На стадионот Монументал во Буенос Аирес, Аргентина, Ботафого за првпат во својата историја го освои Копа Либертадорес откако со 3-1 го победија Атлетико Минеиро и покрај тоа што уште од првата минута играат со фудбалер помалку поради црвен картон.

Спеткакуларно финале со необичен тек по кое Ботафого испиша клупска историја.

Мечот почна шокантно, по само неколку секунди игра фудбалерот на Ботафого, Грегоре направи остар старт за кој доби директен црвен картон, фудбалерите на Атлетико Минеиро имаа играч повеќе во текот на целиот меч, но попусто.

Во 35. минута Луис Енрике даде гол за водство на Ботафого од 1-0, а неколку минути подоцна врз него беше направен пенал кој го реализираше Телес за предност и од 2-0.

По само две минути игра во второто полувреме по асистенција на Хулк, Едуардо Варгас даде гол за 2-1.

Атлетико Минеиро постојано напаѓаше, со сите сили се обидуваше да дојде до израмнување, во финишот Едуардо Варгас промаши две големи шанси.

А откако не успеаа да направат ништо, Жуниор Сантос во 97. минута даде гол за конечни 3-1 за Ботафого.

Барселона беше поразена од Лас Палмас на домашен терен и сега Реал Мадрид има прилика да го преземе врвот на табелата.

Ако Реал слави утре против Рајо Ваљекано и во заостанатиот дуел со Валенсија тогаш тие ќе бидат нови лидери во првенството.

Флик во изјавата пред натпреварот истакна дека тимот немал свој ден.

„Не одигравме баш најдобро, но морам да потенцираме дека се трудевме до крајот за да дојдеме до добар резултат. Едноставн оденеска не беше наш ден.

Вообичаено создаваме повеќе прилики, меѓутоа денес не ни одеше во тој дел. Исто така мораме да се браниме подобри, кога имате помалку шанси и потешко е да победите. Денес не беше проблем само во одбраната, туку во целиот тим“, изјави Флик.

Габри Виега наскоро кој ја изненади фудбалската јавност кога летото 2023 година се пресели во Саудиска Арабија би можел да се врати во Европа.

Шпанецот важеше за еден од најголемите таленти и се поврзуваше со повеќе европски гиганти, но на 21 година се одлучи да оди во Ал Ахли од каде што доби богата понуда.

Сега кога се уште не е доцна за неговата добра кариера во Европа бидејќи има 22 години би можел да се врати во европскиот фудбал.

Наводно Виега сака да се врати и интерес за него веднаш покажале гиганти како Реал Мадрид и Манчестер сити.

Даглас Луиз летово дојде во Јувентус како големо засилување вредно 52 милиони евра, но досега не ги исполни очекувањата и не му оди во Серија А.

Од неговото доаѓање, освен што имаше проблеми со повредите, Даглас Луиз само два пати беше стартер, направи два пенали и главно беше меѓу полошо оценетите играчи во тимот на Тијаго Мота.

Бразилецот забележа само девет настапи во сите натпреварувања, а на теренот мина само 312 минути, па јасно е дека минува низ тежок период.

За споредба, Јуве го купи откако минатата сезона експлодираше за Унаи Емери и постигна 10 гола со 10 асистенции во сите натпреварувања, иако играше како бек или централен играч за врска.

Според најавите од Италија тој е подготвен да го напушти Јувентус и да се врати во Премиер лигата. Засега нема информации кој клуб би бил заинтересиран да го доведе.

Винисиус Жуниор поради повреда не играше за Реал против Ливерпул, во средата. Реал загуби на „Енфилд“ со 2-0.

Бразилецот и покрај тоа што не играше успеа да предизвика скандал и реакција од Ла Лига. Тој со објавата на Инстаграм сакаше да покаже колку му е тешко што не е со тимот на „Енфилд“.

Винисиус се снимил како го гледа натпреварот во својот дом во Мадрид и го објавил на споменатата социјална мрежа. На екранот на неговиот телевизор јасно се гледа логото на ТНТ Спортс од Бразил. Ова предизвика реакција од Ла Лига, која на Реал му испрати официјална жалба за однесувањето на својот ас.

„За време на натпреварот помеѓу Ливерпул и Реал, Винисиус објави фотографија на Инстаграм како го следи натпреварот. На екранот се гледа логото на ТНТ Спортс. Ова е пиратерија. Кога некој ги гледа натпреварите од Лигата на шампионите од Шпанија, тоа мора да се направи преку Мовистар канал, кој ги плаќа правата за споменатото натпреварување во оваа земја“, стои во дописот од Ла Лига испратен до Реал.

