Фудбалерот на Барселона, Френки де Јонг, играчот од средниот ред на Барселона, не смета дека треба да се пресели во Премиер лигата за да ја докаже својата вредност.

„Имаше понуди, но јас сум среќен во Барселона. Англиската Премиер лигата е најдобрата лига во светот во моментов, без сомнение, исто како што беше Ла Лига пред десет години. Но, тоа не значи дека мора да одиш таму за да докажеш дека си одличен играч. Барселона е мој сон уште од детството, изјави Де Јонг за „Марка“.

28-годишниот Холанѓанец истакна дека се чувствува ценет во шпанската лига и дека неговото семејство се чувствува многу удобно во Барселона.

Де Јонг е во каталонскиот клуб од 2019 година. Тој одигра 273 натпревари, постигнувајќи 19 гола и 25 асистенции.

Селекторот на Италија, Женаро Гатусо, предизвика бура реакции со своите коментари околу распределбата на квалификациските места за Светското првенство. Тој оцени дека системот во Јужна Америка, кој обезбедува шест директни места и едно преку бараж, е многу поповолен во споредба со европските квалификации, каде конкуренцијата е далеку пожестока. Според Гатусо, ваквата распределба не ја одразува реалната сила на континентите и ги става европските селекции во потешка позиција.

Голманот на Аргентина, Емилијано Мартинес, веднаш му врати на Гатусо, потсетувајќи дека европските репрезентации играат на идеални терени и под стабилни климатски услови. За разлика од тоа, јужноамериканските квалификации често се одвиваат на нерамни терени, во екстремни надморски височини и во средини каде атмосферата е бескомпромисна: „Кој не играл кај нас, не знае колку е тешко“, кажа Мартинес, нагласувајќи дека предизвиците не се само во противникот, туку и во самите услови.

Размената на остри зборови меѓу Гатусо и Мартинес ја оживеа старата расправа за рамнотежата на силите меѓу Европа и Јужна Америка. Додека Јужна Америка се гордее со своите легенди и жестоки квалификации, Европа се истакнува со широката конкуренција и постојани пресметки со врвни селекции. Двете страни тврдат дека нивниот пат до Мундијалот е потежок, а расправата за правичноста во распределбата на местата повторно е во центарот на вниманието.

По успешната тренерска кариера, која ја замени со работата на раководител на фудбалски операции во Ред Бул, Јирген Клоп повторно ќе биде веднаш до теренот.

Славниот Германец нема да биде на клупата, туку ќе биде стручен аналитичар за платформата „MagentaTV“ за Светското првенство во 2026 година. Истата работа ја работеше за „ZDF“ на Светското првенство во 2006 година и на Европското првенство во 2008 година. За време на Светското првенство во 2010 година, беше ангажиран како стручен коментатор за „RTL“.

Светското првенство во САД, Канада и Мексико ќе се одржи од 11 јуни до 19 јули.

Како тренер, Клоп го воведе Мајнц од втората лига во Бундеслигата, а со Дортмунд двапати беше шампион на Германија и ја водеше до финалето на Лигата на шампионите.

Од 2015 година до крајот на сезоната 2023/24, тој беше тренер на Ливерпул. Во својот мандат, тој му донесе осум трофеи на клубот, вклучувајќи ја и првата титула во Премиер лигата од 1990 година, а во 2019 година го предводеше Ливерпул до трофејот во Лигата на шампионите.

Бројот на учесници на Светското првенство во 2026 година полека се зголемува. Од 48-те репрезентации што ќе учествуваат на Светското првенство следното лето, досега се познати 29.

Засега само две се од Европа, Франција и Англија. Вечерва, речиси сигурно ќе им се придружи и хрватската репрезентација, која математички со бод против Фраските острови ќе обебзеди пласман.

Засега, најмногу познати учесници доаѓаат од Африка, девет репрезентации и осум од Азија.

Да споменеме дека меѓу 29-те досега безбедни патници се и три дебитанти: Узбекистан, Јордан и Зелено’ртските Острови.

Извлекувањето на групите за Светското првенство ќе се одржи на 5 декември во Центарот „Кенеди“ во Вашингтон.

Конечниот список на сите учесници на Светското првенство ќе биде познат дури на крајот на март следната година, кога се закажани дополнителни квалификации во Европа, од кои ќе произлезат последните четири патници.

