Грузискиот фудбалер во Наполи, Квича Кварацкелија, веројатно ќе се согласи да ја продолжи соработката со Наполи и ќе остане подолг период на стадионот – „Диего Марадона“ .

Според медиумите во Италија, претставниците на клубот и агентите на играчот за врска, деновиве ќе имаат интензивни преговори.

Искусниот фудбалер од стартот на сезоната има одиграно седум натпревари на кои забележа  три гола и имаше две асистенции.

Бонучи своевремено направи вистинска бомба потпишувајќи за Милан, но по само една година го напушти Сан Сиро и се врати во Јувентус.

Приказната околу трансферот на еден од столбовите на Јувентус и италијанската репрезентација беше многу интересна летото 2017. Тој не се раздели со Старата Дама на добра нота, на ова му претходеше лоша игра во финалето на Лигата на шампионите во поразот од Реал, а на крајот Бонучи се пресели во редовите на еден од најлутите ривали.

„Кога решив да го напуштам Јувентус во 2017 година, ме посакуваа и Манчестер Сити и Пари Сен Жермен. Испратија убави финансиски понуди. Пеп ме сакаше веќе во 2016 година. Сепак, решив да останам во Италија и да дојдам во Милан“, изјави Бонучи.

Сепак, тој се врати во Јувентус по само една година. Инаку, европскиот првак со Италија настапуваше и за третиот член на големата тројка на италијанскиот фудбал, Интер и со тоа се приклучи на мал, но одбран клуб на играчи во кој меѓу другите се и Роберто Баџо, Златан Ибрахимовиќ и Андреа Пирло.

Манчестер Сити остана без Родри до крајот на оваа сезона, а тој е играч кој беше клучен во составот на Пеп Гвардиола, па поради тоа во клубот размислуваат за негова замена.

Родри одигра голема улога во успесите на тимот на Пеп Гврдиола во изминатите сезони, па според најавите „граѓаните“ сега се спремни да потрошат 80 милиони фунти за да го заменат во јануари.

Во овој момент не е познато дали таа сума би била потрошена на еден фудбалер или па барем двајца кои ќе го надополнат неговото отсуство.

Гвардиола и останатите во неговиот стручен штаб се свесни дека без замена за толку важен играч тешко би се избориле за успешна сезона на сите фронтови.

Напаѓачот на Спортинг Лисабон, Виктор Ѓекереш, е голема желба на гигантите од Премиер лигата.

Во изминатата сезона Ѓекереш постигна 36 гола на 44 натпревари, а оваа сезона продолжи со одличните настапи.

Спортинг ги одби сите понуди во летниот преоден рок бидејќи за неговата слобода бараше 100 милиони евра.

Ѓекереш има ослободителна клаузула која е 100 милиони евра, но и самиот изрази желба да ја промени средината. Најсилен интерес покажува Арсенал кој нема да жали пари да го доведе на Емирати.

Напаѓачот на Барселона, Феран Торес, заработи повреда на тетивата и ќе паузира на неодредено време, соопштија од клубот во понеделник.

Торес така ќе ги пропушти натпреварите на шпанската репрезентација во Лигата на нациите против Данска во сабота и Србија следниот вторник, потврди селекторот на репрезентацијата Луис де ла Фуенте.

Медиумите пишуваат дека Феран би можел да отсуствува од шест до осум седмици откако ја заработи повредата при гостинската победа на Барса од 3-0 против Депортиво Алавес во неделата.

Барселона поради повреди веќе е без Дани Олмо, Гави, Фермин Лопез, Андреас Кристенсен, Роналдо Араухо и голманот Марк-Андре тер Штеген.

Бразилскиот играч за врска Даглас Луиз минатото лето пристигна од Астон Вила во Јувентус за 51,5 милиони евра. Тој одигра одлична сезона во Премиер лигата во Астон Вила. На 35 настапи постигна девет гола и забележа пет асистенции и одигра 3.002 минути. Се очекуваше дека ќе продолжи со добар фудбал во Јувентус, но моментално е далеку од своите најдобри изданија.

