Пауло Дибала беше на чекор од трансфер во Саудиска Арабија, но во последен момент одлучи да ја одбие богатата понуда.

Дибала имаше понуда од 75 милиони евра на маса од саудискиот клуб Ал-Кадсиах. Тој ја прифатил понудата, па дури и се збогуваше со фановите на Рома.

Меѓутоа, во последен момент одлучи да го стопира трансферот и одлучи да остане во Рома.

Укажаната љубов од навивачите на Рома го натерале да ја преиспита одлуката па Дибала ги одби парите на шеиците и реши да остане на „Олимпико“.

Во последните денови се појавија шпекуалции дека Барселона покажува силен интерес за ѕвездата на Милан, Рафаел Леао.

Меѓутоа, денес се огласи директорот на Милан, Џорџо Фурлани, кој стави крај на шпекулациите и децидно потврди дека Леао останува на „Сан Сиро“.

„Рафа Леао нема да си замине од Милан ова лето. Трансфер во Барселона? Нема шанса. Рафаел нема да си оди, тоа е 100% сигурно“, изјави директорот на „росонерите“.

Манчестер Сити по само една година го врати во своите редови Илкај Гундоган.

Гундоган помина една сезон во дресот на Барселона, а сега се враќа на „Етихад“ каде што повторно би можел да биде еден од поважните фудбалери во тимот на Пеп Гвардиола.

Фудбалерот од средниот ред не го криеше задоволството по враќањето во клубот.

„Навистина сум среќен што повторно ги гледам соиграчите, персоналот и луѓето со кои поминав повеќе од седум успешни години. Кога сте на друго место подолго време како што јас бев една година уште повеќе го цените клубот. Се вратив во најдобриот клуб во светот“, изјави Гундоган.

Англискиот репрезентативец минатата сезона имаше многу проблеми со повредите и пропушти речиси 50 отсто од натпреварите, но сепак и тоа го оддалечи подолг период од терените.но сепак беше дел од националниот тим на ЕП.

Во Њукасл претставуваше важен „шраф“ во походот кон Лигата на шампионите, кој го играа минатата сезона. Сепак минатта сезона „страчките“ не успеаја да го повторт тој успех, не успеаја ниту да изборат место во европските купови.

Трипие нема да биде продаден и покрај тоа што договорот му истекува на крајот од сезоната. Евертон ги започна прговорите околу нагажманот на Трипие.

Голман на Реал Мадрид, Тибо Куртоа, објави дека нема да брани за репрезентацијата на Белгија додека не се промени селектор Доменико Тедеско, но и целото раководство на федерацијата во оваа земја.

Тој не беше дел од Европското првенство, иако претходно се опорави од тешката повреда на коленото и бранеше за Реал.

„Сакам да испратам порака до сите навивачи на Белгија и оние кои навиваат за нашата репрезентација. Чувствувам неверојатна љубов и чест кога ја претставувам мојата земја на теренот, бидејќи и самиот сум навивач на „црвените ѓаволи“. Се чувствувам привилегирано што можам да го носам дресот на Белгија, дрес кој не можев да го замислам ниту во моите најлуди соништа. За жал, по она што се случи со селекторот и моето размислување, решив повеќе да не играм за Белгија додека тој е селектор. Го прифаќам мојот дел од одговорноста во ова. Сепак, гледајќи напред, мојата недоверба кон него не би била добра за атмосферата во соблекувалната. Имав разговор и со федерацијата која го привати мојот став и причините што доведоа до оваа болна одлука. Жалам што некои навивачи ќе бидат разочарани, но знам дека ова е најдобриот начин за Белгија да се фокусира кон остварување на своите цели“, напиша Куртоа.

Спортскиот директор на Барселона, Деко потврди дека шпанскиот фудбалски репрезентативец Нико Вилијамс нема да се пресели во каталонскиот гигант оваа лето.

Репрезентативецот на Шпанија летово беше во преговори со Каталонците но Билбао и Барселона не можеа да се договорат.

Иако неколку шпански медиуми објавија дека Деко повторно се сретнал со Вилијамс во вторникот, спортскиот директор излезе со официјална изјава:

„Го сакаме, но нема да дојде“, беше кусиот одговор на Деко.

Колумбискиот фудбалер Хамес Родригез се враќа во Ла Лига овој пат со договор за засилување на редовите на Рајо Ваљекано.

Хамес изминатава година имаше квалитетни настапи за Сао Паоло во Бразил и репрезентацијата на  Колумбија на Копа Америка.

По истекот на договорот со Сао Паоло се одлучи за враќање во Европа, одлучувајќи да ја прифати понудата од поранешниот клуб на Столе Димитриевски.

Покрај Рајо, 32-годишниот Родригез преговарал и со Селта, но сепак од Рајо Ваљекано биле далеку поконкретни во желбата за негов ангажман.

Софијан Амрабат минатото лето беше на мета на многу европски гиганти, а тој избра кариерата да ја продолжи во Манчестер Јунајтед.

Тен Хаг по секоја цена го сакаше Амрабат во својот тим, но Мароканецот не се снајде најдобро на „Олд Трафорд“.

Манчестер Јунајтед плати за едногодишна позајмица, но веќе донесе одлука да не го откупи неговиот договор и Амрабат се врати во Фиорентина.

Таквата ситуација сака да ја искористи Наполи, кој е во потрага по фудбалер за врска и почнал преговори за трансфер на Амрабат.

Менаџерот на Арсенал, Микел Артета се очекува наскоро да потпише нов договор со клубот, објави „Скај спортс“.

Односот меѓу него, спортскиот директор Еду и сопствениците од семејството Кронке е толку добар што нема да има ниту формални преговори.

Според раководството на „топџиите“, клубот допрва може да се развива под водство на Артета. Во моментов, 42-годишниот стручњак има договор до 2025.

Двете страни не брзаат со новиот договор, бидејќи имаат исти идеи за иднината.

Македонскиот прволигаш Шкупи неодамна се раздели со Ернест Ѓока по лошиот старт на сезоната, а синоќа го објави неговиот наследник. 

Шеф на стручниот штаб на чаирчани ќе биде Матија Мирков. Се работи за човек кој работеше како тренер на голманите, а сега ќе ја понесе функцијата на прв тренер во тимот. Мирков нема да работи сам, бидејќи Шкупи се пофали со двајца нови помошници кои ќе бидат дел од стручниот штаб. 

Бобан Бабунски ќе му биде прв асистент на Мирков. Бабунски во досегашната тренерска кариера има искуство со работата во Пелистер, Победа, Вардар и Работнички, а беше и привремено решение и во репрезентацијата.

Како втор асистент во стручниот штаб на Шкупи ќе работи Минас Османи кој ја започнува својата тренерска кариера.