Фудбалерите на Пари Сен Жермен убедливо го совладаа Брест со 7-0 во реваншот од баражот за Лигата на шампионите и со вкупен резултат 10:0 се пласира во следната фаза.

Баерн Минхен и Сити двапати успеаја да слават со идентични резултати во нокаут фазата, а сега им се приклучи и тимот од француската престолнина.

Победите од 8-0 (остварени во групната фаза) и понатаму остануваат сопственост на Реал Мадрид и Ливерпул.

Иако се очекуваше дека избраниците на Луис Енрике ќе имаат порелаксиран пристап против своите ривали од Лига 1 по победата од 3:0 на гости во првиот натпревар, тие го прикажаа спротивното.

ПСЖ напаѓаше немилосрдно, а она што можеби најмногу ќе му се допадне на шпанскиот стручњак е тоа што сите седум гола ги постигнаа различни играчи.

Баркола го постигна првиот гол, а потоа несакајќи му асистираше на Кварацхелија за единствените два гола во првите 45 минути. Витиња, Дуе, Мендес, Рамос и 18-годишната резерва Мајулу постигнаа по гол во вториот дел.

ПСЖ во следното коло ќе игра против Ливерпул или Барселона.

Интер се обидува да постави темели за ова лето да потпише со Нико Паз, една од младите ѕвезди на екипата на Комо. Комо е амбициозен и сака да го направи Паз заштитно лице на клубот во годините што доаѓаат. Покрај тоа, тие имаат богат сопственик кој има доволно пари да го убеди да остане во екипата.

Според Фабрицио Романо, Паз кој е фудбалер на Реал (М), има реални шанси и да се врати во Шпанија, но многу поверојатно е Реал да му дозволи на Комо да го откупи неговиот договор за 9 милиони евра во 2026 година и 10 милиони евра во 2027 година. Шпанскиот тим би имал право на 50 отсто од сумата што доаѓа од негов следен трансфер.

Интер и натаму сериозно го следи Нико Паз, а нивниот потпретседател Хавиер Занети веќе е во интензивни разговори и со неговиот татко.

Тренерот на француски Монако, Ади Хитер, изјави дека му е многу жал што не успеаја да обезбедат пласман во осминафиналето на ЛШ, иако беа подобар тим од Бенфика синоќа.

„Тежок натпревар. Бевме супериорни во однос на противниците повеќе од 60 минути. Не искористивме премногу шанси, додека Бенфика одигра многу ефикасно. Има разочарување, тажно е да се напушти турнирот. Тука стекнавме одлично искуство, што ќе биде од корист, особено за развојот на нашите млади играчи. Покажавме конкурентност. Кога ќе се сетам на првото полувреме, беше неверојатно – изгледавме толку импресивно, но не искористивме толку многу шанси. Нашиот карактер и дух се силни, па затоа сум среќен за она што го покажавме до тука“, рече Хитер.

Аталанта доживеа шокантна елиминација од Клуб Бриж во плеј-офот за пласман во осминафиналето во Лигата на шампионите. Откако Белгијците победија со 2-1 на домашен терен, славеа и на реваншот во Италија со 3-1.

За неутралните навивачи, синоешниот натпревар во Бергамо беше исклучително интересен. Бриж постигнаа три гола во првиот дел, а играчите на Аталната во тој период два пати ја погдија стативата.

Домашните намалија во првиот напад во вториот дел на 1-3. Адемола Лукман го замени Марио Пашалиќ, а потоа, практично со првиот допир на топката по 35 секунди игра, ја намали негативата на Аталанта.

Во 61. минута Аталанта ја имаше најдобрата шанса дополнително да го намали водството на гостите.

Ударот беше лош и голманот на Бриж, Симон Мињоле лесно одбрани.

