Шпанска Барселона го следи мексиканскиот напаѓач на Феенорд, Сантијаго Хименез, објави „ЕСПН“. Во исто време, Барселона знае дека конкуренцијата за потпис на играчот ќе биде голема, а холандскиот клуб ќе бара голема отштета.

Оваа сезона 22-годишниот Хименез на 10 натпревари од првенството на Холандија постигна 13 гола и имаше три асистенции. Напаѓачот постигна два гола и во неговиот единствен натпревар во Лигата на шампионите против Лацио (3-1).

Според изворот, претставниците на каталонскиот тим биле импресионирани од тоа колку брзо Мексиканецот се прилагодил на европската игра. Барселона ќе продолжи внимателно да го следи Хименез во наредните месеци, но има бројни пречки кои го спречуваат трансферот да се случи зимава.

Поточно, клубот веќе го договорил трансферот на напаѓачот на Атлетико Паранаенсе, Витор Роке, што ја намалува потребата од дополнителни напаѓачи. Тој ќе им се приклучи во јануари или на лето.

Бразилскиот напаѓач Нејмар ќе оди на операција во текот на утрешниот ден. Да се потсетиме дека Бразилскиот напаѓач претрпе повреда на левото колено во квалификациите за СП 2026 на натпреварот со Уругвај (0:2).

Веднаш му беше дијагностицирано со оштетување на предниот вкрстен лигамент, како и раскинат менискус. Неговиот клуб Ал-Хилал објави дека на фудбалерот му предложиле да оди на операција во Париз, но Нејмар самиот сака да биде опериран од страна на лекарот на Бразилскиот национален тим  Родриго Ласмар. Оваа операција се очекува да биде реализирана во Бело Хоризонте во текот на денешниот ден.

Се проценува дека играчот за санирањето на повредата ќе треба да паузира околу десет месеци.

Националната даночна управа на Англија му даде рок на второлигашот Шефилд Венсдеј две недели да плати долг од два милиони фунти. Доколку не ја исполни оваа обврска, на клубот му се закануваат санкции и како резултат на тоа затворање. Нејзиниот сопственик, тајландскиот бизнисмен Дејфон Чансири, тврди дека во касата нема доволно средства за покривање на толкава сума.

Тој реши јавно да ги повика навивачите да ја обезбедат таа сума:

“Ако 20 илјади луѓе соберат по 10 фунти – ќе ја достигнеме потребната сума и мислам дека можеме да го решиме проблемот со тоа.

Тие пари би ги покривале и даноците и платите и ако ќе го направиме тоа до 10 ноември, би можеле да избегнеме забрана за трансфери во следните три преодни рока. Ако навивачите не разберат, не можам да помогнам. Тука сум девет години, клубот е дел од мојот живот и треба да разберете колку ми е важен“.

Чансири потекнува од семејство кое е едно од најбогатите во Тајланд и чие богатство се проценува на 575 милиони долари.

Шефилд Венсдеј минатата сезона го освои третото место во Лига 1 и преку плеј-офот избори промоција во Чемпионшип, вториот степен на англискиот фудбал.

Моментално е на последното место на табелата со шест освоени бода по 14 одиграни кола. Пред околу сто години, Шефилд Венсдеј четири пати стана англиски шампион (1903, 1904, 1929, 1930 година).

Милан се соочува со голем број на повреди од почетокот на сезоната, а најсериозна е ситуацијата во одбраната.

На последниот натпревар против Наполи се повреди Калулу и мораше да дебитира младиот Пелегрино, кој исто така не го заврши мечот поради повреда. Бидејќи повредата на Калулу е сериозна и ќе отсуствува подолго време, на Милан му е прекупотребен стопер во зимскиот преоден рок.

Клубот веќе почна да разгледува неколку имиња, а најголема желба е дефанзивецот на ПСЖ, Преснел Кимпембе

Еден Азар за прв пат проговори откако одлучи да стави крај на професионалната фудбалска кариера.

Откако му заврши договорот со Реал Мадрид, 32-годишниот Белгиец одлучи да стави крај на кариерата, иако за многумина тоа беше изненадувачка одлука. Азар во последните години имаше големи проблеми со повреди и пропушташе поголем дел од сезоната.

