Мертенс го оперираше рамото, се враќа на терените за 2-3 недели

Дрис Мертенс беше опериран на левото рамо во Белгија. Тој ќе мора да мирува две или три недели, по што ќе започне процесот на рехабилитација. Фудбалерот беше опериран веднаш штом Белгија испадна од Евро 2020 за да биде подготвен за почетокот на новата сезона во Серија А.

„Дрис Мертенс беше подложен на стабилизирачка операција на левото рамо во Белгија од страна на д-р Деклекрк и под надзор на д-р Канонико. Играчот ќе мора да паузира две или три недели, а потоа ќе започне рехабилитацијата“, изјавија од Наполи.

34-годишниот Мертенс, кој има 102 натпревари со белгискиот тим, минатата сезона повторно беше клучна фигура во составот на Наполи. На 29 натпревари во Серија А, тој постигна 9 голови. Ветеранот потпиша нов договор со клубот во јуни, обврзувајќи се до летото 2022 година, со опција за продолжување на уште една сезона. Мертенс одигра 21 минута во поразот од Италија во 1:2 во четвртфиналето на Евро 2020, но не успеа да им помогне на „црвените ѓаволи“ да постигнат подобар резултат и да ја елиминираат Италија.