Голманот на Ливерпул, Алонсо Бекер, се огласи на социјалните мрежи за да ги смири навивачите на „црвените“ по повредата што ја заработи на квалификацискиот натпревар за Светското првенство помеѓу Бразил и Колумбија.

Голманот доби силен удар во главата и не можеше да го продолжи натпреварот, а потоа беше ослободен од репрезентативниот камп и вратен на лекување во Ливерпул.

Првичните прогнози беа дека голманот има потрес на мозокот, но се чини дека неговата ситуација не е толку загрижувачка.

„Здраво момци! Само сакав да кажам дека сум добро. Само морав да ги следам протоколите. Фала на сите за пораките“, напиша Алисон.

Се очекува тој да биде подготвен за настап за претстојното дерби на Ливерпул против Евертон на 2 април.

Франк Рибери, легендарниот играч на Баерн и француската фудбалска репрезентација во интервју за „Лекип“ се осврна на неговата брилијантна сезона 2012/13 година, во која со Баерн ја освои тројната круна – Бундеслигата, Лигата на шампионите и Купот на Германија. Французинот смета дека таа сезона требало да ја освои Златната топка.

„Тоа беше совршена година. Не можев подобро. Оваа Златна топка засекогаш ќе остане неправда. Сè уште барам објаснување. Никогаш нема да разберам зошто го поместија рокот за гласање за повеќе од петнаесет дена”, рече тој во интервјуто.

Поранешната икона на Баерн верува дека таа година бил на врвот на својата форма.

„Лионел Меси и Кристијано Роналдо секогаш ми покажуваа почит. Тие знаеја дека седам на нивната маса. Искрено, во 2013 година немав на што да им завидувам“.

Роналдо доби 27,99 отсто од гласовите, Меси 24,72, а Рибери 23,36. 41-годишниот се уште не може да го преболи таквиот исход.

Рибери помина 12 години во Баерн, со кого освои 23 трофеи, од кои девет титули во германскиот шампионат, шест купови, а во 2013 година ги додаде Лигата на шампионите, Суперкупот на Европа и Светското клупско првенство. За Баерн одигра 425 натпревари, постигна 124 гола и забележа 182 асистенции.

Во текот на кариерата играше и за Булоњ, Олимпик Але, Брест, Мец, Галатасарај, Марсеј, Фиорентина и Салернитана. За француската репрезентација забележа 81 настап и постигна 16 голови Салернитана беше неговиот последен клуб во неговата играчка кариера.

Фудбалерот од Брегот на Слоновата Коска, Одилон Косуну ќе биде новото засилување на Аталанта, која одлучи да ја искористи откупната клаузула за 24-годишниот дефанзивец.

Косуну и се приклучи на Аталанта на едногодишна позајмица од шампионот во Бундеслигата, Баер Леверкузен во текот на летото.

Клубот од Леверкузен изненадувачки се откажа од дефанзивецот кој минатата сезона беше редовен на „фармацевтите“.

Баер од трансферот ќе заработи 25 милиони, дознава „Билд“.

Косуну во досегашниот дел од сезоната одигра 17 натпревари за Аталанта.

Тимот предводен од Џанпјеро Гасперини е на третото место во Серија А со 58 бодови, додека Интер е лидер со шест повеќе.

Македонската фудбалска репрезентација ги започна квалификациите за СП ,а веќе во вторник ќе го одигра и првиот домашен натпревар на националната арена „Тодор Проески“ против селекцијата на Велс.

Од друга страна на раководството на Фудбалската Федерација на Македонија кое што е Лихтенштајн, на чело со претседателот Масар Омерагиќ стигна информација дека целиот приход од билетите продадени за претстојниот меч од второто коло кое што го играме на 25 март во вторник против Велс на домашен терен ќе биде пренасочен веднаш за настраданите во трагедијата во Кочани.

„Сакам да ја информирам јавноста дека приходот од натпреварот против Велс целосно ќе биде пренасочен за настраданите во трагедијата во Кочани. Тоа е најмалку што можеме да направиме во моментов“ – изјави претседателот на Фудбалската Федерација на Македонија, Масар Омерагиќ.

Репрезентацијата на Македонија до 17 години забележа минимален триумф од 1-0 против селекцијата на Лихтенштајн во натпревар од 2. коло на квалификацискиот турнир (Лига Б) за пласман во А лигата квалификации за Европско првенство.

Избраниците на селекторот Димитар Капинковски денеска остварија многу значајна победа во борбата за висок пласман во групата 1. Сосема заслужено се радувавме на трите бода, со оглед на прикажаната игра во текот на целиот натпревар. Хоџа беше стрелец во 30. минута на единствениот погодок на денешната средба.

Нашите млади фудбалери во досегашните две кола имаат освоено четири бода.

Во вториот меч од нашата група, вечерва со почеток во 20:30 часот се среќаваат домаќинот Шкотска и Романија.

Во последното трето коло, силите ќе ги одмериме со селекцијата на Романија.

Француската ѕвезда на Атлетико Мадрид, Антоан Гризман можеби е при крај на кариерата во тимот на „јорганџиите“. Според „Кадена Сер“, постои голема веројатност напаѓачот да го напушти тимот и да замине во МЛС лигата следното лето.

Гризман, кој вчера наполни 34 години, има договор со Атлетико до 2026 година. Сепак, од клубот веруваат дека тој ќе сака рано да замине за да ја исполни желбата да игра во САД. Кандидат за неговиот потпис е ФК Лос Анџелес.

Ова е и причината поради која се повеќе се зборува дека на „Метрополитано“ размислува за понуда за Дарвин Нуњес. Идејата е Уругваецот да формира тандем со Хулијан Алварез.

