Македонскиот фудбалер Даниел Аврамовски продолжува со својата блескава игра во дресот на Болуспор. Имено, Аврамовски постигна два гола и му ја донесе победата на Болуспорт против екипата на Ерокспор.

Аврамовски првиот погодок го постигна во 45-тата минута од првото полувреме. Гостите, преку Фаје израмнија во 72-та минута, а конечниот резултат од 2-1 и победа за домаѓините ја обезбеди нашиот фудбалер Аврамовски во 81-та минута од натпреварот.

Аврамовски е еден од најдобрите поединци во екипата на Болуспор, откако пристигна во Турција од екипата на Сараево оваа зима.

Болуспор во моментов во рамки на тетото коло од Турската 1 лига се наоѓа на 7-тата позиција од табелата со вкупно 4 бода, а досега екипата на Аврамовски има една победа, еден нерешен резултат, и еден пораз.

Голманот на Баерн Минхен Мануел Нојер пред само неколку денови објави крај на својата репрезентативна кариера, но во разговор со германските медиуми откри дека нема намера да се пензионира од клупскиот фудбал.

„Не би сакал да прогнозирам, но знам дека телото уште ме служи и можам да бидам активен уште најмалку две години. Договорот со Баерн ми завршува во 2025 година, а потоа ќе ги разгледам сите опции. Се повлеков од репрезентацијата на Германија, иако ќе беше феноменално да настапам и на Светското првеенство во 2026 година.

На 40-годишна возраст не би заминал во Саудиска Арабија или во друг азиски клуб. Би сакал да завршам во Европа, а најубаво ќе биде ако се простам од фудбалот во родната земја. Тука ги доживеав сите најголеми успеси во кариерата, моето срце е секогаш во Германија“, рече искусниот голман.

Барселона конечно најде нов клуб за Микаел Фаје и младиот дефанзивец ќе ја продолжи кариерата во Рен

20-годишниот дефанзивец се сели кај Французите за околу 10,3 милиони евра, а неговиот договор вклучува клаузула за иден откуп од Барса во износ од 25 милиони евра, како и дека 30% од неговата идна продажба.

Барселона има финаниски проблеми па мора да продава и свои таленти, со цел да може да го регистрира новото засилување Дани Олмо.

Наполи и Манчестер Јунајтед постигнаа договор за трансфер на Скот Мектомини, пренесуваат италијанските медиуми.

Антонио Конте бара квалитетен играч за врска и многу ги цени квалитетите на Мектомини, кој е на излезна врата од „Олд Трафорд“.

Наполи првично понуди 25 милиони, Јунајтед бараше повеќе, па двете страни постигнале договор за трансфер од 30 милиони евра.

Мектомини е спремен да ја промени средината и ја прифатил понудата на Наполи, па се очекуа трасферот да биде комплетиран наскоро.

Голманот на Ливерпул, Алисон Бекер нема желба да го напушта Ливерпул. Бразилецот призна дека ги одбил понудите од Саудиска Арабија.

„Чест е да играм овде. Би сакал да потпишам нов договор по истекот на овој. Многу сум среќен во Англија и моето семејство се чувствува добро“, изјави тој за клупската телевизија.

Бразилецот доби неколку понуди од Саудиска Арабија, но ги одби бидејќи не сакаше да игра надвор од Европа.

„Добив понуди од Саудиска Арабија. Не сум зборувал за платите, но тие плаќаат навистина добро таму. Сите слушнаа за сумите што ги заработуваат моите колеги таму. Тоа објаснува зошто има толку голем интерес за лигата. Нормално е, но немам желба да го напуштам Ливерпул“, додаде Алисон Бекер.

Францускиот гигант Лион треба до крајот на преодниот рок да собере уште 75 милиони евра за да избегне финансиски проблеми.

Еден од најпознатите француски медиуми „Л’Eкип“ пренесува дека Лион ги ставил на продажба скоро сите фудбалери од тимот.

„Управата на Лион испрати порака до скоро сите фудбалери дека се на продажба, ако некој за нив плати адекватна цена“, пишува „Л’Eкип“.

Лион во последните два месеци потроши 134 милиони евра и поголем дел од сумата беше од клубот и тоа е најмногу во Франција. Само во јули потрошија 34 милиони евра за договор Муса Никате од Нотингем Форест.

Минатиот лесец Лион ги убеди луѓето во Лига 1 дека ќе собере 100 милиони евра од продажба и ќе избегне санкции за финанискиот фер плеј, но немаат уште многу време.

Шпанскиот голман Кепа Аризабалага оваа сезона ќе ја мине на позајмица во премиерлигашот Борнмут, објавија англиските медиуми.

Минатата сезона Кепа беше позајмен во Реал Мадрид поради повредата на Тибо Куртоа, но по враќањето во Лондон веднаш стана јасно дека тренерот Енцо Мареска нема да смета на неговите услуги.

Договорот со Борнмут е постигнат и голманот веднаш ќе му се стави на располагање на тренерот Андони Ираола.

Данскиот фудбалер Андреас Кристенсен ја повреди Ахиловата тетива и би можел да биде надвор од терените во следните два месеци поради проблеми со тетивата на ногата.

Данскиот интернационалец ќе го пропушти и натпреварот против Жирона во следното коло, а Барселона би можела да биде без него и во првите натпревари во Лигата на шампионите.

Од претходно Барселона е без Роналд Араухо кој се повреди на Копа Америка и негово враќање се очекува во ноември.

Тренерот на фудбалскиот клуб Интер Мајами, Тата Мартино, потврди дека Лионел Меси е блиску до враќање на целосните тренинзи по незгодната повреда, но не објави конкретен датум.

Меси продолжува да се опоравува од повредата на зглобот што ја заработи за време на финалето на Копа Америка.

Се очекува Лео да ги пропушти следните неколку натпревари на Интер Мајами во регуларниот дел од сезоната на МЛС.

Напаѓачот исто така не беше вклучен во составот на Аргентина за претстојните септемвриски светски квалификации против Чиле и Колумбија заради повредата.

Симон Кјаер по 15 години и 132 настапи во дресот на Данска одлучи да стави крај на репрезентативната кариера.

Повлекувањето од националниот дрес, Кјаер го објави на социјалните мрежи.

„Одлучив да се повлечам по 15 одлични години. Тажен сум затоа што чувството на единство кога сум во репрезентацијата ми значеше многу. Кога имав четири години и почнував да играм фудбал, не можев ниту да замислам дека ќе учествувам на шест Светски и Европски првенства, а ќе одиграм 132 натпревари.

Горд сум за големата привилегија да бидам и капитен во последните осум години. Благодарност до сите, Федерацијатам тренерите, персоналот, сите соиграчи, навивачите…“, порача Кјаер.