Македонската ракометна репрезентација ќе има двомеч со Јапонија во рамките на подготовките за Европското првенство 2026.

Јапонците во Скопје ќе дојдат за време на ЕХФ-неделата (27 октомври – 2 ноември) предвидена за тест средби.

Првиот меч ќе се одигра на 30 октомври, додека вториот е закажан на 1 ноември.

Третата рунда во машката ракометна Супер лига, носи нов дерби дуел. Повторно еден од „актерите“ ќе биде тимот на Алкалоид.

По дуелите со Охрид и Тиквеш, составот на Алкалоид сега ќе игра против шампионот Еурофарм Пелистер.

Од тимот од Автокоманда денеска е потврден и терминот на одигрување на дербито, а тоа е недела (21 септември) од 18 часот.

Денес во просториите на Ракометната федерација на Македонија се одржа прес-конференција на која официјално беше промовиран „Трофеј Македонија“ и најавен почетокот на Ракометниот караван 2025.

Овие два значајни спортски проекти имаат за цел да го подигнат ракометот на повисоко ниво, да ја зајакнат љубовта кон спортот кај најмладите генерации и да го доближат ракометот до сите љубители низ целата наша земја.

„После повеќе од една деценија ќе се одржи, а Охрид ќе биде домаќин каде на големо задоволство ќе ни гостуваат реноминирани селекции, Египет и Тунис, како и селекцијата на Грција. Ова е добар настан, кој ќе придонесе во она што сакаме да го изградиме во женскиот ракомет, но како и контрола за селекцијата која ги почнува квалификациите за СП 2026. Со турнирот ќе стартува и ракометниот караван, кој ќе се одржи во сабота, во салата „Билјанини Извори“, младите деца ќе се запознаат со ракометот како игра, мислам дека е добар старт за поголема афирмација за овој спорт. Во октомври продолжуваме во Битола и Прилеп, каде ќе ги

Ракометарите на Еурофарм Пелистер го одработија последниот тренинг пред првото гостување сезонава во Лигата на шампионите. Пред утрешниот пат за Париз и дуелот со ПСЖ, со новинарите зборуваа тренерот Гарабаја и голманот Митревски.

Рубен Гарабаја
(тренер на Еурофарм Пелистер)

Мораме да се фокусираме на самите себеси, за да напредуваме секојдневно. Треба да се фокусираме на добрите страни на ПСЖ и да го дадеме најдоброто од себе. Да се обидеме да бидеме ефективни и ништо да не му биде лесно на ривалот. ПСЖ има супер-тим, со супер-ракометари и одличен тренер. Добро е што играме со нив на почетокот на сезоната, бидејќи секојдневно ќе напредуваат. Во Париз нема да ги имаме нашите навивачи, нашиот осми играч, но сигурно ќе ја почувствуваме нивната поддршка.

Никола Митревски
(ракометар на Еурофарм Пелистер)

Било каков и да е ПСЖ се работи за гигантот во спортот и во ракометот. Можеби имаат и најголем буџет во Лигата на шампионите оваа сезона. Ние се подготвуваме гледајќи на самите себе, имаме своја тактика. Подобро е кога се победува, се зголемува самодовербата на играчите, расте психичкиот момент кај секој играч и добро е што ги победивме Вардар 1961 и Загреб и освоивме два бода во ЛШ. Одиме малку порастеретени на гостински терен во Париз.

Било која победа или бод освоен во гости добро ќе ни дојде. Не треба уште одсега да правиме калкулации, туку да мислиме натпревар по натпревар. Треба да ја играме својата игра, па што биде – нека биде.

По завршувањето на квалификациите познат беше и последниот ривал на Вардар во групната фаза од новата сезона во Европската лига, а ЕХФ веќе ги објави и распоредот и саатниците за сите натпревари на нашиот најтрофеен ракометен клуб.

Вардарци серијата ја започнуваат на 14 октомври со домашен меч против Сесвете, а натпреварите од групната фаза ги завршуваме со домашен меч, против Тулуз на 2 декември.

Распоред на натпреварите:
14.10.2025 – Вардар – Сесвете (18,45 ч.)
21.10.2025 – Тулуз – Вардар (18,45 ч.)
11.11.2025 – Кристијанштад – Вардар (18,45 ч.)
18.11.2025 – Вардар – Кристијанштад (18,45 ч.)
25.11.2025 – Сесвете – Вардар (20,45 ч.)
02.12.2025 – Вардар – Тулуз (20,45 ч.)

