Интер Мајами се пласираше во осминафиналето на Купот на шампионите на КОНКАКАФ, откако и во реваншот го победи Спортинг Канзас Сити. Интер на гости победи 1-0, а во реваншот на домашен терен забележа триумф 3-1.

Натпреварот го одбележа првиот гол на натпреварот, кој го постигна Лионел Меси во 19. минута од натпреварот, кога проработе врската од Барселона. Во улога на аистент беше Луис Суарез, а стрелец Меси.

До крајот на полувремето Тадео Аљенде ја удвои предноста на својот тим, а во судиското надополнување Суарез го постигна третиот гол. Во второто полувреме, замениот Мемо Родригез го постигна единствениот гол за гостите.

Интер Мајами во четвртфиналето ќе се соочи со Кавалирс, шампионот на Јамајка.

Предводникот на Атлетико Мадрид, Диего Симеоне, го пофали својот тим по ремито 4-4 против Барселона во првиот натпревар од полуфиналето на Купот на Кралот. До ремито Атлетико Мадрид дојде со голови постигнати во финишот од натпреварот, откако беа во негатива од два гола разлика.

„Треба да работиме на тоа како да ги браниме корнерите бидејќи очигледно имавме проблеми денес. Играчите покажаа дух, на што се восхитувам. Тоа беше отворен натпревар против многу силен противник, но имаме се што ни е потребно за да продолжиме напред.

На 0-3 во наша корист си реков: „Не брзај да се радуваш, нема да биде така лесно. Причина за загриженост се двата примени гола од прекини. Беше многу тешко да се реагира по пресвртот во првото полувреме. Барса почна подобро по паузата, но постепено почнавме да создаваме шанси. Гризман имаше шанса да израмни. Тогаш резултатот стана 4-2 со голот на Левандовски.

„Замените ни помогнаа. Имавме свежина во последните минути, а покажавме храброст да нападнеме со играч повеќе. Секако дека сме задоволни од крајниот резултат. Има многу време и многу натпревари до 2 април. Сè уште е рано да се размислува за реваншот“, заврши Симеоне.

Фудбалерот на Челзи, Мојсес Каиседо е под закана од суспензија од два натпревари во Премиер лигата доколку добие уште еден жолт картон во следните натпревари. Еквадорецот беше одличен во дресот на Челзи оваа сезона, но е еден од најнедисциплинирание играчи во лигата.

Имено, тој повторно доби жолт картон синоќа на мечот со Саутемптон и од почетокот на сезоната дури 9 пати беше опоменуван од судиите и санкциониран со жолт картон. Еднаш веќе паузираше на еден меч, а сега по десеттиот жолт картон му се заканува суспензија и од два натпревари.

Ако Каиседо добие жолт картон на следниот меч на домашен терен против Лестер, тој ќе мора пропушти два огромни натпревари против Арсенал и Тотенхем.

Јувентус објави информација за природата на повредата на Даглас Луиз.

Клубот од Торино објави дека на играчот од средниот ред му била дијагностицирана полесна повреда на бицепсниот мускул на левата бутина. Бразилецот се повреди на натпреварот против Каљари (1-0).

Ова е четврта повреда за играчот од средниот ред оваа сезона. Според Џанлука Ди Марцио, Луиз ќе биде надвор од терените околу 15 дена.

Атлетико оваа сезона нема пораз од Реал Мадрид или Барселона.

Синоќа Атлетико и Барселона одиграа нерешено 4-4 во првиот полуфинален натпревар од Купот на Шпанија. На почетокот на оваа сезона, мадридскиот тим ја победи Барса во натпревар од Ла Лига (2-1).

Атлетико исто така е непоразен во два меча оваа сезона против Реал Мадрид, а двете средби во Ла Лига завршија 1-1. Атлетико ќе игра против Барселона во Ла Лига на 16 март и во реваншот од полуфиналето на Купот на 2 април. Избраниците на Диего Симеоне ќе се сретнат и со Реал Мадрид во 1/8 финалето од Лигата на шампионите – натпреварите ќе се одиграат на 4 и 12 март.

Голманот на Реал Мадрид, Тибо Куртоа во март ќе го одигра првиот натпревар по враќањето во белгиската репрезентација.

Според „Марка“, новиот селектор Руди Гарсија ќе го повика голманот за претстојните натпревари од Лигата на нации. Белгија ќе игра против Украина во баражот за правото на настап во највисоката лига на турнирот на 20 и 23 март.

