Во летото кое следи изгледа конечно се отвора можност, Бернардо Силва да го облече дресот на Барселона шт е негова голема желба уште од минатото.

Новинарот Хосе Алварез во живо во емисијата „Ел Чирингито“ објави дека Барселона сака ова лето да го доведе Бернардо Силва како слободен играч.

Ако се ттргне минатото лето, кога Ханси Флик сметаше дека засилување на таа позиција не му е потребно, со години наназад Барселона и Бернардо Силва беа честа тема во медиумите низ Шпанија и Англија.

Силва беше особено блиску до трансфер во летото 2023 година, кога дури и се прости од „Етихад“ по натпреварот во Комјунити шилд, но Барселона тогаш немаше финансиски капацитет да го реализира трансферот. Португалецот отсекогаш сакал по Манчестер сити да се пресели во Каталонија, каде што има роднини и пријатели и често престојува на одмор.

Бернардо Силва е застапуван од Жорж Мендеш кој е близок пријател на претседателот на Барселона, Жоан Лапорта, што дополнително ги олеснува преговорите околу личните услови. Силва нема да има големи финансиски барања, свесен дека ова му е последна шанса за уште еден голем клуб, со оглед на тоа што е на прагот на 32 години, кои ќе ги наполни во август.

Фудбалерите на Реал Мдрид вечерва го пречекуваат Монако во меч од 7. коло во Лигата на шампионите. Најдобриот фудбалер на „кралевите“, Килијан Мбапе за очекувањата од денешниот дуел вели

„Монако не е во најдобра форма во моментов, но секогаш знаат како да го одржат своето ниво. Мислам дека треба да бидеме агресивни и да покажеме дека ова е наш ден. Сакаме да победиме за да обезбедиме место меѓу првите осум. Ова е важен натпревар против противник од високо ниво. Фактот дека натпреварот од Лигата на шампионите се игра на „Сантијаго Бернабеу“ ни дава предност“, изјави Мбапе.

Моментално, „Лос Бланкос“ имаат 12 бода и се седми на табелата во Лигата на шампионите. Монако, со девет бода, е 19-ти.

Португалската фудбалска ѕвезда Кристијано Роналдо ја доби правната битка против својот поранешен клуб Јувентус и ќе може да ги задржи 9,8 милиони евра што клубот од Торино му ги исплати за заостанати плати, објавија денеска италијанските медиуми.

Роналдо се пресели од Јувентус во Манчестер Јунајтед во летото 2021 година, а во 2023 година поведе арбитражна постапка против италијанскиот клуб, тврдејќи дека му должи 19,6 милиони евра за неисплатени плати за време на пандемијата на коронавирусот.

Во април 2024 година, арбитражниот совет пресуди дека Јувентус мора да му исплати на португалскиот фудбалер половина од бараната сума, или 9,8 милиони евра. Јувентус, потоа, поднесе жалба на одлуката до судот во Торино.

Италијанските медиуми јавија дека судот во Торино ја отфрли жалбата на Јувентус, што значи дека Португалецот може да ги задржи 9,8 милиони евра.

Фудбалерот на Манчестер сити, Џон Стоунс, ова лето станува слободен фудбалер, откако ќе му истече договорот со „граѓаните“ и ќе може бесплатно да се пресели било каде.

Интерес за него има од Милан, Наполи, Комо, Евертон и Атлетико Мадрид, но се чини дека сите ќе извисат, откако во трката се вклучи и Баерн Минхен.

Тој сака да го ангажира дефанзивецот уште зимава, а „баварците“ за тоа ќе мора да платат, па на тој начин ја претекнаа конкуренција.

Целта и на самиот фудбалер е да замине од Манчестер сити уште зимава, а желбата е тоа да биде во екипа во која ќе игра и ќе освојува трофеи.

Италијанскиот тим Рома планира големи промени во својата одбранбена линија за време на зимскиот преоден рок. Според извештаите од Италија, „волчицата“ е подготвена предвреме да го раскине договорот за позајмица на Костас Цимикас и да го врати во Ливерпул.

Откако веќе го засили својот напад со Робињо Ваз од Марсеј и Дониел Мален од Астон Вила, главниот тренер Џан Пјеро Гасперини го насочи вниманието кон одбранбениот ред.

