Бразилскиот тинејџер Ендрик, кој настапува како позајмен играч од Реал Мадрид, веќе стана главна тема во францускиот фудбал. За само три натпревари во Лига 1, тој запиша дури пет гол-контрибуци. Својата голгетерска серија ја започна против Лил, демонстрирајќи ја својата ладнокрвност во завршницата, додека на дуелот против Брест се истакна како асистент, потврдувајќи дека е комплетна закана за противничките одбрани.

Во неделниот триумф над Мец (5:2), 19-годишниот напаѓач се запиша во историјата на Лион како најмлад стрелец на хет-трик во првенството. Гол-шоуто го започна во 11-тата минута со атрактивен лоб над голманот Јонатан Фишер по додавањето на Толисо. Пред крајот на првиот дел, тој зголеми на 2:0 со прецизен удар, а точка на својот извонреден настап стави со гол од пенал во 87-мата минута.

Покрај Бразилецот, во листата на стрелци се запишаа и Рубен Клајверт и Тајлер Мортон, со што Лион се одлепи на четири бода предност пред Лил во трката за Лигата на Шампионите. Од доаѓањето во декември, билансот на Ендрик од четири гола и една асистенција се покажа како вистински погодок за тимот на Пауло Фонсека. Со оглед на тоа што Лион го очекуваат и дуелите во Лига Европа против ПАОК, неговата форма ветува големи успеси до крајот на сезоната.

Лондонскиот премиерлигаш Фулам понуди 28 милиони фунти за напаѓачот на холандски ПСВ Ајндховен, Рикардо Пепи, јавија денеска британските медиуми.

Според Би-Би-Си, понудата за 23-годишниот американски фудбалер е пониска од онаа што ја побара холандскиот клуб, околу 30 милиони фунти, но оти Фулам верува дека договор ќе биде постигнат.

Пепи постигна осум голови на 15 натпревари во холандското првенство и уште три на пет натпревари во Лигата на шампиони.

Фулам има потреба од напаѓач, Родриго Муниз се опоравува од операција на тетивата, додека на Раул Хименез договорот му истекува на крајот од сезоната.

Серхио Рамос постигна принципиелен договор со група клучни акционери за купување на фудбалскиот клуб Севилја. Негов партнер во овој потфат е Мартин Инк од групацијата „Фајв Илевен Капитал“, објави Маноло Агилар. Со овој договор започнува период на ексклузивност во кој Рамос и неговиот тим ќе ја анализираат финансиската состојба на клубот пред да се обидат да склучат конечен договор, пишува „Кадена СЕР“.

Постигнатиот договор претставува клучен чекор бидејќи сега следи процес на длабинска анализа. Се очекува овој процес да трае неколку месеци, по што ќе биде донесена конечна одлука. Овој развој на настаните потврдува дека неодамнешните гласини не биле неосновани и дека понудата на Серхио Рамос и неговите партнери е сериозна и поткрепена со принципиелен договор.

Според дополнителни информации од Мигел Анхел Чазари, првичната понуда за преземање на клубот е 450 милиони евра.

За време на неговата кариера, Рамос играше двапати за Севилја. Првиот пат беше од 2003 до 2005 година, по што се пресели во Реал Мадрид. Тој се врати во клубот во сезоната 2023/24, по две сезони поминати во Пари Сен Жермен.

На овој принципиелен договор му претходеше состанок одржан на 15 јануари, каде што Серхио Рамос и Перез Солано ја презентираа својата понуда и проект пред акционерите. Состанокот, кој траеше повеќе од два часа, беше оценет многу позитивно поради важноста на понудата, што на крајот доведе до постигнување договор.

Менаџерот на Манчестер Јунајтед, Мајкл Карик, истакна дека победата од 3-2 над Арсенал беше лицето на тимот какво што навивачите сакаат да го гледаат.

„Мислам дека беше сосема поинаков натпревар во споредба со минатата недела против Манчестер Сити, затоа што денес натпреварот беше неколку пати нерешен. Минатата недела многу работи одеа во наша корист, но денес момците мораа да дадат сè од себе – покажаа карактер и вистинска вештина кога беше потребно. И сега можеме да го споделиме овој момент со навивачите, да ја славиме победата, да ја почувствуваме. Мислам дека ова е она што сите го посакуваме: голови на крајот, победнички голови на големи натпревари. Тоа е неверојатно чувство“, рече Карик, кој со доаѓањето на кормилото на „црвените ѓаволи“ како да го препороди тимот кој оствари две големи победи над кандидатите за шампионската титула.

Милан ја продолжи серијата без пораз во Серија А на 21 натпревар.

Тимот на Масимилијано Алегри ги подели бодовите со Рома (1:1) во 22. коло.

Оваа сезона, „росонерите“ го загубија само првиот натпревар во лигата – во август.

21 натпревар без пораз е нивната најдолга серија од 2022 година. Тогаш, Милан беа непоразени на 22 натпревари, но таа серија започна во сезоната 2021/22 и заврши во сезоната 2022/23.

