Почесниот претседател на Баерн Минхен, Ули Хенес, беше расположен кога разговараше со медиумите по величествената победа (3:0) на неговиот тим во финалето на Купот, против Штутгарт во Берлин.

Херојот на првата титула на Баерн во Купот, по пауза од шест години, беше Хари Кејн. Англичанецот ги постигна сите голови за Баерн.

Хенес одговори на прашањето за интересот на Барселона, за Хари Кејн.

„Доаѓањето на Хари Кејн е најдобриот трансфер што го имавме“, рече Хенес и дополни дека „Баерн е клуб кој купува, а не продава играчи“.

Потоа испрати брутална порака до Барселона.

„Кејн останува, Барселона и онака нема пари“, рече тој.

По триумфот од 7-0 во дуелот против прилепска Победа, фудбалерите на Брегалница од Штип го потврдија првото место на табелата во Втората македонската фудбалска лига и по две сезони повторно се враќаат во елитното друштво.

Стефан Костов, Дино Михолов, Јорданчо Наумоски, Костадин Капсаров, Никола Талески, Јован Постолов и Мартин Димоски беа стрелци на головите за Штипјани кои ја освоија првата позицина со 71 бод колку што има и второпласираното Скопје, благодарение на подобриот учинок во меѓусебните дуели.

Скопје на домашен терен славеше над Детонит Плачковица со 5-1 и заедно со Шкендија Арачиново која триумфираше над Каменица Саса со 4-2 ќе играат бараж за евентуална промоција во Првата лига.

На мечот одигран на стадионот Железарница, играчите на Скопје ги постигнаа сите пет погодоци. Двоен стрелец беше Виктор Ангелов, по еднаш прецизни беа Аднреј Стојановски, Алексеј Славков и Јорго Папули, кој во 51. минута ја погоди и сопствената мрежа.

Шкендија Арачиново како гостин ја совлада Каменица Саса со 4-2.

Зани Назифи постигна два погодоци, по еднаш меѓу стрелците се запишаа Амир Нухија и Владимир Жоглев додека головите за домаќинот беа дело на Филип Николовски и Глигорче Ефремов.

Петтопласираниот Охрид забележа победа пд 7-1 во дуелот против Слога Виница, Тетекс триумфираше над Големо Коњари со 7-2, Беласица на гостувањето во Ресен ја совлада Преспа со 3-1, Кожуф во Неготино славеше над Вардар со 5-0 додека на мечот меѓу Новаци и Осогово противниците постигнаа по три гола.

Второлигашката конкуренција ја напуштаат Вардар Неготино, Слога Виница, Преспа, Победа Прилеп и Големо Коњари додека бараж за опстанок ќе играат Кожуф, Тетекс и Каменица Саса.

Фудбалерите на Вардар триумфално ја завршија сезоната во Првата лифа и со победа од 3-0 во дуелот против најголемиот конкурент Шкендија Тетово го прославија враќањето на тронот во македонскиот фудбал.

За Вардар ова е прв шампионски трофеј по пауза од шест години, а вкупно 12. во клупската историја.

Новиот шампион поведе во 22. минута кога Нуман Ајетовиќ ја погоди сопствената мрежа. Во 36-тата, Горан Закариќ зголеми на 2:0, а триумфот го потврди Бобан Николов со голот постигнат на девет минути пред крајот на натпреварот.

Шкендија имаше можност да го постигне почесниот погодок, но Лиридон Љатифи во два обида не успеа да реализира удар од 11 метри.

По првиот пенал одлично реагираше голманот на “црвено црните”, Давор Талески, кој успеа да го одбрани и вториот шут откако судијата Бенјамин Ќерими донесе одлука ударот да се повтори.

Новиот шампион на Македонија, сезоната ја заврши со 80 бода, шест повеќе од Шкендија. Избраниците на Гоце Седлоски забележаа 25 победи и пет нерешени резултати и само два пати ја почувствуваа горчината на поразот.

Најефикасен во редовите на првакот е Азер Омерагиќ со 14 гола, Мато Роџерс кој си замина од екипата на полусезоната 12 пати се запиша меѓу стрелците, а на третото место со 11 погодоци е Горан Закариќ.

Пеп Гвардиола утре за последен пат ќе го води Манчестер Сити, потоа заминува од клубот, а веќе е познат и неговиот следен ангажман.

Гвардиола нема да биде тренер, тој ќе биде глобален амбасадор на Сити Фудбал Груп.

Тоа значи дека ќе работи за истите газди, но сега во една поинаква улога.

