Необична ситуација во шпанската репрезентација!

Луис Енрике го објави списокот на 24 фудбалери кои ќе настапат на Европското првенство.

Интересно, ниту еден репрезентативец, не сакаше да го земе бројот 15, број кој е слободен откако Енрике се одлучи да не го повика Серхио Рамос. Со тој потег, соиграчите порачаа дека го чекаат Рамос во репрезентацијата по ова лето. Рамос за Шпанија одигра 180 натпревари и постигна 28 погодоци, а се уште не се знае каде ќе ја продолжи кариерата, бидејќи договорот со Реал му завршува наредниот месец.

Дани Олмо ќе го носи бројот 19, Алваро Мората седумката, Адама Траоре го има бројот 20, Тиаго Алкантара ќе ја носи десетката…

Голмани: Унаи Симон, Давид де Геа, Роберт Санчез

Дефанзивци: Хозе Гаја, Жорди Алба, Пау Торес, Ајмерик Лапорт, Ерик Гарсија, Диего Лоренте, Цезар Азпиликуета.

Среден ред: Серхио Бускетс, Родри, Педри, Тиаго Алкантара, Коке, Фабијан Руиз, Маркос Лоренте.

Напаѓачи: Дани Олмо, Микел Ојарзабал, Алваро Мората, Жерард Морено, Феран Торес, Адама Траоре, Пабло Сарабија.