По вчерашниот потшишан нов договор на Ашраф Хакими, денеска истото го направија Нуњо Мендеш и Витиња.

Сите тројца ги продолжија договорите со тимот од Париз до 2029 година. Исто така договорот го продолжи и Луис Енрике, кој потпиша до 2027 година.

ПСЖ е најсериозен кандидат за освојување на титулата во Франција, а исто така тимот е меѓу фаворитите и за освојување на Лигата на шампионите, трофеј кој му недостасува во историјата.

Фудбалерите на Рома ја совладаа Венеција на гостински терен со минимален резултат (0-1) во натпреварот од 24. коло на Серија А.

Стрелец на единствениот гол на натпреварот беше Пауло Дибала од пенал во 57. минута, што беше шести гол за Аргентинецот оваа сезона во Серија А.

Клучниот момент на натпреварот се случи на стартот од вториот дел кога Алесандро Маркандали беше невнимателен, направи фаул врз Анхелињо во самиот агол од сопствениот шеснаесетник. Судијата немаше дилема, а Дибала ладнокрвно го реализираше пеналот.

Рома по овој меч остана деветта со 34 бода и е во серија од осум меча без пораз во првенството. Венеција е претпоследна.

Во следното коло и двете екипи ќе гостуваат, Рома во Парма, а Венеција во Џенова.

Плимут, последнопласираниот тим во Чемпионшип (Втора лига на Англија), во четвртото коло во ФА купот придери вистинска сензација, успеа да го елиинира најдобриот англиски тим во овој момент, Ливерпул.

Арне Слот реши да комбинира за овој натпревар, не донесе во Плимут речиси ниту еден од своите главни играчи на дуелот против последнопласираната екипа од Чемпионшип, а тој ризик не вроди со плод.

Во тимот ги немаше Салах, Ван Дијк, Мекалистер, Собослаи…

На крајот, Плимут, кој од оваа сезона се натпреварува во Чемпионшип и речиси сигурно ќе се врати во третото ниво на англискиот фудбал, со голот од пенал на Рајан Харди го совлада лидерот во Премиер лигата.

Очекувано, Ливерпул стартуваше со изменет состав, со Киеза на теренот од првата минута, додека во нападот беше само Диого Жота.

Ливерпул навистина имаше поголем посед на топката, но тимот на Арне Слот речиси и да не создаде опасни прилики за гол. „Црвените“ имаа само три удари, од кои само еден во голот, додека Плимут имаше уште еден.

Клучниот момент се случи во 53. минута, Плимут доби пенал, а сигурен реализатор беше Харди.

Единствено што можеше потоа да направи Холанѓанецот беше да го испрати Дарвин Нуњез на теренот, бидејќи освен него на клупата имаше млади играчи без искуство во сениорскиот фудбал.

До крајот на мечот Ливерпул се обидуваше да постигне гол и да го одведе мечот во продолженија, но Плимут успеа да се одбрани и потоа да прослави една од најголемите победи во историјата на клубот.

Хрватскиот голман Доминик Ливаковиќ, ќе стане наредното лето голман на минхенскиот Бајерн, тврдат турските медиуми.

Актуелниот голман на истанбулскиот Фенербахче има договор со турскиот гигант до летото 2028 година, но во трансфер вреден 12.000.000 евра по завршувањето на сезоната треба да се пресели на “Алијанц арена”, а во договорот ќе биде вклучен и потенцијален бонус од 3.000.000 евра.

Некогашниот голман на Динамо од Загреб ќе стане конкуренција на искусниот Мануел Нојер, а 30-годишниот Ливаковиќ би требало да го наследи голот од легендата на Баварците.

Тренерот на Реал Мадрид, Карло Анчелоти не сакаше да го коментира пеналот кој беше досуден против неговиот тим на дербито со Атлетико Мадрид. Натпреварот заврши 1-1, но Реал Мадрид и понатаму останува на врвот на табелата. Најконтроверзната ситуација беше на крајот од првото полувреме, кога Чуамени го нагази Лино во неговиот шеснаесетник и по интервенцијата на ВАР „јорганциите“ добија пенал.

„ВАР интервенираше, судијата беше таму и виде што се случува. Сличен пенал досуден по ВАР видов на мечот меѓу Атлетик Билбао и Жирона. Тие што работат во фудбал не го разбираат ова. Дали го уништуваме фудбалот? Не сакам да навлегувам во дискусија, повеќе сакам да зборувам за играта. Натпреварот заврши нерешено, тоа не бодри, тимот одигра добро, особено во вториот дел“, изјави Анчелоти.