По натпреварот, тренерот на Аталанта, Џанпјеро Гасперини, откри колку бил лут на Лукман:

„Тој не требаше да го изведе пеналот. Тој е еден од најлошите изведувачи на пенали што сум ги видел. Ја зеде топката затоа што се чувствуваше полн со самодоверба по постигнатиот гол, но тој има многу низок процент на реализација на пеналите, па дури и на тренинзите често ги промашува. Тој ја зеде топката да шутира иако на теренот беа изведувачите на пенали Де Кетелаере и Ретеги. Воопшто не ми се допаѓа она што го направи Лукман“.

Арсенал остана без уште еден фудбалер. Јапонскиот дефанзивец Такехиро Томијасу објави дека го опериран на десното колено, а британските медиуми пишуваат дека најверојатно ќе отсуствува до крајот на сезоната. По Каи Хаверц и Габриел Жесус, тој е третиот играч на Арсенал кој е опериран во последниот месец.

„Имав операција на коленото пред неколку дена и веќе почнав со рехабилитација за да се вратам да го работам она што најмногу го сакам. Ова секако беше најтешкиот период во мојата кариера и ќе продолжи уште некое време, но нема да се откажам“, напиша 26-годишниот Томијасу на Инстаграм.

Јапонецот му се приклучи на Арсенал од Болоња во 2021 година, минатата сезона настапи на 30 натпревари, а оваа играше само шест минути против Саутемптон во октомври.

Арсенал, кој заостанува седум бода зад лидерот во Премиер лигата, Ливерпул, во сабота ќе му гостува на Вест Хем Јунајтед.

Тренерот на Милан, Сержо Консеисао ја презеде одговорноста за францускиот дефанзивец, Тео Ернандез, кој несомнено беше трагичната фигура на реваншот од Лигата на шампионите против Феенорд.

Домашните водеа со 1-0 на „Сан Сиро“, им требаше уште еден гол за да ја оправдаат улогата на фаворити и да се пласираат меѓу најдобрите 16 екипи од елитното ниво на европскиот фудбал.

Сепак, 27-годишникот доби втор жолт картон, симулираше со намера да избори пенал, поради што го доби вторито жолт картон. Со играч повеќе 22 минути по исклучувањето на Ернандез, Аргентинецот Хулијан Каранза ја ја закова топката во топката под гредата по центаршутот на Шпанецот Хуго Буено.

Голот на Мексиканецот Сантијаго Хименез на стартот беше залуден, а Феенорд се пласираше во осминафиналето со вкупни 2-1.

„Може да се каже дека судијата беше премногу суров, но моравме да бидеме психички посилни. Одговорноста е моја, а не на Ернандез и ќе разговараме за се што имаме во соблекувалната. До исклучувањето на Тео, Феенорд не ни знаеше како да дојде до нашиот гол. Разочарани сме и лути. Денес тоа му се случи на Тео, утре може да му се случи на некој друг. Како тим ќе му дадеме огромна поддршка. Тој е еден од најдобрите фудбалери во светот“, изјави Консеисао.

На „росонерите“ не им оди најдобро ниту во домашното првенство, Милан е на седмото место со Болоња, а двата тима имаат по 41 бод и натпревар помалку од останатите тимови.

Хари Кејн ќе пропушти неколкудневни тренинзи откако полесно ја повреди потколеницата, објави во средата бундеслигашот. Напаѓачот на Англија заработи повреда која доведе до внатрешно крварење пред ремито во вторник во Лигата на шампионите против Селтик (1:1).

„Не сум сигурен дали ќе можам да играм против Ајнтрахт Франкфурт во недела“, изјави Кејн откако Баерн се пласираше во осминафиналето во Лигата на шампионите со вкупни 3-2, додавајќи дека тој исто така доживеа мала повреда на вилицата при судар на ремито на Баер Леверкузен минатиот викенд.

Баерн се пласираше во осминафиналето во Лигата на шампионите и е лидер во германското првенство со осум бодови пред второпласираниот Баер Леверкузен. Кејн оваа сезона одигра 31 натпревар за Баварците. Тој постигна 29 и асистираше за 10 голови на неговиот тим.

Баерн Минхен со гол на Дејвис во 94. минута одигра 1-1 против Селтик и се пласираше во осминафиналето, Аталанта доживеа шок откако на свој терен со 3-1 беше поразена од Клуб Бриж и елиминирана од Лигата на шампионите, понатаму оди и Бенфика која го помина Монако.