„Имам само 32 години, но рано почнав да играм фудбал. Го напуштив домот на 14-годишна возраст и постигнав се што сакам. Моето тело повеќе не можеше да го издржи тој ритам. Имав некои повреди на крајот, па затоа ја донесов таа одлука. И среќен сум што донесов таква одлука“, изјави Азар.

Во текот на својата професионална кариера одигра 622 натпревари и постигна 167 голови. Најдобрите сезони ги одигра во Челзи од каде направи трансфер во Реал Мадрид за 100 милиони евра.

Фудбалерот на Ливерпул, Луис Диаз, не може да се врати во родната Колумбија гледано од безбедносни причини.

Тој сакаше да отпатува во Јужна Америка за да биде со семејството но, роднините го убедија да не го прави тоа бидејќи има загриженост дека нема да биде безбеден.

Ќе потсетиме дека во неделата неговите родители беа киднапирани. Мајката на играчот била пронајдена од полицијата но, потрагата по таткото е во тек.

Крилниот напаѓач на Реал Мадрид, Винисиус Жуниор го коментираше продолжувањето на договорот со мадридскиот клуб до 2027 година.

„Играњето овде секогаш беше мојот сон. Од каде што доаѓам, многу е тешко да се дојде до оваа точка. Не можам да објаснам со зборови што значи да се биде играч на Реал Мадрид. Само оние кои поминале низ ова можат да ги разберат моите чувства. Имам одлични односи со сите мои соиграчи. Она што не обединува е тоа што сите сме среќни што го претставуваме најдобриот клуб во светот. Треба да уживате во овие моменти, бидејќи тие многу брзо поминуваат“, изјави Винисиус на социјалните мрежи.

Да потсетиме, Винисиус се пресели во Реал Мадрид од Фламенго во 2018 година за 35 милиони евра. Претходниот договор на играчот со клубот беше со важност до јуни 2024 година. Според интернет порталот Трансфермаркт, пазарната вредност на играчот е 150 милиони евра.Оваа сезона бразилското крило настапи на десет натпревари во сите натпреварувања, на кои постигна три гола и три асистенции.

Капитенот на Јувентус, Данило заработи уште една повреда на тренингот на Јувентус и сега е многу веројатно да го пропушти претстојното гостување на Бјанконерите кај Фиорентина во недела навечер, открива „Калчомеркато“.

32-годишниот фудбалер доживеа истегнување на тетивата на левата нога додека беше со репрезентацијата на Бразил за време на последната лигашка пауза. Првично се очекуваше дека тој ќе биде надвор од терените за период од околу 20 дена, па неговиот ангажман на натпреварот со Фиорентина никогаш не беше загарантиран.

Состојбата во последните денови му даде надеж на Масимилијано Алегри дека може да смета на него за гостувањето во Фиренца. Сепак, Данило сега заработи нов проблем со мускулот на ногата и сега шансите да игра против Фиорентина се речиси никакви. Впрочем, сосема е веројатно дека ќе го пропушти и натпреварот против Каљари следниот викенд.

Капитенот на Баерн Минхен, Џошуа Кимих, ќе мора да паузира два натпревари откако доби црвен картон на последниот првенствен меч со Дармштад.

Искусниот фудбалер минатиот викенд заработи исклучување и затоа е под суспензија. Интересно е што тој заработи црвен картон по само четири минути игра, додека гостите од Дармштад го завршија мечот со двајца играчи помалку.

Баерн по ремито 0-0 во првиот дел, во вториот му даде дури 8 гола на Дармштад на споменатиот меч .

Кимих поради овој црвен картон ќе ги пропушти натпреварите со Борусија Дортмунд и Хајденхајм.

Фудбалерот на Јувентус, Тимоти Веа, има повреда на мускулот на ногата и ќе паузира подолг период.

Американскиот репрезентативец ќе ги пропушти претстојните натпревари на „Старата дама“ против Фиорентина и Каљари. Лекарите се надеваат дека Веа ќе биде подготвен за дербито против Интер закажано на 26 ноември.

23-годишниот играч пристигна во Торино во изминатото лето од францускиот состав Лил.