Матијс Тел беше претставен како важно засилување и проект на Баерн, но кај Винсент Компани нема место во тимот, па разделбата е блиску.

Во претходните две сезони Тел и покрај тоа што имаше само 19 години редовно добиваше шанса, особено кај Томас Тухел. Работите се сменија со доаѓањето на новиот тренер. Венсан Компани смета дека младиот Французин не му е потребен.

Од почетокот на сезоната, Тел има само четири настапи во Бундеслигата, од кои еден во второто коло против Фрајбург. Оттогаш не игра разделбата е извесна што потврди и спортскиот директор на Баерн:

„Разговараме со играчите, како и со стручниот штаб, бидејќи за нас е важно момците да преземат добри чекори во развојот на нивните кариери“, изјави Фројнд.

Баерн би можел да го испрати Тел на позајмица, а договорот на Французинот со клубот од Минхен истекува во 2029 година.

Веднаш штом Рубен Аморим стана нов тренер на Манчестер јунајтед, јасно беше дека во јануарскиот рок ќе се обиде максимално да го прилагоди ростерот на сопствената визија што значи дека некои играчи ќе го напуштат клубот, особено оние на кои договорите им истекуваат на крајот од сезоната.

Германскиот инсајдер Флоријан Платенберг тврди Јунајтед нема да му понуди нов договор на Кристијан Ериксен, што значи дека во јануари ќе се обидат да го продадат за клубот да добие барем некаков вид компензација.

Аморим сака освежување на сите позиции во средниот ред , наводно го сака во тимот Даглас Луиз. Бразилецот е незадоволен во Јувентус, бидејќи не успева да се снајде во системот на Тијаго Мота.

Ериксен пристигна во Јунајтед летото 2022 година, една година откако доживеа срцев удар на ЕП, а во меѓувреме половина сезона ја мина во Брентфорд, каде му се врати на фудбалот.

Англискиот фудбалски шампион Манчестер сити размислува да ги ангажаира играчите од средниот ред Мартин Субименди или Едерсон во следниот преоден рок.

Според „Телеграф“ клубот ги гледа овие играчи како потенцијални замени за освојувачот на Златната топка во 2024 година, Родри, кој има скинати вкрстени лигаменти.

Дваесет и петгодишниот Субименди игра за Реал Сосиедад. Оваа сезона Шпанецот има 18 натпревари за клубот во сите натпреварувања, еден гол и една асистенција. „Трансфермаркт“ ја проценува пазарната вредност на играчот од средниот ред на 60 милиони евра.

Едерсон (25) е играч на Аталанта и е во клубот од 2022 година. Оваа сезона Бразилецот одигра 17 натпревари за клубот, на кои постигна два гола и една асистенција.

„Трансфермаркт“ ја проценува вредноста на играчот на 40 милиони евра.

Комисијата за натпревари во рамки на Фудбалската федерација на Македонија попладнево донесе одлука за одложување на натпреварите од 17. коло во Првата македонска фудбалска лига. Според распоредот натпревари требаше да се одиграат утре, 1 декември (недела) со почеток во 13:00 часот.

-Одлуката е донесена согласно препораките на Министерството за Внатрешни работи поради неодамнешните случувања и настани и спречување на било каков вид на насилство и недолично однесување на спортските натпревари, соопшти ФФМ.

Комисијата за натпревари ги презакажа одложените натпревари за 3 декември (вторник) со почеток во 13:00 часот.

Мохамед Салах, најдобриот фудбалер на Ливерпул, минатата недела, по победата над Саутемптон (3-2) во која постигна два гола, на новинарите им откри дека не добил никаква понуда за продолжување на договорот. На „Сент Мери“ стадионот разочарано им кажа на новинарите дека големи се шансите да го напушти клубот по завршувањето на сезоната.

Изјавата на Салах ги разочара навивачите на Ливерпул и го вклучи алармот кај големите клубови. Салах е еден од најдобрите во светот, плус тој без оштета може да го напушти Ливерпул.

Наводно, интерес за Салах има кај ПСЖ, Барселона и Баерн, а медиумите во Италија тврдат дека челниците на Интер веќе подготвиле конкретни чекори.

За да му понудат финансиски услови кои нема да може да ги одбие, Интер наредното лето ќе стави на продажба тројца напаѓачи, станува збор за Марко Арнаутовиќ, Хоакин Кореа и Мехди Тареми.