Романскиот ракометен состав, Баја Маре, ќе му биде противник на нашиот Алкалоид во новата елиминациска рунда во ЕХФ Европскиот куп.

Избраниците на Кире Лазаров првиот меч треба да го одиграат на теренот на противникот додека реваншот ќе биде во Скопје.

Баја Маре претходно ги елиминираше косовскиот Раховеци и финскиот БК-46. Алкалоид пак успеа да ги прескокне претставниците на Австрија и Италија.

Ракометарите на Еурофарм Пелистер издвојуваа голема победа над Алкалоид (33-20) во дерби натпреварот од 19. коло во Суперлигата. Бранителот на трофејот беше супер-мотивиран, расположен за игра и му одржа лекција на ривалот од Автокоманда од кого го загуби првиот меч во шампионатот. Меѓутоа вечерва воден од верната битолска публика, Еурофарм Пелистер беше нерешлива енегма за избраниците на Кире Лазаров и дојде до триумфот кој го посакуваше, триумф со кој го презема првото место на табелата.

Четата на Алонсо знаеше што сака на ова соочување од почетокот до самиот крај, имаше контрола на резултатот, играта, па така по првото полувреме имаа плус пет (16-11), предност која продолжи да расте во вторите 30 минути за конечни на тринаесет разлика.

Најефикасен во победничкиот табор беше Кузмановски со единаесет погодоци, а осум гола додаде Богдан Радивојевиќ. Кај поразените се истакна Серафимов со осум реализации.

Во следното коло Еурофарм Пелистер ќе гостува во Радовиш, а претходно игра европски дуел во Берлин.

Влезниците за дерби ракометниот натпревар меѓу лидерот на табелата Алкалоид и Еурофарм Пелистер кој утревечер ќе се одригра во Битола, се распродадени.

Од РК Еурофарм Пелистер информираат дека спортската сала „Боро Чурлевски“ ќе биде исполнета целосно и се очекува голем спортски ракометен спектакл.

Дуелот меѓу актуелниот македонски шампион Еурофарм Пелистер и актуелниот лидер на табелата Алкалоид е закажан за утре во 18 часот, а Ракометната федерација на Македонија ги делегира најдобрите ракометни судии во Европа и светот, Ѓорги Начевски и Славе Николов.

Ракометарите на Алкалоид обезбедија место меѓу осумте најдобри во Европскиот куп на ЕХФ, со новата победа над италијанскиот тим Бриксен (38-31) на реваншот кој се одигра во салата „Автокоманда“ во Скопје.

Алкалоид во првиот дуел на гостински терен го совлада ривалот со високи 12 гола разлика, па на вториот меч во Скопје тренерот Лазаров можеше да си дозволи ротации и да испробува повеќе варијанти. Сепак, победата не беше доведена под знак прашање, па Алкалоид со шест победи на шест меча во еврокупот се пласира меѓу осумте најдобри.

Најдобар стрелец во македонската екипа беше Александар Петковски со осум гола, пред Марко Митев со седум гола, додека кај Бриксен, Де Оливеира Кандидо имаше 12 постигнати гола. Кој ќе биде противник на Алкалоид во четвртфиналето ќе дознаеме на ждрепката која ќе се одржи на 25 февруари.

Ракометната женска репрезентација на Македонија ќе одигра два пријателски натпревари во рамките на ЕХФ неделата против селекцијата на Србија.

За таа цел селекторот Кристијан Грчевски го објави списокот на ракометарки за овие два меча. На него има седум ракометарки од домашното првенство и 13 кои играат во странство.

Собирот на репрезентацијата е закажан за трети март во СЦ „Јане Сандански“. Македонија потоа ќе отпатува во Србија, а двата натпревари на седми и осми март ќе се одиграат во Бор.

Еурофарм Пелистер го совлада Динамо Букурешт со 25-24 и остана во трка за осминафинале на Лигата на шампионите.

По натпреварот тренерот на домашните Раул Алонсо тој им честита на играчите, а потенцира дека секој играч во колективот е важен за овој успех. Воедно, истакна дека е задоволен од борбата и на начинот на кој се победило.

