Најдобриот напаѓач на Ремс се сели во Вест Хем

Вест Хем сака да го ангажираат напаѓачот на Ремс, Булае Диа, објавија медиумите во Англија.
Популарните „чекани“ сакаат да го купат репрезентативецот на Сенегал како замена за Себастијан Але кој му беше продаден на Ајакс. 24-годишниот Диа предизвика големо внимание уште од почетокот на сезоната во Лига 1.
Африканецот постигна 12 гола на 17 натпревари и го запоседна врвот на листата на стрелците заедно со Килијан Мбапе од ПСЖ. Трансферната вредност на Диа е 11 милиони евра.