Микел Хансен го напушта ПСЖ, изненади со изборот на нов клуб

Откако девет години настапуваше за ПСЖ, најдобриот ракометар на светот Микел Хансен се одлучи да ја напушти Франција.
Дански ТВ2 Спорт пишува дека легендарниот 33-годишен дански ракометар од летото 2022. година ќе биде член на Алборг, со кој потпиша договор на три години.
Со оглед на тоа што со најбогатиот клуб на светот не успеа да дојде до трофеј во Лигата на шампионите, единствената титула која му недостасува во богатата ризница, се очекуваше дека ќе го загуби трпението во Париз и дека ќе замине, но шокираше со одлуката за новиот клуб, бидејќи бројни стручњаци сметаа дека ќе се приклучи на некој од великаните со кој ќе тргне по долгоочекуваниот трофеј во Лигата на шампионите.
За Хансен, Алборг ќе биде петти клуб во кариерата по Гудме, Барселона, Копенхаген и ПСЖ. Хансен три пати беше прогласуван за најдобар ракометар на светот, а со Данска беше олимписки, европски и два пати светски првак.