Легендарниот уругвајски голгетер Едисон Кавани во последниот период се соочува со сериозни критики во Бока Јуниорс, клубот чиј дрес моментно го носи. Комбинацијата од повреди и неколку неуспешни настапи беше доволна дел од навивачите да го насочат незадоволството токму кон искусниот напаѓач.

Став по ова прашање даде и легендарниот аргентински дефанзивец Оскар Ругери, кој зад себе има 97 настапи за националниот тим и титула светски шампион од 1986 година. Според него, дојдено е време Кавани да размисли за повлекување од активното играње фудбал.

Минатата сабота, на натпреварот без голови меѓу Бока и Расинг Клуб, искусниот Уругваец беше испратен со свирежи при излегувањето од игра, што дополнително ја подгреа атмосферата околу неговиот статус во тимот.

„Грев е да се навредува таква ѕвезда, со оглед на неговата голема кариера. Треба да стави крај. Тешко е на 40 години да се игра во нашата лига. Сè уште не се повлекува затоа што сака да се обиде да ја сврти ситуацијата пред да замине“, изјави Ругери.

Кавани професионалниот пат го започна во Данубио, а европската афирмација ја доживеа во Палермо. Потоа следуваа ангажмани во Наполи, Пари Сен Жермен, Манчестер Јунајтед и Валенсија, каде остави силен печат и изгради кариера што го вбројува меѓу најдобрите напаѓачи на својата генерација.

Македонскиот шампион тетовска Шкендија ја заврши својата, но и за мак фудбалот, најуспешна сезона на европската сцена.

Тетовци се елиминирани во првата рунда од разигрувањето во Конференциската лига. На гостувањето во Турција, Шкендија загубил Самсунспорт со 3:0. Турскиот состав и на овој, како и на скопскиот натпревар кој го доби со 0-1 покажа дека е поквалитетен противник од Шкендија.

Сите три гола паднаа во второто полувреме.

Камерунецот Оливие Нчам во 53.минута од пенал го отвори резултатот. На 2-0 зголеми Сенегалецот Шериф Ндјаје во 71-та минута. Уште еден интернационалец од африканскиот континент и тоа од Чад, Мариус два пати се запиша во листата на стрелците. Првиот свој, а трет гол за Самсунспор го постигна во 79-та, а во втората минута од судиското дополнение го постави конечните 4-0.

Така Самсунспор со два-триумфи обезбеди пласман во следната рунда на Конференциската лига, а Шкендија го заврши своето европско патешествие.

Играчот од средниот ред на Реал Мадрид, Арда Гулер, го одигра својот 100-ти натпревар за клубот. Тоа се случи во реваншот од плејофот на Лигата на шампионите, во кој Реал Мадрид ја победи Бенфика со 2:1. Со ова достигнување, Арда Гулер му донесе на својот поранешен клуб Фенербахче приход од 2 милиони евра, објави „АС“.

Достигнувањето на границата од 100 натпревари за мадридскиот клуб активираше клаузула во неговиот договор со која Реал Мадрид треба да му исплато на неговиот поранешен клуб одреден бонус. Оваа сума ќе се зголеми за 2 милиони евра ако турскиот играч одигра уште 25 натпревари за Реал Мадрид.

Гулер се приклучи на Реал Мадрид од Фенербахче во летото 2023 година. Оваа сезона, играчот одигра 39 натпревари за клубот во сите натпреварувања, постигнувајќи три гола и 12 асистенции.

Серхио Агуеро, некогашниот голгетер на Манчестер Сити, имаше само пофални зборови за работата на Микел Артетата на клупата на Арсенал.

„Артета се докажа како одличен тренер. Тој изгради силен тим кој знае како да игра и се бори за титулата. Само помислете колку време помина откако Арсенал ја освои Премиер лигата а колку беа блиску во последниве години. Мислам дека ако ги прашате навивачите на Арсенал, ќе речат дека би сакале да го задржат Артета уште многу години“ , беа зборовите на Агуеро.

Дефанзивецот на Реал Мадрид, Раул Асенсио синоќа доживеа хорор повреда поради која веднаш беше пренесен во болница.

По еден судар со својот соиграч Камавинга, Асенсио падна неподвижен на тревата, со носилки и мобилизација на вратот беше изнесен од теренот, па префрлен во болница.

Оттаму информациите велат дека повредата на Асенсио не е страшна како што изгледаше на теренот и тој брзо ќе се врати во игра.

Се работи за повреда на вратот, тоа го потврди и тренерот Алваро Арбелоа.

„Се чини дека повредата на Асенсио не е многу лоша. Станува збор за повреда на вратот“, рече Арбелоа.

Напаѓачот на Галатасарај, Виктор Осимен, го коментираше напредокот на неговиот тим во осминафиналето во Лигата на фудбалските шампиони.

Турскиот состав загуби кај Јувентус со 3-2 по дополнителните 30 минути но, ја задржа предноста од Истанбул кога победи со 5-2.

