Техничкиот директор на Фудбалската федерација на Македонија, Ѓорги Христов, учествуваше на семинар за техничко лидерство организиран од ФИФА и УЕФА, кој се одржува во Будимпешта.

Настанот ги обедини техничките директори од различни земји членки на УЕФА со цел размена на искуства и унапредување на знаењата во управувањето со техничките програми во фудбалот.
Преку интерактивни сесии и дискусии, учесниците беа запознаени со ресурсите и поддршката што ФИФА и УЕФА ги нудат за долгорочен развој на фудбалот, вклучувајќи и современи платформи и програми за едукација.

„Семинарот е одлична можност за размена на искуства и нови идеи со колеги од целиот свет. Преку вакви иницијативи добиваме дополнителна насока како да го унапредиме техничкиот развој на фудбалот во Македонија, од грасрут до елитни млади категории”, изјави техничкиот директор на ФФМ, Ѓорги Христов.

Тој додаде дека развојот на квалитетни технички лидери е клучен за подобро управување со фудбалот и на теренот и надвор од него, како и за исполнување на долгорочните цели, да му се даде шанса на секој талент и фудбалот да расте на сите нивоа.

Континуираните инвестиции на ФИФА во развојот на лидерството имаат за цел да ги подигнат стандардите на управување, да поттикнат иновации и да промовираат одржлив раст. Новите изданија на програмата FIFA Technical Leadership се уште една потврда за посветеноста на ФИФА кон создавање на нова генерација фудбалски лидери кои ќе значат напредок на фудбалот на глобално ниво.

Барселона го декласира Олимпијакос со 6-1, а Каират и Пафос одиграа без голови, во првите натпревари од третото коло во Лигата на шампионите.

Барселона на домашен терен доминираше против Олимпијакос, но до убедливата победа дојдоа откако грчкиот тим остана со фудбалер помалку на теренот.

Фермин Лопз и донесе предност на Барселона од 2:0 со головите во седмата и 39-та минута. Во 50-та минута ВАР го поништи голот на Ел Каби, но само четири минути подоцна напаѓачот на Олимпијакос го намали резултатот.

Мечот практично беше решен во 57-та минута кога Хезе го доби вториот жолт картон.

Од тој момент Барселона постигна четири гола. Јамал погоди од пенал, Лопез го комплетира хет-трикот, а два гола постигна Рашфорд.

Во Алмати, Каират речиси целиот натпревар го одигра со играч повеќе и според шансите успеа да се спаси од пораз.

По три минути и две секунди игра Кореа доби црвен картон поради опасен старт. Ова е вториот најбрз црвен картон во историјата на лигата на шампионите. Рекордер сè уште е Олександр Кучер, кој беше исклучен по две минути и 39 секунди на натпреварот помеѓу Шахтјор и Баерн на 11 март 2015 година.

Во првиот дел Драгомир имаше ситуација „еден на еден“ со голманот на Каират, добра шанса промаши и бразилскиот верат, Давид Луиз, а во вториот дел во 71-та минута Драгомир постигна спектакуларен гол, но ВАР го поништи бидејќи стрелецот на голот на почетокот на акцијата беше во офсајд.

Шпанската фудбалска лига ја информираше јавноста дека се повлекува од „продажба“ на лигашкиот натпревар помеѓу Виљареал и Барселона на американскиот пазар.

Овој дуел требаше да се игра на 20 декември во Мајами, што предизвика бунт кај навивачите на шпанските клубови. Сепак, дури кога фудбалерите се придружија на протестите (стоејќи мирно првите 15 секунди од натпреварите), челниците на Ла Лига попуштија и ја откажаа „посетата“ во Флорида.

„Ла Лига информира дека, по разговорите со промотерот на натпреварот во Мајами, тој донесе одлука да го откаже настанот поради неизвесноста што владееше во Шпанија во последните недели“, се вели во соопштението.

Лигата изрази жалење што не може да ја искористи „оваа историска можност“ за да организира прв натпревар од шпанското првенство во странство. Обидите на Ла Лига да одржи натпревар во САД датираат од 2018 година, кога Барселона и Џирона требаше да играат натпревар исто така во Мајами, но и тој проект беше блокиран.

Дефанзивецот на Реал Мадрид, Давид Алаба, повторно е повреден.

Австриецот има проблем со повредите од декември 2023 година, кога го повреди коленото и беше надвор од игра една година.

Потоа, по враќањето, имаше бројни проблеми со мускулите, што е случај и сега.

Алаба доби шанса против Хетафе, но си одигра само едно полувреме поради болки во мускулите. Денешните тестови покажале дека мора да направи кратка пауза.

Медиумите од Мадрид пишуваат дека е очигледно, дека Алаба не може да се врати во вистинската форма и дека оваа повреда е уште една потврда дека за него нема место за следната сезона.

Тој е во последната година од договорот и ја има втората најголема плата, бидејќи пристигна како слободен агент, па Реал нема намера да му понуди нов договор.

Освен него, за претстојното „Ел Класико“ ќе недостасуваат и Антонио Ридигер, Дани Карвахал, додека Дин Хаусен е знак прашалник.

Натпреварот Раел Мадрид – Барселона е закажан за недела во 16:15 часот.

Менаџерот на Интер, Кристијан Киву, призна дека напаѓачот Маркус Турам нема да биде подготвен за саботниот натпревар со Наполи во Серија A.

„Лаутаро Мартинез е добро и повеќе ги нема проблемите што ги имаше пред натпреварот со Рома. На Маркус му требаат уште неколку дена и нема да биде во Неапол.

