Федерер потврди дека ќе игра на Олимписките игри

Роџер Федерер ќе учествува на Олимписките игри во Токио, објави Олимпискиот комитет на Швајцарија.

Според официјалното соопштение, Швајцарија ќе биде претставена со 116 натпреварувачи на најголемиот спортски фестивал на планетата.

Легендарниот тенисер по петтипат ќе учествува на Игрите. Во конкуренција на двојки, тој освои златен медал со Стен Вавринка во 2008 година, а во поединечна конкуренција освои сребро во 2012 година.