Гризман е стрелец број 1 во историјата на Атлетико. Професионалната кариера ја започна во Реал Сосиедад, потоа се пресели во Атлетико, а накратко играше за Барселона пред да се врати во Мадрид. Французинот до денес има 520 натпревари и 198 голови во Примера.

Македонската фудбалска репрезентација со победа од 3-0 во Вадуц против Лихтенштајн ги отвори квалификациите за Светското првенство 2026.

Нашата најдобра селекција уште по првото полувреме го реши прашањето околу победникот. Александар Трајковски во 8. минута и Висар Муслиу во 43. минута беа стрелци по првите 45 минути на стадионот „Рејнпарк“. Во вториот дел погоди и Бојан Миовски за конечни 3-0 за Македонија.

Селекторот Милевски го започна мечот со најдобриот состав. Имавме доста офанзивна поставеност, со Миовски, Трајковски, Чурлинов, Елмас, Барди и Алими во нападот и средниот ред. Тоа донесе притисок на Македонија и повеќе се играше на половината на Лихтенштајн.

Уште во 8. минута, Миовски го мина голманот Бухел и испрати центаршут пред голот, каде пред топката се поклони Александар Трајковски.

Во продолжението од мечот Македонија продолжи да притиска, се бараше и пенал во 17. минута, но ВАР го поништи. Противникот дури во средината на првото полувреме првпат ја мина половината, влезе во сериозна можност, но слободниот удар на Визер заврши во живиот ѕид. Во 28. минута, Македонија постигна и втор гол. По добра акција на Елмас и Чурлинов, погоди Елмас, но судиите го понишитија голот заради офсајд.

Потоа шанса имаше и Миовски да зголеми на 0-2, ама со глава биеше во рацете на голманот Бухел.

Во финишот на првото полувреме, убав погодок постигна Висар Муслиу, кој во 43. минута по корнерот на Барди, погоди за 0-2.

Во второто полувреме, Елмас и Трајковски не искористија двојна прилика за убедливи 0-3. По еден час игра, Миовски се најде во прилика, но беше прекраток во скокот по центаршут на Алиоски.
Во 65. минута нова прилика за Македонија. Дарко Чурлинов шутираше од косо, но одбрани домашниот голман.

Во 80. минута одлична шанса имаше дебитантот во нашиот состав, Давид Тошевски, но повторно домашниот голман спречи погодок во мрежата на Лихтенштајн.

Во 84. минута, конечно трет гол за Македонија. Бојан Миовски погоди за 3-0 откако го искористи одличниот центаршут на Бојан Илиевски.

Поранешниот боксерски шампион во тешка категорија, Џорџ Форман, почина на 76-годишна возраст, соопшти неговото семејство. Форман, беше еден од најдобрите боксери на сите времиња, со биланс од 76 победи и пет порази во текот на неговата славна кариера.

Во објава на Инстаграм, семејството го опиша Форман како „хуманитарец, олимпиец и двократен светски шампион, нагласувајќи дека тој е длабоко почитуван, дисциплиниран, уверен во своите вредности и заштитник на своето наследство, неуморно борејќи се да го зачува своето добро име – сè за доброто на неговото семејство“.

Форман го загуби првиот шампионски појас во 1974 година на мечот против Мухамед Али, но речиси две децении подоцна, тој повторно стана шампион, победувајќи го Мајкл Мареј.

Роден на 10 јануари 1949 година во Маршал, Тексас, Форман се преселил со своето семејство во Хјустон, каде што израснал во сиромаштија. Го напуштил училиштето како тинејџер и целосно му се посветил на бокост.

На амо 19-годишна возраст го освои златниот медал во тешка категорија на ЛОИ во Мексико Сити во 1968 година.

Управата на македонскиот прволигаш Пелистер денес ја информира јавноста дека сите средства собрани од продажба на билети за натпреварот против Вардар во ПМФЛ ќе бидат донирани на семејствата на загинатите и повредените во страшната трагедија во Кочани.

Пелистер ќе го пречека Вардар во рамките на 25. коло, а цената на билетите ќе изнесува 200 денари. Битолчани ги повикуваат сите симпатизери и љубители на фудбалот да се приклучат на оваа хуманитарна акција и да дојдат во што поголем број да го проследат мечот на вечните ривали.

Натпреварот помеѓу Пелистер и Вардар е закажан за 29 март (сабота), со почеток во 15:00 часот.

Селекторот на македонската фудбалска репрезентација Благоја Милевски го најави циклусот и првиот натпревар, кој често може да биде и најзначаен во целата календарска годин.

„Дојдовме тука и максимално се спремаме за натпреварот. Би било добро да почнеме со победа и да ја продолжиме серијата со позитивни резултати, но до бодови можеме само со нашето најдобро издание.

Ме радува што фудбалерите играат во своите клубови, имавме доста проблеми минатата година со неиграњето на репрезентативците во клубовите. Но, тие секогаш даваа максимум кога играа за селекцијата. Верувам дека сега ќе биде само подобро. За да победите мора сите линии да се на високо ниво, сите фудбалери се битни и нашиот фокус е да функционираме до максимум. Неколку фудбалери не можат да ни помогнат заради повреда, го имам стартниот тим во главата и верувам дека сите ќе бидат здрави и на диспозиција по последниот тренинг.

Секој тренер има своја визија и филозофија, па така и селекторот на нашиот противник, Лихтенштајн има селектор кој две години врши добра работа и не мора да значи дека стилот ќе биде ист како и досега. Имаме максимален респект и убеден сум во максимален пристап“, рече Милевски пред новинарите.

Лихтенштајн и Македонија утре попладне од 15:00 часот ќе ја отворат нашата квалификациона група, во која во вечерниот термин ќе играат Велс и Казахстан.