Милан и голманот на тимот Мајк Мењан се договориле за нов договор, пренесе новинарот Матео Морето. Актуелниот договор истекува за година и пол, но ќе биде обновен до 2028 година со опција за уште една сезона.

Годишната плата на францускиот репрезентативец ќе се зголеми на 5 милиони евра плус бонуси.

Мењан веќе дал согласност за новиот договор, а се очекува во наредните недели да има нова средба меѓу двете страни на која ќе биде ратификуван договорот и ќе бидат потпишани сите документи. 29-годишниот голман пристигна во Милано летото 2021 година и веднаш стана редовен стартер на „росонерите“, за кои има вкупно 146 меча со 150 примени голови и 55 чисти мрежи, а од неодамна ја носи и капитенската лента на тимот.

Пред синоќешната победа над Верона од 1:0, менаџерот на клубот Златан Ибрахимовиќ потврди дека се водат преговори за нови договори со Мењан и со левиот бек Тео Ернандез, нагласувајќи дека и двајцата се чувствуваат среќни во Милан.

Тотенхем го совлада Манчестер jунајтед во 25. коло од Премиер лигата со 1-0.

Тотенхем ја прекина серијата од два порази и ја забележа четвртата победа во последните девет натпревари, додека Јунајтед продолжи да игра топло-ладно и шести натпревар по ред не успеа да слави против овој ривал.

Агелос Постекоглу по 35 години стана првиот менаџер на Тотенхем кој успеал да ги добие двата натпревари против Манчестер јунајтед во една сезона во Премиер лигата.

Со оваа победа избраниците Постекоглу ги прескокнаа „црвените ѓаволи“ на табелата, и сега се на 12. позиција, додека Јуанјтед се скандалозно лоши, во моментов се 15. во Премиер лигата.

Првиот и, како што се испостави, единствен гол во Лондон беше дело на Џејмс Медисон во 13. минута од натпреварот.

Ударот на Бергвал беше го одбрани Онана, но одлично позиционираниот англиски репрезентативец налета на топката и лесно го погоди небранетиот гол на гостите.

Во вториот дел, чудо е што немаше барем еден гол, бидејќи двете екипи имаа по четири удари кон голот.

Јунајтед беше конкретен преку Гарначо и Зикркзе, но повратникот на голот на Тотенхем, Викарио не дозволи да биде совладан.

Јувентус го победи Интер во Дерби д’Италија со 1-0. Наполи по 25 коло остана лидер со 56 поени, два повеќе од Интер, додека Јувентус се наоѓа на четвртото место со десет поени помалку од првопласираниот тим во Серија А.

Дербиот на стадионот на Јувентус во Торино го реши португалскиот репрезентативец, Фабио Консеисао во 74.минута.

Реал Мадрид ќе го обжали директниот црвен картон на Џуд Белингем кој го заработи на вчерашното гостување кај Осасуна, наведуваат денеска авторитетните медиуми во Шпанија.

Главниот судија, Хозе Луис Мунуера Монтеро, го исклучи Англичанецот поради пцовки иако зборовите може да се преведат со друга конотација. Сепак, судијата разбрал дека Белингем му упатил навреда и тоа го навел во извештајот.

Англичанецот се соочува со минимална суспензија од два натпреварa но, може да добие и посериозна казна доколку се утврди дека навистина го навредил судијата.

Фудбалерот на Ал Хилал, Жоао Кансело, се осврна на шпекулациите дека неговиот поранешен состав Бенфика, сака да го врати во Европа.

„Сонувам да играм за Бенфика, но, не сакам да одам таму затоа што знам дека не сум во врвна физичка форма. Сакам да одам кога ќе почувствувам дека можам да му помогнам на клубот и на моите соиграчи“ – вели Кансело.

„Мислам дека Бруно Лагер е вистинскиот тренер аБенфика е клуб кој бара многу. Знам како стојат работите“ – нагласи левиот бек.

Tренерот на фудбалерите на Торино, Паоло Ваноли, ја искоментира играта на нашиот Елиф Елмас на вчерашниот меч против Болоња одигран во рамките на италијанскиот елитен шампионат.

Македонскиот репрезентативец кој во текот на зимава се врати во Серија„А“, постигна атрактивен погодок уште на првиот натпревар за популарните „бикови“.

