Ракометарите на Алкалоид вечерва како домаќини во меч од 9.коло во ракометната Суперлига, успеаја да слават со 37-27 против составот на Прилеп.
Иако се комбинираше со составот, сепак Алкалоид и на овој меч си го искажа својот квалитет па на крајот со резултат 37-27 успеа да освои нови бодови.
Никола Костески кај домашните имаше забележителен настап со 10 погодоци од единаесет обиди.
Кај гостите најефикасен беше Маркоски со 5 погодоци.
Селекторот на машката пионерска репрезентација на Македонија, Никола Матлиески го соопшти списокот на играчи на кои ќе смета за престојниот тунир во Црна Гора.На списокот се 16 ракометари за дуелите со Црна Гора и Косово, ракометари од Југозападниот регион.-Во рамки на меѓународниот регионален турнир У16, на кој Македонија учествува заедно со репрезентациите на Црна Гора и Косово, предвидени се три турнири кои ќе се одржат во секоја од земјите учеснички.
Првиот турнир ќе се одржи во Црна Гора, во рамки на ЕХФ неделата во ноември 2026 година, на кој Македонија ќе настапи со ракометари од Југозападниот регион.
-Вториот турнир е предвиден за јануари 2027 година во Македонија, на кој можност за настап ќе добијат ракометарите од Североисточниот регион, додека третиот турнир ќе се одржи во Косово каде што ќе се настапи со најдобрата пионерска селекција.
-Основната цел на ваквиот начин на селекција е селекторот и стручниот штаб да добијат што поцелосна и пореална слика за потенцијалот и квалитетот на ракометарите од двата региона.
Дополнително, оваа генерација на ракометари (У16) ќе учествува и на Медитеранските игри, кои ќе се одржат во Скопје од 18 до 25 април 2027 година. Овој меѓународен настап претставува уште една значајна можност за стекнување натпреварувачко искуство и понатамошен развој на младите репрезентативци.
-По завршувањето на регионалните турнири, стручниот штаб ќе има можност да направи сеопфатна анализа и проценка на ракометарите, што ќе претставува основа за понатамошното формирање на единствена пионерска репрезентација на Македонија и подготовките за претстојните меѓународни натпреварувања.
Машката сениорска репрезентација ја очекува стартот на квалификациите за ЕХФ ЕУРО 2028. На почетокот на ноември ќе одиграме два натпревари, со Луксембург дома и Грција на гостински терен.
Селекторот на машката сениорска репрезентација, Кирил Лазаров денеска го објави скратениот список на ракометари за собирот за овие два натпревари.
Македонските ракометни репрезентативци собирот ќе го имаат на 01.11.2026 (недела) во 14.30 часот во хотел „Александар Палас”, Скопје.
Охрид забележаа убедлив триумф во осмото коло од македонската Суперлига, откако го совладаа Пелистер 2 со 35-19.
Домашниот тим уште во првото полувреме покажа дека е решен да ги освои бодовите. Охриѓани постигнаа дури 21 гол, додека гостите имаа големи проблеми во нападот и на паузата заминаа со само девет погодоци.
Во продолжението Охрид не го намали темпото, туку продолжи да ја зголемува предноста. Охрид целосно го контролираше натпреварот и на крајот стигна до убедлив триумф од 35-19.
Најефикасни во редовите на победничкиот тим беа Адама Кеита и Никола Зечевиќ со по шест погодоци. Кај Пелистер 2, Кристијан Симоновски исто така постигна шест гола.
Охрид забележаа убедлив триумф во осмото коло од македонската Суперлига, откако го совладаа Пелистер 2 со 35-19.
Домашниот тим уште во првото полувреме покажа дека е решен да ги освои бодовите. Охриѓани постигнаа дури 21 гол, додека гостите имаа големи проблеми во нападот и на паузата заминаа со само девет погодоци.
Во продолжението Охрид не го намали темпото, туку продолжи да ја зголемува предноста. Охрид целосно го контролираше натпреварот и на крајот стигна до убедлив триумф од 35-19.
Најефикасни во редовите на победничкиот тим беа Адама Кеита и Никола Зечевиќ со по шест погодоци. Кај Пелистер 2, Кристијан Симоновски исто така постигна шест гола.
Македонските претставници во Европскиот куп на ЕХФ, ГРК Охрид и Алкалоид ги дознаа своите противници за третото коло од ова натпреварување. Охриѓани како бранител на трофејот во третата рунда ќе се судрат со литвански противник во името на Драгунас Клаипеда. Од друга страна Алкалоид налета на Горење Велење од Словенија.
