Фудбалскиот клуб Албасете упати остра осуда за расистичките навреди насочени кон ѕвездата на Реал Мадрид, Винисиус Жуниор, за време на натпреварот од Купот на Кралот. Натпреварот на стадионот Карлос Белмонте беше во сенка на грозоморни сцени, фрлена банана на теренот и ксенофобични скандирања пред почетокот на натпреварот. Од шпанскиот второлигаш изразија длабоко жалење, нудејќи му целосна поддршка на фудбалерот и неговиот клуб.

„Чувствуваме болка и срам што вакви недостојни и срамни слики ја нарушија оваа магична фудбалска ноќ“, се вели во соопштението на Албасете. Клубот јасно застана во одбрана на Бразилецот: „Упатуваме искрена поддршка до Винисиус Жуниор, до Реал Мадрид и до сите нивни навивачи“. Раководството дополнително ги дефинираше скандирањата од мала група навивачи пред стадионот како „одвратни“ и нагласи дека тие не ги претставуваат вредностите на нивната заедница.

Албасете веќе работи на идентификација на поединецот кој го фрли предметот на теренот, во тесна соработка со полицијата и сведоците на настанот: „Правиме сè што е во наша моќ за да го откриеме сторителот. Доколку законот дозволи, ќе се погрижиме тој никогаш повеќе да не стапне на нашиот стадион“, потврдија официјалните лица, најавувајќи доживотни забрани за влез.

Иако Винисиус Жуниор го одигра целиот натпревар во изненадувачкиот пораз на Реал Мадрид од 3:2, тој уште еднаш се најде на мета на расна омраза, проблем со кој често се соочува на шпанските стадиони. Иако досегашните инциденти во Шпанија веќе резултираа со неколку затворски казни за прекршителите, борбата против ваквото однесување продолжува. Реакцијата на Албасете е само уште еден показател за зголемениот притисок врз Ла Лига за итни културни промени и поголема одговорност.

Барселона достигна импресивен јубилеј запишувајќи 11 последователни победи во сите натпреварувања, подвиг што на Камп Ноу не е виден уште од 2015 година. Под водство на Ханси Флик, тимот доживеа целосна трансформација по болниот пораз од Челси, а актуелната серија веќе се израмни со втората најдобра победничка низа во клупската историја.

Со триумфот од 2-0 против Расинг Сантандер во Купот на Кралот, избраниците на Флик застанаа рамо до рамо со легендарните генерации на Пеп Гардиола од сезоната 2008/09 и на Луис Енрике од 2014/15. Токму Енрике беше последниот стратег кој успеа да врзе ваква резултатска низа, и тоа во годината кога Барселона ја освои историската триплета.

По ноемврискиот пораз на Стемфорд Бриџ, Ханси Флик самоуверено изјави: „Наскоро ќе гледате поинаква Барселона“. Ова ветување денес изгледа како пророштво. Оттогаш, Каталонците не само што не знаат за пораз, туку нанижаа 11 победи без ниту едно реми. Овој неверојатен налет веќе им го донесе трофејот во шпанскиот Суперкуп и ги врати на врвот во Ла Лига.

Тактичката дисциплина и вратената самодоверба се заштитен знак на новата Барса. Со оглед на тоа што претстојните натпревари се против екипи како Елче и Реал Сосиедад, серијата има голем потенцијал да продолжи. Навивачите веќе почнаа гласно да сонуваат за реприза на славната 2015 година.

Италијанскиот фудбалски прволигаш Рома го обезбеди своето второ засилување во зимскиот преоден рок, ангажирајќи го холандскиот репрезентативец Дониел Мален (26).

Мален, кој постигна седум голови и имаше две асистенции за Астон Вила оваа сезона, доаѓа во Рома на шестмесечна позајмица, а римскиот клуб мора да го откупи неговиот договор на крајот од сезоната кога ќе бидат исполнети одредени услови.

