Алкалоид со пораз ја почна регионалната лига

Алкалоид со пораз ја отвори Регионалната лига откако на свој терен, во Автокоманда загуби од Партизан со 31-39.

Ова беше и прво тренерско соочување на Раул Гонзалес со Кире Лазаров, битката ја доби Шпанецот.

Партизан постојано водеше, но Алкалоид не беше далеку во поголемиот дел од мечот, на полувремето црно-белите имаа предност од 17-15.

Но, во вториот дел Партизан заигра многу подобро, почна да се одлепува и на крајот славеше со убедливи 39-31.

Аљоша Дамјановиќ со десет голови беше најефикасен кај Партизан, за Алкалоид Костески реализираше шест пати, пет даде Цехте.

Во следното коло Алкалоид се среќава со Ловќен кој денеска беше прегазен од Еурофарм Пелистер.