Реал Мадрид во последниот меч во 2025 година, одигран минатиот викенд, ја победи Севилја со 2-0.

Гостите од Севилја од 68-та минута, играа со фудбалер помалку, кога Маркао го доби вториот жолт картон.

Бразилецот, потоа влезе во расправија со судијата Алехандро Муњиз Руиз, му рекол дека е „ку..ин син“, што судијата го нотирал во извештајот од натпреварот.

Шпанската фудбалска федерација му изрече жестока суспензија на фудбалерот на Севилја. Маркако ќе отсуствува во наредните шест натпртевари.

Во образложението стои дека по еден натпревар суспензија добил поради исклучувањето и неспортското однесување, а четири натпревари суспензија добил поради навреда упатена кон судијата.

Тој ќе ги пропушти средбите со Леванте, Селта, Елче, Атлетик Билбао, Мајорка и Џирона, и нема да му биде достапен на тренерот Матијас Алмеида до 15 февруари, кога Севилај ќе игра против Алавес.

Фудбалерите на Манчестер Јунајтед го победија Њукасл со 1-0 во 18-то коло од Премиер лигата.

„Црвените ѓаволи“, победија на „Олд Трафорд“ по повеќе од два месеци, беа во серија од три натпревари без победа.

Манчестер Јунајтед беше подобриот противник во првото полувреме и ги искористи шансите што им се укажаа.

Матеус Куња имаше шанса, но беше запрен од Рамсдејл, меѓутоа, неколку десетици секунди подоцна, по одбиена топка, Доргу фати волеј и ја „искина“ мрежата.

Второто полувреме му припадна на Њукасл. „Страчките“ нападнаа, а Хол имаше одлична шанса кога ја погоди пречката.

Гостите можеа да израмнат на крајот од 90-та минута, кога топката стигна до Мајли во шеснаесетникот, но тој шутираше над пречката.

Со овој триумф, Манчестер Јунајтед ја презеде петтата позиција на табелата во Премиер лигата со 29 бода, додека Њукасл е 11-ти со 23.

Претставници на ФК Пелистер денес го посетија ЈУ Дом за Доенчиња и Мали Деца.

Во името на клубот претседателот Стефановски, директорот Здравевски и капитенот Ивановски донираа новогодишни пакетчиња за најмладите штитеници. Средбата помина во топла и празнична атмосфера, а насмевките на децата беа најголемата потврда за значењето на ваквите хуманитарни активности.

Покрај донацијата, на средбата се разговараше и за унапредување на соработката меѓу двете институции во иднина. Како дел од планираните активности, беше најавена можност за обезбедување бесплатни билети за домашните натпревари на клубот, со цел децата и вработените од Домот да бидат дел од спортските случувања.

Дополнително, беше отворена и темата за бесплатно членување во младите категории на клубот за штитениците на Домот, со што ќе им се овозможи активно вклучување во спортот и здрав развој преку фудбалот. Клубот и во иднина ќе продолжи со општествено одговорни активности и поддршка на заедницата.

Реал Мадрид, во летниот преоден рок, ќе го ангажира играчот на Комо, Аргентинецот Нико Паз.

Според шпанскиот „Ас“, Нико Паз ќе се врати во Реал Мадрид по завршувањето на сезоната, бидејќи „кралскиот клуб“ поседува 50 проценти од договорот на аргентинскиот офанзивен играч за врска.

На лето, Реал Мадрид ќе му плати на Комо девет милиони евра и ќе го задржи 21-годишниот играч за врска, иако според „Трансфермаркт“, тој сега вреди дури 65 милиони евра.

Комо не може да го спречи трансферот, бидејќи според договорот на двата клуба, Реал има клаузула според која може да го врати Паз за сума од 9 до 11 милиони оваа година или до 2027 година.

Аргентинецот одигра 15 натпревари во Серија А оваа сезона и има пет гола и пет асистенции.

Австрискиот тренер Оливер Гласнер има намера да го смени клубот на крајот од сезоната кога ќе му истече договорот со Кристал Палас.

Оваа вест ја објави секогаш добро информираниот инсајдер Фабрицио Романо.

„Оливер Гласнер не планира да потпише нов договор со Кристал Палас. Австрискиот тренер донесе одлука и сега е фокусиран да продолжи со својата одлична работа оваа сезона“, напиша италијанскиот новинар.

