така внимателно го следи и се подготвува да се раздели со Оливер Гласнер.

Марко Силва е на чело на Фулам од 2021 година. Оваа сезона, тимот одигра 30 натпревари, победи на 14, одигра четири нерешени и загуби на 12. Фулам е на 12-то место на табелата во лигата со 34 бода.

Репрезентацијата на Македонија утре ќе ги добие противниците за претстојното издание на Лигата на нации во кое нашата селекција за прв пат во историјата ќе биде дел од Б сегментот на ова натпреварување.

Токму овие дуели ќе бидат нов предизвик за оваа генерација на играчи, но и одлична можност за селекторот Гоце Седлоски да ја подготви репрезентацијата за квалификациите за Европското првенство кои почнуваат во 2027 година.

“Репрезентациите од првиот и вториот шешир објективно влегуваат како фаворити, со оглед на нивниот рејтинг, искуство и континуитет на големи натпреварувања. Но, тоа не значи дека однапред се знае исходот. Нашата цел е да бидеме конкурентни на секој натпревар, да го наметнеме нашиот стил и да покажеме дека Македонија со право е дел од Лига Б.

Ќе ги почитуваме сите противници, но најмногу ќе веруваме во себе. Ако бидеме организирани и фокусирани од првата до последната минута, можеме да бидеме незгоден противник за секого. Овој циклус го гледаме како нов чекор за напредок на репрезентацијата и шанса дополнително да го потврдиме нашиот квалитет.

Верувам дека репрезентацијата ќе расте низ циклусот натпревари во Лига Б и дека имаме стабилна основа за позитивни резултати”, рече пред жрепката предводникот на националниот тим.

Жрепката ќе се одржи утре во Брисел со почеток во 18 часот, Македонија е дел од четвртиот сад во кој се наоѓаат уште селекциите на Шведска, Северна Ирска и Косово.

Статус на носители имаат Шкотска, Унгарија, Полска и Израел, во вториот сад сместени се Швајцарија, Босна и Херцеговина, Австрија и Украина, а во третиот се наоѓаат Словенија, Грузија, Република Ирска и Романија.