Нејмар ќе го пропушти крајот на 2025 година поради повреда на менискусот на левото колено, објавија бразилските медиуми, вклучувајќи. Напаѓачот на Сантос почувствувал болка во коленото пред мечот против Мирасол и иако продолжил да игра со болката, на крајот се покажало дека повредата е сериозна и доволна да го извади од сите преостанати натпревари до крајот на годината. Оваа ситуација е посебно неповолна поради амбициите на Нејмар да настапува за последен пат на Светското првенство, а оваа повреда сигурно ќе ги наруши неговите шанси да биде избран од селекторот, Карло Анчелоти.

По долгата рехабилитација по операцијата на коленото во 2023 година и турбулентниот период во ПСЖ и Ал-Хилал, Бразилецот се врати во Сантос на почетокот на 2025, со надеж за повторно влегување во форма. Сепак, новата повреда е голем удар за него, како и за клубот, кој ќе мора да продолжи без својата легенда.

Планирано е Нејмар да се фокусира на третманот и закрепнувањето, но не постои јасен рок за неговото враќање на терените во 2026. Со оглед на календарот на бразилскиот фудбал, се смета дека најверојатно ќе биде подготвен за новата сезона, која започнува кон крајот на март.

По впечатливата победа на Челси против Барселона, голманот Роберт Санчез изрази уверено дека Челси е вистинскиот фаворит за освојување на Лигата на шампионите. Тој ги отфрли шансите на Барселона и посочи дека формата и силата на Челси ги прават најголеми кандидати за трофејот. Неговите изјави доаѓаат во време кога самодовербата околу составот на Челси е во пораст, а тимот бележи добри резултати во последните натпревари.

Во однос на индивидуалниот дуел помеѓу Челси и Барселона, Санчез не се воздржа да го спомене контролната игра на Марк Кукурела над младата ѕвезда на Барселона, Ламинл Јамал. „Кукурела го имаше Јамал во џеб“, изјави Санчез, истакнувајќи ја доминацијата на Челси и тактичката надмоќ на левиот бек над Јамал, што дополнително ја зголемува самодовербата на тимот.

Немајќи намера да ги потцени другите лиги, Санчез нагласи дека вистинскиот тест за секој играч е Премиер лигата. „Сите играчи изгледаат одлично… додека не дојдат да се докажат во Премиер лигата“, додаде тој. Оваа изјава ја нагласува ригорозноста на англиската лига како еден од најголемите предизвици за фудбалерите.

Останатите натпревари исто така нe разочараа…

Борусија Дортмунд им приреди тешка вечер на навивачите на Виљареал, славејќи убедливо со 4–0 на домашен терен. Германскиот тим доминираше од првиот свиреж, со постојани напади кои гостите не успеаја да ги неутрализираат. Со оваа победа, Дортмунд значително ја зацврстува својата позиција во групата и ги потврдува високите амбиции за сезоната.

Јувентус, пак, извојува драматичен триумф од 3–2 против Бодо/Глимт на гостински терен. Натпреварот беше исполнет со пресврти и неизвесност, а „старата дама“ го реши дуелот со доцнежен погодок кој може да се покаже клучен во битката за пласман понатаму.

Олимпик Марсеј стигна до важна победа од 2–1 против Њукасл, искористувајќи ја поддршката од домашната публика. Иако гостите притискаа кон крајот, Французите успеаја да ја сочуваат предноста.

Бенфика запиша зрела и тактички дисциплинирана победа од 2–0 над Ајакс во Амстердам, комбинирајќи цврста одбрана со опасни контранапади.

Во останатите сусрети, Унион Сен-Жилоа приреди изненадување победувајќи го Галатасарај со минимално 1–0, додека Наполи рутински го надгради Карабаг со 2–0. Славија Прага и Атлетик Билбао одиграа без голови, освојувајќи по бод во дуел исполнет со борбеност, но без реализација.

Изненадувачката победа на Баер Леверкузен со 2–0 на Етихад одекна низ Лигата на шампионите и ја прекина непоразената серија на Манчестер Сити во групната фаза. Германскиот тим ја искористи проценката на Пеп Гардиола да настапи со ослабен состав, одлука што се покажа како скапа грешка.

Шпанскиот стратег одлучи да одмори дел од носителите на играта, вклучувајќи го и Ерлинг Халанд, а довербата во резервистите не донесе резултат. Леверкузен казни уште во првиот час преку погодоците на Алехандро Грималдо и Патрик Шик. Иако Сити имаше контрола врз топката, тешко создаваше опасности и делуваше бледо во завршницата. Влегувањето на Халанд по еден час игра не беше доволно да го промени текот, бидејќи гостите останаа дисциплинирани и дефанзивно цврсти.