Италијанските медиуми јавија денеска дека Рома мора да плати 2,3 милиони евра за позајмицата, додека откупот на договорот ќе ги чини 29 милиони евра.

Напаѓачот на Тотенхем, Ричарлисон, ќе отсуствува околу седум недели поради повредата на бутниот мускул што ја заработи за време на натпреварот од ФА купот против Астон Вила.

„За жал, Ришарлисон доби повреда на бутниот мускул што ќе го оддалечи од терените околу седум недели. Лукас Бергвал може да биде на располагање во недела, како и Ив Бисума.

Дестини Удоџи и Доминик Соланке ќе бидат во конкуренција за тимот“, изјави Франк на денешната прес-конференција.

Данецот изрази задоволство и од брзиот трансфер на Конор Галахер, кој вчера официјално беше доведен од Атлетико Мадрид за 34 милиони фунти.

„Мислам дека Конор Галахер е врвно засилување. Немам доволно пофални зборови за сопствениците што го реализираа овој трансфер толку брзо. Тој е многу квалитетен играч со големо искуство во Премиер лигата и Ла Лига. Конор е токму тоа што ни е потребно“, истакна Франк.

Фудбалерт од средниот ред на Баерн Минхен, Конрад Лајмер, ќе биде надвор од терените во догледна иднина поради скинат мускул на листот.

Австриецот се повреди во средата на натпреварот од Бундеслигата против Келн (3:1).

Засега лекарите немаат конкретен термин за враќање на искусниот фудбалер, но евидентно е дека ќе мора да паузира најмалку три недели. На 16 натпревари од актуелното германско првенство, Лајмер има 2 гола и 4 асистенции.

Напаѓачот на Реал Мадрид, Килијан Мбапе, ќе го пропушти натпреварот од Ла Лига против Леванте во сабота поради болки во коленото.

И покрај фактот што Французинот тренираше како и обично во четврток, сепак го мачи повредата, поради која го пропушти 1/8-финалниот натпревар од Купот на Шпанија со Албасете (2:3), а во финалето од Суперкупот на Шпанија против Барселона (2:3) влезе како замена во 76-тата минута.

Крилниот напаѓач на Реал Мадрид, Родриго, тренираше со главната група во четврток и е достапен за игра против Леванте. Тој го пропушти натпреварот против Албасете поради мускулен проблем.

Џакомо Распадори го заврши трансферот во Аталанта.

Италијанскиот клуб го објави трансферот на 25-годишниот напаѓач од Атлетико Мадрид. Според Фабрицио Романо, договорот е вреден 22 милиони евра, со дополнителни 1 милион евра во бонуси.

Оваа сезона во Ла Лига, Распадори одигра 12 натпревари, со просек од 18 минути на теренот и една асистенција. Неговата статистика може да се најде тука .

Милан оствари значајна победа од 3:1 на гостувањето кај Комо, со што остана во игра за титулата во една од највозбудливите трки оваа сезона. Херој на вечерта беше Адриен Рабио со два погодоци.

Домаќините започнаа офанзивно и поведоа уште во 10-тата минута преку Марк Кемпф, кој со глава ја круниса асистенцијата на Мартин Батурина. Комо продолжи со притисокот, ставајќи го на сериозен тест голманот Мајк Мењан преку обидите на Нико Паз и Лукас да Куња. Сепак, моментумот се промени пред самиот крај на првиот дел кога Кемпф направи прекршок над Рабио во шеснаесетникот, а Нкунку беше сигурен реализатор на најстрогата казна за 1:1.

Во второто полувреме на сцена стапи Рабио. Најпрво во 55-тата минута со прецизен полуволеј по додавање на Рафаел Леао донесе водство за гостите, а конечниот резултат го постави во 88-мата минута со силен и прецизен удар од далечина, токму кога Комо се обидуваше да израмни.