Во летото 2024 година, Куртоа објави дека ја прекинал кариерата во националниот тим поради конфликт со тогашниот селектор Тедеско. Во јануари годинава Тедеско доби отказ.

Манчестер Сити планира голема ревизија на својот тим ова лето, бидејќи нивните резултати оваа сезона не ги надминаа очекувањата, а еден од оние кои треба да го напуштат „Етихад“ е бразилскиот голман Едерсон.

Едерсон е посочен како еден од седумте играчи кои ќе ја сменат средината на лето, бидејќи стручниот штаб на чело со Пеп Гвардиола не е задоволен од неговите настапи оваа сезона, а според англиските медиуми неговата замена би требало да дојде од Португалија.

Првизбор за стартно голманско место на Манчестер Сити е Диого Кошта од Порто, а според информациите на Островот, „граѓаните“ веќе оствариле контакт со португалскиот репрезентативен голман.

Кошта има договор со Порто до 2027 година, а според некои извори неговата откупна клаузула е околу 75.000.000 евра.

За потсетување, и Едерсон во Сити пристигна од Португалија, но од Бенфика, која на неговиот трансфер во 2017 година заработи 40.000.000 евра./МИ

Ерлинг Халанд останува под знак прашалник за гостувањето на Тотенхем во Премиер лигата во Манчестер Сити во среда, изјави менаџерот на Сити, Пеп Гвардиола.

Халанд, кој има 27 гола оваа сезона во сите натпреварувања, заработи повреда на коленото во победата на Сити над Њукасл од 4:0 на 15 февруари и беше изоставен од тимот за неделниот пораз од Ливерпул со 2:0 на домашен терен, по кој Сити е четврти со 44 бода.

-Ќе знаеме вечерва по тренингот. Се надевам дека ќе биде така, но сè уште не знаеме. Тој се чувствува подобро, но ќе видиме утре, изјави Гвардиола за изгледите на Халанд да игра против Спарс.

И покрај тешкотиите, Гвардиола изјави дека излегувањето на Сити од кризата нема да биде најголемиот предизвик во неговата кариера, со оглед на тоа што неколку пати го градеше тимот во изминатите девет години.

-Веќе го направивме тоа два или три пати. Ова не е најголемиот предизвик. Предизвикот што го имав беше кога ја започнав мојата менаџерска кариера со мојот персонал. Си докажавме со мојот тим дека можеме да го направиме тоа, додаде Каталонецот./МИА

Кевин Де Брујне, еден од најдобрите играчи од средниот ред во светот и легенда на Манчестер сити, на крајот од сезоната ќе го напушти клубот како слободен играч, објави „Скај Спорт“.

Белгиецот кој во Сити пристигна во 2015 година за 76 милиони евра, одби да го продолжи договорот со клубот. Де Брујне одигра 409 натпревари за Сити, постигна 105 голови и забележа 173 асистенции. Со клубот освои шест титули во Премиер лигата, два ФА купа, пет Лига купови и во 2023 толку посакуваната Лига на шампиони.

Иако Де Брујне и понатаму е еден од најдобрите играчи во светот, се чини дека Пеп Гвардиола решил да тргне во насока на подмладување на тимот. Белгиецот во јуни ќе наполни 34 години, а во последно време често го мачат повредите.

Според последните информации тој би можел да ја продолжи кариерата во МЛС. Сан Диего новиот клуб во лигата, наводно е во напредни преговори со белгискиот играч за врска. Американскиот клуб му нуди статус на ѕвезда и улога на клучен играч во првата сезона во МЛС.

Интер се пласираше во полуфиналето на Купот на Италија, откако го совлада Лацио со 2-0 (1-0) на „Џузепе Меаца. „Нероаѕурите“ во полуфиналето ќе играат против градскиот ривал Милан.

Клучен момент за победата на Интер беше 39. минута. Тогаш австрискиот напаѓач Марко Арнаутовиќ со прекрасен волеј му донесе водство на својот тим. Точка на мечот стави Хакан Чалханоглу од пенал на 15 минути до крајот на натпреварот. .

Интер игра одлично пред своите навивачи, нема пораз на претходните 16 натпревари, е победија на 13 од нив и три пати ремизираа. Лацио, пак, е елиминиран во четвртфиналето на Купот по петти пат во последните шест сезони

Во другото полуфинале ќе играат Болоња и победникот од дуелот Јувентус-Емполи.