На двата денешни прволигашки натпревара од второто коло гостинските екипи остварија победи.

Шкендија ја совлада Македонија ЃП со 1-3, Башкими го освои трите бода на дуелот со Работнички славејќи победа со 0-2/

И вчера се радуваа гостинските екипи. Вардар го победи Тиквеш со 1-2, додека Струга ТЛ го совлада Арсими исто така со 1-2.

Службена победа во второто коло ќе оствари и Силекс, откако нивниот домаќин Шкупи не успеа да обезбеди терен за одигрување на дуелот што требаше да се игра утре.

Во понеделник се игра дуелот АП Брера Струмица – Пелистер.

Фудбалерите на Манчестер сити убедливо славеа на гостински терен кај Вулверхемптон (0-4), на почетокот од сезоната во Премиер лигата.

Ерлинг Халанд ја започна сезоната со два гола, а со по гол на официјален натпревар дебитираа Тижани Рејдерс и Рајан Шерки.

Сити ќе го пречека Тотенхем следната недела, додека Вулверхемптон ќе биде домаќин на Борнмут.

Фудбалерите на Барселона триумфираа на Мајорка (0-3), во натпревар за кој ќе се зборува поради судиските одлуки на Хозе Луис Мунуера.

Домашниот тим играше со двајца играчи помалку од 39. минута. Ведат Муриќ доби директен црвен картон, само шест минути по вториот жолт картон што го заработи Ману Морланес.

Во ситуација „11 на 11“, Барселона покажа класа, постигнувајќи два гола за околу дваесет минути.

Прво, Рафиња го совлада Лео Роман во седмата минута, но домашните сметаа дека голот е нЈрегуларен. На почетокот од акцијата, се чини дека топката излезе надвор, пред Ламин Џамал да ја собере и да ја продолжи играта

Во 23. минута, Феран Торес, постигна гол од околу дваесет метри, но откако претходно судијата не ја прекина играта бидејќи еден играч на Мајорка остана да лежи на теренот откако топката го погоди во главата.

Судијата Мунуера беше во центарот на вниманието во судиското продолжение од првото полувреме, кога го казни Рафиња за особено остар и невнимателен старт само со жолт картон.

Не беше реално Мајорка да му наштети на шампионот во вториот дел со деветмина на теренот. .

Јамал го постави конечниот резултатво четвртата минута од судиското продолжение.

Барселона ќе го пречека Леванте во следната рунда, додека Мајорка ќе ја пречека Селта Виго.

Фудбалерот на Рен, Арно Калимундо, ќе се пресели во Нотингем Форест откако беа договорени сите услови за реализација на трансферот.

Нотингем за 23-годишниот напаѓач ќе плати околу 31,5 милиони евра. Французинот беше најдобар стрелец во Рен во изминатата сезона.

Тој одигра 33 средби во ЛИга 1 со ефект од 17 голови и три асистенции.

ФФМ денеска потврди дека кратовци го добиваат натпреварот од второто коло против Шкупи со службен резултат 0-3.

„Причината за неодигрување на натпреварот е необезбедување соодветен домашен терен од страна на клубот, домаќин. Воедно, ФФМ укажува дека во изминатите денови, управата на ФК Шкупи неточно праќаше информации во „Куќа на фудбалот” за четири различни стадиони на кои наводно ќе го одигра натпреварот, со што дополнително создаде погрешна слика за состојбата.

ФФМ е должна да ги почитува пропишаните регулативи и тоа ќе го прави во целост. Се надеваме дека ФК Шкупи ќе ја надмине актуелната состојба и наскоро ќе создаде услови за нормално одвивање на натпреварите“, се вели во соопштението на ФФМ.

Одбранбениот фудбалер на Интер, Бенџамин Павар доби понуда од НЕОМ за започнување преговори, објави инсајдерот Фабрицио Романо на социјалната мрежа X.

Според Романо, саудискиот клуб ќе започне преговори со Интер доколку 29-годишниот Французин се согласи да се пресели во Саудиска Арабија.

Тековниот договор на Павар со Интер е со важност до 2028 година.

Трансфермаркт ја проценува трансферната вредност на играчот на 25 милиони евра.

Во сезоната 2024/25, Павар постигна еден гол и имаше една асистенција на 38 натпревари. Неговиот договор е до 30 јуни 2026 година.

Фудбалерот на Ливерпул, Федерико Киеза, по победата над Борнмут (4-2) во првото коло од Премиер лигата забележа дека не сака да го напушти клубот.

„Многу сум среќен во Ливерпул! Ќе разговарам со клубот, но сакам да останам тука и да се борам за многу трофеи“, го цитира Киеза инсајдерот Фабрицио Романо на социјалната мрежа X.

Претходно се појави информација дека 27-годишниот Италијанец сака да се врати во Италија.

Роберт Левандовски се подготвува за враќање во репрезентацијата на Полска, но сè уште е неизвесно дали повторно ќе ја добие капитенската лента која му ја одзеде поранешниот селектор Михал Побиерж.

Актуелниот селектор Јан Урбан потврди дека ѕвездата на Барселона изразила голема желба повторно да заигра за националниот тим, нешто што, како што вели, сигурно ќе ги израдува навивачите. Сепак, Урбан не откри дали капитенската лента ќе му биде вратена на Левандовски или ќе остане кај актуелниот капитен Пјотр Зиелински од Интер.

Левандовски досега има 185 настапи и 85 погодоци за Полска. Во септември репрезентацијата ќе одигра два квалификациски натпревари за Светското првенство, против Холандија и Финска.

Македонскиот фудбалер, Давид Бабунски наскоро би можел да стави потпис на договор со Абердин, клубот каде што во минатото одлични настапи прикажуваше Бојан Миовски.

Шкотските медуми пренесуваат дека преговорите помеѓу двете страни се во завршна фаза и наскоро би можела да пристигне официјална потврда.

Бабунски и во минатата сезона беше дел од шкотскиот фудбал носејќи го дресот на Данди јунајед за кој одигра 20 натпревари, постигна еден гол и додаде една асистенција.

Низ кариерата во која има 18 настапи и за македонската репрезнетација, Бабунски настапуваше за: Деберецен, Вторул, Ботошани, Омја, Јокохама, Црвена Звезда, а беше дел и од младинските категории на Барселона.

Шкендија испиша историја и ќе игра во групи на едно европско натпреварување на УЕФА.

Сепак, од оваа историја веројатно нема да биде дел Фабрис Тамба кој според турските медиуми се сели во Втората лига на оваа земја. Се очекува крилниот фудбалер да потпише тригодишен договор со екипата од Турција и да се пресели таму во наредните денови.

Ова е сериозен удар и проблем за Шкендија која во моментите кога треба да биде најсилна, решава да продаде еден од своите најдобри фудбалери.

Од друга страна изненадувачка е и одлуката на Тамба да прифати трансфер во второлигашки клуб, наместо да заигра во Лигата на Европа или Конференциската лига.

Во секој случај, Шкендија се очекува да заработи трансфер сума за Фабрис Тамба кој е под договор, а потоа и да доведе адекватна замена за оваа позиција. Веќе досега веројатно се очекуваа и засилувања за европскиот предизвик, но засега во Тетово е мирно.