Манчестер Јунајтед и Астон Вила имаат сериозен интерес за талентот на Барселона, Фермин Лопез. Според весникот „Спорт“, дури и Каталонците одбиле понуди за него од околу 70 милиони евра во јануари. Играчот од средниот ред исто така категорично одбил да го напушти својот матичен клуб.

Манчестер Јунајтед долго време ги следи настапите на Фермин и на лето ќе се врати со нова понуда за младиот фудбалер на Барса. Фудбалерот од средниот ред веќе потпиша нов договор со Барселона со кој треба да остане во клубот до 2029 година.

По ремито во големото градско дерби со Реал синоќа, тренерот на Атлетико, Диего Симеоне зборуваше за битката со Барселона околу шампионската титула оваа сезона.

„Барселона, сè уште тврдам, е најдобриот тим во Ла Лига оваа сезона. Напаѓаат одлично и имаат неверојатна брзина. Ако успеат да победат во Севиља, табелата ќе биде доволно тесна за новинарите малку да се забавуваат“, рече тренерот на Атлетико.

Во очекување на вечерашниот дуел во Севиља, Реал Мадрид води во Ла Лига со 50 бодови, Атлетико е втор со 49, а трета е Барса со 45 бода и натпревар помалку.

Фудбалерот од средниот ред на Манчестер сити, Нико Гонзалес заработи повреда на денешното на неговото деби за Граѓаните против Лејтон Ориент во Лондон во осминафиналето на ФА Купот.

Шпанецот по дуелот со противничкиот фудбалер напаѓачот Сони Перкинс со накривнување го напушти теренот.

На местото на Нико во 22. минута во игра влезе Бернардо Силва.

Дваесет и тригодишниот Нико на 4 февруари потпиша четиригодишен договор со Сити. Тој во Премиер лигата направи трансфер од Порто.

Николо Заниоло се врати во редовите на Фиорентина, каде што настапуваше уште како тинејџер. Тој на 16 години ја напушти Фиренца и никогаш не заигра за првиот тим на „Виола“.

По потписот со Фиорентина тој не го криеше задоволството и посочи дека се вратил во својот вистински дом.

„Ја напуштив Фиорентина со 16 години, а сега со 25 се враќам. Ова е многу емотивен момент за мене, знам дека се вратив во својот вистински дом. Би било идеално да се затвори кругот со освојување на трофеи. Тимот беше близу двапати со двата порази фо финалињата, ама како велат сакаме – трета среќа. Никогаш сум немал проблеми со тренери или соиграчи во клубовите. Ја напуштив Рома неславно, ама знам колку вредам, а тоа го знае и моето семејство. Кога бев во Турција едно момче често ми пишуваше, но потоа слушнав дека починало во земјотрес. Потоа неговиот татко ми кажа дека додека играл фудбал носел број 17, поради тоа го одбрав тој број“, изјави Заниоло.

Во моментов Заниоло дојде на платена позајмица од Галатасарај за 3,2 милиони евра, а Фиорентина има опција да го откупи неговиот договор.

Шведскиот голгетер Виктор Ѓокереш игра неверојатен фудбал и со тоа го привлече вниманието на многу великани. Сезонава на 42 натпревари постигна неверојатни 43 погодоци и асистира 11 пати до соиграчите.

26-годишникот има договор со Спортинг и неговата цена за продажба изнесува 75 милиони евра, колку што се проценува и неговата вредност според „Трансфермаркт“. Ѓокереш зимава остана во португалскиот тим, меѓутоа налето му се смешка трансферот на кариерата.

Поранешниот фудбалер на Бромапојкарна, Брајтон, Свонси и Ковентри е член на Спортинг од 2023 година, кога за него Рубен Аморим плати 24 милиони евра.

Сега клубот се очекува да заработи три пати повеќе, а останува да видиме каде Ѓокереш ќе заврши. Најсериозни во трката за потпис со Швеѓанецот се Манчестер Јунајтед и неговиот екс-тренер Аморим, како и Арсенал кому му фали вистински напаѓач, а тука е и Баерн Минхен кој во Ѓокереш го гледа решението за иднината во нападот.