Реномираниот англиски премиерлигаш Манчестер Јунајтед наводно се приближува до договор за обезбедување на услугите на бразилскиот фудбалер Матеус Куња. Според Фабрицио Романо, на Куња му се допаднал проектот на Рубен Аморим и речиси се договориле за личните услови. 

Рубен Аморим сака да го обнови својот тим ова лето по разочарувачката кампања во Премиер Лигата. Англискиот гигант сака да го засили својот напад пред новата сезона, а Куња е главен приоритет. 

Куња има постигнато 15 гола на 31 настап во Премиер Лигата оваа сезона и беше клучен за опстанокот на Волвс. И покрај тоа што тимот на Витор Переира е во одлична форма во последно време, Куња беше одличен во текот на целата кампања, забележувајќи ја најдобрата голгетерска сезона во неговата кариера досега. Репрезентативецот на Бразил со месеци е во центарот на трансфер шпекулациите, а сега се очекува да ја комплетира преселбата на Олд Трафорд. 

Тренерот на фудбалерите на Арсенал, Микел Артета, не крие дека е разочаран од ефектот во сезонава која завршува. Неговиот тим петта година по ред не успеа да освои трофеј во ниту една конкуренција.

„Несреќни сме и разочарани но, мислам дека сме на вистинскиот пат. Можам да ветам дека ќе направам сè за да го извлечам најдоброто од фудбалерите.

Мора да започнеме да создаваме историја тука, на нашиот стадион“, рече Артета.

Хенрих Мхитарјан од Интер може да стане првиот фудбалер што освоил пехар во сите три клупски натпреварувања на УЕФА доколку неговиот тим триумфира против ПСЖ во финалето во Лигата на шампионите во Минхен.

36-годишниот интернационалец од Ерменија ја освои Лигата на Европа како играч на Манчестер Јунајтед во сезоната 2016/17 и беше во тимот на Рома што ја освои Лигата на конференции во сезоната 2021/22.

Мхитаријан за да го постигне рекордот ќе мора да се појави на теренот против Французите.

Голманот на Астон Вила, Емилијано Мартинез, најави дека има големи шанси да го напушти тимот на крајот на сезоната.

Светскиот шампион по победата против Тотенхем се појави на стадионот – „Вила Парк“ за да се поздрави со навивачите. Тој во 2020 го напушти Арсенал и се пресели во составот од Бирмингем.

Според аргентинскиот телевизиски канал „DSports“, Маринес добил понуди од Манчестер Јунајтед и Барселона. Згора на тоа има и примамлива понуда од Саудиска Арабија.

Манчестер Јунајтед е на чекор да го обезбеди потписот на бразилскиот фудбалер, Матеус Куња од екипата на Вулверхемптон.

Офанзивниот играч од средниот ред ја прифатил понудата на „црвените ѓаволи“ за да се пресели на стадионот – „Олд Трафорд“. Сега останува челниците на двата тима да ја договорат трансферната сума иако играчот има ослободителна клаузула од 62 милиони фунти.

Според најавите, Јунајтед ќе плати нешто повеќе но, тоа ќе биде на рати за да се испочитува финансискиот фер-плеј.

Кристиано Роналдо изгради една од највпечатливите кариери во историјата на фудбалот, а сега неговиот син започнува да ја гради својата. 

Кристиано Роналдо Џуниор, кој има само 14 години, го привлече вниманието на фудбалскиот свет оваа недела откако ги постигна своите први два гола за репрезентацијата на Португалија до 15 години. 

Извонредниот настап се случи во финалето на меѓународниот турнир Влатко Марковиќ, каде што Португалија се соочи со Хрватска. За младиот Роналдо, тоа веројатно беше момент за кој сонуваше со години. 

Во победата на Португалија од 3-2 над Хрватска, Кристиано Џуниор го постигна првиот гол со силен удар со левата нога, кој ја затресе стативата пред да заврши во мрежата. Подоцна го постигна и вториот гол со едноставна завршница со глава во празната мрежа, откако ја прими топката од центаршут. 

Исто како и неговиот татко, тој го прослави погодокот со познатиот скок, укажувајќи дека неговото презиме е мотивација, а не товар. 

Гордиот татко изјави на социјалните мрежи по настапот на неговиот син, пишувајќи: „Честитки за првите голови за репрезентацијата, сине. Многу сум горд на тебе“. 