„Знаев дека ќе биде тешко дека навивачите на Јувентус ќе ни го направат животот кошмар. Благодарност до навивачите на Галатасарај. Не сакавме да си одат дома разочарани. Искрено, сè уште имаме многу да подобриме“, рече фудбалерот на турскиот состав.

Иднината на Јирген Клоп во системот на Ред Бул повторно е тема во европските медиуми. Германецот повеќе од една година ја извршува функцијата шеф на глобалниот фудбал во рамките на проектот на компанијата, но сè погласни се најавите дека соработката може да заврши порано од предвиденото.

Иако неговиот договор е со важност до 2029 година, не е тајна дека резултатите на теренот не го следат амбициозниот план. Клоп имаше задача да го издигне целиот систем, од РБ Лајпциг до Ред Бул Брагантино и Њујорк Ред Булс, но особено во Германија ситуацијата не е идеална. Лајпциг се наоѓа зад водечките во Бундеслигата и повторно води битка за место во Лигата на шампионите, што не е во согласност со очекувањата на раководството.

Од друга страна, не може да се игнорира фактот дека Клоп донесе огромна медиумска експонираност и дополнително го засили имиџот на брендот во светски рамки. Сепак, во фудбалот најмногу се бројат резултатите, а токму таму засега има простор за критика.

Според најавите, доколку Клоп посака повторно да седне на тренерска клупа, Ред Бул нема да му прави пречки. Како можен наследник се споменува Оливер Гласнер, актуелен тренер на Кристал Палас, кој има претходно искуство во системот на Ред Бул Салцбург. Во исто време, неговото име се врзува со клупата на Реал Мадрид, каде претседателот Флорентино Перез наводно го посакува како долгорочно решение. Се отвора и прашањето за можен ангажман во германската репрезентација, зависно од развојот на настаните по летните натпреварувања.

Еден ден по двојниот пораз од Боде/Глимт и елиминацијата од Лигата на шампионите, Интер се чини дека сака да го награди тренерот Кристијан Киву за дебаклот во Лигата на шампионите оваа сезона.

Дел од италијанската јавност нашироко шпекулираше за тоа дали Романецот е доволно добро решение за клупата на славниот клуб и доби неочекуван одговор. Наместо отказ, Киву ќе добие нов договор.

Според информациите на угледниот италијански инсајдер Никола Скира, претседателот на „Неразурите“ Џузепе Марота одлучи да му даде целосна поддршка на Киву.

Романскиот стручњак ќе добие понуда за продолжување на соработката до 2028 година, со можност за истата да биде продолжена за уште една година, како и значително зголемување на платата.

Доколку потпише, Киву ќе премине од сегашните 2,5 на повеќе од 3 милиони евра годишно, во зависност од резултатите.

Киву го презеде тимот по финалето на Лигата на шампионите минатата сезона, во кое Интер претрпе тежок пораз од Пари Сен Жермен (5:0). Крајот на минатата сезона беше обележан со разочарувања и во Купот и во првенството, каде што Интер ја загуби титулата во трката со Наполи.

Сепак, 45-годишниот Романец, легенда на клубот што ја освои тројната круна со Интер во 2010 година, успеа да го стабилизира тимот и да го одржи во борбата за скудетото.

Кристијано Роналдо стана ко-сопственик на шпанскиот второлигаш Алмерија, откако купи 25 проценти од акциите во клубот преку неговата новооснована компанија „CR7 Sports Investments“.

Иако на 41-годишна возраст сè уште активно игра и постигнува голови за Ал-Наср, со овој потег Роналдо се обидува и да стане сопственик.

„Долго време имав амбиција да придонесам за фудбалот надвор од теренот“, рече капитенот на португалската репрезентација.

„Алмерија е шпански клуб со силни темели и јасен потенцијал за раст. Со нетрпение очекувам да соработувам со раководството за да го поддржам клубот во неговата следна фаза од развојот.“

Финансиските детали од трансакцијата не се откриени, но со оваа инвестиција Роналдо се враќа во шпанскиот фудбал, каде што помина девет сезони освојувајќи трофеи со Реал Мадрид пред да замине во Јувентус во 2018 година.

Алмерија моментално е на третото место во втората шпанска лига, само два бода зад лидерите, а до крајот на сезоната има уште 15 натпревари. Интересно е што Роналдо е постар од самиот клуб, кој е основан во 1989 година.

Влегувањето на Роналдо во сопственичката структура доаѓа една година откако клубот беше преземен од саудиска инвестициска група

Денес со жрепка беа одредени двојките за четвртфиналето во футсал Купот на Македонија.

Бранителот на трофејот КФМ Форца му гостува на КМФ Клими.

Финалистот од претходното издание КМФ Осогово е домаќин на КМФ Проект, а во останатите две средби се среќаваат КФМ Бутел – КМФ Кеги Моби и КМФ Балкан – КМФ Јувентус Серава.

Натпреварите се играат на 10 и 11 март.