Промените во броевите на дресот означуваат почеток на нова ера на „Сантијаго Бернабеу“. Дресот со број девет ќе го носи младиот Гонзало Гарсија од следната сезона.

Додека многумина очекуваа легендарниот број девет – кој во историјата го носеле великани како Кристијано Роналдо, Карим Бензема, Роналд Назарио, Уго Санчез, Давор Шукер и Алфредо Ди Стефано – да оди во рацете на солидно засилување, Реал Мадрид ја изненади јавноста.

Гонзало Гарсија, до неодамна член на Б-тимот, ја доби довербата на клубот да го носи дресот со најтешка напаѓачка симболика во „кралскиот клуб“.

Гарсија се истакна под водство на тренерскиот штаб на Чаби Алонсо минатата сезона, а неговите игри на Светското клупско првенство беа вистинско откритие.

Неговата брзина, интелигентното движење без топка и ладното завршување пред голот го истакнаа како напаѓач од новата генерација.

Фудбалерите на Шкендија, прв пат се порзени сезонава во квалификациите за пласман во Лигата на шампионите. Вечерва во Скопје, Шкендија загуби од Карабаг 0-1.

Клучниот момент се случи во 16.минута, кога по несмасниот старт на Вебстер врз Андраде, ВАР ја смени одлуката на главниот судија и гостите од Азербејџан добија пенал.

Најстрогата казна ја реализира Бајрамов.

Во првиот дел Карабаг имаше уште две добри шанси, а по голот на Карабаг два пати се закани капитенот на Шкендија, Ибраими.

Во второто полувреме во главните улоги беа голманите Геје и Кохалски, кои не дозволија публиката да види барем уште еден гол. Најдобрите шанси ги имаа Ибраими во 87.минута, од чиста позиција лошо биеше и Кохалски лесно го одбрани неговиот удар, а две минути подоцна Геје брилијантно го одбрани ударот на Зубир.

Реваншот на програмата е за седум дена во Баку. Победникот во плеј-офот ќе игра против Лудогорец или Ференцварош.

Игор Ангеловски би можел да се врати на фудбалот и тоа во Косово, каде што е сериозен кандидат за нов шеф на стручниот штаб на екипата на Приштина, јавуваат албанските медиуми.

Клубот од Приштина е во потрага по наследник на Арсим Таќи, а Ангеловски во моментов се споменува како главен фаворит за оваа позиција. Според истите извори, преговорите се во напредна фаза и постои голема веројатност двете страни наскоро да постигнат договор. Во меѓувреме, тимот го води Блерим Буњаку, досегашниот асистент на Таќи.

Ангеловски најголемиот успех го запиша како селектор на Македонија, кога ја одведе репрезентацијата на историскиот настап на ЕУРО 2020. Последниот клуб што го водеше беше казахстански Каспиј, од кој си замина во јули 2023 година. Претходно јаводеше и хрватска Горица, а пред ангажманот во национал

Во рамките од 18. коло во бразилската Серија А, екипата на Сантос славеше убедлива победа над Хувентуд со 3-1, а најдобар на теренот беше Нејмар.

Нејмар во последниот период добивааше критики од навиваачите со кои влезе и во конфликт, меѓутоа сега конечно одигра натпревар каков што се очекува од него.

Бразилскиот ветеран со два гола беше херој во триумфот од 2-1, прво погоди во 37. минута кога го отвори резултатот за потоа и да го потврди триумфот на десетина минути пред крајот.

За Нејмар ова беа први голови по дуелот со Фламенго пред повеќе од еден месец кога го постигна единствениот гол на средбата.

Брера продолжува со засилувањата во пресрет на новата сезона, во обид навреме да го консолидира ростерот и да обезбеди конкурентен тим во Првата лига.

Нов член на струмичкиот прволигаш е босанскиот интернационалец Емрах Макиќ, кој доаѓа од редовите на второлигашот ОФК Градина од Босна и Херцеговина. Макиќ игра во дефанзивниот дел на средниот ред, во својата кариера настапувал за неколку клубови во родната земја, меѓу кои Бихач, Раднички Лукавац и Горажде, а бил дел и од младинските категории на Сараево и Јајце.