Кој го обезбеди настапот?

Домаќини: САД, Мексико, Канада

Африка: Алжир, Зелено’ртските Острови, Египет, Гана, Брегот на Слоновата Коска, Мароко, Сенегал, Јужна Африка, Тунис

Азија: Австралија, Иран, Јапонија, Јордан, Катар, Саудиска Арабија, Јужна Кореја, Узбекистан

Јужна Америка: Аргентина, Бразил, Колумбија, Еквадор, Парагвај, Уругвај

Европа: Франција, Англија

Океанија: Нов Зеланд

Кристијно Роналдо го доби првиот црвен картон во неговата репрезентативна кариера од 226 натпревари. Тој беше исклучен за време на квалификацискиот пораз за Светското првенство 2026 против Република Ирска (2-0).

Во 60-тата минута, тој ја удри Дарен О’Ши со лакт од фрустрација. Доби жолт картон, а откако судијата ја прегледа снимката, ја смени одлуката и го исклучи Португалецот.

Во моментот кога Роналдо доби црвен картон, Ириците водеа со 2:0, со головите на Трој Парот. Иако петкратниот освојувач на Златната топка е познат по тоа што ги губи нервите низ годините, тој никогаш не добил црвен картон во дресот на националниот тим.

Роналдо сигурно ќе го пропушти последниот квалификациски натпревар против Ерменија во недела, кога доколку не се случи уште една сензација, Португалија треба да го завери пласманот на Мундијалот.

Останува да се види колку ќе трае конечната суспензија, бидејќи може да добие суспензија од три натпревари поради насилно однесување.

Дисциплинските правила на ФИФА налагаат суспензија од „најмалку три натпревари или соодветен временски период за напад, вклучувајќи удирање со лакти, тупаници, шутирање, гризење, плукање или удирање на противник или лице кое не е службено лице на натпреварот“.

Дисциплинската комисија ќе одлучи за неговата судбина. Доколку му биде изречена забрана од три натпревари, Роналдо би можел да ги пропушти првите натпревари на Португалија на Светското првенство следното лето.

Со оглед на тоа што легендарниот напаѓач, кој ќе наполни 41 година во февруари, потврди дека СП 2026 ќе биде неговиот последен голем турнир, тој се надева дека казната ќе биде што е можно поблага.

Килиjан Мбапе се врати во Мадрид од репрезентацијата на Франција поради воспаление на десниот глужд. По неговиот голем придонес за осигурување на пласманот на Франција на Светското првенство 2026, со двата гола против Украина, Мбапе ќе помине низ дополнителни медицински тестови за да се процени сериозноста на повредата.

Француската фудбалска федерација потврди дека, покрај Мбапе, и Ману Коне и Едуардо Камавинга се вратиле во клубовите поради потребата од третман или одмор. Воспаленитето на глуждот е повторен проблем за Мбапе, кој веќе пропушти неколку натпревари поради истата повреда. Лекарскиот тим на Реал Мадрид ќе го следи внимателно неговото опоравување.

Мбапе е клучен играч за тимот оваа сезона, настапувајќи на сите натпревари под водство на Чаби Алонсо.

Отсуството на Мбапе од претстојниот натпревар на Франција против Азербејџан е веќе потврдено, а навивачите на Реал Мадрид со нетрпение очекуваат негово брзо закрепнување. Иако засега не се пријавени сериозни оштетувања, акцентот е ставен на опоравувањето и управувањето со воспалението на глуждот за да се осигури неговото враќање во најдобра форма за обврските во Ла Лига и Лигата на шампионите.

Француските фудбалери обезбедија пласман на Светското првенство едно коло пред крајот на квалификациите, откако остварија убедлив триумф од 4-0 над Украина.

Килијан Мбапе беше еден од најзаслужните за пласманот на „триколорите“ на Светското првенство, но во меѓувреме се здоби со лесна повреда.

Станува збор за воспаление на зглобот, а со оглед на тоа што визата за САД, Канада и Мексико е веќе обезбедена, нема потреба најдобриот играч на Франција да се изложува на ризик во натпреварот од последното коло од Групата Д со Азербејџан (недела, 18.00 часот).