Баерн Минхен со водство од 2-1 остварено во Глазгов го почна денешниот меч против Селтик на Алијанц Арена, но работите за Баварците одеа многу потешко од сите очекувања.

Во 63. минута по една грешка на одбраната на Баерн, Кун даде гол за водство на Селтик од 1-0. Конечниот резултат беше израмнет.

Баерн се мачеше да даде уште еден гол и да не дозволи мечот да отиде во продолженија, тоа им успеа во 94. минута кога Дејвис даде гол за конечни 1-1.

И вториот италијански претставник кој денеска играше и беше фаворит е елиминиран, Аталанта на домашен терен загуби од Клуб Бриж со 3-1 и заврши со Лигата на шампионите.

Белгијците во Бергамо отпатуваа со предност од 2-1 по првиот меч, на Аталанта ѝ беше потребна победа и беа голем фаворит во овој меч, но работите не се одвиваа како што тие посакуваа.

Уште во третата минута Талби даде гол за водство на Бриж од 1-0, истиот играч во 27. минута зголеми на 2-0, а во финишот од првиот дел Џутгла реализираше за 3-0.

Лукман во игра влезе на почетокот од првиот дел и веднаш, по само неколку секунди даде гол за 1-3. Во 58. минута Аталанта можеше комплетно да се врати во мечот, но Лукман не реализираше пенал.

На крајот Аталанта заврши и со играч помалку откако Толои во 87. минута заработи црвен картон. Во Лисабон имаше дури шест голови, мечот меѓу Бенфика и Монако заврши 3-3. Португалскиот клуб благодарение на триумфот од 1-0 во Монако оди понатаму.

Играчите на Борусија Дортмунд се квалитетни фудбалери, но во моментов најголемиот проблем е во нивните глави, изјави денеска хрватскиот стратег Нико Ковач, тренер на клубот од Дортмунд.

Ковач го изјави ова во пресрет на реваншот од плеј-офот во Лигата на шампионите, во кој Борусија на својот стадион го пречекува Спортинг Лисабон. Дуелот се игра во среда со почеток во 18:45 часот. Во првиот натпревар Борусија направи огромен чекор кон осминафиналето победувајќи на гостински терен со 0-3.

Сепак, Ковач немаше позитивен почеток на сезоната во неговиот нов клуб. Најпрвин загубија дома од Штутгарт со 1-2, а минатиот викенд беа поразени со 0:2 од Бохум, последниот тим во поредокот до тоа коло.

„Морам да ја зајакнам самодовербата на играчите. Таа самодоверба се стекнува со квалитетна работа, добри игри и победи. Гледам многу позитивни работи кај играчите, но победите ве прават посилни и мораме да научиме да победуваме постојано“, рече Ковач.

Некои германски медиуми веќе почнаа да пишуваат негативни написи за Ковач, кој веднаш се најде на мета на критики поради двата порази во Бундеслигата.

„Болат тие два порази. Мене лично најмногу ме боли начинот на кој примивме голови. Мора да работиме, да тренираме и да вежбаме. Нема премногу филозофија. Но, повторувам, имам многу квалитетни играчи и верувам во подобро утре“, заклучи Ковач.

Феенорд се пласираше во осминафиналето на Лигата на шампионите, елиминирајќи го Милан од плеј-офот на турнирот.

Двата тима одиграа 1-1 во реваншот на „Сан Сиро“, што се покажа како доволно за тимот од Ротердам со оглед на нивната победа од 1-0 на домашен терен во првиот натпревар.

„Росонерите“ поведоа уште во првата минута по голот на Сантијаго Хименез, но во 73. минута резервата Јулијан Каранса го постигна голот со кој холандскиот тим се пласираше во следната фаза на натпреварувањето.

Домаќините го завршија мечот со играч помалку по црвениот картон за Тео Ернандез во 51. минута, кој се покажа како клучен за развојот на натпреварот.