Австрискиот тренер го презеде Кристал Палас во февруари 2024 година во време кога тимот беше во долниот дел од табелата во Премиер лигата. денес.

Во таа прва полусезона во Премиер лигата, тој постигна некои неверојатни резултати. Ја забележа својата прва победа на гости на 14 април на „Енфилд“, со што ја прекина серијата од 29 натпревари без пораз на Ливерпул дома.

Три недели подоцна на „Селхерст Парк“, тој го победи Манчестер Јунајтед со 4:0, што е прв пат во Премиер лигата Палас да ги победи Црвените ѓаволи во двата натпревари од сезоната. Конечно, на последниот ден од сезоната, неговиот тим ја декласираше Астон Вила со 5:0 и ја израмни рекордната победа на Палас во историјата на Премиер лигата.

Минатата сезона беше уште поуспешна, тој му го донесе на Кристал Палас првиот трофеј во 119-годишната историја на клубот кога го победија големиот фаворит Манчестер Сити на Гвардиола на „Вембли“ и го освоија ФА Купот.

Капитенот на фудбалската репрезентација на Босна и Херцеговина, Един Џеко, поминува низ тешки денови во Фиорентина. Не доби вистинска шанса во првиот дел од сезоната, во тимот, кој минатиот викенд, во 16-то коло ја забележа првата победа во Серија А. Со недели се шпекулираше за неговото заминување, и иако навивачите на Каљари се надеваа дека ќе се пресели на Сардинија, се чини дека неговата следна дестинација е Џенова.

Навивачите на Каљари со нетрпение го очекуваа јануарскиот преоден рок, надевајќи се на засилувања што ќе ја свртат сезоната.

Многумина сонуваа за доаѓањето на искусниот Един Џеко како идеален новогодишен подарок, но според последните информации од италијанските медиуми, Џеко е на пат кон Џенова.

Според порталот „Cagliaritoday“, Един Џеко веќе постигнал договор со Џенова и само деталите го делат од потпис на договор.

Клучна улога во трансферот одигра тренерот на Џенова, Даниеле Де Роси, поранешен соиграч на Џеко од Рома. Де Роси ги цени квалитетите на босанскиот напаѓач и е свесен дека неговото искуство може да биде клучно за него во остатокот од сезоната.

Поранешниот италијански репрезентативец Лоренцо Инсиње (34), чиј договор со Торонто истече, би можел да потпише за Лацио во зимскиот преоден рок, објавија италијанските медиуми.

Клубот од Рим е подготвен да му понуди шест месечен договор со можност за продолжување за дополнителна сезона. Во прилог на неговото доаѓање во Лацио е фактот дека повторно би соработувал со тренерот Маурицио Сари.

Италијанскиот крилен напаѓач ги имаше најдобрите натпревари во кариерата додека Сари му беше тренер во Наполи. Во тоа време, Инсиње имаше двоцифрен број на постигнати голови, во неколку последователни сезони, а најдобрата статистика ја постигна во сезоната 2016/17, кога постигна 20 гола и забележа 11 асистенции.

Инсиње играше за Наполи осум сезони, а во летото 2022 година замина во МЛС лигата кога потпиша за Торонто. Оваа година беше неговата најлоша во дресот на Торонто, постигна само еден гол на 12 натпревари.

Постигна десет гола и исто толку асистенции на 54 натпревари за италијанската репрезентација. Тој последен пат настапи во дресот на националната репрезентација, со која го освои Евро 2020, во март 2022 година.

Басконија го продолжи договорот со бекот Коби Симонс до крајот на сезоната 2025-26. 28-годишниот кошаркар се согласи да остане во екипата откако му беа исполнети одредени услови.

Тој во Евролигата одигра 13 натпревари со просек од 9,5 поени и 3,2 асистенции и беше еден од најдобрите во екипата.

Во шпанското првенство, американскиот кошаркар учествуваше во 7 натпревари и имаше просек од 11,7 поени, 3,1 скока и 2,6 успешни додавања.

Герет Бејл, велшкиот ас кој со години ги воодушевуваше навивачите на Реал Мадрид со проектили од далечина и херојски настапи во најголемите натпревари, неодамна се приклучи на вирален предизвик: да го состави својот „комплетен фудбалер“. Неговите избори веднаш предизвикаа реакции кај фановите и аналитичарите, бидејќи Бејл комбинираше врвни квалитети од некои од најголемите имиња во модерниот фудбал.

