Екипата на Интер сезонава доминантно го освои Скудетото во Италија, па така и издоминира во изборот на најдобрите фудбалери во првенството.

Симоне Инзаги беше избран за тренер на сезоната, Бастони за најдобар дефанзивец, Чалханоглу за најдобар играч за врска, додека МВП-наградата му припадна на Лаутаро Мартинез.

Посебно е интересно што Мартинез не ја доби наградата за најдобар напаѓач која заврши во рацете на Душан Влаховиќ, а беше избран за играч на сезоната.

Јувентус е сериозно заинтересиран за ѕвездата на Аталанта и холандски репрезентативец, Туен Копмајнерс.

25-годишниот Холанѓанец се етаблираше во еден од најдобрите играчи за врска во Серија А, па и самиот сака да направи чекор напред во кариерата. Приоритет на Јувентус ќе биде засилување на средниот ред, а Копмајнерс е на врвот на листата желби.

Агентот на Копмајнерс го потврди интересот на Јувентус, а „бјанконерите“ веќе работат на трансферот за да ја победат големата конкуренција.

Интерес за Холанѓанецот покажуваат и клубови од Премиер лигата, а Аталанта за неговата слобода бара најмалку 60 милиони евра.

Новинарот Флоријан Плетенберг, кој одлично ги познава состојбите во Баерн Минхен, објави дека Баварците се договориле со Винсент Компани.

Тоа значи дека досегашниот тренер на Барнли ќе се пресели во Бундес-лигата а англискиот клуб ќе добие оштета од максимални 12 милиони евра.

Компани ќе потпише договор до 2027 година. Белгискиот тренер пред да замине во Англија работеше во татковината во екипата на Андерлехт.

Според последните информации од Италија екипата на Јувентус за наредната сезона договорила нов голман, Микеле де Грегорио од Монца.

Ди Грегорио имаше одлична сезона во Серија А и доказ за тоа изборот за најдобар на својата позиција. Јувентус во изминатите денови бил во контакт со претставниците на Григорио и Монца и наводно веќе има договор и со голманот и со Монца.

Најавите се дека голманот ќе пристигне во Торино за сума од 20 милиони евра. Како главен човек во целата операција се наведува Кристијан Џунтоли, спортскиот директор на „старата дама“.

Со пристигнувањето на Ди Грегорио може да се очекува заминување на Војчех Шчесни во текот на летото, додека како втор голман би останал Матија Перин.

Лондонски Челзи има намера да преговара со тренерот на Барселона, Чави, кој ќе го напушти каталонскиот клуб на крајот од тековната сезона.

Претходно во медиумите се појавија информации дека претседателот на Барселона, Жоан Лапорта, одлучил да го отпушти Чави по јавната изјава за сложеноста на финансиската состојба.

Челзи пак на крајот на сезоната откако го освои шестото место во Премиер-лигата, одлучи да ја прекине соработката со Маурисио Почетино.

Џан Пјеро Гасперини реши да остане на чело на Аталанта.

Тоа значи дека искусниот стратег кој неодамна го донесе пехарот од Лига Европа во Бергамо, ги прекинал преговорите со Наполи. Тој со неговите избраници во наредната сезона ќе настапува во Лигата на шампионите и тоа е главната причина да остане во клубот.

Се очекува луѓето од Аталанта да му понудат нова соработка со далеку подобри финансиски услови, се вели во дел од текстот.

Фенербахче објави фотографија на која Бонучи држи потпишан дрес во друштво на тренерот и останатите членови на екипата.

„Ми беше задоволство да бидам дел од ова семејство. Се обидов да дадам сè од себе на теренот. Заедно ќе ја водиме последната битка, сакам да ја завршам кариерата со титула“, кажа Бонучи.

Meдииумите во Англија пренесуваат дека фудбалерот од
средниот ред на Манчестер Сити, Џек Грилиш летово би можел
да замине бидејќи е незадоволен од скромната минутажа.
Во медиумите по завршувањето на сезоната се шпекулираше
дека Едерсон поради несогласувања со Гвардиола може да ја
промени средината, а сега се појавија и најави за ваква ситуација
со Грилиш.
Наводно, 28-годишниот фудбалер веќе го известил Гвардиола
дека не сака да седи на клупата и сака да игра повеќе.
Како клуб кој е заинтересиран за неговите услуги се појавил
Баерн Минхен. Во Баерн се најавуваат многу промени, а Грилиж
би можел да биде еден од оние кои ќе донесат „свежа крв“.
Уште во наредната сезона во Баерн ќе се обидат да ја вратат
титулата во Германија која сезонава ја освои Леверкузен и за тоа
сигурно ќе им бидат потребни нови имиња.

Луѓето од Челзи му порачале на фудбалерот, Ромелу Лукаку, да
си бара нова средина бидејќи немаат намера да го вратат во
Англија.
Корпулентниот напаѓач последната сезона ја одигра позајмен во
Рома но, „италијанскиот состав нема намера да го задржи.
Последните информации велат дека Лукаку е подогтвен да
замине на друг континент.

Матс Хумелс може да ја продолжи кариерата во Серија А.
Хумелс е член на Борусија Дортмунд од 2007 година, направи
трансфер во Баерн во 2016 година, но после три сезони повторно
се врати во клубот. Неговиот договор со Борусија истекува
следниот месец и нема најави за негово продолжување, па
Хумелс ова лето ќе замине како слободен агент.
Таквата ситуација сакаат да ја искористат италијанските гиганти
Милан и Јувентус и да годоведат во своите редови.
Двата клуба веќе стапиле во контакт со агентот на Германецот и
наскоро спремаат понуди.