По вчерашната промоција на Никола Величковски, Макиќ е второто ново име за Брера во краток период.

Пред неколку дена Зоран Балдовалиев беше поставен за нов спортски директор и веќе ги презема првите потези со цел да формира ростер кој ќе може да се носи со предизвиците од новата прволигашка сезона.

Иако минатата сезона беше речиси целосно изгубена за Родри, Манчестер Сити не заборава колку е вреден за тимот и реши да му понуди нов, подобрен договор.

Единствениот освојувач на „Златната топка“ во историјата на клубот имаше тешка повреда и одигра само осум натпревари во сите натпреварувања во претходната сезона. Неговото отсуство се почувствува силно, а „граѓаните“ не успеаја да го одржат истиот ритам без него во средниот ред.

Сепак, Родри целосно се опорави, а Сити сака да го задржи долгорочно. Според информациите, договорот ќе трае до 2029 година, а иако точните бројки не се откриени. Речиси сигурно е дека со новите услови Шпанецот ќе стане втор најплатен фудбалер во тимот, веднаш зад Ерлинг Халанд.

Ова е јасна порака од шампионот на Англија, Родри останува клучен играч во проектот на Гвардиола и клубот не е отворен за продажба. Во последниот период интерес за фудбалерот покажа Реал Мадрид кој сакаше да го доведе за да биде центар на проектот на Чаби Алонсо.

По долги и напорни преговори, Милан и Клуб Бриж конечно ја затворија зделката за трансферот на Ардон Јашари. Младиот швајцарски репрезентативец со македонски корени од ова лето ќе го носи дресот на „росонерите“.

Јашари беше главна мета за средниот ред на Милан, но Белгијците тврдо стоеја на својата цена од 40 милиони евра, додека понудата од Италија се движеше до 38 милиони. Сепак, пресвртот се случил вчера, кога самиот фудбалер јасно им дал до знаење на челниците на Бриж дека сака само во Милан, и покрај интересот од клубови од Премиер лигата. Клучен бил и телефонски разговор помеѓу Џорџо Фурлани и претставник на белгискиот клуб, по што бил постигнат договор.

Милан ќе плати 34 милиони евра, плус уште три во бонуси. Со тоа, Јашари станува еден од најскапите излези во историјата на белгискиот фудбал. Јашари е голем навивач на Милан од детството и ова лето направи сè што може за да го реализира својот сон. Во наредните денови се очекува да пристигне во Милано и да потпише четиригодишен договор.

Фудбалерот е роден во Швајцарија, но има и македонски пасош, бидејќи неговите родители потекнуваат од Куманово.

Тимот на Манчестер Сити на десетина дена пред почетокот на новата сезона е пред вистинско засилување.

Клубот досега донесе шест играчи, но менаџерот на „граѓаните“ Пеп Гвардиола бара засилување пред се за нападот. Џереми Доку и Фил Фоден немаа сезона за паметење.

Според британските медиуми на метата на Гвардиола е Рафаел Леао. Португалскиот репрезентативец сака да го напушти Сан Сиро, една од причините е тоа што Милан не е дел од Лигата на шампионите, а воедно бара и нов предизвик. Тој дресот на Милан го носи од 2019 година и има одиграно 260 натпревари и постиганато 70 голови.

Се споменува сума од 110 милиони евра за трансферот.

Српскиот репрезентативец Лука Јовиќ потпиша договор со АЕК Атина, објави клубот.

Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.

Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.

Одигра 45 натпревари за српската репрезентација и постигна 11 гола.

29-годишниот Аргентинец сака поголема минутажа на натпреварите, па затоа сака да се пресели во Торино.

Главниот тренер на тимот од Торино, Марко Барони, веќе го убедил играчот да оди во неговиот клуб.

Во сезоната 2024/25, Симеоне одигра 33 натпревари, постигнувајќи два гола и две асистенции.

Претходно, синот на главниот тренер на Атлетико, Диего Симеоне, играше за Џенова, Фиорентина, Каљари и Верона.