„Знаеме дека Елмас е значаен играч, тоа го докажа и со настапите во Наполи. Мора да бидеме внимателни и полека да го интегрираме во нашиот состав“ – рече Ваноли.

Душан Дуда Ивковиќ, еден од најголемите европски тренери на сите времиња, е финалист во изборот за нови членови на Куќата на славните во Спрингфилд.

Веста дојде од Сан Франциско, од Ол-стар викендот, каде беа претставени сите што дојдоа на само чекор од влез во кошаркарската сала на бесмртните, заедно со Ивковиќ има уште 16 кандидати.

Конечната листа ќе биде објавена во април во Сан Антонио, за време на фајналфорот на НЦАА, а воведувањето на Класата 2025 година во Куќата на славните е закажано за септември.

Ивковиќ, кој почина во 2021 година, беше една од најважните фигури во европската кошарка во тренерската кариера долга речиси пет децении.

Дуда Ивковиќ е еден од најголемите тренери во историјата на југословенската кошарка. Тој ја предводеше репрезентацијата на Југославија до две европски титули, една светска шампионска титула и олимписко сребро во 1988 година. Тој ја предводеше Србија до европското злато во 1995 година, ја освои Евролигата со Олимпијакос во 1997 и 2012 година и беше избран во Куќата на славните на ФИБА во 2017 година.

Фудбалерите на Манчестер сити убедливо со 4-0 го совладаа Њукасл во дербито од 25. коло на Премиер лигата.

Јунак на победата на „граѓаните“, играчот платен 75 милиони евра во јануарскиот преоден рок, Омар Мармуш, кој постигна хет трик.

Во периодот од 19. до 33. минута Египјанецот три пати ја погоди мрежата на „страчките“ и ги реши сите дилеми околку конечниот победник.

Од трите што ги постигна, најмногу се издвојува неговиот прв гол за тимот на Пеп Гвардиола во два потега. Голманот Едерсон му асистираше, а Мармуш го лобуваше голманот на Њукасл.

Последниот гол го постигна Џејмс Мекати, на асистенција на Ерлинг Халанд.

Норвежанецот се повреди во финишот на мечот кога без претходно да има контакт со противнички играч се фати за коленото.

Со овие три бода Сити стигна до четвртото место, додека Њукасл падна на седмото место.

Реал Мадрид не успеа на „Ел Садар“ да ја победи Осасуна во 24.коло во Примера. Натпреварот во Памплона заврши без победник 1-1 (0-1). Реал од 39 минута играше со фудбалер помалку, Џуд Белингем доби црвен каротн поради приговор.

Реал испушти два бода во борбата за шампионската титула, а по мечот на „Ел Садар“ повоторно ќе работата медиумите на „кралскиот клуб“.

Тимот на Карло Анчелоти добро го отвори натпреварот, Килијан Мбапе го совлада Ерера. За францускиот репрезентативец ова беше 11 гол на последните 10 натпревари.

Реал контролираше на теренот се до 39.минута. Долго Белнгем зборуваше во правец на дусијата Хосе Мунуера Монтеро, а овој му покажа црвен картон.

Во првото дерби од 25. коло во Серија А, Лацио и Наполи одиграа нерешено 2-2 во Рим.

Резултат кој несомнено најмногу го радува Интер, затоа што „нероаѕурите“ можат да го заземат првото место во поредокот со победа во недела. Но, она што ги прави шампионите многу посреќни е забележителниот пад на формата на Наполи, кој нема победа на последните три натпревари во Серија А.

Наполи има за што да жали со оглед на тоа што имаше водство до 87. минута на тешкото гостување. Булаје Диа, кој влезе во игра во 74. минута, постигна гол за 2-2 и им одзеде два бода на наполитанцие.

Лацио поведе со голот на Исаксон во шестата минута. Но гостите дојдоа до пресврт.

Само седум минути по примениот гол, Распадори израмни. А комплетен пресврт дојде во 64. минута по автоголот на Адам Марушиќ. Сепак, Наполи до самиот крај не успеа да одржи водството и сега ќе мора да навива Интер да не го победи Јувентус во Дерби д’Италија во Торино.