Со овој триумф, Милан ја продолжи серијата без пораз на 19 натпревари и со вкупно 43 бодови се искачи на втората позиција, со само три бода заостанување зад лидерот Интер. Иако тренерот Масимилијано Алегри призна дека тимот имаше одредени потешкотии во играта, тој го пофали карактерот на своите фудбалери. Клучен фактор беше и Мењан со осум извонредни одбрани, овозможувајќи му на Милан да биде максимално клинички во завршницата. Оваа победа ги позиционира „Росонерите“ како едни од главните фаворити во крајно непредвидливата трка за Скудетото.

Екипаата на Барселона потешко од очекувваното, но сепак славеше победа над Расинг Сантандер со 2-0 на гости во осминафиналето од Купот на Кралот.

Вчера Реал доживеа шокантна елиминација, но каталонскиот гигант не дозволи изненадување, иако домаќините имаа свои прилики.

По првото полувреме во кое не видовме погодоци, Барселона до водство стигна во 66. минута преку Феран Торес.

Во проолжение Расинг можеше да се врати, дури и двапати ја тресеа мрежата, сепак и во двете ситуации имаше офсајд за неколку сантиметри, па судиите реагираа. Конечниот резултат го постави Јамал во последните моменти од средбата.

Кристијано Роналдо повторно е на врвот на годишната листа на „Спортико“ на најплатени спортисти. Португалецот заработил двојно повеќе од неговиот долгогодишен ривал Лионел Меси во текот на 2025 година. Напаѓачот Ал-Наср остварил приход од 260 милиони долари, а на листата на 100-те најплатени играчи има вкупно 13 фудбалери.

Роналдо, трета година по ред е на врвот на листата на „Спортико“, Неговиот договор со клубот од Саудиската професионална лига наводно му носи 200 милиони долари годишно, плус 60 милиони долари од други деловни потфати. Португалецот заработувал најмалку 100 милиони долари девет години по ред, а ова е трет пат неговата заработка да надмине 200 милиони долари.

Неговиот успех надвор од теренот се темели и на рекордниот број следбеници на социјалните мрежи, кој вкупно надминува една милијарда, и на профитабилни спонзорски партнерства со компании како што се „Најки“, „Хербалајф“, „Бинанс“, „Перплексити“, „Јили“ и „Терабоди“.

Лионел Меси е на третото место на листата со заработка од 130 милиони долари во 2025 година, што е половина од сумата на Роналдо. Аргентинската ѕвезда потпиша нов договор со Интер Мајами до 2028 година.

Во меѓувреме, Роналдо работи и на продолжување на договорот со Ал-Наср до летото 2027 година, а се споменува дека двајцата би можеле да играат на Светското првенство, кое оваа година се одржува во САД, Канада и Мексико.

Меѓу двајцата фудбалери се наоѓа мексиканскиот боксер Канело Алварез, благодарение на профитабилниот договор со саудиските промотори.

Бразилецот Нејмар, кој се споменува и како можен учесник на Светското првенство, падна на 30-то место на листата. Откако го раскина договорот со Ал-Хилал, тој се врати во својот матичен клуб Сантос на почетокот на 2025 година. Поради значително пониските заработки во Јужна Америка, неговата заработка се намали за речиси 50 милиони долари во споредба со претходната година.

Вкупната заработка на 100-те најплатени спортисти е 6,05 милијарди долари, што е намалување од 2,1% во споредба со минатата година. Прагот за влез на машката листа беше 37,9 милиони долари, додека најплатена спортистка е тенисерката Коко Гоф со заработка од 37,5 милиони долари.

Најзастапен спорт е кошарката, со 40 играчи од НБА на листата. Тие се предводени од Леброн Џејмс, кој беше најплатен кошаркар во 12 од последните 13 сезони. Следи американскиот фудбал со 22 играчи од НФЛ, меѓу кои Патрик Махоумс заработува најмногу.

Фудбалот има 13 претставници меѓу првите 100, од кои пет се во првите 20. Карим Бензема, кој исто така игра во Саудиската професионална лига, е на шестото место, Килијан Мбапе е надвор од првите десет, а Ерлинг Халанд е на 18-то место.