Галијани фаворит за претседател на Италијанската федерација

Поранешниот долгогодишен извршен директор на Милан и Монца, 82-годишниот Адријано Галијани, официјално ја поднесе и му беше прифатена кандидатурата за нов претседател на Италијанската фудбалска федерација (ФИГЦ).

Галијани и официјално влегува во изборната трка за прв човек на италијанскиот фудбал.

Негов единствен противкандидат на претстојните избори ќе биде 67-годишниот Џовани Малаго, актуелниот привремен комесар на ФИГЦ и поранешен претседател на Италијанскиот олимписки комитет (КОНИ).

Изборното федерално собрание на кое ќе се бира новиот предводник на ФИГЦ е закажано за 14 декември 2026 година, а според официјалните информации, Галијани во оваа трка влегува со силна поддршка од Здружението на италијански фудбалери (АИЦ) и Здружението на италијански тренери (АИАЦ), кои заедно контролираат 30 отсто од гласачкото тело во собранието.