Фудбалерите на Трабзон го освоија Купот на Турција, со победата 2-1 над Коњаспор, чии дрес го носи капитенот на Македонија, Енис Барди.

Енис Барди е трагичар на финалниот натпреварот, од перспективата на нанвивачите на Коња. Во 58-та минута не реализира пенал при резултат 1:1. Ударот на Барди заврши во левата статива од голот на Онана.

Инаку, Трабзон водеше од 18-та минута со голот на Онуачу, а изедначи Мулека во 50-та минута. Барди потоа не реализира пенал за целосен пресврт, а казната Коњаспор ја стигна во 79-та минута кога Онуачу од пенал го постави конечниот резултат.

Легендарниот Андрес Иниеста ја започнува тренерската кариера со договор во Гулф Јунајтед од Обединетите Арапски Емирати.

По завршувањето на играчката кариера во 2024 година, шпанскиот мајстор ќе работи со млади фудбалери и ќе го пренесува своето огромно искуство во развојот на тимот.

Иниеста веќе започна со тренерска едукација и се подготвува за иднина во посилни лиги.

Премиерлигашот Манчестер Сити објави дека главната трибина на „Етихад“ од следниот натпревар, последниот на менаџерот Пеп Гвардиола ќе го носи неговото име. Но тоа нема да биде се, клубот ќе изработи статуа пред таа трибина.

На овој начин Манчестер Сити сака на убав начин да му се оддолжи на трофејниот тренер, кој во период од десет години колку што беше на клупата на „граѓаните“ освои 20 трофеи.

„Одамна изјавив дека Манчестер Сити треба да ги има на располагање најдобрите луѓе како на терен така и надвор од него. Пеп беше ДНК на клубот, повеќе поради начинот на кој ги освојуваше трофеите, отколку што ги подигнуваше“, изјави сопственикот на клубот Шеик Мансур.

Главната трибина ќе го носи името „Пеп Гвардиола Станд“. Трибината неодамна беше реновирана и со зголемен капацитет за 7.000 места.

– Трибината Пеп Гаврдиола и статуата ќе биде пред неа, со надеж дека Пеповото наследство ќе биде вметнато во ткивото на овој фудбалски клуб, градот Манчестер и англискиот фудбал, изјави претседателот на Сити, Халдун Ал Мубарак.

Манчестер Сити во недела во последното коло од Премиер лигата ја пречекува екипата на Астон Вила.

Маурицио Сари е многу блиску до преземање на кормилото на Аталанта, наведува новинарот, Николо Скира, со напомена дека преговорите меѓу двете страни влегле во последната фаза.

Се очекува 67-годишниот Сари набрзо да си замине од Лацио и да потпише договор со екипата од Бергамо до летото во 2029 година со плата од 3,5 милиони евра по сезона.

Тоа ќе биде втората најавена тренерска промена во Серија A на крајот на сезоната ако се знае дека и Антонио Конте ќе си замине од редовите на Наполи.

Џери Кардинале ќе биде на стадионот Сан Сиро на натпреварот Милан – Калјари. Само неуспех во последен момент би можел да ги промени плановите на шефот на „росонерите“ да направи голем ремонт во тимот.

Имено, доколку Милан влезе во ЛШ, Кадинале најави значителна активност на трансфер пазарот во текот на летото.

Тој во последното интервју откри дека ги планира, Леон Горецка кој си заминува од Баерн Минхен, Гонзало Рамос (ПСЖ), Жираси (Борусија Дортмунд), Шорлот (Атлетико Мадрид) и евентуално Душан Влаховиќ, кој не е сигурен дека ќе остане во Јувентус.

Тренерот на ПСЖ, Луис Енрике, го сподели своето мислење за ривалот пред финалето на Лигата на шампионите против Арсенал.

-Мислам дека заслужија да ја освојат Премиер лигата – имаа брилијантна сезона. Игравме против овој тим на Арсенал минатата сезона, па знаеме што се способни. Без топка, тие се најдобриот тим на светот, а со топка можат да постигнат многу голови. Тоа е одлична комбинација за нив. Логично е дека тие се наши противници во финалето. Можеме да се радуваме на навистина одлично финале. Гледајќи ја статистиката на Арсенал, јасно е дека Микел Артета е лидер како тренер, всадувајќи победнички менталитет во тимот. Тие се подобруваат веќе неколку сезони, изјави Енрике.

Оваа година Арсенал ја освои англиската Премиер лигата и обезбеди финалето на Лигата на шампионите, а минатата година беа во запрени во полуфиналето.

Финалето на Лигата на шампионите помеѓу ПСЖ и Арсенал ќе се одржи на 30 мај на „Пушкаш Арена“ во Будимпешта.

Селекторот на Англија, Томас Тухел, донесе неколку шокантни одлуки околу тимот што ќе патува на Светското првенство. Иако списокот нема да биде официјално објавен до петок, Тухел разговарал со играчите и многу детали од конечниот список веќе протекоа во англиските медиуми. Јавноста е шокирана бидејќи Тухел не вклучи некои огромни ѕвезди меѓу 26-те играчи.

