Регионална соработка за развој на ракометотНа иницијатива на ЕХФ и потпретседателот Предраг Бошковиќ, и со домаќинство на ХРС, во Загреб се одржа работен состанок посветен на унапредување на регионалната соработка и системите на натпреварување.

На состанокот на коj беше присутен и претседателот на Ракометната федерациja на Македониja, Aлександар Стефанов, беа разгледани повеќе важни теми:

• формирање регионални машки и женски лиги за клубов

• можност за старт на женска регионална лига од септември 2026

• машка регионална лига од следната година или обновување на СЕХА лигата

• предлог до ЕХФ за нов систем на натпреварување во Лигата на шампиони

• иницијатива првите две кола од ЕХФ Купот да бидат регионални –
• формирање регионална кадетска лига за репрезентацииОвие иницијативи имаат за цел поголем развој, конкурентност и напредок на ракометот во регионот.

Ракометарите на Еурофарм Пелистер 2 го совладаа тимот на Струга со огромни 39-23 (17-11) во последното коло од регуларниот дел во Суперлигата. Сепак, нема да играат во плеј-офот, бидејќи Тиквеш загуби на гостувањето кај Бутел Скопје.

Домашниот тим уште во првото полувреме покажа дека е исклучително расположен за игра и создаде предност од шест гола (17-11), а во второто полувреме стави во уште посилна брзина и комплетно го дотолчи ривалот од Струга. Доминантен беше пивотменот Марковски, а одличен прв дел запиша и бекот Митревски и голманот Јовановски.

Имаа битолчани огромни +13 во 54. минута од мечот, а на крајот славеа со конечни 39-23. Најдобар поединец во победничкиот тим беше Петар Марковски со дури тринаесет голови, а во таборот на стружани се истакна Наум Костов со девет погодоци.

Доколку успее да се пласира во плеј-офот, Еурофарм Пелистер ќе биде последниот, шест патник во разигрувањето за шампионската титула. Во спротивно екипата на Александар Зарков ќе биде најдобропласиран тим од плеј-аут лигата.

Распоредот за плеј-аутот ќе биде познат следната недела.

Најдобриот ракометен клуб во светот во моментов, германски Магдебург, официјално го објави доаѓањето на хрватскиот голман Доминик Кузмановиќ.

Голманот на Гумерсбах ќе го носи дресот на клубот од „ГЕТЕК Арената“ од лето, а договорот е на пет години.

Тој во Масгдебург ќе дели минутажа на голот со неговиот соиграч од репрезентацијата на Хрватска, Матеј Мандиќ.

Хрватските голмани ќе стават голем товар на својот грб да ја замени двојката Ернандез и Портнер, кои му донесоа неколку трофеи на клубот на тренерот Бенет Вигерт во последните четири сезони.

Лидерот во ракометната Суперлига, Вардар ја потврди соработката со репрезентативецот на Србија десното крило Вукашин Воркапиќ. Тој „црвено-црниот“ дрес ќе го носи до крајот на сезоната 2027/28.

Станува збор за искусен играч кој има 28 години и настапи за Металопластика, францускиот тим Иври, а во Вардар прави трансфер од Војводина каде настапуваше во домашната лига и куп, како и во дуелите од ЕХФ Лига Европа.

Како репрезентативец на Србија има настапи и на светски првенства, а беше дел и од составот на селекторот Раул Гонзалез и на ЕП во Данска.

Алкалоид објави дека ја продолжиле соработката со својот среден бек Игор Ѓорѓиев.

Средниот бек кој има 25 години ги брани боите на клубот од Автокоманда од 2021 година и реши да остане во таботот на клубот со кој успеа да освои неколку трофеи.

Од клубот со кратко соопштение ја објавија оваа информација:

„РК Алкалоид останува доследен и ја продолжува својата клупска стратегија да гради тим за иднината со македонски играчи. Со задоволство ја информираме јавноста дека продолжен е договорот со нашиот капитен, средниот бек Игор Ѓорѓиев (25), кој реши да остане лојален на нашиот клуб. Ракометарот кој е и актуелен репрезентативец на Македонија“ се вели во објавата на клубот.

Оваа информација доага само еден ден пред одигрувањето на дерби средбата со Вардар која Алкалоид ја игра на домашен терен утре (сабота) од 19.30 часот.

Првакот Еурофарм Пелистер без проблеми го совлада тимот на Куманово (19-43) во натпревар од машката ракометна Супер лига и ги прокнижи очекуваните бодови во финишот на регуларниот дел од сезоната.

Битолчани го играа овој дуел нецели дваесет и четири часа по дуелот со Висла во Лигата на шампионите, но фактот што средбата се играше на домашен терен и разликата во квалитет придонесоа за рутински шеесет минути во салата „Боро Чурлевски“.

Комбинираниот состав на Еурофарм Пелистер уште на полувреме водеше со 22-10, тренерот Алушовски можеше да комбинира и експериментира, а на крајот екипата постигна убедлива победа.

Радивојевиќ го предводеше победничкиот тим со 14 голови, додека Павле Атанасијевиќ беше зад него со осум погодоци

Следниот викенд стартува плеј-офот, а во него Еурофарм Пелистер ќе влезе од втората позиција.

Македонскиот првак Е. Пелистер синоќа на домашен терен загуби од Висла Плоцк во 11. коло од Лигата на шампионите. По натпреварот искусниот голман на „зелено-белите“, Никола Митревски даде своја оценка за дуелот.

