Интер Мајами потврди дека Лионел Меси избегнал сериозна повреда.

Напаѓачот на составот од Флорида беше заменет на почетокот од натпреварот од 2. коло од Лига купот со Некакса (2:2, 5:4 на пенали) поради повреда на тетивата.

„Резултатите од прегледот потврдија лесна повреда на мускулите на десната нога. Враќањето во акција ќе зависи од клиничката состојба и ефикасноста на третманот“, се вели во соопштението на клубот.

Шкендија попладнево во Нион го дозна најнапред противникот во плеј-офот од кавлификациите за Лигата на шампионите, а подоцна го дозна и можниот противник за плеј-офот во Лига Европа.

Доколку Шкендија биде елиминирана одКарабах, ќе се пресели во Лига Европа и таму ќе игра со поразениот од двомечот меѓу Лудогорец – Ференцварош.

Натпреварите од оваа фаза се закажани за 21 и 28 август. Првиот натпревар се игра во Скопје, а реваншот на гости.

Интересно, Шкендија во плеј–офот во ЛШ ќе игра со подобриот од тој двомеч, додека во плеј – офот во ЛЕ со поразениот од овој двомеч меѓу бугарскиот и унгарскиот шампион.

Шкендија ќе има две шанси , д ас епласира во групната фаза од Лигата на шампионите и Лига Европа, а доколку не успее, тетовци веќе си осигураа најмалку лигашка фаза во Лига Конференции и наесен ќе одиграат шест меча во ова натпреварување.

39-годишниот напаѓач на италијанска екипа Фиорентина и репрезентацијата на Босна и Херцеговина, Един Џеко, откри кога ќе почне да размислува за завршување на професионалната кариера.

„Кога младите играчи ќе почнат да постигнуваат двојно повеќе голови од мене, тогаш ќе почнам да размислувам за завршување на кариерата“, изјави Џеко за „Газета дело Спорт“.

Минатата сезона, напаѓачот одигра 53 натпревари за Фенербахче, постигнувајќи 21 гол и осум асистенции. Претходно играше за Волфсбург, Манчестер Сити, Рома и Интер.

39-годишниот напаѓач има и 141 натпревар за босанската репрезентација, во кои постигна 68 гола и имаше 29 асистенции.

Давид Луиз го раскина договорот со бразилскиот клуб Форталеза само седум месеци по пристигнувањето. Наскоро по раскинот, Луиз одлучи да ја продолжи кариерата во кипарскиот шампион Пафос. Неговото доаѓање на Кипар предизвика огромен интерес кај јавноста.

Тридесетосумгодишниот Бразилец и Пафос треба да постигнат договор кој ќе трае до 2028 година, додека клубот се подготвува за двомечот во квалификациите за Лигата на шампионите против Динамо Киев.

Овој трансфер е значаен бидејќи претставува враќање на Луиз во европскиот фудбал, првпат по неговото заминување од Арсенал во 2021 и трансферот во Фламенго.

Бразилскиот фудбалер Реиниер Жесус заминува од Реал Мадрид по пет и пол години, без да забележи ниту еден официјален настап за првиот тим.

Тој се приклучи на клубот кога имаше само 18 години, за сума од 30 милиони евра, и се расплака на своето претставување во Реал. Кариерата ќе ја продолжи во родна Бразил каде што ќе го носи дресот на Атлетико Минеиро.

Во „кралскиот“ клуб имаа големи очекувања од неговиот потенцијал, но приказната доби поинаков развој и Жесус заминува од клубот без ниеден настап на Сантијаго Бернабеу.

Нико Вилијамс беше на чекор до трансфер во Барселона ова лето, сите очекуваа зделката да се случи, но тогаш тој го шокираше светот потпишувајќи десетгодишен договор со Атлетик Билбао.

Нико Вилијамс ќе беше директна конкуренција за Рафиња. Бразилскиот фудбалер нема добро мислење за Шпанецот.