Неуспехот на Сити брзо да се прилагоди и ограничениот придонес од проширениот состав отвораат прашања пред клучните натпревари што следуваат, меѓу кои и гостувањето кај Реал Мадрид. Леверкузен, пак, по тешкиот пораз од ПСЖ, покажа зрелост и тактичка стабилност, максимално користејќи ги шансите што ги доби.

Челси приреди убедливо шоу на Стемфорд Бриџ, совладувајќи ја Барселона со 3–0 во Лигата на шампионите. Тимот на Мареска делуваше цврсто, организирано и агресивно, оставајќи го шпанскиот гигант без одговор во поголем дел од натпреварот.

Најистакнат играч беше Марк Кукурела, кој сосема заслужено ја доби наградата на УЕФА за играч на натпреварот. Неговата совршена позиционираност и сигурна игра во дефанзивата го отежнаа секој обид на Барса да создаде шанса, а токму од една таква ситуација произлезе и исклучувањето на Араухо. Шпанецот беше надминат само еднаш во целиот меч, доби 4 од 5 стартови, освои 8 од 15 дуели и запиша 2 пресечени и 3 освоени топки.

Овој настап не само што ги замолкна критичарите туку и уште еднаш го потврди местото на Шпанецот меѓу најдобрите леви бекови на светот.

Победата на Челси дополнително ја нагласува силната форма на премиерлигашките клубови против претставниците на Ла Лига оваа сезона. Млади таленти како Естевао продолжуваат да се истакнуваат, а Сините со ваквите зрели тактички изданија покажуваат дека се подготвени да бидат сериозни кандидати за престижниот трофеј. Со овој триумф го продолжуваат својот позитивен низ и стабилно напредуваат во горниот дел на табелата во Лигата на шампионите.

Здружението на фудбалските навивачи на Англија ги повика клубовите од Премиер лигата да ги замрзнат цените на билетите за следните две сезони.

Деветнаесет од 20-те клуба од Премиер лигата ги зголемија цените на билетите за сезоната 2024/25, а 13 од нив го сторија тоа пред почетокот на оваа сезона.

Затоа 116 навивачки здруженија, собрани во официјалното Здружение на фудбалски навивачи (FSA), потпишаа заедничко писмо со кое ги повикуваат клубовите да ги замрзнат цените на билетите за сезоните 2026/27 и 2027/28. Исто така, тие бараат од клубовите да објавуваат податоци за цените и да организираат дискусии со претставници на навивачите за идното планирање на цените.

Навивачите ги повикуваат клубовите да не бидат дел од група која практично ги ограбува навивачите и објаснуваат дека поради промените во системот за емитување, што доведува до промени во датумите на натпреварите, организирањето патување за натпреварот никогаш не било попредизвикувачко или поскапо.

„Нема да исплатите три милијарди колку што вложивте во траснфери во преодниот рок, високи провизии за менаџери и рекордно високи плати со зголемување на цените на билетите“, се вели во писмото.

„Но, зголемувањето на цените на билетите во многу аспекти ги депресира обичните навивачи кои секако се соочуваат со секојдневно зголемување на трошоците за живот. Ги разбираме комерцијалните односи, но затоа мора да ја подобриме нашата соработка и да најдеме поизбалансиран начин на соработка“, се додава во писмото.

Додадено е дека ограничувањето на цената на билетите за гостинските натпревари на 30 фунти е всушност историски договор што докажува дека клубовите и навивачите можат да работат заедно и да направат позитивни промени.

Здруженијата на навивачи се исклучително загрижени за трендот на зголемување на цените. Тоа е проблем што клубовите треба да го сфатат сериозно, да нè слушаат и да работат со нас за да најдат решение за да се осигурат дека навивачите можат да си дозволат да гледаат фудбал и да ги поддржуваат своите клубови“, се заклучува во писмото на навивачите.

Тимот на Астон Мартин во Формула 1 наскоро би можел да доживее уште една промена на врвот, а најновите информации од Англија укажуваат дека Енди Кауел е на работ да ја загуби својата позиција како извршен директор и шеф на тимот.

Причина за тоа се несогласувањето со Адриан Њуи, техничкиот гениј што работи на болидот на Астон Мартин за следната сезона.

