Светската атлетика (СА) размислува да воведе нов формат за мерење во дисциплината скок во далечина. Во иднина скокот би се мерел од т.н.„зона за полетување“, односно од местото каде што е предното стапало на спортистот при отскокот, па до местото каде што ќе слета во песочната јама. Традиционалната дрвена табла би заминала во историјата.

„Тоа значи дека секој скок ќе биде важечки со што ќе се зголемат возбудувањата и драматичноста на натпреварите, изјави извршниот директор на СА, Џон Риџон.

Целта на промените на скокот во далечина е да се намали и бројката на неважечки скокови. Риџон рече дека една третина од сите скокови на Светското првенство (СП) 2023 година во Будимпешта не се мереле бидејќи спортистите направиле престап.

Не е лесно да направите промени во спортот кој во основа бил измислен пред 150 години. Годинава ќе направиме тестови во реални околности со многу добри спортисти и доколку не мине добро тестирањето, нема да ги воведеме промените.

Во истовреме се обидуваме да најдеме и начини побрзо да ги добиваме резултатите и да не мора да чекаме 20 или 30 секунди пред да се појават“, додава Риџон.

Победникот на последното издание на трката за издржливост „24 часа Ле Ман“, Ферари, ги претстави боите со кои прототипите 499P ќе се тркаат во Светскиот шампионат во издржливост (ВЕЦ) следната сезона.

Презентацијата беше на 126-тиот роденден на основачот на компанијата – Енцо Ферари.

Скудерија се врати минатата година со два прототипа во класата „хајперкар“, победувајќи на Ле Ман со бр.51, пилотиран од Алесандро Пјер Гуиди, Џејмс Каладо и Антонио Џовинаци. Ферари оваа година повторно ќе влезе на ВЕЦ со истите екипажи, а Антонио Фуоко, Мигел Молина и Никлас Нилсен ќе се натпреваруваат со бр.50.

При откривањето на шемата на бои на 499P за сезоната 2024, Ферари објасни дека ги комбинира боите на 312 RV – последниот ВЕЦ прототип на Скудерија пред 499P – и Ф1 болидот од 2007 година што ја освои последната светска титула на Кими Раиконен меѓу пилотите во светскиот шампионат.

За оваа сезона е зголемено присуството на жолта во шемата на бои, со што се нагласени „трупот и кокпитот“, велат од тимот, а благодарение на новата шема на бои, прототипите подобро ќе се гледаат при слаба осветленост.

ВЕЦ сезоната започнува на 2 март со трката во Катар на 1.812 километри и „24 часа Ле Ман“ на 15-16 јуни.

Македонскиот маратонец Дарио Ивановски денеска уште еднаш испиша историја во македонската атлетика!

На денешниот маратон во Севиља (Шпанија) на кој на стартната линија се појавија преку 250 елитни маратонци од целиот свет, со цел да исполнат норма или што подобар резултат за учество на Олимписките Игри во Париз и Европското првенство во атлетика во Рим, меѓу нив беше и најдобар наш маратонец кој оствари извонреден резултат од 2:08:25, што беше на само 15 секунди до обезбедување олимписката норма за ЛОИ во Париз.

Овој резултат претставува нов македонски рекорд и исполнета норма за учество на Европско првенство во атлетика во Рим. Со овој резултат Дарио ќе скокне на ранг листата за учество на Олимписките Игри во Париз, со што би требало да значи и обезбедено место за олимпискиот маратон во Париз.

Хрватска по третпат во својата историја е светски шампион во ватерполо.

Хрватска во финалето ја победи Италија со 15-13 по мечот пет репрезентативци и со тоа го освои светското злато. Најефикасен во хрватскиот тим беше Константин Харков со четири гола, Јерко Мариниќ Крагиќ додаде три, Рино Буриќ два, а Јосип Врлиќ и Матиас Биљака по еден.

Андреа Фондели постигна пет гола за Италија, Франческо Ди Фулвио и Николас Прешути додадоа по два, а Лука Марцијали и Франческо Кондеми по еден.

За Хрватска ова е трета титула светски шампион, по Мелбурн во 2007 година и Будимпешта во 2017 година. 

На ден 11.02.2024 година во Спортската сала Јане Сандански во Скопје, се одржа Државно Првенство во Кик бокс, на кое учествуваа 417 натпреварувачи од 27 клубови од Македонија.

