Лајпциг ја продлабочи кризата на Борусија Дортмунд и Ковач
Лајпциг на домашен терен ја совлада Борусија Дортмунд со 2-0, во дерби натпреварот одигран во 26. коло од Бундес лигата.
Лајпциг поведе во првото полувреме и ја потврди победата во вториот дел од натпреварот. Борусија имаше иницијатива, но не успеа да ги материјализира шансите.
Домашните поведоа во 18. минута, кога Чави Симонс погоди на асистенција на Бенџамин Шешко за 1-0.
Победата ја потврди Лоис Опенда во 48. минута, на кого му асистираше стрелецот на првиот гол, Симонс.
Лајпциг е на петтото место во Бундеслигата со 42 бода, додека Борусија е на 11. место со 35.
Во наредната рунда, по репрезентативната пауза, Лајпциг ќе гостува во Менхенгладбах, додека Борусија Дортмунд ќе го пречека Мајнц.
Избрани новите членови на Управниот одбор, ФФМ доби и два потпретседатели
По редовното Изборно собрание на кое едногласно беше изгласан Масар Омегариќ за четиригодишен мандат како претседател, се одржа и седница на Управниот одбор.
На неа беа утврдени и потврдени предлозите за новите членови. Четиринаесет претставници од различни општински сојузи добија доверба и мандат во Управниот одбор на новото раководство на ФФМ.
Исто така, Управниот одбор ја поддржа идејата и изгласа два потпретседатели на ФФМ, а тоа ќе бидат Марјанчо Стојкоски од ОФС Прилеп и Џевад Дибрани од ОФС Струга.
Омерагиќ прв човек на мак-фудбалот до 2029 година
Масар Омерагиќ беше единствен кандидат и едногласно и со акламација беше избран од највисокото тело на ФФМ за претседател на Фудбалската федерација на Македонија.
Во продолжение, говорот на првиот човек на македонскиот фудбал откако ја доби довербата од делегатите на Изборното Собрание на ФФМ.
Масар Омерагиќ – претседател на ФФМ:
„Не сме овде само да зборуваме за проблемите од минатото – туку да погледнеме напред, кон новата визија и стратегија за македонскиот фудбал. Фудбалската федерација на Македонија има обврска да постави јасен правец, да создаде систем кој ќе гарантира долгорочен развој и да ја врати довербата кај сите што се дел од овој спорт.
Нашата визија е јасна: Силен, организиран и конкурентен македонски фудбал на сите нивоа.
Младински категории кои ќе бидат столбот на идните успеси;
Современа инфраструктура која ќе им овозможи на фудбалерите да напредуваат;
Федерација која работи транспарентно, професионално и во интерес на фудбалот;
Работиме на нова генерална стратегија: План за иднината!
Без силни млади категории, нема иднина. Ќе вложуваме во подобри услови за тренинг, селекција на таленти и едукација на тренери. Нашата цел е да создадеме млади фудбалери кои повторно ќе бидат конкурентни во европските квалификации.
Во таа насока, една од битните работи е создавањето на скаутинг систем во рамки на нашата федерација кои ќе има единствена цел – македонските таленти од странство да имаат еден избор – дресот на Македонија.
Подобрување на инфраструктурата
Фудбалот не може да напредува без квалитетни терени. Ќе инвестирамево изградба и модернизација на терените ширум Македонија и тренинг-центри, со реални проекти и јасна финансиска стратегија.
Финансиска стабилност и транспарентност
Секој денар во федерацијата ќе биде инвестиран во вистински проекти. Заврши времето на непродуктивно трошење – парите ќе одат таму каде што се најпотребни. На оваа позиција доаѓам како поранешен фудбалер и успешен бизнисмен, фудбалот доволно ми има дадено, време е да му вратиме за добро на сите.
Поддршка за клубовите
Клубовите се крвотокот на фудбалот. Новата стратегија предвидува конкретни програми за финансиска и стручна помош, за да им помогнеме да растат и напредуваат. Да бидат конкурентни во Европските натпреварувања или барем на повисоко ниво од тоа што денеска го имаме.
Унапредување на меѓучовечките односи и професионализација
Федерацијата мора да биде модел на професионалност, транспарентност и ефикасност. Ќе градиме култура на соработка, почит и јасни одговорности.