Во вистински премиерлигашки трилер, Манчестер Јунајтед приреди големо изненадување совладувајќи го лидерот Арсенал со 3-2 на негов терен. Преродениот состав на Мајкл Карик ја прекина долгогодишната лоша серија на овој стадион, истовремено нанесувајќи му тежок удар на домаќинот во трката за титулата со голот на Матеус Куња во самата завршница.

Натпреварот започна со иницијатива на Арсенал, која беше крунисана во 29. минута. По центаршутот на Букајо Сака, Лисандро Мартинез под притисок на Јуриен Тимбер несреќно ја турна топката во сопствената мрежа. Сепак, радоста на домашните навивачи траеше кратко. Во 37. минута, по грешката на Мартин Зубименди, Брајан Мбеумо со смирен 1 на 1 против Давид Раја го израмни резултатот пред заминување на пауза.

Гостите тргнаа фуриозно во вториот дел, а веќе во 50. минута Патрик Доргу со вистински проектил под пречката донесе предност за Јунајтед. Арсенал фрли сè на една карта во финишот, правејќи четворна замена во која влезе и Ѓокереш. Притисокот вроди со плод во 84. минута кога Микел Мерино успеа да постигне израмнувачки погодок за 2-2.

Но, последниот збор го имаа „Црвените Ѓаволи“. Додека Арсенал бркаше целосен пресврт, Матеус Куња во 87. минута со прецизен фелширан удар ја запечати судбината на домаќинот и му ја донесе втората последователна победа на својот менаџер.

Пред овој дуел, Арсенал беше неприкосновен на врвот со 50 бодови и перфектен скор на домашен терен, додека Јунајтед се наоѓаше на петтата позиција со 35 бодови. Овој пораз е особено болен за „Топчиите“ бидејќи ја прекина нивната неверојатна серија од 24 победи во натпревари каде што први постигнале гол. За Манчестер Јунајтед, ова се три клучни бода во трката за топ 4.

Поранешниот фудбалер Реал Мадрид и белгискиот репрезентативец Еден Азар верува дека ѕвездата на шпанскиот клуб, Килијан Мбапе, ќе ја освои „Златната топка“.

-Килијан ќе треба да ја освои Лигата на шампиони и шпанската титула, а, исто така, да оди што е можно подалеку со Франција на претстојното Светско првенство. Воопшто не се грижам за него – тој, исто така, ќе ја освои „Златната топка“, изјави денеска за шпанските медиуми Азар, кој го носеше дресот на Реал Мадрид од 2019 до 2023 година.

Французинот Мбапе ја игра својата втора сезона во 15-кратниот европски клупски шампион. Доцна синоќа, Кралскиот клуб победи со 2-0 на гости против Виљареал, а Мбапе беше двоен стрелец.

Фудбалерите на Јувентус со убедливи 3-0 го совладаа вечерва во Торино актуелниот шампион Наполи во дерби натпреварот од 22. коло во италијанското првенство.

Македонскиот репрезентативец Елиф Елмас се најде во почетниот состав на Антонио Конте и остана на теренот до 70 минута.

Јувентус поведе со голот на Давид (22 минута) по асистенција на Локатели, а потоа Јилдиз (77) го зголеми резултатот на 2-0, откако беше одлично проигран од Мирети.

Печат на победата на тимот од Торино стави Костиќ (86) со прецизен удар од повеќе од 20 метри.

Јувентус со победата се искачи на четвртото место на табелата со 42 бода, исто колку и петтопласираната Рома, која вечерва ќе игра против Милан, додека Наполи е третопласиран со бод повеќе.

Интер е на врвот со 52 бода, шест повеќе и натпревар повеќе од второпласираниот Милан.

Дефанзивецот на Виљареал и Аргентина, Хуан Фојт, заработи повреда на Ахиловата тетива во поразот од 2-0 од Реал Мадрид во 21-то коло од шпанската Ла Лига, според официјалната веб-страница на шпанскиот клуб.

Ова може да значи дека Фојт кој е репрезентативец на Аргентина веројатно ќе го пропушти СП во САД, Канада и Мексико.

Дефанзивецот на Виљареал ја скина левата Ахилова тетива и наскоро ќе биде подложен на операција. Според шпанските медиуми, закрепнувањето од таква повреда обично трае од шест до девет месеци. Ова значи дека играчот ризикува да го пропушти Светското првенство во 2026 година, кое ќе се одржи од 11 јуни до 19 јули.

Фојт одигра 17 натпревари за Виљареал во сите натпреварувања оваа сезона. Тој го освои Светското првенство во 2022 година, Финалисима и бронзениот мед

Габриел Жесус потпиша за нова агенција, по што се појавија гласини дека тоа значи негово заминување од Емирати.

Жесус неодамна се врати од повреда и почна да дава голови за Арсенал, па стана интересен за другите.

Информациите велат дека тој потпишал за агенцијата на Џовани Бранчини.

Се шпекулира дека Милан е сериозно заинтересиран за Габриел Жесус и тоа би можело да биде следната дестинација за Бразилецот.