Грчкиот дефанзивец не е дел од плановите на „римјаните“ за втората половина од сезоната. И покрај здравствените проблеми на стартерот Анхелињо, Цимикас не успеа да се етаблира во првиот тим.

Екипата на Домжале, која во својата историја двапати ја освои шампионската титула во Словенија, се наоѓа на работ на банкрот.

Словенечкиот „Спорт Клуб“ објави дека клубот подолг период се соочува со сериозни финансиски проблеми, а последниот удар го нанел Том Зеленовиќ, кого медиумите го опишуваат како измамник.

Зеленовиќ неодамна беше назначен за претседател на Домжале и претставен како спасител, со најави за големи инвестиции, но кратко потоа се повлече, оставајќи го клубот со огромни долгови.

Според информациите, наскоро се очекува распуштање на првиот тим, а под големо прашање е и функционирањето на младинската школа. Поради банкротот, Домжале нема да продолжи да се натпреварува во Првата лига на Словенија.

Англиските фудбалски тимови Тотенхем и Ливерпул се заинтересиран да го назначат Чаби Алонсо на тренерското место на овие екипи објави денес лондонски „Индипендент“.

Во меѓувреме, Тотенхем почна интерни разговори за евентуално отпуштање на Томас Франк.

Ајнтрахт Франкфурт, исто така, покажува интерес за Алонсо.

Шпанскиот стратег е без ангажман, откако беше отпуштен од тренерската должност во Реал Мадрид на 12 јануари.

Претседателот на ФИФА, Џани Инфантино го осуди однесувањето на репрезентативците на Сенегал, кои во неделата во финалето на Африканскиот куп на нации против домаќинот Мароко привремено го напуштија теренот во Рабат, незадоволни од судиските одлуки.

Мароко доби пенал во судиското продолжение на второто полувреме по сугестија од ВАР собата, кратко време откако на Сенегал му беше поништен гол. Потоа, сенегалскиот тим го напушти теренот во знак на протест пред Брахим Дијаз да може да го изведе пеналот. Во исто време имаше и судири меѓу сенегалските навивачи и полицијата на трибините.

Играчите се вратија 16 минути подоцна, по што Мароко не го реализираше пеналот, а Сенегал во првото продолжение постигна гол и ја освои титулата.

„За жал, видовме неприфатливи сцени на теренот и на трибините – го осудуваме однесувањето на некои навивачи, како и на некои од играчите и персоналот на Сенегал. Неприфатливо е да се напушти теренот на овој начин, а насилството не може да се толерира во нашиот спорт, едноставно не е во ред. Секогаш мора да ги почитуваме одлуките на судиите на теренот и надвор од него“, напиша Инфантино на својот Инстаграм профил.

Инфантино ги опиша настаните од финалето како „неприфатливи“ и изрази очекување да бидат воведени санкции против инволвираните.

„Очекувам одговорните дисциплински тела во Африканската фудбалска конфедерација да преземат соодветни мерки“, додаде претседателот на ФИФА.

Премиерлигашот Кристал Палас ја отфрли понудата на Јувентус за трансфер на францускиот напаѓач Жан-Филип Матета, јавија денеска италијанските медиуми. Јувентус понуди два милиони евра за шестмесечна позајмица и 28 милиони за откуп на договорот на крајот од сезоната, при што откупот е задолжителен доколку италијанскиот клуб обезбеди најмалку пласман во Лига Европа.

Медиумите наведуваат дека Кристал Палас е повеќе заинтересиран за продажба на Матета, бидејќи му преостануваат уште година и пол од договорот. Англискиот клуб ја проценува пазарната вредноста на Матета на 40 милиони евра. Матета постигна десет голови и додаде две асистенции во сите натпреварувања оваа сезона. Пред да му се приклучи на Кристал Палас, францускиот фудбалер настапуваше за Лион, Ле Авр и Мајнц.

Пелистер продолжи да носи играчи од соседството и потпиша со уште еден фудбалер од Србија.

Нов играч на „зелените“ е 25-годишниот Филип Петровиќ кој игра на позицијата центарфор. Минатата сезона ја мина во Раднички Пирот.

Во кариерата Петровиќ настапуваше и за Свилајнац, Мешево, Кусиљево, како и У19-тимот на Крагујевац, клубови кои генерално играат во пониските лиги.

Пелистер го чека битка за опстанок во Првата лига под палката на Милан Стојановски.