Голманот на Баерн Минхен, Мануел Нојер планира за две до три недели да го започне првиот голмански тренинг по тешката повреда. 

Според информациите, Нојер за две до три недели сака да започне со лесни часови за трчање и специјални голмански вежби. Доколку нема потешкотии на овие тренинзи, голманот очекува да се врати на работа со тимот во јули за да се подготви за следната сезона. Тренерот на Баерн, Томас Тухел, смета на Нојер како главен голман во новата сезона.

Мануел Нојер се повреди по Светското првенство во Катар во 2022 година. Голманот ја скршил ногата додека се релаксирал во ски-центар.

Маркињос потпиша нов договор со Пари Сен Жермен. Договорот меѓу двете страни е до летото 2027 година.

Францускиот шампион ќе го објави договорот во подобро време за клубот, откако тимот од Лига 1 загуби со 3-1 дома од Лориен во неделата. Бразилскиот интернационалец е во Пари Сен Жермен од 2013 година, а претходно играше за италијанската Рома како и за Коринтијанс во својата татковина. 28-годишниот дефанзивец оваа сезона постигна два гола на 40 настапи во сите натпреварувања.

На пет кола пред крајот на сезоната, Пари Сен Жермен е на првото место на табелата во Лига 1 со 75 бодови. Второпласираната екипа на Олимпик Марсеј има пет бода помалку.

Фулам е блиску до договор за потпис на напаѓачот на Париз Сен Жермен, Мауро Икарди. Сумата на трансферот ќе биде околу 12 милиони евра. ПСЖ може да добие уште три милиони евра како различни бонуси. Преговорите меѓу Икарди и Фулам за договор стигнаа во завршна фаза.

Оваа сезона напаѓачот настапува за турски Галатасарај на позајмица. На 21 натпревар Икарди постигна 15 гола и осум асистенции.  Договорот на 30-годишниот аргентински напаѓач со ПСЖ е до јуни 2024 година, а за оваа екипа настапува од 2019 година.

Манчестер Јунајтед е заинтересиран за потписот на дефанзивецот на ПСЖ и Мароко, Ашраф Хакими. „Црвените ѓаволи“ биле пред Челзи во борбата за играчот. Лондонскиот клуб треба да вложи сериозни напори во блиска иднина за да обезбеди почитување на сите правила за финансиски фер-плеј. 

Сега Манчестер Јунајтед важи за главен фаворит за потписот на играчот.

Се дознава дека од „Олд Трафорд“ се подготвени да платат 60 милиони евра за Хакими.Таква сума би требало целосно да им одговара на газдите на ПСЖ. Парискиот клуб во неколку наврати јасно стави до знаење дека не е против продажба на мароканскиот дефанзивец во претстојниот преоден рок.

Оваа сезона Хакими забележа 37 настапи за ПСЖ во сите натпреварувања, во кои постигна четири гола и пет асистенции.

Тотенхем е заинтересиран за крилниот фудбалер на Њукасл, Алан Сент-Максимин.

Французинот оваа сезона не добива голема минутажа во Њукасл, па е спремен да ја промени средината, а Тотенхем сака да ја искористи таквата ситуација.

Њукасл не ја исклучува можноста да го продаде Сент-Максимин бидејќи на лето ќе доведе нови засилувања на таа позиција.

Интерес за фудбалерот покажува и Милан, па Тотенхем сака да ја победи конкуренцијата и спрема понуда од 50 милиони евра.

Осман Дембеле на лето може да ја напушти Барселона, а преговорите за продолжување на договорот се во застој.

Дембеле има договор со Барселона само за уште една сезона, а во него има откупна клаузула од 50 милиони евра, што е скромна сума за таков фудбалер.

Поради тешките финансиски услови Барселона не може да му понуди зголемување на платата, па преговорите помеѓу двете страни се прекинати. 25-годишниот крилен напаѓач на лето ќе влезе во последната година од договорот, а ПСЖ ќе се обиде да го доведе во своите редови.

Барселона не сака да го загуби без обештетување и е спремна на лето да го продаде за 50 милиони евра.

Жозе Мурињо нема намера да се враќа во Премиер-лигата иако луѓето од Челзи се обиделе да го исконтактираат.

Актуелниот договор на Португалецо со Рома ќе заврши во 2024 година доколку претходно не му биде продолжен или пак, добие отказ. „Волчицата“ под палката на „специјалниот“ игра одлично и успеа да влезе меѓу најдобрите четири екипи во Лигата на Европа.

Тимот од Рим до крајот на сезоната ќе се бори да обезбеди и виза за Лигата на шампионите за наредната сезона.

Челниците на Манчестер Јунајтед ќе се обидат да го купат фудбалерот од средниот ред на Ајнтрахт Франкфурт, Рандал Коло Муани.

24-годишниот играч во сезонава има одиграно 40 мечеви со ефект од 20 голови и 12 асистенции.

Тој има тековен договор до 2027 година а германскиот тим за неговиот потпис бара околу 100 милиони евра. За Муани е заинтересиран и тимот на Баерн Минхен.

Марсел Сабицер во последниот ден од преодниот рок се пресели во Манчестер Јунајтед на позајмица до крајот на сезоната.

„Црвените ѓаволи“ немаат опција за откуп на лето, па двата клуба ќе треба да седнат на преговарачка маса, а Австриецот не сака назад во Минхен.

Сабицер брзо се прилагоди на новата средина и би сакал да остане  на „Олд Трафорд“, а Манчестер Јунајтед донел одлука да го откупи неговиот договор.

Баварците за неговата слобода бараат 20 милиони евра, сума која нема да биде проблем за „црвените ѓаволи“.

Фудбалерот на Јувентус, Анхел Ди Марија, се пожалил на повреда и не заминал на денешното гостување кај Болоња во рамките на тековното коло во Серија А.

По таа вест, веднаш се огласија неколку медиуми кои тврдат дека повредата на Ди Марија е „сомнителна“  бидејќи напаѓачот се налутил откако дознал дека нема да биде стартер.

„Старата дама“ се бори да обезбеди место за Лигата на шампионите за наредната сезона. Натпреварот Болоња-Јувентус започнува денеска од 20:45 часот.