Македонскиот одбојкарски репрезентативец Ѓорѓи Ѓорѓиев следната сезона ќе ја мине во дресот на турскиот суперлигаш Бурса ББСК. Како што потврдија од клубот, тие денеска потпишаа договор со нашиот техничар, кој ќе биде едно од трите странски засилувања за Бурса во новата сезона.

Ѓоргиев минатата сезона го носеше дресот на Камбраи Волеј во Франција, но во вториот дел од сезоната беше дел од турскиот шампионат каде настапуваше за екипата на Хатај Беледиеспор. Бурса минатата сезона во турската елита заврши на шестото место.

Македонскиот одбојкарски шампион Струмица на денешната ждрепка во Ликсембург се најде во друштво на бугарскиот првак Нефтохимик Бургас, црногорскиот шампион Будва, како и екипата на Фино Капошвар од Унгарија во групата 1 за новата сезона од одбојкарската Лига на шампиони на ЦЕВ.

Струмица за пласман во следната фаза ќе мора да го освои првото или второто место во групата, кои единствено водат во следниот круг.

Според променетиот формат на ЦЕВ, оваа година ќе се играат две рунди во прелиминарната групна фаза на најсилното европско натпреварување.

Олимписките комитети на Русија и Белорусија нема да добијат покани од Интернационалниот олимписки комитет (ИОК) за Летните игри 2024 година во Париз, објавија од организацијата.

„Поканите за 203 национални олимписки комитети (НОК) ќе бидат испратени на 26 јули 2023 година. Од наведените причини, тие нема да ги вклучуваат НОК на Русија и Белорусија, како и НОК на Гватемала, кој останува суспендиран“, се вели во публикацијата.

Според соопштението на ИОК,  ќе одлучи за учество на спортисти од Русија и Белорусија „во соодветно време, по сопствено наоѓање и без повикување на резултатите од претходните олимписки квалификациски натпревари“.

Директорот на Мерцедес, Тото Волф, во изјава за медиумите најави дека седумкратниот светски шампион Луис Хамилтон, би можел да го продолжи договорот со тимот до трката за Големата награда на Канада која се вози претстојниот викенд.

Договорот на Хамилтон со Mерцедес истекува за шест месеци, и веќе се појавија шпекулации дека тој има понуда од Ферари, меѓутоа Волф изјави дека Британецот е на чекор до постигнување договор околу нова соработка.

Очекувањата се дека новиот договор со 38-годишниот возач ќе биде за период од неколу години и дека тој ќе продолжи да настапува во Формула 1 и во иднина.

Ф1 шампионатот продолжува во недела за Големата награда на Канада.

Пинг-понгарите на Младост 96 ја освоија шампионската титула во пингпонгарскиот шампионат на Македонија. Во финалните натпревари кои изминатиот викенд се одржаа во Прилеп, ППК Младост 96 со 4:1 сдлавеше на првиот дуел со Телеком Нец 2, додека вториот натпревар од финалето во плеј- офот го добија со тесни 4:3, со што со вкупен резултат 2:0 ја обезбедија шампионската титула.

Ова е втора титула за Младост 96 во последните три години. Тимот во текот а целата сезона имаше само еден пораз и покажа дека во моментов е најдобра екипа во државата.

Шефот на Ферари, Фредерик Васер, потврди дека му се извинил на Шарл Леклер за недоразбирањето меѓу него и луѓето од боксот за време на квалификациите за Големата награда на Монако.

Леклер заврши на третото место во квалификациите но, беше казнет со три места затоа што го задржа Ландо Норис во тунелот во третиот дел од сесијата.

Во целата ситуација тимот е виновен за тоа бидејќи луѓето од боксот не го предупредија Леклер за движењето на Норис.

Принцот Алберт Втори е уверен дека Големата награда на Монако има иднина во Формула 1 и дека треба да се направат одредени промени во преговорите за новиот договор.

 „Стефано Доменикали и Грег Мафи ми кажаа како ја гледаат иднината на Формула 1. Тие сакаат да ги направат трките подинамични и поатрактивни. Трката во Монако има договори кои не можеме да ги откажеме. Во 2025 година  ќе разговараме за прашањата околу спонзорите, ТВ преносите и други комерцијални прашања“, вели Принцот Алберт.

Украинската атлетичарка Јарослава Махучих со скок од 201 сантиметар победи на натпреварот во скок во височина на митингот од престижната Дијамантската лига во Рабат синоќа. Таа постави нов рекорд во ова натпреварување, а воедно и најдобар резултат сезонава во оваа дисциплина.

Најдобриот резултат досега во Рабат го имаше познатата хрватска рекордерка Бланка Влашиќ, која победи во 2011 година со скок од 197 см.

Најдобриот резултат на митингот во Рабат го постигна актуелниот светски шампион, олимписки победник и минатогодишен освојувач на Дијамантската лига на 3000 метри стиплчез, Мароканецот Суфиане Ел Бакали, кој делницата ја истрча за 7:56,68 минути. Со ова тој го подобри рекордот на митингот за 1,60 секунди, а воедно е и најубедливо најдобар резултат во оваа дисциплина во 2023 година.

Јошко Миленкоски е именуван за нов селектор на нашата репрезентација.

Миленкоски по пауза од 15 години повторно ќе седне на жешкото столче и ќе го предводи „спартанците“ на предизвиците како што се Европската лига, но и Европското првенство на кое ние сме еден од ко-домаќините заедно со заедно со Италија, Бугарија и Израел.

Јошко долго време е на одбојкарската сцена, има работено во многу клубови во Европа и светот, исто така ја има предводено и селекцијата на Турција.

Во моментов е дел од грчки АЕК со кого пред некое време го освои Купот на Грција.