„Нико Вилијамс? Тие кои не сакаат да бидат тука подобро што не се тука. Искрено, добро е да имате квалитетни фудбалери кои сакаат да бидат во клубот и да го носат овој дрес“, вели Рафиња.

Поранешниот играч од средниот ред на Арсенал, Томас Парти, го избра својот нов клуб. Играчот од средниот ред ќе ја продолжи кариерата во Ла Лига, каде што ќе го носи дресот на Виљареал, објави Дејвид Орнштајн од „Атлетик“.

Парти е слободен агент откако неговиот договор со „топџиите“ истече и не беше обновен. Фудбалерот од средниот ред, кој има 32 години, ќе потпише двегодишен договор со Виљареал, а учеството на тимот во Лигата на шампионите оваа сезона е клучен фактор за интернационалецот од Гана.

Парти сè уште не ги поминал лекарските прегледи, но се очекува тоа да се случи многу наскоро, по што ќе следува официјалната промоција.

Реал Мадрид во моментов е фокусиран на продажба на играчи, откако веќе потпиша со четири нови играчи за претстојната сезона 2025/26.

Родриго, Ферланд Менди и Давид Алаба се меѓу играчите што клубот е подготвен да ги продаде, но најсериозното име поврзано со можен трансфер е Винисиус Жуниор.

Во последните недели имаше многу шпекулации за ситуацијата со новиот договор на Бразилецот. 24-годишникот има помалку од две години од неговиот тековен договор, но сè уште не е постигнат договор за продолжување на неговиот престој по 2027 година.

Ова отвори голема можност за клубовите во Саудиска Арабија, кои долго време се заинтересирани за Винисиус. Сепак, ова веројатно нема да се случи ова лето.

Причината е што играчот не би размислувал да се пресели во Саудиска Про лига ова лето, бидејќи Светското првенство во 2026 година е силен поттик за многу играчи да останат во Европа, бидејќи ќе им обезбеди поголема шанса да бидат повикани во нивните соодветни национални тимови.

Барселона размислува за продажба на Марк Касадо со цел да прибере средства со кои ќе влезе во правилото 1:1, и да отвори престор за регистрација на Жоан Гарсија и Маркус Рашфорд.

Марк андре тер Штеген одби да замине, купец за Роналд Араухо не се најде па „каталонците“ се подготвени да жртвуваат дете од школата за да го регистрираат Маркус Рашфорд и Жоан Гарсија.

Неколку извори објавија дека на продажба е ставен Марк Касадо, кој минатата сезона сериозно се наметна по укажаната шанса од Ханси Флик.

Но Барса верува дека е добро покриена во средниот ред, па може да си дозволи трансфер на Марк Касадо за да влезе во правилото 1:1.

Се шпекулира дека е поставена цена од 30 милиони евра, а Баерн Минхен и Атлетико Мадрид се посочуваат како клубовите кои пројавуваат интерес.

Останува да се види дали Марк Касадо ќе сака да замине, тој од мали нози е навивач на Барселона и во една изјава рече дека посакува целата своја кариера да ја помине на Камп Ноу.

Менаџментот на американскиот Лига куп (натпреварување во кое учествуваат клубови од САД, Мексико и Канада) му изрече суспензија на телохранителот на Меси, Јасин Чеуко поради напад врз противнички фудбалер на мечот против Атлас во средата.

По завршувањето на мечот се случи дуел меѓу фудбалерите на Интер Мајами и Атлас, во неа се вмеша и телохранителот на Меси кој му се пушти на еден од играчите на Атлас.

„По завршувањето на мечот меѓу Интер Мајами и Атлас на 30 јули, член на делегацијата на американскиот клуб покажа непримерно однесување со тоа што влезе во официјалната зона каде не му дозволен влезот. Поради тоа му е изречена суспензија до крајот на оваа сезона во Лига купот“, објави дисциплинската комисија на ова натпреварување, а медиумите подоцна открија дека станува збор за Чеуко.