Не знам дали ќе биде подготвен и за натпреварот со Фиорентина. Многу ми е жал за Турам, не заслужи толку долга пауза“, нагласи тренерот на Интер.

еал Мадрид ќе мора да се соочи со предизвикот без еден од своите најискусни дефанзивци, Давид Алаба, кој доби повреда на мускулот солеус. Се очекува тој да паузира најмалку 7 до 10 дена, што значи дека сигурно ќе го пропушти Ел Класико, како и мечот против Јувентус во Лигата на Шампионите.

Овој период е исклучително чувствителен за Реал, со оглед на важноста на претстојните натпревари и потребата за стабилност во одбраната. Алаба, познат по својата сигурност и способност за игра на повеќе позиции, ќе остави голема празнина

Според лекарскиот тим на клубот, повредата бара одмор и контролирана рехабилитација. Се прави сè за да не дојде до влошување, а неговото враќање ќе биде внимателно испланирано.

Отсуството на австрискиот репрезентативец отвора врата за помлади играчи и резерви, но и го става тимот под зголемен притисок во моменти кога се водат борби на два фронта.

Томас Милер, легендата на Баерн Минхен, откри дека бил отворен за соработка со Ханси Флик и во Барселона, по заминувањето од баварскиот клуб. Иако претходно размислувал за кариера надвор од Европа, Милер призна дека враќање во домашниот континент сè уште е можност, особено ако го води тренер како Флик.

Според него, проект воден од Флик во клуб од калибарот на Барселона би бил повеќе од привлечен. Двајцата имаат богата историја од времето во Баерн, каде што Флик одлично знаеше како да го искористи потенцијалот на Милер. Токму таа доверба можела да биде клучна за нова фаза во кариерата на германскиот напаѓач.

Милер истакна дека го почитува престижот на Барселона, но и дека е свесен за големите очекувања што ги носи таков клуб. Амбицијата и професионализмот кои се бараат таму не го плашат. Напротив, тие се дел од она што го мотивира.

Иако конкретни преговори со каталонскиот клуб не се случиле, интересот и отворањето кон таква можност го задржуваат вниманието на фудбалската јавност.

Јирген Клоп ретко говори со толкава емоција за поранешни трансфери, но неодамна отворено зборуваше за еден што длабоко го погоди. Заминувањето на Филипе Кутињо. И покрај тоа што Ливерпул доби рекордна сума, Клоп не го почувствува олеснувањето што обично следи по вакви зделки. Напротив, ја опиша продажбата како лична загуба, не само на врвен играч, туку и на човек со кој делеше визија и страст за иднината на клубот.

Клоп откри дека имал планови да работи со Кутињо најмалку уште 10 години, градејќи го тимот околу неговите способности и креативност. Одлуката да го пушти не била ниту брза, ниту едноставна. Продажбата не само што остави тактичка празнина, туку и емоционална, бидејќи ретко се гради таков вид партнерство, и на теренот и надвор од него.

Кутињо и Клоп имаа посебна динамика што донесе магија на Енфилд. Нивната соработка беше симбол на новиот Ливерпул, тим што се обидуваше да изгради идентитет со напаѓачка игра и харизма. Кога Бразилецот замина, не се промени само формацијата, се промени атмосферата.

Клоп денес вели дека таа епизода често го потсетува на тенката линија меѓу спортските амбиции и финансиската реалност. Иако клубот ги искористи парите од трансферот за да донесе засилувања како Ван Дајк и Алисон, тренерот никогаш не го доживеа тоа како победа. Наместо тоа, тој ја опишува продажбата на Кутињо како цена што морала да се плати, но која остави трага што не избледеа лесно.

Реал Мадрид поднесе официјална жалба до шпанскиот спортски комитет, остро спротивставувајќи се на одлуката на Ла Лига да го организира натпреварот меѓу Барселона и Виљареал во Мајами. Од клубот сметаат дека ваквиот потег ја поткопува суштината на домашното натпреварување и ја нарушува рамнотежата меѓу клубовите.

Во жалбата, Реал укажува дека преместувањето на лигашки натпревар надвор од Шпанија е штетно за навивачите и локалната заедница, отворајќи врата за комерцијални интереси кои можат да ја нарушат традиционалната структура на првенството. Клубот исто така предупредува дека ваквите одлуки може да создадат опасен преседан кој ќе влијае врз фер плејот и натпреварувачката еднаквост.

Случајот веќе предизвикува широка дебата во фудбалските кругови, со сè погласни критики за глобализацијата на шпанскиот фудбал и оддалечувањето од неговите корени. Реал Мадрид ја потенцира загриженоста дека преголемиот фокус на меѓународниот пазар може да ја наруши врската со домашните навивачи и стабилноста на лигата.

Сега останува на спортските власти да го разгледаат случајот и да донесат одлука што ќе има големо влијание врз иднината на шпанското првенство. Дали Ла Лига ќе остане домашна институција или ќе продолжи да се шири надвор од националните граници.

Лијам Делап е сè поблиску до враќање на терените откако напредува во опоравувањето од повредата на задната ложа, добиена уште на крајот од август. Младиот напаѓач на Челси наскоро ќе се приклучи на тренинзите, што е значаен чекор кон целосна физичка подготвеност.

Мареска потврди дека Делап сè уште не тренира со остатокот од екипата, но додаде дека неговото враќање е прашање на денови. Оваа вест доаѓа во вистински момент за тимот, кој се надева дека ќе добие дополнителна опција во нападот пред згуснатиот распоред.

Челси очекува тој брзо да ја врати натпреварувачката форма, додека медицинскиот тим внимателно го следи процесот за да обезбеди безбедно и целосно враќање.