На ова натпреварување Кикбоксерите од битолскиот Кик-бокс Клуб “Самурај“ освоија 10 медали од кои 5 златни и 5 сребрени:

Леа Бошевска – златен медал ( кик лајт -50 кг. сениор)

Сара Стојаноска – златен медал (кик лајт -55 кг. постар кадет)

Дарија Петкоска -златен медал (кик лајт -47 кг. помлад кадет)

Артан Диша – златен медал  (кик лајт +94 кг. јуниор)

Божица Тодоровска – златен медал (кик лајт +65 кг.  постар кадет)

Давид Сиваков -сребрен медал  (кик лајт -79 кг. јуниор)

Марио Темелковски – сребрен медал (кик лајт -84 кг. јуниор)

Дамјана Пеовска – сребрен медал (кик лајт -70 кг. јуниор)

Ива Цветаноска – сребрен медал (кик лајт -28 кг. помлад кадет)

Тамара Божиновска – сребрен медал (кик лајт -50 кг. постар кадет)

На ова натпреварување од Самурај исто така настапија  Филип Стојковски и Енес Баталоски, кои имаа одлични настапи, па во следни натпревари очекуваме и од нив да освојат медали.

Тренерите на Самурај Тони Бошевски и Гордана Цветковска Бошевска се презадоволни од своите натпреварувачи, и ни изјавија дека продолжуваат со тренинзи уште посилно, бидејќи за брзо следат и повеќе меѓународни натпреварувања.

Претседателот на УФЦ, Дејна Вајт, потврди дела борбата меѓу Ирецот Конор Мек Грегор и Американецот Мајкл Чендлер ќе биде организирана во текот на оваа година.

„Тоа ќе се случи со текот на времето. Се надеваме оваа година. Се уште нема датум. Но, се надевам дека ќе можеме да организираме сè на есен“, рече Вајт.

Претходно и самиот Мекгрегор изјави дека неговата прва борба по паузата ќе биде со Американецот Мајкл Чендлер.

Првиот човек на Ред Бул, Кристијан Хорнер, барем според пишувањата на светските медиуми е под истрага поради неприкладно однесување кон една девојка во тимот.

Да потсетиме дека Хорнер е оженет со позната пејачка Гери Халовеј, некогашна членка на мега – популарната група “Спајс грлс“.

Портпаролот на Ф1 ги потврдил овие наводи и дека е покрената истрага за однесувањето на Хорнер. Инаку тој демантира се она што е поврзано со овој случај.

Исто така и членовите на тимот со кои новинарите контатирале се шокирани од се ова во врска со Хорнер.

Презакажаната пресметка меѓу шампионот на ВБЦ во тешка категорија Тајсон Фјури и шампионот на ВБА, ИБФ и ВБО во тешка категорија Олександр Усик ќе се одржи на 18 мај.

Новиот датум го објави принцот саудискиот принц Турки Ал аш-Шеик, во поткастот „The MMA Hour“.

Борбата меѓу Британскиот боксер Фјури и Украинецот Усик требаше да се одржи на 17 февруари во Ријад, Саудиска Арабија. Причина за откажувањето на мечот беше тоа што британскиот боксер доби сериозна расекотина на окото при спаринг.

Фјури вчера се извини за откажувањето на првичниот датум за боксерскиот спектакл.

Во текот на вчерашниот ден беше потврден еден од најголемите трансфери воопшто во спортот, Биртанецот Луис Хамилтон се одлучи од 2025 година да вози за тимот на Ферари.

Во текот на вчерашниот ден беше потврден еден од најголемите трансфери воопшто во спортот, Британецот Луис Хамилтон се одлучи од 2025 година да вози за тимот на Ферари.

Ферари за Хамилтон ќе биде само третиот тим во Формула 1 откако претходно ја започна кариерата во Мекларен за кој возеше од 2007 до 2012 година и освои една титулата, додека по преселбата во Мерцедес додаде уште шест во својата богата кариера.

„Поминав 11 прекрасни години во Мерцедес и горд сум на успесите кои ги постигнавме. Мерцедес е дел од мојот живот уште од кога имав 12 години. Ова е место каде што пораснав и затоа одлуката да заминам е најтешката која сум ја донел во кариерата. Но, сметам дека доаѓа во вистинско време да направам нов чекор. Засекогаш ќе бидам благодарен за неверојатната поддршка која ја имав, посебно на Тото Волф за пријателството и лидерството сакам заедно да ја завршиме сезоната на високо ниво“, изјави Хамилтон.