Менаџерот на Манчестер Јунајтед, Ерик тен Хаг сподели дека закрепнувањето на новото засилување Лени Јоро оди добро.

Францускиот дефанзивец беше купен од Лил летото, но заработи фрактура на левата нога, поради што допрва треба да дебитира официјално за „црвените ѓаволи“.

„Лени Јоро се снаоѓа многу добро. Убаво е што неговата рехабилитација оди во вистинска насока. Тој ќе биде подготвен за игра наскоро. Мислам дека тој се опоравува правилно и наскоро го очекуваме на теренот“, додаде Тен Хаг.

Ливерпул е силно заинтересиран за дефанзивецот на Јувентус, Жеилсон Бремер, пренесуваат медиумите на Островот.

Бремер веќе неколку сезони е еден од најдобрите дефанзивци во Серија А и столб на одбраната на „старата дама“.

Меѓутоа, Бразилецот во неговиот договор има откупна клаузула од 50 милиони фунти, сума која Ливерпул е спремен да ја ппати.

„Црвените“ наводно се спремни да му понудат и двојно повисока плата со цел да го убедат да се пресели на „Енфилд“, бидејќи во него гледаат идеален наследник на Ван Дајк чиј договор истекува на крајот на сезоната.

Се очекува голем пресврт во однос на „процесот на векот“, во кој е вмешан англискиот фудбалски тим Манчестер Сити.

Барем така пишуваат медиумите во Англија во последните два дена. Актуелниот шампион не само што нема да биде исфрлен од Премиер – лигата или Лигата на шампионите, туку дури нема ни да биде казнет со одземање на бодови, и покрај обвиненијата за наводно прекршување на 115 одредби од финансискиот фер-плеј.

Ова се случува откако предлогот на Премиер – лигата за легализација на трансакции преку TPA беше одбиен, што укажува на можни финансиски инјекции преку спонзорство контролирано од сопственикот.

Конечната одлука дали Сити ќе биде прогласен за виновен и дали ќе има некакви последици ќе биде позната во јануари 2025 година.

Саво Милошевиќ и дефинитивно ќе биде новиот тренер на Партизан, откако управата на „црно-белите“ го избра токму легендарниот голгетер за наследник на Александар Станојевиќ, кој самиот си поднесе оставка по убедливиот пораз на дербито со Црвена Звезда.

Милошевиќ беше прво име што се појави во јавноста по оставката на Станојевиќ, челниците на Партизан во изминатите денови разговараа со уште неколку српски тренери, но на крајот сепак се решија да потпишат договор со Саво, за кого ова е враќање назад на клупата на „црно-белите“ четири години откако го напушти клубот.

Во својот прв тренерски мандат Милошевиќ со Партизан стигна до трофејот во Купот на Србија и успеа да го одведе тимот во групната фаза од Лигата на Европа.

Тој денес ќе го потпише договорот со српскиот клуб, но со работа ќе почне од понеделник, а тимот на Партизан на гостувањето против Младост Лучани ќе го води Бранко Вукашиновиќ, кој беше асистент во стручниот штаб на Станојевиќ.

Нашиот фудбалер, Елиф Елмас, се соочува со повреда и засега е под знак прашалник дали ќе може да настапи во текот на викендот за неговиот Лајпциг на мечот против Аугсбург во рамките на новото коло во Бундес-лигата.

Тој се здобил со удар во пределот на мускулот и морал да пропуштил еден тренинг. Затоа постои дилема дали ќе бидe воопшто ставен на списокот за викенд-мечот.

Најавите се дека повредата не е сериозна и дека Елмас ќе може да игра за Македонија на дуелите со Летонија и Ерменија предвидени кон средината на октомври во Лигата на нации.

Родриго игра одлично во Реал Мадрид, но со доаѓањето на Мбапе и Ендрик конкуренцијата во нападот станува голема.

Најавите се дека Реал би се согласил да го продаде Родриго следното лето доколку пристигне понуда повисока од 100 милиони евра.

Најсилен интерес за Бразилецот покажува Ливерпул, кој наводно е спремен да плати 100 милиони фунти за неговиот потпис.

Меѓутоа, самиот фудбалер сака да остане во Реал и на „црвените“ ќе им биде тешко да го убедат да се пресели во Премиер лигата.

Ненад Бјелица е новиот тренер на клупата на Динамо Загреб. Поранешниот хрватски репрезентативец вторпат седнува на клупата на хрватскиот шампион, откако претходно ги предводеше од 2018-тата до 2020-тата.

Стефан Ристовски и Аријан Адеми останаа без тренер после дебаклот од Баерн Минхен со 9-2, но и домашниот пораз од Хајдук со 0-1.

После смената на Јакировиќ, Динамо загуби од Славен Белупо со 4-1, па сега Бјелица ќе треба да го гаси пожарот во редовите на хрватскиот шампион.

Напаѓачот на фудбалскиот состав Лестер, Џејми Варди, веројатно
ќе го продолжи договорот со англискиот клуб, велат денешните
информации од островот.
37- годишниот ветеран го облече дресот на „лисциите“ во 2012
година и беше дел од големиот историскиот успех кога беше
освоена титулата во Премиер-лигата.
Варди во неговата ризница ги има и пехарите од ФА Купот и
Супер-купот на Англија. Неговиот актуелен договор со Лестер ќе
истече на крајот на сезонава.

Голманот, Карло Пинсољо и крилниот напаѓач, Самуел Мбангула,
ги обновија договорите со Јувентус.
34-годишниот чувар на мрежата ќе остане во Торино до 2026-та
додека 20-годишниот голгетер потпиша за верност до 2028
година.

Пинсољо во моментов фигурира како трет голман и допрва ќе
бара шанса за докажување. Мбангула се наоѓа меѓу стартерите и
во досегашните четири сезонски натпревари има еден гол и три
асистенции.

Мануел Нојер се врати на тренинзите на Баерн Минхен откако се
опорави од повредата на тетивата. Голманот треба да го започне
првиот саботен натпревар од Бундеслигата против шампионот
Баер Леверкузен.
Баварците ова го соопштија во четвртокот попладне откако Нојер
тренираше индивидуално претходните денови.
Ветеранот ја заработи повредата за време на победата на
„црвените“ од 9:2 во Лигата на шампионите против Динамо Загреб
минатата недела и го пропушти дуелот против Вердер Бремен на
крајот од минатата недела.
Баерн, исто така објави дека напаѓачот Матијас Тел, се вратил во
целосна акција откако ги надминал проблемите со грбот. Баерн
имаше силен почеток на сезоната под водство на новиот тренер
Винсент Компани. Баварците по четири одиграни натпревари се
на врвот во Бундеслигата со вкупно 12 бода.
Баер Леверкузен е втор со девет бода, откако на крајот на август
го претрпе првиот лигашки пораз по 15 месеци. Баер минатата
сезона триумфираше на првото место во Бундеслигата,
завршувајќи без ниту еден пораз.