Машката сениорска репрезентација на Македонија ги доби противниците за, првата фаза на Светското првенство, што ќе се одржи 2027-ма во Германија.

Денешната ждрепка во Минхен, ја смести Македонија во Х групата, чии натпревари ќе се играат во Магдебург. Таму за противници нашите ракометари ќе ги имаат селекциите на, Исланд, Бхреин и Јапонија .Само последно пласираните репрезентации од секоја од осумте групи нема да обезбеди пласман во главната фаза.

Еве го распоредот на натпревари во групата:

15 јануари 2027
Македонија – Јапонија
Исланд – Бахреин

17 јануари 2027
Јапонија – Исланд
Македонија – Бахреин

19 јануари 2027
Исланд – Македонија
Бахреин – Јапонија

Доколку Македонија обезбеди место во главната фаза, тогаш ќе вкрсти со репрезентациите од групата Г, каде што се наоѓаат Данска, Словенија, САД и Ангола.

Македонската ракометна репрезентација ќе биде учесник на Светското првенство 2027 година кое ќе се одржи во Германија од 13 до 31 јануари идната година. Во осум групи поделени се вкупно 32 репрезентации, а првите три селекции ќе обезбедат место во главната рунда.

Македонскиот селектор, Кирил Лазаров и неговите избраници добија познати противници во групната фаза – Исланд, Бахреин и Јапонија.

Град домаќин на групата Х е Магдебург.

Група А: Германија, Србија, Тунис, Уругвај (Минхен)
Група Б: Италија, Египет, Б.С.К. С.Арадбија (Штутгарт)
Група Ц: Хрватска, Шпанија, Чиле, Турција (Минхен)
Група Д: Франција, Аргентина, Бразил, Кувајт (Штутгарт)
Група Е: Шведска, Норвешка, Грција, Катар (Кил)
Група Ф: Португалија, Штутгарт, Полска, Алжир (Магдебург)
Група Г: Данска, Словенија, САД, Ангола (Кил)
Група Х: Исланд, Македонија, Бахреин, Јапонија (Магдебург)

За Македонија ова ќе биде десети Мундијал во историјата, осми во низа.

Во конкуренција со Унгарија, Австрија и Швајцарија, Меѓународната ракометна федерација (ИХФ) одлучи спротивно на сите логики и правила, според критериуми што никому не му се јасни, да им додели посебни покани за настап наСветското првенство во Германија следната година на Турција и Саудиска Арабија.

Ракометот во овие земји ниту се шири, ниту има тенденција да расте, но сепак челниците на ИХФ, на состанокот во Базел, предводен од „доживотниот“ претседател на ИХФ, Хасан Мустафа, човек кој влезе во деветтата деценија од животот, ја донесе оваа контроверзна одлука.

Особено е изненадувачки што ја нема Унгарија, репрезентација која на последните две Светски првенства играше во четвртфиналето. Унгарија во баражот беше елиминирана од Србија.

Ждрепката за Светското првенство ќе се одржи утре во Минхен, а репрезентацијата на Македонија противниците ќе ги чека од вториот шешир.

Првенството се игра стандардно во јануари следната година, а Данска ја брани титулата како четирикратен последователен светски шампион.

Првенството во Германија е и квалификациско за Олимписките игри во Лос Анџелес. Македонија треба да забележи пласман до деветтото место во Германија за да се избори место во квалификациите за најголемото спортско натпреварување во светот.

Градот Охрид и оваа лето ќе биде во знакот на ракометот, откако од 18 до 22 август ќе се одржи јубилејното петто издание на Меѓународниот ракометен турнир „Крсте Андоновски“ – Охрид 2026.

На турнирот ќе учествуваат осум екипи поделени во две групи, а љубителите на ракометот ќе имаат можност да проследат врвни натпревари и дуели меѓу етаблирани европски и регионални клубови.

Група А: Охрид, Загреб Замалек и Војводина.

Група Б: Вардар 1961, Нексе, Олимпијакос и Тримо Требње

Бранител на титулата ќе биде домашниот состав на Охрид.

Македонскиот голман Мартин Томовски доби големо признание и се најде во тимот на сезоната во втората ракометна Бундес лига.

Томовски блескаше на голот на Битигхајм и беше еден од клучните играчи во освојувањето на второто место на табелата кое донесе и враќање во најдобрата ракометна лига во светот, Бундеслигата.

