Мануел Штрлек, повторно ќе го облече дресот на Загреб, откако по цели четиринаесет години се врати во клубот каде што ја започна својата кариера.

Легендарното лево крило зад себе има богата кариера, во која настапуваше за европски гиганти како Келце и Веспрем, со кои освои бројни титули, вклучувајќи го и трофејот во Лигата на шампиони во 2016 година.

Во последниот период Штрлек настапуваше за Нексе Нашице, од каде замина на позајмица во Фуксе Берлин, каде стигна до титулата во Бундеслигата и играше финале во Лигата на шампионите.

Неговото искуство во елитното европско натпреварување е импресивно – дури 17 сезони во Лигата на шампионите, со личен рекорд од 75 голови во една сезона, поставен со дресот на Веспрем.

Во репрезентацијата на Хрватска, Штрлек има 160 настапи и речиси 600 голови, а дури трипати беше избран во идеалниот ти

Еурофарм Пелистер ја заврши една од најважните задачи пред стартот на новата сезона, откако обезбеди продолжување на соработката со капитенот Филип Кузмановски.

Македонскиот репрезентативец ќе остане дел од битолскиот состав и во наредната сезона, иако во изминатиот период имаше интерес и понуди од неколку странски клубови. Сепак, Кузмановски донесе одлука да остане во Битола и да продолжи да го предводи тимот како капитен.

Средниот бек неодамна настапуваше како позајмен играч за Кувајт Клуб, со кој учествуваше на Азискиот шампионат, но по завршувањето на обврските се враќа во редовите на „зелено-белите“.

За Кузмановски ова ќе биде трета сезона по враќањето во Битола во 2023 година. Неговата кариера го одведе низ повеќе клубови, откако во 2015 година го напушти матичниот клуб и настапуваше за Металург, Еурофарм Работник, а потоа и во Германија каде ги бранеше боите на Магдебург, Хановер и Вецлар.

Битолчани подготовките за новата сезона ќе ги стартуваат во текот на јули, а тимот ќе го предводи новиот тренер Лино Червар, кој по долго време повторно се враќа на македонската ракометна сцена.

Интернационалната ракометна федерација (ИХФ) денеска ги одреди термините за Светското првенство во машка конкуренција кое во јануари ќе се одржи во Германија.

Македонија е во групата Х заедно со селекциите на Исланд, Бахреин и Јапонија. Натпреварите ги играме во Магдебург, во „ГЕТЕК Арена“.

Македонските ракометари првиот меч ќе го одиграат на 15 јануари против Јапонија од 18 часот.

Два дена подоцна е дуелот со Бахреин кој ќе се игра исто така од 18 часот.

Последниот меч од оваа фаза го играме против Исланд на 19. јануари, тој дуел е со термин од 20:30 часот.

Првите три селекции од групата одат во главната рунда.

Вардар е меѓу 27-те екипи кои аплицираа за учество во машката Лига на шампиони за сезоната 2026/27, потврди Европската ракометна федерација. Од пријавените, 21 екипа доаѓа од држави со фиксно место во натпреварувањето, а рангирањето на федерациите се базира на резултатите од претходните три сезони (2022/23, 2023/24 и 2024/25).

Меѓу земјите со фиксно место се Германија, Шпанија, Франција, Данска, Полска, Унгарија, Романија, Португалија, Хрватска и Норвешка. Шампионите на овие нации имаат автоматско место, додека дополнителни 10 екипи од седум од нив поднеле барања за учество од ЕХФ Европска лига. Секоја федерација може да побара до две дополнителни места, но вкупниот број на екипи по федерација е ограничен на максимум три.

Останатите шест екипи се од земји без фиксно место, меѓу кои е и Вардар. Од сезоната 2026/27, системот на играње се проширува на 24 екипи, поделени во шест групи по четири. Сите барања ќе бидат разгледани од евалуациска група составена од ЕХФ, ЕХФ Маркетинг и претставник на Форум Клуб Хендбол, а конечната одлука ќе ја потврди Извршниот комитет на ЕХФ.

Одлуката за учесниците ќе биде објавена во понеделник, 22 јуни, неколку дена пред ждрепката за групната фаза, која ќе се одржи на 26 јуни во Виена.

