Бразилскиот репрезентативец Касемиро сакаова лето да го напушти „Олд Трафорд“.

Манчестер Јунајтед исто така ја разгледува можноста да го продаде Бразилецот и да заработи на негово заминување.

Најсилен интерес за Касемиро покажуваат клубовите од Саудиска Арабија, но ветеранот сепак може да остане во Европа.

Имено, интерес за Касемиро покажува Баерн Минхен кој стапил во контакт со агентот на фудбалерот и наскоро ќе испрати понуда до Манчестер Јунајтед.

Квича Кварацхелија ова лето готово сигурно ќе го напушти Наполи, а трката за неговиот потпис веќе започна.

Грузиецот и оваа сезона го потврди својот  потенцијал, па силен  интерес за него  покажува ПСЖ, кој важи како фаворит за неговиот потпис.

Меѓутоа, сега во трката за неговиот потпис сериозно се приклучи и Ливерпул, кој стапил во контакт со неговиот агент.

Наполи нема лесно да се откаже од својата ѕвезда и сака да го продолжи договорот, но без пласман во Лигата на шампиони тешко дека ќе може да го задржи. Ливерпул наворно е спремен да плати 80 милиони фунти за Грузиецот и сака да ја победи конкуренцијата.

Шпанската Ла Лига како и Премиер лигата претходно, го објави
распоредот за новата сезона, па така е познато дека Столе
Димитриевски ќе дебитира против Барселона.
Сезоната во Ла Лига започнува викендот 17/18 август и во првото
коло ќе има неколку интересни натпревари. Секако ќе биде
интересно да се види и првиот натпревар во Ла Лига за Килијан
Мбапе.
Реал Мадрид сезоната ја отвора против Мајорка. Димитриевски
со Валенсија ќе биде домаќин на Барселона, додека Атлетико
Мадрид ќе игра против Виљареал.
Барселона и Реал Мадрид во првото „Ел Класико“ ќе се соочат во првото коло кон крајот на октомври, додека второто е во месец мај.

Астон Вила не ја искористи опцијата за откуп на Николо Заниоло
и тој на крајот од сезоната се врати во Галатасарај.
Италијанецот не сака да остане во Турција и сака да се врати во
Серија А, а неколку клубови веќе ја започнаа трката за неговиот
потпис.
Изминатите недели се споменуваше за интерес од страна на
Милан и Јувентус, сепак Заниоло е најблиску до Аталанта.
Гасперини го сака во својот тим и Аталанта веќе постигнала
договор со агентот, а се очекува за неговиот потпис да плати околу
20 милиони евра.

Јувентус е заинтересиран за играчот од средниот ред на Манчестер јунајтед, Џејдон Санчо.

Како што пренесе „Corriere Torino“, Јувентус фокусот го префрлил на 24-годишниот Англичанец по неуспехот во преговорите со уште еден играч на Манчестер јунајтед, Мејсон Гринвуд, кој е склон да се пресели во Валенсија.

Втората половина од сезоната 2023/24 Санчо ја мина на позајмица во Борусија Дортмунд. Играчот од средниот ред одигра 21 натпревар за тимот, постигна три гола и исто толку асистенции.

Порталот „Трансфермаркт“ ја проценува вредноста на крилниот напаѓач на 30 милиони евра.

Реал Мадрид е подготвен да го продолжи договорoт со 32-годишниот десен бек Даниел Карвахал, кој завршува летото 2025 година, објави „АС“.

Според изворот, од Реал Мадрид имаат намера да му понудат на Карвахал продолжување на договорот за уште една сезона. Сепак, се нагласува дека во моментов раководството на мадридскиот клуб сака да ја реши ситуацијата со продолжување на договорите на играчот од средниот ред Лука Модриќ и Лукас Васкез.

За 32-годишниот фудбалер интерес пројавуваат и клубови од Саудиска Арабија.

Да потсетиме, минатата сезона Карвахал учествуваше на 42 натпревари на сите турнири, на кои постигна седум гола и пет асистенции. Според информациите објавени на порталот Трансфермаркт, пазарната вредност на фудбалерот е 12 милиони евра.

Осимен иако го продолжи договорот со Наполи сепак најави дека
ова лето ќе ја промени средината.
За него интерес од поодамна покажува ПСЖ, но Нигериецот
преферира трансфер во Премиер лигата.
Наполи е свесен дека нема да може да го задржи и очекува
понуди,но нема да го пушти за помалку од 100 милиони евра.
Арсенал и Челзи се клубовите од Премиер лигата со најсериозен
интерес за Осимен, па останува да видиме дали се спремни да ја
платат цената која ја бара Наполи.

Италијанскиот новинар Тицијално Крудели лансираше вистинска
„бомба“ и изјави дека Сандро Тонали може да се врати во Милан.
Тонали минатото лето за скоро 80 милиони евра беше продаден
во Њукасл, но само два месеци подоцна беше дел од аферата за
нелегално обложување и доби суспензија од 10 месеци.
Тонали ја пропушти готово цела сезона поради суспензија, но не е
среќен во Англија и сака да се врати во Италија.
„Зборував со Ибра и Тонали може да се врати во Милан“, изјави
Крудели. Милан е во потрага по квалитетен играч за врска и
наскоро ќе испрати понуда до Њукасл за Тонали.

Од таборот на Ал Хилал откриваат дека му понудиле неверојатни
1,4 милијарди евра на Лео Меси за преселба во Саудиска
Арабија, но напаѓачот се решил за авантура во САД поради
семејството.
Се верува дека Кристијано Роналдо заработува 200 милиони
евра годишно во Саудиска Арабија, но овој рекорд како од шега
ќе бил соборен доколку Лео Меси го прифател предлогот на Ал
Хилал.
Од таборот на новиот шампион на Саудиска Арабија откриваат
дека на Аргентинецот му понудиле неверојатни 1,4 милијарди
евра, но напаѓачот поради семејството кажал „НЕ“.
„Стапивме во контакт со Меси кога му заврши договорот со ПСЖ.
Му презентиравме понуда тешка 1,4 милијарди евра, но ја одби
бидејќи неговото семејство сакаше да се пресели во САД“ – вели
од таборот на Ал Хилал.
„Изненадување е тоа што тој кажа НЕ на ваква неверојатна
понуда“.
„Но го почитуваме, семејството е поважно од парите“.

Легендарниот германски дефанзивец нема да го продолжи
договорот со Борусија Дортмунд и ќе го напушти клубот како
слободен агент.

Медиумите шпекулираа дека Хумелс може да ја продолжи
кариерата во Италија, каде интерес за него покажуваше Рома и
Милан.
Меѓутоа, 35-годишниот стопер се одлучи кариерата да ја
продолжи во Шпанија и ќе потпише договор со Мајорка.
Хумелс одбил бројни попрофитабилни понуди, бидејќи парите не
му биле приоритет, туку сакал да остане во Европа каде ќе живее
со семејството.

Агентот потврди дека се е договорено, а платата на Хумелс за
една сезона ќе изнесува 3 милиони евра бруто.