Минатиот понеделник, Трент Александер-Арнолд објави дека ќе го напушти Ливерпул на крајот од сезоната. Само два дена подоцна, се појавија извештаи за нов десен бек на пат кон Мерсисајд. Фудбалерот на Баер Леверкузен, Џереми Фримпонг, одеднаш стана силно поврзан со англискиот шампион, но како се споредуваат овие двајца играчи? 

Додека Александер-Арнолд се потпира на својата извонредна способност за додавање за да создаде шанси, Фримпонг е многу подиректен. Наместо да ја подаде топката, тој повеќе се потпира на дриблингот за да го собори својот противник. 

Оваа сезона, холандскиот репрезентативец има забележано двојно повеќе успешни дриблинзи од Александер-Арнолд, но истовремено има помалку од половина од неговите прецизни додавања. 

Иако Фримпонг оваа сезона учествувал во повеќе голови од Трент, нивните улоги на теренот се разликуваат. Александер-Арнолд е познат по тоа што често се инвертира кон средината на теренот и игра речиси како плејмејкер, додека Фримпонг се држи стриктно до десната страна и ретко се повлекува во централни позиции. 

Со оглед на овие разлики, менаџерот на Ливерпул, Арне Слот, би можел да се одлучи за формација со тројца во одбраната, слична на онаа што ја користи Чаби Алонсо во Леверкузен. Тоа би му овозможило на Фримпонг да се вклучува поофанзивно без да има големи дефанзивни обврски. 

Според Фабрицио Романо, Ливерпул го договорил потписот на Џереми Фримпонг како замена за Трент Александер-Арнолд. Баер Леверкузен е информиран за активирањето на ослободителната клаузула од 35 милиони евра. 

Фримпонг ќе потпише петгодишен договор со Црвените, откако ќе ги заврши медицинските прегледи. Личните услови се 100% договорени. 

Новиот десен бек на Ливерпул ќе го пополни местото на Трент Александер-Арнолд. Со оглед на неговата напаѓачка природа, холандскиот дефанзивец беше јасната опција за Црвените и Арне Слот. 

Фримпонг добро ќе се вклопи, бидејќи во тимот веќе има тројца негови сонародници: Вирџил ван Дајк, Коди Гакпо и Рајан Гравенберх. 

Холанѓанецот би можел да биде првото од неколкуте нови засилувања ова лето на Енфилд. Сепак, брзината со која беше реализиран овој трансфер е јасен сигнал, Ливерпул ќе се бори да остане шампион. 

Милан размислува да го продаде Тиџани Рајндерс за 75+ милиони евра и со овие пари да донесе две засилувања – Самуеле Ричи од Торино и Лоренцо Лука од Удинезе.

Манчестер Сити и Реал Мадрид се сериозни во својата намера да го ангажираат Тиџани Рајндерс и ќе го стават Милан во искушение со богати понуди.

Се говори дека „росонерите“ се подготвени да го продадат Холанѓанецот доколку на маса биде ставен предлог од 75+ милиони евра.

Со овие пари, клубот од Сан Сиро ќе донесе две засилувања – првото ќе биде директна замена за самиот Тиџани Рајндерс.

Изборот е паднат на Самуеле Ричи од Торино, чиј трансфер ќе чини околу 30-35 милиони евра.

Второто засилување ќе биде за нападот со оглед на тоа дека Тами Абрахам и Лука Јовиќ немаат иднина во Милано.

На радарот на Милан е Лоренцо Лука од Удинезе, кој има цена од 30 милиони евра.

По враќаето на Џорџо Киелини во Јувентус, уште една клупска легенда е на пат да се врати во Торино и тоа Леонардо Бонучи. Како што пренесува угледниот „Тутоспорт“, поранешниот дефанзивец е многу блиску до приклучување кон стручниот штаб на „старата дама“ за следната сезона.

Според информациите, Бонучи, Киелини и спортскиот директор на Јувентус, Кристијано Џунтоли, имаат заедничка визија за иднината на клубот, а тоа било потврдено и за време на нивната вечера во Рим оваа недела. Киелини веќе е дел од структурата на клубот, но ќе добие нова функција, дел од задачите што досега ги извршуваше Франческо Калво, кој го напушти клубот.

Бонучи во овој момент работи како асистент во младинската репрезентација на Италија до 20 години, но според насоките од раководството на Јувентус, неговата тренерска кариера наскоро ќе добие нов правец.

Од завршувањето на својата играчка кариера, Бонучи активно работеше на стекнување лиценци и дополнителна едукација, а сега изгледа дека е време за практична примена на тоа знаење во клубот каде што остави неизбришлив белег.