Репрезентативецот оваа сезона бранеше на 31 натпревар во 2. Бундеслига, а забележа вкупно 273 одбрани, со ефикасност од 31% на одбранети шутеви на ривалите.

Ракометарките на Мец одиграа феноменално на завршниот турнир од Лигата на шампионите. Во полуфиналето победија против Букурешт со 32-27, а во финалето го симнаа од тронот тимот од Ѓер 31-29 (18-17).

Мец стигна до првата титула во историјата кога станува збор за Лигата на шампионите, а Ѓер не успеа да стигне до третата титула по ред, не успеа да го зголеми бројот на трофеи од седум на осум. Во борбата за третото место, тимот од Букурешт го победи Брест со 32-26.

Сара Букит постигна 12, Тика Акснер, Луси Грание, Лена Грандво и Ана Албек по три гола за новите европски шампионки.

Кај Ѓер, Алмеида де Паула постигна седум гола, Тјаша Станко и Диони Хушер по пет, Натали Хагман четири гола.

Регионалната ракометна лига во машка конкуренција својот старт ќе го има на 23 август и ќе трае се до февруари, а потоа ќе биде одигран и завршниот турнир на најдобрите четири екипи.

Во првата сезона од новото натпреварување ќе учествуваат 10 екипи, по четири од Македонија и Србија, како и две од Црна Гора.

Веќе е познато дека екипите ќе бидат поделени во две групи од по пет екипи, а секоја од нив ќе одигра по осум меча.

Во групата „А“ се екипите на Вардар, Охрид, Војводина, Динамо Панчево и Будва. Во групата „Б“ ќе разигруваат Еурофарм Пелистер, Алкалоид, Партизан, Дубочица и Ловќен. Најдобрите две екипи од двете групи ќе обезбедат пласман на завршниот турнир.

Она што е интересно, натпреварите на екипите кои се од иста земја ќе се сметаат и за домашното првенство и за Регионалната лига

Натпреварите на екипите кои се од иста земја ќе се сметаат и за домашното првенство и за Регионалната лига.

Ракометниот тренер Симе Симовски од наредната сезона ќе го преземе кормилото на ЖРК Спартак.

Искусниот тренер, зад себе има богата кариера во македонскиот женски ракомет. Тој ќе биде нов предводник на тимот со цел остварување на високи амбиции во домашните натпреварувања.

Во својата тренерска кариера Симовски има работено во повеќе клубови, а најголемите успеси ги оствари со ЖРК Ѓорче Петров, со кој освои повеќе шампионски титули и куп-трофеи.

Тој беше и селектор на женската сениорска репрезентација на Македонија, со што дополнително го потврди својот квалитет и искуство на највисоко ниво.

Европската ракометна федерација (ЕХФ) објави вечерва дека ќе ги истражи наводите за расистички навреди од публиката на реваншот од финалето на Европскиот куп меѓу Охрид и Татабања.

Инцидентот, наводно, го иницирале навивачи на Охрид, упатувајќи расистички навреди кон ракометарот на Татабања, Баптист Деметрин.

„ЕХФ нагласува дека нема место за расизам во европскиот ракомет и како организација ги осудуваме сите форми на расизам, дискриминација и нетолеранција. Секое такво однесување против ракометар, официјално лице и гледач нема да се толерира. Последователно, Европската ракометна федерација одлучи да поведе истрага за наводите за да утврди дали треба да се поведат законски постапки“, се наведува во соопштението.

Охрид во неделата пред своите гледачи го совлада унгарскиот тим со 31-25 и со две победи во финалната пресметка го освои трофејот во ЕХФ Европскиот куп, прв во клупската историја.

Капитенот на македонската машка ракометна селекција Филип Кузмановски летово ќе има кратка авантура во Кувајт, каде што ќе настапи на претстојниот Азиски шампионат.

Кузмановски ќе ги брани боите на Кувајт Клуб и ќе биде четвртото странско засилување. Претходно, договор со клубот постигнаа Катарецот Франкис Марзо, Црногорецот Владан Липовина и португалскиот ас Виктор Итуриза.

Кувајт Клуб на претстојниот турнир ќе биде сместен во групата Б, заедно со Ал-Араби од Катар каде што тренер е Данило Брестовац, Ал-Најма од Бахреин, Ал-Калејџ од Саудиска Арабија.

Во првото коло Кузмановски и Кувајт Клуб ќе се судрат со Ал-Араби. Натпреварувањетo, кое што е налик на Лигата на шампиони, ќе се игра од 6 до 15 јуни во Кувајт.