Мундијалот нема да го види Кол Палмер, 24-годишен фудбалер на Челзи чија вредност „Трансфермаркт“ ја проценува на 110 милиони евра. Палмер постигна само девет гола во Премиер лигата оваа сезона, убедливо најмалку откако се приклучи на клубот пред три години.

Фил Фоден исто така нема да биде на списокот. Можеби ова е очекувано бидејќи цела сезона беше во втор план. Играчот од средниот ред, вреден 80 милиони евра, имаше седум гола и пет асистенции на 32 настапи во Премиер лигата. Фоден играше 49 пати за Англија, но нема да патува на Светското првенство.

Едно од најголемите имиња кои ќе го пропуштат шампионатот е дефанзивецот на Манчестер Јунајтед, Хари Магваер. За 33-годишниот ветеран со 67 настапи, одлуката веројатно го означува крајот на неговата кариера во националниот тим.

Магваер ја потврди веста на Инстаграм: „Бев уверен дека можам да играм важна улога ова лето за мојата земја по сезоната што ја имав. Одлуката ме шокираше и разочара. Им посакувам на играчите се најдобро.“

Освен Магваер, неговиот соиграч од Јунајтед, Лук Шо, и дефанзивецот на Милан, Фикајо Томори, исто така нема да бидат на списокот. Иако Шо имаше импресивна сезона, се чини дека други играчи добија предност. Отсуството на Магваер и Томори ја отвора вратата за Џон Стоунс, и покрај сезоната во која се мачеше со повредите, бидејќи Тухел го гледа како клучен играч.

Се очекува крилниот напаѓач на Арсенал, Нони Мадуеке, исто така, да влезе во составот. Нападот исто така претрпува промени. Иако Тухел ја разгледуваше опцијата „лажна деветка“, за која се натпреваруваа и Палмер и Фоден, на крајот се одлучи за класични напаѓачи. Капитенот Хари Кејн е сигурен патник, а се очекува да му се придружат и Оли Воткинс од Астон Вила, кој е во одлична форма, и Ајван Тони од Ал Ахли од Саудиска Арабија.

Конечниот список официјално ќе биде објавен во петок преку новата апликација на Англиската фудбалска асоцијација, а ќе го презентираат поранешните репрезентативци Даниел Стариџ и Тео Волкот. Селекторот Тухел подетално ќе ги објасни своите одлуки на 1 јуни.

Ливерпул се уште размислува да го отпушти Арне Слот. Како што пишува „Фут Меркато“, „црвените“ деновиве сериозно се растрчани околу шпанскиот тренер Андони Ираола.

Холандскиот стратег Слот е на чекор до добивање отказ.

Спортскиот директор на Ливерпул, Ричард Хјуз, го разгледуваше Чаби Алонсо, но Баскиецот го презеде Челзи.

Сега, Хјуз покажува интерес за Андони Ираола, кој го напушта Борнмут на крајот од сезоната. Хјуз работеше во Борнмут и лично го донесе Ираола во клубот.

Во исто време, Андони веќе е во контакт и со Кристал Палас.

Тренерот на Барселона, Ханси Флик, им даде зелено светло на клупските челници да го откупи договорот на Маркус Рашфорд од Манчестер Јунајтед.

Германскиот стручњак им потврдил дека сериозно смета на Рашфорд и сака да го задржи и следната сезона.

Ова значи дека каталонскиот клуб ќе ја активира откупната клаузула, според која на Јунајтед треба да му плати 30 милиони евра, сума која клубовите ја договорија минатото лето, кога Рашфорд пристигна на позајмица во Барселона.

Фудбалерот веќе се согласи да на помала плата, со цел да се вклопи во финансиската структура на клубот.

Рашфорд одигра над 40 натпревари во сите натпреварувања оваа сезона и постигна 14 гола.

Селекторот на германската репрезентација, Јулијан Нагелсман, го објави списокот на играчи на кои смета на Светското првенство во Канада, Мексико и САД ова лето, каде што „Панцерите“ ќе атакуваат на петтата титула.

Она што се претпоставуваше, претпладнево доби потврда, дека Мануел Нојер ја прекина репрезентативната пензија и ќе биде број 1 во националниот тим.

Списокот изгледа вака:

голмани: Мануел Нојер, Оливер Бауман и Александар Нибел;

одбранбени играчи и играчи од средниот ред: Валдемар Антон, Натаниел Браун, Паскал Грос, Џошуа Кимих, Феликс Нмеча, Александар Павловиќ, Давид Раум, Антонио Ридигер, Нико Шлотербак, Анџело Штилер, Џонатан Та и Малик Чоу

напаѓачи: Надием Амири, Максимилијан Баер, Леон Горецка, Каи Хаверц, Ленарт Карл, Џејми Левелинг, Џамал ​​Мусијала, Лерој Сане, Денис Ундав, Флоријан Вирц и Ник Волтемаде.

Германија е во групата Е, во која нејзини ривали се Курасао, Брегот на Слоновата Коска и Еквадор. Светското првенство е закажано од 11 јуни до 19 јули.