Фудбалската федерација ќе обезбеди целосна логистичка, стручна и финансиска поддршка за двете најважни селекции – А репрезентацијата и репрезентацијата до 21 година. Впрочем, за нас ќе бидат важни селекциите од најмала возраст до најдобрата репрезентација.
А репрезентацијата е лицето на македонскиот фудбал, нашиот најголем амбасадор на меѓународната сцена. Ќе направиме сè за да имаат најдобри услови за подготовкии поддршка за големи натпреварувања.
Селекцијата до 21 година е нашата иднина – тие се играчите што ќе ја предводат А репрезентацијата во годините што доаѓаат.
Затоа, ќе вложуваме во нивниот развој, ќе им обезбедиме врвни услови за тренинг, подобра координација со клубовите и можности за меѓународни искуства.
Многу важен дел од новата Стратегија ќе биде целосната реформа во структурата на Општинските фудбалски Сојузи и реформа на организациската структура на Фудбалската федерација на Македонија.
Оваа исклучително битна реформа во Општинските фудбалски Сојузи ќе ја работиме во соработка и целосен мониторинг на УЕФА. Со проверка на легитимитет на клубовите кои настапуваат во Општинските фудбалски Сојузи ќе го утврдиме и легитимитетот на самите Општински Сојузи. Мораме да имаме јасна слика за тоа кои клубови учествуваат во организираниот систем на Општинските Сојузи, а потоа и во натпреварување на ФФМ.
Ова не е само моја визија – ова е наша заедничка мисија. Само со чесна работа и со јасен план, можеме да го издигнеме македонскиот фудбал на ниво кое сите го посакуваме.
Време е за нов почеток. Време е за резултати.
Одиме напред – за македонскиот фудбал“!
Грилиш заминува од Манчестер Сити ова лето
Џек Грилиш би можел да го напушти Манчестер Сити на лето.
„Граѓаните“ во наредниот период ќе слушаат понуди за англискиот интернационалец, бидејќи Пеп Гвардиола не е задоволен од неговите настапи, а ниту Гралиш од неговата минутажа.
Имено, крилниот напаѓач на Сити го изрази своето незадоволство поради тоа што пред него е новото засилување Омар Мармуш кога е во прашање првиот тим.
Грилиш од почетокот на сезоната не е на посакуваното ниво. Лошите игри прво го оддалечија од првиот тим, а потоа го доведоа во позиција каде ретко влегуваше од клупата за резерви.
Англискиот интернационалец, според извештаите од Англија, делува незаинтересирано дури и за тренинзите, а тоа воопшто не му се допаѓа на Гвардиола.
Грилиш му се приклучи на Манчестер Сити од Астон Вила во 2021 година, а оваа сезона има само една асистенција на 16 натпревари во Премиер лигата.
Навивачите на Саутемптон и Тотенхем осудени на 28 години затвор
Учесниците во масовна тепачка што се случи по натпреварот од Премиер лигата меѓу Саутемптон и Тотенхем во 2023 година беа осудени во петокот.
Како што соопшти Кралскиот суд, 17 мажи беа осудени во петокот за нивната вмешаност во тепачка што се случи по натпреварот од Премиер лигата меѓу Саутемптон и Тотенхем на 18 март 2023 година.
Сите 24 осомничени ја признаа вината на првите рочишта, кои се одржаа во текот на 2024 година. Сите обвинети се во затвор од 6 март годинава. Шест од нив тогаш беа осудени на повеќе од седум години затвор, на почетокот на минатата година, малолетникот кој беше во групата што учествуваше во тепачката и чиј идентитет не беше соопштен доби условна казна од една и пол година и 120 часа неплатена хуманитарна работа.
Речиси сите преостанати 16 луѓе ги научија своите реченици во петокот. Последната пресуда ќе биде изречена на 1 април годинава.
Вкупно 22 мажи беа осудени на 28 години затвор и забрана за влез на стадионите во Англија вкупно во траење од 142 години.
Дополнително, тие нема да можат да патуваат на натпревари надвор од Англија и ќе мора да ги предадат своите пасоши на полицијата за време на меѓународните натпревари.
Тухел го објави првиот список како англиски селектор
Менаџерот на репрезентацијата на Англија, Томас Тухел, го објави својот прв состав за претстојните квалификациски натпревари на тимот во март.
„Трите лава“ на 21 овој месец ќе ја пречекаат Албанија во меч на „Вембли“, а три дена подоцна во Лондон ќе пристигне Летонија.