Пеп ќе биде технички советник на клубовите во групацијата, ќе работи на специфични проекти и колаборации.

Панатинаикос се раздели со Рафаел Бенитез по разочарувачката сезона во која клубот не успеа да ги постигне своите цели.

Искусниот 66-годишен стручњак го предводеше Панатинаикос во вкупно 41 натпревар и оствари учинок од 20 победи, 11 нерешени и 10 порази, со просек од 1,73 освоени поени по натпревар.

Атинскиот гигант ја заврши сезоната на четвртото место во плејофот од грчкото првенство, додека во националниот Куп беше елиминиран во полуфиналето.

Панатинаикос го заврши своето европско патување во осминафиналето од Лигата на Европа.

Според грчките медиуми, главен кандидат за нов тренер е Јакоб Неструп, 38-годишен дански стручњак кој бележеше одлични резултати со Копенхаген во претходните години.

Играчот од средниот ред и капитен на Манчестер Јунајтед, Бруно Фернандеш, е прогласен за најдобар играч во англиската Премиер лига за сезоната 2025/26, соопшти прес-службата на натпреварувањето.

„Ова е сезона за историските книги“, се вели во соопштението на Премиер лигата.

Португалскиот играч од средниот ред одигра 34 натпревари во Премиер лигата оваа сезона, постигнувајќи осум гола и 20 асистенции. Фернандеш го израмни рекордот за најмногу асистенции во една сезона во англиската Премиер лига.

Тренерот на Аталанта, Паладино, го потврди она што се пишуваше во изминатите денови.

Имаше гласини од релавантни извори дека Манчестер Јунајтед е во преговори со Аталанта за трансфер на фудбалерот од средниот ред, Едерсон.

Тој не настапи на вчерашниот меч против Фиорентина, а причината е токму тоа, се водат преговори за негов трансфер.

„Едерсон не играше на овој меч бидејќи има конкретни преговори со топ клуб“, рече Паладино.

Тој не го посочи името на клубот, но сите знаат дека се работи за Манчестер Јунајтед.

Англискиот гигант Челзи го договори трансферот на аргентинскиот фудбалер Валентин Барко од француски Стразбур, клуб кој е дел од истата сопственичка структура под „БлуКо групацијата“.

Новинарот Фабрицио Романо објави дека сите детали се договорени, а Барко се приклучува на лондонскиот тим, кој ќе биде под водство на тренерот Чаби Алонсо од 1 јули годинава.

Според информациите, трансферкот на Барко ќе изнесува околу 30 милиони евра, а Аргентинецот ќе стави потпис на шестгодишен договор.

Аргентинецот оваа сезона воодушеви со неговите настапи во дресот на Стразбур, односно на 43 настапи во сите натпреварувања постигна три голови и девет асистенции.

Македонскиот фудбалски интернационалец Георг Стојановски беше херој на својот тим Спартак Варна кој е предводен од нашиот познат тренер е неговиот дедо Ѓоко Хаџиевски.

Во рамки на последното коло на шампионатот на Бугарија екипата на Спартак Варна дојде до многу важна победа над Локомотив Софија со резултат 3:0, а човек на натпреварот беше Гео Стојановски. Напаѓачот постигна хет-трик во мрежата на противникот, најважни погодоци сезонава затоа што Варна се спаси од испаѓање.

Бугарскиот тим избега од местото кое водеше во бараж или директно во понизок ранг и е на првата безбедна позиција. Во битката за опстанок најважно беше што Септември Софија не успеа да слави.

Фудбалерот на Интер, Федерико Димарко ја доби наградата за најдобар играч во сеозната, во Серија А.

Левиот крилен бек, со Интер ја освои двојната круна, а успеа да го сруши рекордот според бројот на систенции во една сеозна.

Чуварот на мрежата на Рома, Миле Свилар, втор пат по ред е прогласен за најдобар голман во Серија А. Сезонава за Рома бранеше на сите досегашни натпревари, вкупно 37, во Серија А.

Мрежата на 26-годишникот роден во Антверпен остана недопрена во 17 натпревари. Рома во последното коло, во Верона, брка победа и пласман во Лигата на шампионите. ,

Ѕвезда во подем е турскиот крилен напаѓач на Јувентус, Кенан Јилдиз, додека најдобар тренер е Романецот Кристијан Киву, кој го предводеше Интер до дуплата круна, прва по 2010 година.

Најдобар дефанзивец е Марко Палестра од Каљари, најдобар играч од средниот ред е Нико Паз од Комо, а најдобар напаѓач е Лаутаро Мартинез од Интер.

Следната сезона во Серија А ќе започне на 23 август.