26-годишникот веќе се врати во Мадрид, каде што ќе се одмори и ќе ја санира повредата пред да ги продолжи клупските обврски.

Заедно со Мбапе, во Мадрид се врати и Едуардо Камавинга, неговиот соиграч од Реал.

„Камавинга претрпе истегнување на тетивата на левата нога. Мбапе сè уште страда од воспаление на десниот глужд, што бара дополнителни тестови. Тие ќе бидат подложени на нови тестови денес во Мадрид“, се вели во соопштението на Француската фудбалска федерација.

По разделбата со тренерот Алпарслан Ердем, Работнички денеска го претстави новото тренерско решение за тимот. Станува збор за 50-годишниот српски стратег Ален Тупајиќ.

Тупајиќ денеска беше промовиран во тимот од Дебар Маало и ќе има исклучително тешка задача во преостанатиот дел од сезоната да го „крене“ тимот кој се наоѓа при самото дно на табелата. Тупајиќ е тренер кој претходно работеше на кормилото на екипата на Бор, а беше асистент, па подоцна и тренер во бугарскиот клуб Литекс од Ловеч.

Меѓународната фудбалска федерација (ФИФА) ги објави денеска 11. кандидати за наградата „Пушкаш“, која се доделува за најдобар гол во сезоната.

Победникот ќе биде избран со гласање на фудбалските помеѓу навивачи и професионално жири, во процент 50-50, а добитникот на наградата ќе биде објавен за време на доделувањето на годишните награди на ФИФА.

Наградата, именувана по еден од најдобрите фудбалери на сите времиња, Ференц Пушкаш, се доделува за најдобар гол во сезоната од 2009 година, а првиот добитник беше Португалецот Кристијано Роналдо.

Номинации за Гол на годината:

Алерандро (Виторија) против Крузеиро
Алесандро Дејола (Каљари) против Венеција
Педро де ла Вега (Круз Азул) против Сиетл Саундерс
Сантијаго Монтиел (Индепендиенте) против Индепендиенте Ривадавија
Амр Насер (Ал Ахли) против Фарко
Карлос Орантија (Куеретаро) против Атлас
Лукас Рибеиро (Мамелоди) против Борусија Дортмунд
Деклан Рајс (Арсенал) против Реал Мадрид
Риски Ридо (Персија Џакарта) против Арема
Кевин Родригес (Касимпаша) против Ризеспор
Ламин Јамал (Барселона) против Еспањол.

Луис Рубиалес, поранешен претседател на Шпанска фудбалска федерација, беше нападнат со домати додека држеше прес-конференција на која го претставуваше своето ново мемоарско издание. Инцидентот се случи по објавувањето на неговата книга, на која Рубиалес ја раскажува своите верзија на настаните што доведоа до неговото разрешување. Речиси истовремено, во прес-салата влегол неговиот чичко, кој ги изненадил присутните со тоа што фрлил домати и јајца како протест против него.

Најавата за книгата „Матар а Рубиалес“, која носи наслов со злобен подтекст и долги детали за неговото професионално падение, доаѓа во време кога Рубиалес сè уште е вклучен во правни и јавни контроверзи. Секој што го следи шпанскиот фудбал сигурно ќе се сети на скандалозниот момент од Светското првенство во фудбал за жени 2023 година, кога Рубиалес ја бакна на усните фудбалерката Џени Ермосо за време на доделување на медалите по триумфот на Шпанија во финалето, без нејзино согласување. Овој чин предизвика бурни реакции, јавни протести и барања за негово повлекување од функцијата.

Рубиалес тврдеше дека бакнежот бил спонтан и консензуален, но Ермосо и многу други поединци и институции го обвинија за сексуално насилство. Џени Ермосо пред судот сведочеше дека не му дала согласност, а инцидентот го опиша како момент кога се чувствувала ранливо и нарушено.

По бурниот притисок, Рубиалес беше принуден да поднесе оставка, а сега, преку 500-страничната книга, продолжува да тврди дека зад неговиот пад постои заговор, дел од шпанскиот јавен живот и феминистичките кругови. Тој исто така негираше обвинувања за сексуално насилство, иако беше осуден на парични казни и ограничувања. Инцидентот со доматите, пак, сведочи за разбирливиот јавен гнев околу неговото минато.