Ливерпул е сериозно заинтересиран за ѕвездата на Аталанта и холандски репрезентативец, Туен Копмајнерс.

25-годишниот Холанѓанец се етаблираше во еден од најдобрите играчи за врска во Серија А, па и самиот сака да направи чекор напред во кариерата.

Компајнерс одигра одлично на дуелот со Ливерпул во Лига Европа, па „црвените“ останале импресионирани и сакаат да ја победат конкуренцијата за неговиот потпис.

Интерес за Копмајнерс покажува и  Јувентус, но Ливерпул во моментов е во предност бидејќи испратил подобра понуда до фудбалерот.

Аталанта за слободата на Холанѓанецот бара 70 милиони евра, а „црвените“ се спремни да платат 60 милиони, па двете страни се блиску до договор.

Шпанскиот репрезентативец со бразилско потекло, Тиаго Алкантата одлучи да стави крај на професионалната кариера.

33-годишниот плејмејкер имаше богата кариера со многу трофеи и успеси. Започна во Барселона во пазнатата школа „Ла Масија“ од каде се проби во првиот тим.

Алкантара својата фудбалска афирмација ја стекна во Барселона каде освои се што можеше да се освои и потоа се пресели во Баерн Минхен. Таму уште еднаш ја освои тројната круна со Баварците.

Потоа направи трансфер во Ливерпул и после одличните две сезони, последните две сезони имаше проблем со повреди, па реши да стави крај на кариерата откаку му заврши договорот со „црвените“.

Пари Сент Жермен сериозно се вклучи во трката за потписот на ѕвездата на Баерн Минхен, Џошуа Кимих.

Кимих има договор со Баерн до следното лето, па Баерн е подготвен да го продаде за сума од 50 милиони евра.

Претходно Кимих се поврзуваше со Ливерпул, Арсенал, Реал Мадрид и Барселона, а сега во трката се вклучи и ПСЖ. „Светците“ испратиле богата понуда до агентот и чекаат понуда.

Кимих девет години е член на Баерн и во тој период одигра 390 натпревари во кои постигна 42 гола, подели 104 асистенции и освои трофеи.

Новиот тренер на Јувентус, Тиаго Мота oдлучил да направи промени во тимот па така најверојатно ќе си замине и Федерико Киеза.

Според последните информации кои ги објави италијанскиот инсајдер, Фабрицио Романо. Киеза не е во плановите на Мота и може да си замине за сума од 25 милиони евра. Киеза има договор со Јувентус уште една сезона, па затоа и сумата не е голема.

Во ваква ситуација сигурно дека ќе се појават повеќе клубови кои ќе бидат заинтересирани да го доведат Италијанецот.

Киеза во Јувентус е од 2020 година и во тој период на 131 натпревар постигна 32 гола и подели 23 асистенции. Во минатата сезона на 37 натпревари постигна десет гола и запиша три асистенции.

Управата на италијанскиот шампион, Интер, официјално го потврди доаѓањето на Полјакот Пјотр Зиелински, кој пристигнува во милано како слободен играч по истекувањето на договорот со Наполи.

Трансферот беше договорен уште пред половина година, но се чекаше почетокот на летниот преоден рок, а Зиелински стави потпис на договорот веднаш по завршувањето на неговиот настап на Европското првенство.

Се очекува Полјакот да биде големо засилување за ротацијата на Симоне Инзаги, затоа што има огромно искуство од настапите во Серија А. 30-годишниот Зиелински ја започна кариерата во Удинезе, а потоа за Наполи одигра 281 натпревар и постигна 37 голови. Во меѓувреме беше и на позајмица во Емполи, каде исто така бележеше одлични игри.

Соработката со „нероаѕурите“ е со траење до 2027 година, со опција за продолжување на договорот за уште една сезона.

Жоао Феликс вчера беше трагичар за Португалија откако единствено тој го промаши ударот од 11 метри и Португалците беа елиминирани, денеска медиумите пишуваат и за неговата клупска иднина.

Најавите се дека Феликс би можел наредната сезона да игра во својата татковина бидејќи за него е заинтересирана Бенфика.

Барселона нема намера да го задржи, додека Бенфика е спремна да откупи 50% од неговиот договор со Атлетико. Првата понуда на португалскиот клуб изнесувала 20 милиони евра, а откако била одбиена, стигнала нова од 32.5 милиони евра.

Се очекува тоа да биде доволно Атлетико кој исто така не смета на него да го пушти во Лисабон. Барселона од друга страна е насочена кон доведување на Нико Вилијамс или Дани Олмо.

Четвртфиналниот натпревар во кој Германија во петокот загуби од Шпанија (0-1) на Европското првенство беше последен во германскиот дрес за 35-годишниот Тони Крос, а крај на репрезентативната кариера најави и неговиот сонародник Томас Милер.

„Да, многу е можно ова да беше мојот последен натпревар за Германија“, изјави по натпреварот Милер за Скај Спорт.

Милер дебитираше за Германија во 2010 година и оттогаш одигра 131 натпревари, постигнувајќи 45 голови, како и 41 асистенција.

„Горд сум што сум дел од овој тим и пред сè горд што сум Германец. Благодарност до сите што навиваа со нас и беа одлични домаќини. Да го внесеме ова чувство во нашиот секојдневен живот токму сега во сегашно време“, напиша Милер на социјалните мрежи.

Неговиот најголем успех со репрезентацијата е освојувањето на Светското првенство во 2014 година.

Ѕвездата на Баер Леверкузен Флоријан Вирц е голема желба на Пеп Гвардиола, пишуваат англиските медиуми.

Вирц може да игра во средниот ред, но и како крилен напаѓач и е еден од најбараните германски фудбалери.

Младиот плејмејкер има долгорочен договор во Леверкузен и „фармацевтите“ ќе направат се за да го задржат.

Меѓутоа, Сити ова лето најверојатно ќе остане без Де Брујне, па неам даали пари да го доведе Германецот на „Етихад“. Пеп Гвардиола е уверен дека Вирц би бил одлично засилување за „граѓаните“ и подготвен е да ја плати 130 милиони евра.

Италијанскиот дефанзивец и член на Болоња, Рикардо Калафиори е пред трансфер во Арсенал.

22-годишниот стопер беше повикан во репрезентација после одличната сезоната и одигра одлично на Европското првенство.

Притоа, Калафиори беше еден од најдобрите поединци во италијанскиот тим, па дополнително го привлече вниманието.

Калафиори беше мета на сите поголеми италијански клубови, но Арсенал успеа да добие битката за неговиот потпис. „Топџиите“ постигнаа договор со Болоња за трансфер вреден 50 милиони евра, а во следните денови Калафиори ќе потпише четиригодишен договор.

Фудбалерот на Ливерпул Мохамед Салах ја одбил поканата на
селекторот на египетската олимписка репрезентација за настап
на Олимписките игри во Париз.
Неговата одлука ја разочара нацијата, навивачите сакаа еден од
најдобрите фудбалери во светот да биде предводник на
„фараоните“ во Париз, но Салах има други планови.
Целта му е целосно да се посвети на подготовките на Ливерпул за
следната сезона и како еден од најискусните играчи во тимот што
е можно повеќе да му помогне на новиот менаџер Арне Слот.
Салах од оваа недела ќе биде во полн ритам на тренинзи во
клубот, а сака да ги одигра сите подготвителни натпревари со
Ливерпул, пред почетокот на Премиер лигата. Минатата сезона,
неговата седма во Ливерпул, постигна 18 гола на 32 натпревари
во Премиер лигата.