Вардарци сите домашни натпревари ќе ги игра во салата „Јане Сандански“ која се очекува одново да биде исполнета да последно место, како во времето кога тимот настапуваше во Лигата на шампионите.

Заврши серијата од 25 победи по ред во шампионатите на Македонија за Еурофарм Пелистер 2. Екипата на Вардар 1961 ја оправда фаворитската улога и славеше во Битола со 19-34 во рамките на второто коло од машката ракометна Суперлига. Првиот дел почна лоши за битолчани и по 0-3 и 3-9. Зарков побара тајм-аут. Сепак, играта на пелистерци не се подобри и на одмор се замина со 12-21.

И во вториот дел Еурофарм Пелистер 2 не претставуваше опасност и закана дека може да изненади. Николас Боно беше најдобар кај Вардар со шест гола, додека Георгиевски, Митровиќ, Хориха, Атанасовски и Ќосевски погодија по четири пати. Кај пелистерци, Ненад Белистојаноски имаше пет, а Одифред Баптист погоди четири пати.

Во следното трето коло Еурофарм Пелистер 2 гостува кај Куманово.

Ракометарите на Еурофарм Пелистер во средата во Битола беа подобри од хрватскиот шампион Загреб, во возбудлив натпревар кој беше запечатен со погодок на голманот на пелистерци, Саид Хаидарирад.

Искусниот чувар на мрежата од Иран се покажа во одлично светло на своето деби во дрес на Пелистер во ракометната елита, но за жал повторно се повреди и ќе биде надвор од комбинација на тренерот Гарабаја.

Хаидарирад ја обнови повредата со која се здоби на турнирот во Охрид. Се работи за парцијална руптура на задната ложа и најмалку еден месец ќе биде надвор од терените.

Хаидарирад во Битола пристигна летово од редовите на Партизан, а претходно седум години го носеше дресот на Динамо Букурешт.

Двократниот европски првак Вардар 1961 потпиша денеска нов договор со македонскиот голман Васил Гогов и тој ќе остане дел од „црвено-црните“ најмалку до јуни 2027 година.

„Актуелниот договор на Гогов истекува во јуни 2026, но задоволен од неговите настапи, клубот веднаш одлчи да му понуди продолжување“, се наведува во клупското соопштение.

Гогов, кој од 2019 година е дел од Вардар веќе неколку сезони е дел од првиот тим, сериозно се наметна како важен дел од голманската линија на Вардар. Во изминатата сезона доби сè поголема минутажа, што ја оправдува со доби настапи.

„Васил покажа дека има квалитет и карактер за Вардар. Неговиот напредок е очигледен и со нетрпение очекуваме да продолжи да расте во нашиот дрес“, соопшти Вардар 1961.

Во салата „Автокоманда“ во Скопје беше одиграно едно од највозбудливите отворања на новата сезона во македонската ракометна Супер Лига.

Алкалоид и ГРК приредија атрактивен дуел кој ја исполни публиката со неизвесност и големи пресврти, а средбата заврши без победник (24-24).

Гостите за прв пат се непоразени во домот на Алкалоид, во 13 одиграни меѓусебни средби.

Кај домашните, Урош Борзаш даде шест гола, а Монси Тордарсон запиша четири реализцаии, додека кај Охрид, Дарко Ѓукиќ имше пет, а Анте Иванковиќ четири гола.

Одличен беше и голманот Бојан Блажески со 10 одбрани.

Ракометарите на Еурофарм Пелистер со победа ја започнаа новата сезона во групата Б во Лигата на шампионите. Тие во преполната сала во Битола го совладаа тимот на Загреб со 25-23 (13-12).

Во прекрасен амбиент „зелено-белите“ одиграа одлично во самата завршница и успеаја да ја задржат предноста кој им ги донесе и првите бодови. Кај домаќинот се издвои Дејан Манасков со осум голови пред Кузмановски со шест и Хосни со четири. Во тимот од Хрватска се наметна Главаш со 7 голови.

Еурофарм Пелистер во второто коло на 18 септември ќе гостува кај ПСЖ кој денес загуби на гостувањето кај Магдебург со 37-31.