Лампард „виси“, Шевченко најсериозен кандидат да го наследи

Менаџерското столче на Френк Лампард во Челси се тресе, без оглед што клупската легенда ужива голема доверба кај сопственикот Роман Абрамовиќ. „Сините“ периодов не играат на потребното ниво и се наоѓаат во слободен пад на табелата. Полека се зголемуваат шпекулациите за отказ на Лампард, а со тоа се појавуваат информации за негов потенцијален заменик на „Стемфорд Бриџ“. Најсериозни кандидати се Томас Тухел и Масимилијано Алегри, кои се слободни агенти, а деновиве се поврзува и селектор на Украина, Андриј Шевченко. Украинецот не брилираше во дресот на Челси но остави голема трага со професионализмот и одличната работа која ја извршува во националната селекција. Шевченко сигурно ќе им биде голема конкуренција на Тухел и Алегри, во случај Лампард да добие отказ.