„Мислам дека направив вистински ѕвер од играч“, се пошегува Бејл во видеото, мешавина од носталгија и современ фудбал. Но оваа вежба не е само фантазија; таа е и потсетник на неговата улога како човек за големи моменти.

За десната нога, Бејл без двоумење го избра Тони Крос, симбол на прецизност, контрола и визија, идеален за долги додавања и опасни центаршутеви. Левата нога? Самиот Бејл. Самоуверен, но и логичен избор, инспириран од неговите легендарни удари

Срцето на тимот му припаѓа на Касемиро: борбен, неуморен и секогаш подготвен да ја врати топката. За завршницата, изборот е очекуван: Кристијано Роналдо, машината за голови со инстинкт што ретко промашува во клучни моменти.

Во одбраната, Бејл го постави Серхио Рамос: лидер, борец и дефанзивец кој не се плаши од дуел. Брзината ја обезбедува Килијан Мбапе, чиј експлозивен спринт ги претвора контранападите во ноќна мора за секоја одбрана.

А како круна на сето тоа: менталитетот за големи натпревари. Тука Бејл повторно се навраќа на себе, потсетувајќи на моментите како спектакуларниот ножички-гол против Ливерпул во финалето на Лигата на Шампионите во 2018 година.

Овој „комплетен фудбалер“ е спој од златната ера на Реал Мадрид и новата генерација светски ѕвезди. Техничка елеганција, физичка доминација и ладнокрвен победнички инстинкт, сè во еден пакет.

Изборите на Бејл јасно ја отсликуваат неговата најуспешна фаза во Мадрид, каде заедно со Крос, Касемиро, Роналдо и Рамос освои четири титули во Лигата на Шампионите. Со додавање на модерна брзина и сопствената креативност, резултатот е фудбалер кој би можел да доминира во која било епоха.

Реал Мадрид е на пат да постави нови финансиски стандарди со целосно реновираниот стадион Бернабеу. Според информации од реномирани шпански медиуми, клубот оваа сезона очекува повеќе од 400 милиони евра приходи исклучиво од активности надвор од натпреварите, историски пресврт што го претвора стадионот во вистински мултифункционален центар за забава и бизнис.

Најголем дел од приходите доаѓа од стадионските тури, кои се очекува да надминат 50 милиони евра. Со раст од околу 31% во однос на минатата сезона, Бернабеу веќе генерира повеќе приходи од посети отколку музејот Прадо, една од најпознатите културни институции во Шпанија.

Гастрономските и ВИП-содржини исто така бележат силен успех. Простори како Бернабеу Маркет, ресторанот „KŌ by 99 Sushi Bar“, како и најавениот „SkyBar“, значително ги надминаа првичните проекции. Проширените ВИП-зони и меѓународните корпоративни настани дополнително ја зголемуваат профитабилноста.

По привремената пауза поради звучна изолација, концертите повторно се враќаат на Бернабеу, додека иновативниот проект „Bernabéu Infinito“, развиен во соработка со „Apple“, нуди виртуелно искуство што им овозможува на навивачите ширум светот да „влезат“ на стадионот.

Овој финансиски бум има директно влијание врз целокупниот биланс на Реал Мадрид. За тековната сезона се проектираат вкупни приходи од 1,248 милијарди евра, што претставува раст од 5% во однос на минатата година. Маркетингот и активностите поврзани со Бернабеу сочинуваат повеќе од 75% од вкупните приходи на клубот.

За споредба, минатата сезона приходите од активности надвор од натпревари изнесуваа 79,1 милион евра, и тоа во услови кога стадионот сè уште не функционираше со полн капацитет. Сегашните бројки покажуваат дека тој износ ќе биде надминат.

Проектираниот приход од 402,5 милиони евра претставува значајна психолошка и финансиска граница. Во просек, Бернабеу носи речиси 1 милион евра дневно, додека за време на натпреварите таа бројка достигнува и до 10 милиони евра.

Со нови партнерства, меѓу кои и договорот со HP, маркетинг-приходите на клубот достигнуваат речиси 540 милиони евра, што дополнително ја зацврстува позицијата на Реал Мадрид како финансиски најмоќен фудбалски клуб во светот. Визијата на Флорентино Перез, Бернабеу да биде многу повеќе од стадион, сега се покажува како клучна предност во конкуренцијата со државно поддржаните клубови.