Ракометната федерација на Македонија информира дека Европската ракометна федерација (ЕХФ) официјално ја потврди кандидатурата на нашата држава за организација на Европското првенство за мажи до 18 години – EHF EURO 2028.

-Одлуката беше донесена од страна на Извршниот комитет на ЕХФ на состанокот одржан на 13 јуни 2026 година, а со тоа Македонија ја доби довербата да биде домаќин на едно од најзначајните младински ракометни натпреварувања во Европа. Натпреварувањето ќе се одржи во периодот од 2 до 13 август 2028 година, а ќе претставува можност нашата земја уште еднаш да ја потврди својата организациска подготвеност и посветеност кон развојот на ракометот, информираат од РФМ.

Доделувањето на организацијата на ЕХФ ЕУРО 2028 претставува уште едно значајно признание за македонскиот ракомет и потврда за континуираната работа на Ракометната федерација на Македонија во развојот и промоцијата на спортот на меѓународно ниво.

Ракометарите на Барселона се искачија на европскиот трон по тринаесетти пат во историјата, откако го совладаа тимот на Фуксе Берлин со конечни 37-34 (20-16) во финалето на Лигата на шампионите на ЕХФ.

Најдобар поединец кај победничкиот тим беше Луис Фраде со стопроцентен учинок (7/7), а на спротивната страна, осум погодоци постигна Матијас Гидсел.

Франција и Белгија заедно ќе го организираат Европското првенство во ракомет за жени во 2030 година, објави денеска Француската ракометна федерација (FFHandball).

„Откако машкото Европско првенство во 2029 заедно го организираме со Германија, а организацијата на Европското првенство за ракометари во 2032, исто така, им беше доделена на Франција и Германија, Француската федерација ја потврдува својата водечка улога на европската и глобалната ракометна сцена“, се вели во соопштението на FFHandball.

Градовите домаќини сè уште не се објавени и ќе бидат познати подоцна.

Објавата дојде за време на завршниот турнир од Лигата на шампиони за мажи што овој викенд ќе се игра во Келн.

Во германската пресметка од полуфиналето во Лигата на шампионите, Фуксе Берлин со 40-35 го победи Магдебург во првото полуфинале во „Ланксес арената“.

Актуелниот шампион Магдебург денеска беше немоќен против момците од Берлин, па друг тим ќе биде шампион оваа сезона.

Натпреварот беше неизвесен во најголемиот тек, но кога дојде при крајот, Фуксе Берлин заигра подобро, се одлепи и на крајот дојде до победа од пет разлика.

Одличен на теренот беше Матијас Гидсел кој постигна девет гола и покрај бавниот почеток во кој првиот гол го постигна дури по 17 минути игра. Девет гола на спротивната страна постигна Омари Инги Магнусон.

За издвојување е и настапот на екс-голманот на Вардар, Дејан Милосављев кој собра седум интервенции, но неколку од нив беа во клучните моменти, а средбата ја заврши и со еден постигнат гол.

Во финалето Фуксе ќе игра против подобриот од вториот полуфинале дуел од 20:30 часот во кој играат Барселона и Алборг.

Еден од најдоминантните ракометари на денешницата, Матијас Гидсел, кој веќе неколку сезони наназад важи за најдобар играч во светот, продолжува да ги поместува границите и на теренот и надвор од него.

Според информациите, станува збор за највредниот спонзорски договор во историјата на ракометот, кој во основа ќе надмине сума од три милиони евра.

Иако деталите не се целосно објавени, се знае дека покрај фиксните годишни исплати, Гидсел ќе има и процент од продажбата на патиките од неговата специјална линија, која „Пума“ ќе ја претстави во наредните месеци.

Македонската ракометна репрезентативка, Ива Младеновска стави потпис на договор со екипата на Борусија Дортмунд.

Борусија Дортмунд денеска објави дека нашата Ива Младеновска го засилува нивниот тим.

Македонската ракометарка во Дортмунд оди од Франција каде настапуваше за Безансон.

„Со Ива Младеновска го засиливме нашиот тим со млада, амбициозна ракометарка која веќе има интернационално искуство. Среќени сме што таа одбра да дојде кај нас и уверени сме дека ќе биде добро засилување за нашиот тим“, велат од германскиот тим.

Борусија Дортмунд на второто место ја заврши сезоната во женската Бундеслига и аплицираше за вајлд карта за Лигата на шампионите.