„Конфузен натпревар, со многу грешки. Двапати се враќавме во натпреварот од негатива од пет гола, но во тие моменти не успеавме да израмниме. Особено имавме шанса во 45 минута, бидејќи во тој случај во финишот ќе влезевме во егал, но во тие моменти направиме грешки во нападот и промашивме зицери. Сè уште треба да работиме доста, ни претстојат уште три натпревари во Лигата на шампионите и плеј-офот во Суперлигата. Нè чека многу работа и многу натпревари до крајот на сезоната“, изјави Митревски.

Еурофарм Пелистер го претрпе деветтиот пораз на единаесеттиот натпревар во Лигата на шампионите, овојпат од екипата на Висла Плоцк која вечерва славеше со 25-28.

Македонскиот првак почна лошо и првиот гол го постигна по шест миниути игра кога бркаше негатива од 0-3, па во таква насока продолжи и останатиот дел од првото полувреме, кое Пелистер го заврши со негатива од 9-13..

Гостинскиот тим си создаде солидна предност и истата продолжи да ја гради со 15-20, а тогаш следеше најдобрата серија на домашниот тим. Еурофарм Пелистер успеа да се приближи на само минус еден со серија од 4-0, но кога требаше да направи завршен исчекор кон пресврт, едноставно снема сила и енергија во домашниот табор. Висла Плоцк одново се дистанцираше и стигна до комотна предност, па на крајот заслужено славеше со 25-28 за прва победа во Битола.

Најпрецизни кај победничкиот тим беа Митја Јанц со седум и Герго Фазекаш со шест гола, додека по четири погодоци за Еурофарм Пелистер постигнаа Тајник, Петар Атанасијевиќ и Пешевски. За полскиот тим ова е седма победа во Лигата на шампиони, додека Еурофарм Пелистер остана на две на три кола пред крајот.

Во следното 12. коло Еурофарм Пелистер гостува кај првакот на Данска – ГОГ Гудме.

Словенечкиот репрезентативец и ракометар на Еурофарм Пелистер, Домен Тајник од следната сезона ќе го носи дресот на Слован Љубљана, откако потпиша тригодишен договор со клубот предводен од Урош Зорман.

Тајник реши да си замине од Еурофарм Пелистер по три сезони поминати во Битола, период во кој двапати ја освои титулата во македонското првенство и беше едно од клучните играчи на шампионот. Неговиот договор истекува на крајот од сезоната, а ракометарот реши да прифати нов предизвик и да се врати во својата земја.

Домен тајник можеше истото да го направи и минатата година кога имаше можност да потпише за Слован, но тогаш реши да остане во Пелистер, со кој сезонава повторно настапува во домашниот шампионат и во Лигата на шампионите.

Еурофарм Пелистер се подготвува за дуелот против Висла Плоцк, кој е во рамките на Лигата на шампиони. Македонскиот првак игра на домашен терен, а билетите за овој натпревар веќе одамна се пуштени во продажба.

Мечот со полскиот тим ќе биде прв во Лигата на шампионите за Стевче Алушовски во кам-бекот на клупата на битолчани. Свесен е за квалитетот на противникот, но најави максимална борба потенцирајќи дека Пелистер е секогашн конкурентен и против најсилните кога игра пред своите навивачи.

Стевче Алушовски
(тренер на Еурофарм Пелистер)
Чест и задоволство ми е што пак сум тренер на матичниот клуб Пелистер. Кога овој клуб ве повикува, нема размислување, веднаш го прифаќате предизвикот, а тоа значи домашно првенство и Лига на шампиони. Првиот меч против Висла ќе биде исклучително тежок. Ова е екипа која играше извонредно и е третопласирана во групата. Игра цврст ракомет, со добра одбрана и одлична транзиција. Моите очекувања се со техничка дисциплина и тимски дух, сплотеност и заедништво да извојуваме позитивен резултат. Ги знаеме добрите и лошите страни на Висла. Се надевам на извонредна атмосфера, па со помош на нашите навивачи да дојдеме до успех. Мислам дека во периодот зад нас имавме мали кадровски проблеми. Пред се мислам на репрезентативците кои долго беа отсутни. По нивното враќање имавме мали проблеми со повреди. Павле Атанасијевиќ беше повреден, а Словенците доцнеа повеќе од другите. Имавме доволно време за подготовка, оваа екипа тренирала заедно шест месеци пред моето доаѓање. Не изменивме многу, туку само додадовме некои елементи за да се подобриме, пред се за натпреварот со Висла. Низ една позитивна и добра работна атмосфера сакаме да се покажеме во добро светло прво против полскиот ривал, а потоа и во домашното првенство. Сакам да ги повикам навивачите да дојдат да не бодрат, а нашиот тим ќе возврати со добра и пожртвувана игра.

Дејан Манасков
(ракометар на Еурофарм Пелистер)
После подолго време се враќаме во Лигата на шампионите. Пред нас е еден многу тежок натпревар, во специфичен момент за екипата. Имаме нов тренер, но се трудиме да бидеме максимално подготвени за предизвикот. Работиме на усовршување на деталите за кои сметаме дека можат да го одлучат натпреварот и се надеваме дека можеме да победиме пред нашите навивачи. Висла игра многу агресивно во одбраната, нивните халфови излегуваат многу високо, затоа ќе мораме да имаме брз проток на топката и солиден напад во простор без топка. Ако дозволиме да прават многу фаули и прекини на играта, мислам дека ќе биде доста тешко за нас. Мораме да имаме одлична дефанзива и да знаеме што сакаме во нападот.

Правдата на средбата во „Боро Чурлевски“ ќе ја делат Томас Барисас и Повилас Петрусис. Натпреварот меѓу Еурофарм Пелистер и Висла Плоцк се игра на 19 февруари со почеток од 20:45 часот.