Во 10. коло од француското првенство, против аутсајдерот Лориен, ПСЖ остана без очекуваната победа (1-1), но и без клучен играч. Дезире Дуе (20), крилниот напаѓач на францускиот и европскиот шампион, во 63-та минута и остана да лежи плачејќи од болка.

Дуе го напушти теренот на носилки, а подоцна го напушти стадионот со помош на патерици. Се чини дека го повредил бутниот мускул на десната нога, но повеќе детали ќе бидат познати во наредните денови.

Ова е нова сериозна повреда за Дуе, кој неодамна се врати на теренот бидејќи пропушти шест натпревари во септември поради повреда на листот.

„Секогаш се лоши вести кога некој ќе се повреди“, рече Луис Енрике по натпреварот. „Тоа е невообичаена повреда и сè уште не знаеме колку е сериозна. Се надевам дека не е посериозна.“

Младиот офанзивен играч имаше одлична последна сезона. Тој забележа 16 голови и исто толку асистенции во 61 натпревар и со тоа даде огромен придонес во освојувањето на тројната круна на ПСЖ. Оваа сезона, во осум натпревари, постигна три гола и имаше исто толку асистенции.

Дуе дојде во ПСЖ од Рен во летото 2024 година за 50 милиони евра. „Трансфермаркт“ сега ја проценува неговата вредност на 90 милиони евра.

Претседателот на Турската фудбалска федерација (ТФФ), Ибрахим Хаџиосманоглу, откри дека стотици турски судии, вклучително и оние на национално ниво, биле вклучени во обложување и покрај забраната.

Внатрешна истрага опфати 571 судија, а резултатите покажуваат дека 371 имаат сметки за обложување, додека 152 активно се обложуваат.

Некои судии поставиле повеќе од 10.000 облози, а 42 судии се обложувале на повеќе од 1.000 фудбалски натпревари.

Меѓу осомничените, 22 судии суделе натпревари на национално ниво, вклучувајќи седум централни и 15 помошни судии, но не е познато дали се обложувале на натпревари што самите ги суделе.

Хаџиосманоглу најави итни санкции, без исклучоци, за чистење на турскиот фудбал од корупција, објави Аваз.

Поради честите обвинувања за пристрасност, ТФФ воведе ВАР технологија и ангажираше странски судии за клучни натпревари, како што е истанбулското дерби помеѓу Галатасарај и Фенербахче, за да се обезбеди фер судење и да се намалат сомневањата за пристрасност од страна на домашните судии.

Хјеонг Мин Сон, играч на Лос Анџелес, наскоро би можел да пристигне на позајмица во Барселона.

Славниот Кореец, легендата на Тотенхем, ќе ја користи познатата клаузула воведена од Дејвид Бекам.

Тоа правило им овозможува на ѕвездите од МЛС да се преселат во друг клуб за време на паузата во лигата без да им биде раскинат договорот.

На овој начин, фудбалерите можат да ја одржат формата. Бекам беше на позајмица во Милан додека играше за Лос Анџелес.

Младата ѕвезда на Реал Мадрид, Ендрик, ќе ги напушти „кралевите“ во текот на зимата, така барем велат информациите од Шпанија.

Поминаа 163 дена откако Бразилецот одигра натпревар за Реал Мадрид и постои голема веројатност дека тоа нема да се промени наскоро.

Чаби Алонсо не смета на Ендрик и клубот е отворен да го испрати на позајмица во јануари.

Иако Олимпик од Марсеј се поврзуваше со него, тој во моментов не е блиску до Велодромо но Франција сигурно е. Фабрицио Романо објави попладнево дека Олимпик Лион започнал преговори со претставниците на Бразилецот и Реал Мадрид во врска со позајмица до јуни 2026 година.

На Лион му е потребно засилување од ваков тип повеќе од потребното бидејќи најпродуктивниот напаѓач на тимот, Малик Фофана, е повреден и ќе мора да се оперира.