Во исто време, Кристијан Хорнер повторно се појавува на мапата на Формула 1.

Поранешниот шеф на тимот на Ред бул, кој беше отпуштен по Големата награда на Велика Британија и доби испратнина во вредност од дури 52 милиони фунти, наводно бара лидерска позиција во Астон Мартин, па дури и удел во тимот.

Медиумите од Италија пренесуваат дека и Интер застанал во редот за ангажман на Мајк Мењан, голманот ги одработува последните месеци од договорот со Милан.

Мајк Мењан оваа сезона игра на високо ниво и со своите одлични интервенции се покажа како клучен во неколку победи на Милан, одбрани пенали на Дибала и Чалханоглу во победите од 1-0 над Рома односно Интер.

Но неговата иднина на „Сан Сиро“ е под голем знак прашалник, тој ги одработува последните месеци од договорот, и веќе во јануари може да си подаде рака со друг клуб.

Последните информации говорат за големо предавство, и можноста да премине во лутиот ривал Интер.

Како што пренесува Кориере дела Сера, „нероаѕурите“ опипуваат терен за ангажман на Французинот, и зделка налик на онаа на Хакан Чалханоглу.

Газета дело Спорт пак пишува дека интерес за Мајк Мењан пројавува и Јувентус, и уште неколку клубови од Премиерлигата.

ГДС исто така додава дека Милан прави напори да го обнови договорот на Мајк Мењан и му нуди плата од 5 милиони евра по сезона за две или тригодишна соработка.

Во моментов голманот има примања од нешто над 3 милиони евра по сезона, а претходниот предлог на „росонерите“ тежеше околу 4 милиони евра по сезона.

Реал Мадрид се соочи со неочекувани проблеми пред утрешниот натпревар со Олимпијакос во Лигата на шампионите.

Првиот голман, Тибо Куртоа, го напушти тренинг кампот Валдебебас поради гастроентеритис и ќе го пропушти натпреварот во Атина.

Реал Мадрид ќе го следи закрепнувањето на Куртоа во наредните часови. Постои минимална можност подоцна да им се придружи на соиграчите доколку неговата состојба се подобри. Во меѓувреме, клубот издаде медицински извештај кој го потврдува проблемот, но ја остава отворена можноста да им се приклучи на соиграчите.

Натпреварот во Атина ќе се игра утре со почеток во 21:00 часот.

„По денешниот преглед на нашиот играч Тибо Куртоа, кој го спроведе Медицинската служба на Реал Мадрид, кај него беше дијагностициран вирусен гастроинтестинален процес. Затоа, тој нема да патува за Атина. Неговото закрепнување се следи“, се вели во соопштението.

Куртоа ги одигра сите натпревари од сезоната досега, што значи дека натпреварот против Олимпијакос би бил неговиот прв што ќе го пропушти.

Неговото отсуство ќе ја отвори вратата за Андриј Лунин, кој ќе го има својот прв настап во сезоната под водство на Чаби Алонсо. Списокот на голмани за натпреварот од Лигата на шампионите ќе го комплетираат Фран Гонзалез како втор голман и јуниорот Хави Наваро.

Хари Кејн без „влакна“ на јазикот проговори за својата иднина. Многу се шпекулира околу неговата иднина, откако медиумите објавија дека во неговиот договор постои клаузула, кој му овозможува по завршувањето на оваа сезона да го напушти Баерн за 65 милиони евра.

Хари Кејн, легенда на Тотенхем, повторно е во Лондон, утре во дресот на Баерн ќе игра против Арсенал.

Напаѓачот, во пресрет на дербито, ги негираше шпекулациите дека тој ќе се пресели во Барселона, по завршувањето на сезоната.

„Не сум бил во контакт со никого, не сум добил никаков повик. Се чувствувам многу задоволен таму каде што сум, иако се уште не сум преговарал со Баерн. Не брзам, бидејќи знам дека сум среќен во Минхен. Тоа можете да го видите во начинот на кој играм. Воопшто не размислувам за понуди пред следната сезона. Светското првенство е на прво место и речиси сигурно ништо нема да се промени дури ни по Светското првенство“, рече Кејн.

Потоа следеше прашање од печатот за тоа дали навивачите на Баерн треба да се грижат, на што Кејн категорично одговори:

„Не, не мислам дека има причина за тоа“, заклучи Кејн.

Англичанецот влегува во последната година од договорот на лето и сосема е јасно дека очекува понуда за продолжување на соработката.