„Прво, сакам да им честитам на играчите за фанастичниот меч. Игравме против доста добар тим кој исто така проба се за да го добие овој меч. Ми се допадна како победивме и како тоа го направивме за да славиме во оваа голема борба.

Знаевме дека мечот ќе биде многу тежок, но останавме заедно обединети до крајот, баравме решенија кога нештата не одеа баш најдобро, имавме шанси и да избегаме на повисока предност, па мислам дека заслужено ги освоивме бодовите. Во првото полувреме тргнавме добро, а потоа Динамо покажа квалитет и се врати во мечот по нашите промашувања, но во вториот дел покажавме карактер. Убаво е да се види како ја креираме таа сила на тимот во кој секој играч е важен – играчи кои играат шеесет минути, играчи кои играат едно полувреме, десет минути или не играат. Можеби имавме и малку среќа на крајот, ама победивме. Јас сум многу среќен затоа што успеавме да победиме пред нашата публика“, изјави Раул Алонсо.

Еурофарм Пелистер ја забележа третата победа сезонава во Лигата на шампионите. Битолчани предводени од брилијантниот Никола Митревски, го победија Динамо Букурешт со 25-24 (12-13). Шампионот на Македонија во пресрет на последните две кола, ги задржа шансите за пласман во нокаут фазата. Македонскиот првак има осум бода колку што по победата над Фуксе Берлин има и Висла Плоцк.

Поради лошата реализиција на седмерците (2/6), Пелистер стравуваше за победата до последните пет секунди. Победата на „зелените“ им аја овозможи најдобриот поединец на натпреварот, голманот Никола Митревски кој забележа 16 одбрани, вклучувајќи и клучната на пет секунди до крајот кога му фати „жива топка“ на Али Зеин.

Најефикасни во редовите на Пелистер беа Тајник со шест, односно Кузмановски и Радовијевиќ со по пет гола. Никола Митревски собра шеснаесет одбрани. Во претпоследното коло, на 27.февруари, Пелистер ќе му гостува на Фуксе Берлин.

Селекторот на женската сениорска ракометна репрезентација на Македонија, Кристијан Грчевски го објави списокот на повикани ракометарки за подготовки за време на ЕХФ националната недела во март 2025 година.

Во рамки на ЕХФ неделата од 3 до 9 март женската сениорска селекција ќе оддигра две пријателски средби против селекцијата на Србија. Натпреварите ќе се оддиграат во Бор, Србија на 7 и 8 март.

Собирот на женската национална селекција е на 3 март во понеделник во малата спортска сала при Спортски Центар Јане Сандански во Скопје.

Македонскиот претставник Алкалоид во сабота на домашен терен, во салата „Автокоманда“ ќе го пречека Бриксен во реванш осминафиналниот натпревар од ЕХФ Европскиот куп. По тој повод денеска на прес-конференција, Алкалоид го најави реваншот за пат во четвртфиналето.

„Неочекувано извојувавме висока победа над еден ривал од Италија, земја во која ракометот на репрезентативно и клупско ниво е во подем. Се одлепивме во последните неколку минути и стигнавме до убедлива победа. Момците одиграа одлично и сега сакам и очекувам да победиме и во реваншот. Добро сме подготвени, ривалот е квалитетен, но ние сме подобри и тоа треба да го потврдиме на теренот“, изјави тренерот на Алкалоид, Кирил Лазаров.

Мартин Велковски исто така очекува нов триумф со поддршка од фановите.

„Ривалот е добар, игра ракомет во висок ритам, но ние сме поквалитетни. Очекувам да имаме поддршка и од нашите навивачи и на крајот да се радуваме на нова победа“, истакна Мартин Велковски.

Машката ракометна репрезентација на Македонија предводена од селекторот Кире Лазаров и од претседателот на Ракометната Федерација на Македонија, Живко Мукаетов, беше примена во Амбасадата на САД.

Амбасадорката Ангела Агелер, која им дава поддршка на ракометарите од трибините а беше и со претседателот Мукаетов на натпревар од СП во Вараждин, одлучи да ја покани целокупната репрезентација на мала свеченост.

РФМ упати голема благодарност за приемот и подршката од Амбасадата на Соединетите Американски Држави.