Луиз досега има осум настапи за тимот на Тиаго Мота, но ниту еден од првата минута.

Јувентус неочекувано одигра 1-1 против Каљари во Торино, а на крајот од натпреварот Луиз со несмасен фаул направи пенал, од кој гостинот доби бод. Tутоспорт пишува дека Мота не се сомнева во техничките квалитети на повремениот бразилски интернационалец.

Проблемот е во интензитетот на неговата игра, бидејќи Мота бара високо темпо и многу трчање во двата правци од сите играчи. Луиз се уште не може да го исполни ова, па затоа е во втор план.

Јувентус ќе му даде време до зимата, по што ќе одлучи за неговиот статус. Според Трансфермаркт, Даглас Луиз вреди 75 милиони евра, а беше играч и на Манчестер Сити, Џирона и Васко де Гама.

Голманот на Пари Сен-Жермен,  Џанлуиџи Донарума се осврна на синоќешното реми со Ница (1-1) во 7. коло од Лига 1.

„Првото полувреме не помина добро, мораме да играме подобро. Мора да додадеме на интензитет, ова е исклучително важно. Во вториот дел одигравме подобро. Многу сум лут што повторно примивме гол. Треба да бидеме поагресивни. Критиките не ме засегаат, јас сум подготвен за тоа“, изјави Донарума.

Италијанецот изминатите неколку дена е критикуван во француските медиуми поради лошите изданија на неколку натпревари на ПСЖ. Се шпекулира дека му е загрозено и местото во почетниот состав.

По седум кола ПСЖ е на второто место во поредокот во Француското фудбалско првенство со 17 бодови.

Фудбалерот на сплитски Хајдук, Александар Трајковски не е подготвен за максимален напор и нема да биде дел од подготовките на македонската А репрезентација за натпреварите против Летонија и Ерменија од Лига на нации. 

Хрватскиот клуб преку официјално известување од лекарскиот тим информираше за здравствената состојба на Александар Трајковски. Македонскиот репрезентативец веќе одреден период има проблем со мускулот на ногата, истегнување кое го спречува да биде во конкуренција за клупски и репрезентативни настапи. 

Поради истегнување на мускулот на ногата неизвесно е приклучувањето во репрезентацијата за двата меча против Летонија и Ерменија и на Дарко Чурлинов. Чурлинов се повреди на синоќешниот натпревар на Јагелонија против Легија од полското првенство. Останува да видиме каква ќе биде одлуката на стручниот штаб во репрезентацијата, дали ќе остане на веќе објавениот состав или ќе се одлучи на дополнителен повик на некој играч. 

Некогашниот фудбалер на Ливерпул, Џордан Хендерсон може да се врати во англискиот фудбал. Хендерсон го напушти Ливерпул во 2023 година откако беше капитен до успехот во Премиер лигата и Лигата на шампионите, па замина во С. Арабија, за по кусо време да се врати во Европа и да потпише за холандски Ајакс.

Сега The Sun објави дека тој сака да го напушти холандскиот клуб по помалку од 12 месеци во Амстердам. 34-годишниот играч има само три настапи во лигата цела сезона.

Се зборува дека клубовите од Премиер лигата и некои амбициозни тимови од Чемпионшип се во состојба на готовност поради евентуален трансфер на Хендо во јануари.

Ѕвездата на Манчестер Сити, Кевин де Брујне, би можел да го
напушти клубот и кариерата да ја продолжи во Саудиска Арабија.
Де Брујне влезе во последната година од договорот, а се уште не
ставил потпис на нов договор, а не исклучува трансфер во
Саудиска Арабија.
Медиуимите тврдат дека Кристиано Роналдо го убедил Ал Наср
да го доведе 33-годишниот Белгиец, кој во Саудиска Арабија ќе
добива 1 милион долари неделна плата.