Првите натпревари од оваа рунда се играат на 21/22 ноември, додека реваншите се на 28/29.
Согласно правилата при извлекувањето, Охрид ќе го игра првиот натпревар во Клаипеда, а реваншот на домашен терен. Алкалоид, пак, беше извлечен прв и прво ќе го дочека словенечкиот ривал во Скопје, па ќе патува за Велење.
Билетите за натпреварот меѓу Македонија и Луксембург, со кој македонската машка ракометна репрезентација ги започнува квалификациите за ЕХФ ЕУРО 2028, се веќе достапни во продажба.
Натпреварот ќе се одигра на 4 ноември (среда), со почеток во 19 часот, во спортскиот центар „Борис Трајковски“ во Скопје.
Навивачите можат да ги набават билетите онлајн преку платформата МкТикетс, на следниот линк: https://mktickets.mk/event/mkd-lux/
Македонските ракометари ќе имаат можност пред домашната публика да го отворат новиот квалификациски циклус, а поддршката од трибините ќе биде дополнителен мотив за успешен старт.
Бутел Скопје одигра уште ден драматичен натпревар против Горца, но за жал не успеа да обезбеди пласман во следната рунда во ЕХФ Европскиот Куп.
Македонскиот тим победи со 25-24 во реванш мечот од второто коло, разлика која не беше доволна за продолжување на европската авантура бидејќи во првиот меч беше поразен со три гола разлика.
Момците на Стојанче Стоилов поведоа со 6-4, имаа и 7-5, но потоа противникот го превзема водството, на одморот резултатот беше 13-14.
Иако се чинеше дека Бутел Скопје тешко ќе стигне до посакуваната негатива од три гола, сепак во тоа успеа, поведе со 23-20 во 53-тата минута, но не успеа да продолжи во ист ритам.
Горица на ова одговори со четири гола, македонскиот тим постигна два и за жал тоа значеше пирова победа од 25-24.
Субашевски со седум гола беше прв стрелец кај Бутел Скопје, зад него со четири гола беше Стаменковиќ.
Еурофарм Пелистер го пречека тимот на Младост и го совлада со 36-21, победата ја најави уште во првите триесет минути, по кои имаше плус десет и во кои гостите постигнаа само шест погодоци. Имаше домаќинот контрола на резултатот во текот на целата средба, а дека пелистерци ќе дојдат до сигурна победа беше јасно уште по првиот дел, кога резултатот гласеше 16-6.
Кузмановски со седум голови беше најефикасен во редовите на победничката екипа, која веќе во следното коло ќе го игра големото дерби со Вардар на гостински терен.РакометСуперлига 2026/27Осмо коло
Во следното деветто коло Еурофарм Пелистер гостува кај Вардар 1961 во Скопје.
Ракометарите на Охрид со убедлива победа над Спорт Тото од 36-24 тргнаа во одбрана на трофејот во ЕХФ Европскиот куп.
Турскиот претставник рамноправен беше само во почетните минути, а избраниците на Ројевиќ од 4-4 во продолжение ја преземаа контролата над мечот. На пауза заминаа со осум голови предност (18-10).
Второто полувртеме гостите го отворија со 4-0, но тука македонскиот суперлигаш одново „додаде гас“ и полека почна да го трасира патот кон сигурна победа.
Најефикасен беше Доминик Мате кој се истакна со девет гола, додека на спротивната страна, Илкај Калесоглу дуелот го заврши со осум гола.
Реваншот кој повторно ќе се игра во Охрид е закажан за утре во истиот термин од 18:30 часот.
Македонскиот суперлигаш Охрид денес ќе ја започне одбраната на титулата во ЕХФ Европскиот куп, а прв противник ќе им биде турскиот тим Спор Тото.
„Гладијаторите“ влегуваат како фаворити во пресметката со Спор Тото, а дополнителна предност треба да им биде домашниот терен, односно публиката во СРЦ „Билјанини Извори“.
Ракометарот на Охрид, Адама Кеита вчера ги најави двете пресметки против турската екипа, при што кажа дека сакаат два триумфи и пласман во следната рунда.
„Мора да одиграме најдобро што можеме в петок и сабота. Возбудени сме за почетокот на ново натпреварување, сакаме да ги одиграме најдобрите натпревари оваа сезона. Очекувам поддршка од навивачите, добра атмосфера и две победи“, кажа Кеита.
Охрид минатата сезона го освои елитното натпреварување на ЕХФ со триумфите во финалето над Татабања (29-28 и 31-25).
Натпреварите меѓу Охрид и Спор Тото се играат во СЦР „Билјанини Извори“ в петок и сабота од 18.30 часот.