Германскиот тренер донесе неколку интересни одлуки, а објавениот состав значително се разликува од последните селекции под водство на Герет Саутгејт и последователно неговиот привремен наследник Ли Карсли.
Импресивно е враќањето на Маркус Рашфорд, кој падна во немилост на Манчестер Јунајтед, но неговиот трансфер во Астон Вила покажа дека се враќа во форма и веќе забележа четири асистенции. Друго изненадувачко име меѓу повиканите е она на Џордан Хендерсон, кој моментално е играч на Ајакс, како и на младиот талент на Арсенал, Мајлс Луис-Скели.
Меѓу избраниците на Тухел се и Ден Бирн, за кого ова не е прв повик, но се уште не дебитирал за тимот, како и Морган Роџерс, кој дебитираше на крајот на минатата година.
Интересна е и одлуката да се повикаат четворица голмани, кои покрај очекуваните имиња на Џордан Пикфорд и Дин Хендерсон, се враќаат и Арон Рамсдејл и Џејмс Трафорд, кој моментално настапува во Чемпионшип со Барнли.
На тимот му недостасува значајно име за Англија во последниве години, како што се Хари Мегваер, како и Конор Галагер, Морган Гибс-Вајт и Адам Вартон.
У15 селекцијата вторпат поразена од Хрватска
Македонската фудбалска репрезентација до 15 години претрпе нов пораз со 3:0 од соодветната селекција на Хрватска во рамки на втората контролна средба одиграна денеска на тренинг центарот „Петар Милошевски“ во Скопје.
Хрватска дојде во водство 27. минута со автоголот на Аксентиев.
Во продолжението, избраниците на селекторот Илами Исејни преку Стојанов и Селими се заканија по голот на Хрватска, но гостинскиот голман и во двете ситуации одлично интервенираше.
Шкерго во 69. минута го зголеми водството на Хрватска. Три минути подоцна Иван Чалета ги постави конечните 3:0.
Хумелс им се извини на фановите на Рома за црвениот картон во Билбао
Рома вчера загуби на гостувањето кај Атлетик Билбао со 3-1 и беше елиминирана од Лига Европа, трагичарот е Матс Хумелс кој заработи црвен картон уште во 11. минута.
Волчицата повеќе од 80 минути играше со фудбалер помалку поради исклучувањето на германскиот дефанзивец.
„Жал ми е. Сакам да се извинам на сите наши фанови и на моите соиграчи. Ве разочарав сите со грешката која едноставно беше глупава и ужасна. Овие натпревари треба да бидат натпревари во која мојот тим ќе се потпира на мене, сега заебав и тоа го чини целиот клуб рушење на сонот за освојување на Лига Европа. Не знам што уште да кажам, разочаран сум како и сите вие“, напиша Хумелс.
Емери: Сакам секогаш да играме како во вториот дел со Бриж
Тренерот на Астон Вила, Унаи Емери ги искажа впечатоците по победата над Бриж (3-0) синоќа во реваншот од осминафиналето на Лигата на шампионите.
„Првото полувреме беше малку напнато, не е изненадувачки, бидејќи секој тим во Лигата на шампионите игра така. Не можевме да ги запреме, не можевме да доминираме со топката. Во вториот дел целосно ја променивме играта. Нашиот план успеа. Благодарение на нашата доминација на теренот постигнавме три гола. Мојата цел, им кажав на играчите, е да играм исто како што тоа го направивме во второто полувреме против Бриж“, изјави Емери.
Астон Вила се пласираше во четвртфиналето каде ќе се соочи со ПСЖ. Првиот натпревар ќе се одигра во Франција на 9 април, а реваншот во Англија на 15
Иниго Мартинез потпиша договор до 2026 година
Барселона го обнови договорот со дефанзивецот Иниго Мартинез на уште една сезона. Актуелниот договор на 33-годишниот фудбалер требаше да истече на крајот на сезоната, но Каталонците ја искористија опцијата да го обноват на уште 12 месеци.
Иниго Мартинез се наметна како еден од најстабилните дефанзивци во тимот на Ханси Флик. Двете страни постигнаа договор пред неколку месеци, но дури сега Каталонците добија зелено светло од Ла Лига.
Дефанзивецот се приклучи на Барселона во летото 2023 година со слободен трансфер од Атлетик Билбао.
Оваа сезона баскискиот дефанзивец забележа 33 настапи во сите натпреварувања и постигна три гола.