Фудбалерот, Џоб Белингам, кој силно се поврзуваше со Манчестер Јунајтед, нема желба да им се придружи на „Црвените ѓаволи“ на позајмица во јануари, тврди „Мирор“.

Според британскиот весник, младиот играч од средниот ред на Борусија Дортмунд, кој има само 20 години, сака во зимскиот преоден рок да се пресели во тим кој учествува во Лигата на шампионите на УЕФА.

Џоб нема да ја исклучи можноста за враќање во Англија, од каде што замина во летото, кога го напушти Сандерленд.

Вељко Пауновиќ ќе биде новиот селектор на српската фудбалска репрезентација. Иако нема потврда од куќата на српскиот фудбал, ниту од идниот селектор, „Спортклуб“, повикувајќи се на свои извори тврди дека двете страни постигнале договор.

Според овој извор, се очекува оваа информација официјално да биде потврдена во четврток.

Во мир, далеку од притисокот на јавноста, и со претходно зелено светло од Извршниот одбор на ФСС, генералниот секретар на Српскиот фудбалски сојуз, Бранко Радујко, во Мадрид, водел тивки преговори со единствениот сериозен кандидат. Конечно, по конкретни дискусии и решавање на посериозни пречки, позитивен одговор дојде од Шпанија.

Конечниот договор доаѓа пред дефинирањето на списокот за натпреварите со Англија и Латвија. Сепак според непотврдени информации, иако претставниците на ФСС, поточно генералниот секретар Бранко Радујко, ја застапуваа тезата за преземање на тимот веќе во претстојните натпревари, желбата на Пауновиќ била да започне нов мандат, однсно да го преземе националниот тим во јануари 2026 година.

По четири последователни порази во Премиер лигата, фудбалерите на Ливерпул се елиминирани од Лига купот. На „Енфилд“ Кристал Палас го победи Ливерпул со 0-3.

Кризта во Ливерпул се продлабочува, екипата на Арне Слот, има шест порази на последните седум натпревари.

За поразот во Лига купот оправдување на холандскиот тренер не моѓе да му биде ниту фактот што играше со „шарен состав“.

Исмаила Сар со два гола во интервал од четири минути, во првиот дел ја најави елиминацијата на „црвените“.

Ливерпул го нокаутира Јереми Пино во финишот на натпреварот.

Првите два натпревара од 11.коло од Првата фудбалска лига завршија без победник. И на двата дуела водеа гостите: Работнички имаше и водство од 2-0 против Арсими, додека Башкими водеше со 1-0 против Македонија ЃП. Сепак домашните екипи стигнаа до нерешен резултат и еден бод.

Утре се играат натпреварите: Шкупи – Струга и Пелистер – Тиквеш, додека во петок на програмата се дербито меѓу Вардар и Силекс, како и дуелот Брера – Шкендија.

Почетокот на натпреварите е во 13:30 часот.

Табела: Вардар 24 бодови, Струга 23, Силекс 21, Шкендија 21, Башкими 19, Брера 15, Македонија ЃП 14, Арсими 12, Тиквеш 8, Пелистер 7, Работнички 7, Шкупи 1.

Фудбалскиот состав на Тотенхем е заинтересиран за напаѓачот на Олимпик Марсеј, Мејсон Гринвуд, наведуваат дел од медиумите.

Неговата транферна сума се движи околу 40 милиони евра. Лондонскиот клуб бара динамичен играч кој ќе ја зајакне напаѓачката позиција за наредната сезона.

Англичанецот кој има 24-години, досега забележа 12 настапи во сите конкуренции постигнувајќи осум голови и четири асистенции.

Јувентус бара замена за Копмајнерс кој пристигна во клубот во 2024 година откако беше купен од Аталанта за големи 60,7 милиони евра.

27-годишниот играч од средниот ред пристигна во Торино со големи надежи но, неговите досегашни перформанси не се на посакуваното ниво.

Според „Фудбал Италија“, раководството на клубот ќе донесе одлука за неговата иднина за време на зимскиот преоден рок.