Сега е веќе е и официјално потврдено – Килијан Мбапе на крајот од
сезоната заминува од Пари Сен Жермен. Францускиот
репрезентативец мина цели седум сезони во Париз во кои освои се
што можеше во Франција, но не и Лигата на шампионите, додека
често беше напаѓан од најжестоките навивачи на „светците“.
Меѓутоа се чини дека „секирите се закопани“ кога се во прашање
ултрасите кои му подготовиле кореографија за последниот меч во
Париз, а се најавува дека самиот фудбалер ќе направи скара и ќе се
дружи со лидерите на навивачката група.
Јавна тајна е дека Мбапе на лето ќе стане нов играч на Реал Мадрид,
кој му подготви богат договор, поголем од сегашниот во Париз.
Францускиот новинар Фабрис Хокинс најави дека Мбапе сигурно ќе
стане најплатениот фудбалер на Реал и дека клубот му обезбедил комерцијални права кои никој во историјата на Реал ги немал, но
самата плата ќе биде помала отколку кога се преговарало за
потенцијалното доаѓање две сезони претходно.
Мбапе ќе има годишна плата од 25.000.000 евра откако ќе му се
одземат сите даноци во Шпанија, додека оваа сезона заработува
20.000.000 евра.
Поради високите даноци во Франција, Пари Сен Жермен на платата
на Ембапе ќе потроши дури 72.000.000 евра, па одличниот фудбалер
номинално ќе има помала плата во Мадрид, но поголема
заработувачка.
Кога на тоа ќе се додаде и бонусот за потпис при пристигнувањето
како слободен играч, кој сè уште не е познат, нема сомнеж дека Мбапе ќе заработи огромна сума на пари за време на неговиот престој во Реал.

Португалскиот фудбалски стручњак Жозе Мурињо би можел седне на
тренерското место во Фенербахче.
Според „Сабах“, клубот од Истанбул бара замена за актуелниот
тренер Исмаил Картал и е заинтересиран за Португалецот.
Забележано е дека Мурињо „топло реагирал“ на понудата на
Фенербахче.
Последната работа на Жозе беше во Рома, од која доби отказ во
јануари.
Претходно во текот на својата кариера, трофејниот Мурињо ги
предводеше Тотенхем, Манчестер јунајтед, Челзи, Реал Мадрид,
Интер, Порто, Униао Леира и Бенфика.

Иднината на некогашниот капитен на Ливерпул, Џордан Хендерсон
во дресот на Ајакс е неизвесна. Како што пишуваат англиските
медиуми, Хендерсон и уште една од скапите инвестиции на Ајакс,
како Стивен Бергвајн се пред заминување од Амстердам поради
очајната финансиска ситуација во клубот.
Ајакс ќе мора да направи бројни финансиски отстапки ако сака со
нормално салдо да ја почне новата сезона. Тоа значи дека Хендерсон
ќе мора да си побара нов клуб, иако дојде во Амстердам во јануари и
потпиша договор до јуни 2026 година.
33-годишниот англиски репрезентативец засега нема назнаки каде би можел да ја продолжи кариерата.

Сержињо Дест оваа оваа сезона играше како позајмен во ПСВ Ајндховен со кој ја освои холандската шампионска титула.

Изгледаше дека 23-годишниот американски репрезентативец ќе ја напушти Барселона пред следната сезона и дека шпанскиот клуб со задоволство ќе го продаде во Холандија, но трансферот пропадна поради повреда.

Според експертот за трансфери Фабрицио Романо, ПСВ нема да ја активира откупната клаузула во договорот на Дест иако е задоволен од неговите настапи. Причината е неговата повреда на лигаментите на коленото од која се уште се опоравува.

Дест во јуни ќе се врати во Барселона, каде што ќе ја продолжи рехабилитацијата.

Во редовите на Барселона, тој дојде во 2020 година, но не играше за А тимот до 2022 година. Вкупно за Барселона одигра 72 натпревари и постигна три гола.

Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ. Се очекува да се врати на терените на почетокот на 2025 година

Крилниот напаѓач на Барселона, Жоао Феликс кој е позајмен од Атлетико Мадрид, ќе се врати во тимот од Мадрид на крајот од оваа сезона.

Португалскиот фудбалер не е вклучен во плановите на главниот тренер на мадридскиот клуб Диего Симеоне. Во овој поглед, Феликс може повторно да го напушти Атлетико и да замине на друга позајмица.

Да потсетиме, оваа сезона Феликс учествуваше на 41 натпревар на сите турнири, на кои постигна десет гола и шест асистенции. Актуелниот договор на играчот со мадридскиот клуб е до летото 2029 година. Според информациите објавени на порталот Трансфермаркт, пазарната вредност на фудбалерот е 30 милиони евра.

Фудбалерот на Наполи, Квича Кварацкелија, може да замине во ПСЖ откако неговите агенти имале успешни преговори со претставниците на францускиот состав, велат дел од медиумите во Италија.

Тој во сезонава има одиграно  42 меча во сите конкуренции со ефект од 10 голови и девет асистенции.

Неговиот договор е активен со 2027 година а трансферната сума му е околу 80 милиони евра.

Македонскиот фудбалски репрезентативец и напаѓач на Абердин, Бојан Миовски, е именуван во потесниот круг на четворица кандидати за наградата „најдобар фудбалер на годината“ која ја доделува Шкотската асоцијација на фудбалски новинари

24-годишниот голгетер е во игра за престижната награда откако постигна 25 гола во сите натпреварувања оваа сезона.  Покрај Миовски на листата кандидати се и Џек Батланд (Ренџерс), Мет О’Рајли (Селтик) и Лоренс Шенкланд (Хартс).

Победникот ќе биде објавен пред годишната вечер на доделување на наградите во недела, 19 мај.

Португалскиот фудбалски стратег Жозе Мурињо најави денеска дека
планира уште долго да биде тренер. Португалецот е без ангажман од
оваа година кога ја напушти Рома.
„Ќе ја завршам кариерата помеѓу 2035 и 2040 година. Дотогаш ќе
продолжам да победувам. Мојата историја е веќе напишана, така што
никој не може да ја избрише“, изјави Мурињо за португалскиот
весник „А Бола“.
Тренерската кариера на Португалецот почна во 2000 година, кога ја
презеде Бенфика.
Мурињо беше на чело и на Униао Леирија, Порто, Челзи, Интер, Реал
Мадрид, Манчестер Јунајтед, Тотенхем и Рома.

Саудискиот новинар Алхаза Мутаб наведува дека Баер Леверкузен,
клуб кој е апсолутна сензација во оваа фудбалска сезона, сака да го
доведе Роналдо.
Тоа би бил шокантен трансфер, апсолутно неочекуван со оглед на
сите околности околу Роналдо, но и фактот дека Леверкузен
претпочита поевтини и многу помлади играчи.
Претходно истиот новинар напиша дека Роналдо би можел да се врати во Португалија, неговата татковина, каде што ја започна својата
голема кариера како фудбалер на Спортинг Лисабон.
Сепак, тоа нема да се случи, пишува Мутаб дека Роналдо бил заинтересиран за враќање, но Спортинг имал други планови.

Младиот играч на Бенфика, Жоао Невеш го привлече вниманието на
многу европски гиганти.
Најголем интерес за Невеш покажува Манчестер Јунајтед кој сака да
го ангажира играчот за врска на крајот од сезоната.

„Црвените ѓаволи“ сметаат дека фудбалерот на Бенфика е идеална
замена за Касемиро, кој на лето би требало да го напушти „Олд
Трафорд“.
Португалските медиуми пренесуваат дека клубот од Лисабон е
подготвен да го продаде младиот фудбалер во случај на добра понуда.
Невеш има 19 години и важи за еден од најголемите таленти во
Европа, но Бенфика за неговата слобода бара 100 милиони евра.