Тами Абрахам би можел да се врати во Челзи по крајот на сезоната, тврдат медиумите на Островот.

Абрахам направи вистински потег со трансферот во Рома каде доживеа целосна афирмација и го привлече интересот на бројни клубови. Меѓутоа, италијанските медиуми откриваат дека во договорот на напаѓачот постои клаузула со која Челзи ќе може да го врати на „Стенфорд Бриџ“ за 80 милиони евра.

Со оглед на одличните игри на Абрахам и фактот што Челзи е во потрага по напаѓач, „сините“ сакаат да ја искористат опцијата и да го вратат во своите редови.

Потер е голем симпатизер на неговата игра и му ветува дека ќе има важна улога во тимот, па и самиот напаѓач е спремен да се врати „дома“.

Иско кариерата ќе ја продолжи во Бундеслигата, во дресот на Унион Берлин, пренесуваат шпанските медиуми.

Иско после само шест месеци ја напушти и Севилја е многу близу да го засили германскиот бундеслигаш Унион Берлин.

Унион Берлин е најпријатно изненадување оваа сезона и се наоѓа на второто место во Бундеслигата, па неочекувано се бори за титулата. Како што најавува „Билд“, Иско е пред потпис со Унион Берлин, па сигурно ќе биде големо засилување за германскиот клуб.

Јувентус и Арсенал се силно заинтересирани за дефанзивецот на Ајнтрахт и млад француски репрезентативец, Еван Ндика.

22-годишниот Ндика минатата игра одлично во дресот на Ајнтрахт Франкфурт и се етаблираше во еден од најдобрите дефанзивци во Бундеслигата. Милан во текот на летото испрати понуда за него, но Ајнтрахт не сакаше да го пушти. Меѓутоа, неговиот договор истекува на крајот на сезоната и нема најави за негово продолжување.

Таквата ситуација сакаат да ја искористат Арсенал и Јувентус и веќе ја почнаа битката за неговиот потпис. Двата клуба веќе преговараат со неговиот агент и сакаат да го доведат Французинот без обештетување.

Шпанските медиуми објавија дека тренерот на Барселона, Чави Хернандез повеќе не смета на дефанзивецот Ектор Белерин.

Ова значи дека десниот бек би можел да го напушти „Камп Ноу“ по само шест месеци. Како што наведува „Мундо Депортиво“ 27-годишниот фудбалер не се вклопува во тактиката на Чави.

Клубот до сега не разговарал со претставниците на фудбалерот за продолжување на договорот и Белерин веќе некое време размислува за други опции.

Во текот на летото Белерин потпиша договор на една година, но од тогаш одигра само седум официјални натпревари за Барселона.

Стратегот на Брајтон, Роберто Де Зерби по натпреварот со Ливерпул кој неговиот тим го доби со 2-1 и се пласираше во следната фаза од ФА Купот, зборуваше и за ситуацијата околу Моисес Каиседо.

Каиседо не беше во тимот за денешниот натпревар, а причината за тоа е што самиот инсистирал за заминување од клубот по интересот од Челси и Арсенал за неговите услуги.

Дека фудбалерот од средниот ред речиси сигурно ќе ја промени средината потврди и самиот Де Зерби кој истакна дека како клуб се подготвени да продолжат и без неговите услуги.

„Јас лично сакам Моисес да ја заврши сезоната со нас, но ние сме подготвени да продолжиме и без него. Ја почитувам неговата одлука, ќе видиме што ќе се случи следните денови,“, изјави Роберто Де Зерби.

Со доаѓањето на Тен Хаг на клупата на Манчестер Јунајтед дојде до промена на хиреархијата во тимот, а резултатите одат во негова полза. После исфрлањето на Кристиано Роналдо од тимот, Тен Хаг полека го истиснува и Хари Мегваер од тимот.

„Хари мора да се бори за својата позиција, тој не е четврти избор. Сè е во негови раце, гледам дека напредува. Ќе мора да почека шанса, тоа се правилата“, кажа Тен Хаг.

„Јас сум фудбалер кој има 29 години и никогаш не сум бил во ваква позиција во кариерата. Ова е позиција на која не сакам да се навикнам, но свесен сум дека ова е дел од фудбалот“, одговори Мегваер.

Мегваер кај претходните менаџери беше секогаш прв избор, а сега хиреархиски е последен избор кај Тен Хаг.

Фудбалскиот клуб Њукасл го потврди доаѓањето на Ентони Гордон од Евертон.

Трансферот на 21-годишниот Англичанец изнесува 40 милиони фунти, плус дополнителни 5 милиони во бонуси. Од таборот на црно-белите информираат дека Гордон се обврзал на долгорочна соработка со клубот.

„Откако слушнав дека постои интерес за мене, бев сигурен дека се работи за Њукасл Јунајтед. Мислам дека фановите и градот одговараат на мојот карактер, и сигурен сум дека брзо ќе се вклопам во играта на тимот предводен од тренерот Еди Хау. Чувствувам дека ова е голем чекор во мојата кариера, и дека сум подготвен за напредување“, изјави Гордон.

Манчестер Јунајтед и Баерн Минхен се силно заинтересиран за напаѓачот на Ајнтрахт и француски репрезентативец, Коло Муани. Сезонава 23-годишниот напаѓач на Ајнтрахт постигна девет гола и забележа 11 асистенции, а и на Мундијалот остави одличен впечаток.

Баерн е во потрага по напаѓач и Муани е на врвот на листата желби, бидејќи има искуство во Бундеслигата. Приоритет на Тен Хаг исто така е доведување на напаѓач, а верува дека Французинот идеално ќе се вклопи во неговиот стил на игра.

Сега двата европски гиганти ќе се борат за неговиот потпис, а неговата цена изнесува околу 50 милиони евра.

Тренерот на Ал Наср, Руди Гарсија, изјави дека еден од најдобрите фудбалери на сите времиња, Кристијано Роналдо, својата играчка кариера ќе ја заврши во некој европски клуб.

Португалскиот ас пред еден месец пристигна во саудискиот клуб Ал Наср, и се обврза со договор до 2025.година.

„Роналдо е еден од најдобрите фудбалери на светот. Тој дефинтивно нема да ја заврши кариерата во Ал Наср. Сигурен сум дека ќе се врати во Европа, и таму ќе ги одигра последните натпревари во својата кариера“, изјави Гарсија.

Кристијано Роналдо веќе го имаше своето деби за тимот на Ал Наср, и се очекува тој во голема мера да придонесе во развојот и популарноста на фудбалот во Саудиска Арабија.

Милан Шкрињар кариерата ќе ја продолжи во Париз Сен Жермен, сигурни се италијанските медиуми.

Шкрињар одби да го продолжи договорот со Интер, а на лето ќе биде слободен агент и без обештетување ќе се пресели во ПСЖ. Медиумите откриваат дека Шкрињар постигнал комплетен договор со „светците“ и веќе ставил потпис на преддоговор.

Интер во овој случај ќе остане со празни раце, бидејќи Шкрињар ќе замине како слободен агент. Минатото лето „нероаѕурите“ одбија 60 милиони евра за неговиот потпис.

ПСЖ сакал да се договори со Интер во овој преоден рок, меѓутоа „нероаѕурите“ бараат 20 милиони евра, што е неприфатливо со „светците“ кои ќе го добијат играчот без пари за неколку месеци.